သမ္မတရုံး ဝန်ကြီးဌာန
 မြန်မာအစိုးရအဖွဲ့အစည်း | |
|---|---|
 | |
ပြည်ထောင်စုဝန်ကြီး | |
| အစိုးရအဖွဲ့အစည်း အကျဉ်းချုပ် | |
| အဖွဲ့အစည်းအမျိုးအစား | ဝန်ကြီးဌာန |
| ဌာနချုပ် | နိုင်ငံတော်သမ္မတအိမ်တော်၊ နေပြည်တော် |
| ဝန်ကြီးများ | လစ်လပ်၊ ပြည်ထောင်စုဝန်ကြီး |
| ဝက်ဘ်ဆိုက် | president-office.gov.mm |
သမ္မတရုံး ဝန်ကြီးဌာန (တနည်းအားဖြင့် ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတရုံး၊ အင်္ဂလိပ်: Office of the President of the Republic of the Union of Myanmar) သည် မြန်မာနိုင်ငံရှိ ဝန်ကြီးဌာနများတွင် နိုင်ငံတော် သမ္မတ တာဝန်ထမ်းဆောင်သည့်ရုံး ဖြစ်သည်။အနိုင်ရ လွှတ်တော်ကိုယ်စားလှယ်များဖြင့် ဖွဲ့စည်းထားသည့် ပြည်ထောင်စုလွှတ်တော်ကိုယ်စားပြုကော်မတီ (CRPH) က ဦးလွင်ကိုလတ်အား ပြည်ထောင်စုဝန်ကြီးတာဝန်များကို ထမ်းဆောင်ရန် ခေတ္တပြည်ထောင်စုဝန်ကြီးအဖြစ် ခန့်အပ်ထားသည်။[၁]
သမိုင်းကြောင်း
စစ်အစိုးရအုပ်ချုပ်ရေးမှ ဒီမိုကရေစီအုပ်ချုပ်ရေးသို့ကူးပြောင်းရာ ၂၀၁၁ခုနှစ်တွင် စတင်ဖွဲ့စည်းခဲ့သည်။နိုင်ငံတော်ငြိမ်းချမ်းရေးလုပ်ငန်းစဉ်များ ဆောင်ရွက်ရန်၊ ၂၀၁၃ အရှေ့တောင်အာရှ အားကစားပြိုင်ပွဲကို လက်ခံကျင်းပရန်နှင့် ၂၀၁၄အာဆီယံထိပ်သီးအစည်းအဝေးကို လက်ခံကျင်းပရန်အတွက် ၂၀၁၂ခုနှစ် စက်တင်ဘာလ၄ရက်နေ့တွင် နိုင်ငံတော်သမ္မတရုံးဝန်ကြီးဌာနကို ဝန်ကြီးဌာန၆ခုအထိတိုးချဲ့ခဲ့သည်။ [၂]၂၀၁၃ခုနှစ် ဇန်နဝါရီလ၉ရက်နေ့တွင် သမ္မတဦးသိန်းစိန်က ထိုစဉ်က ပြန်ကြားရေးဝန်ကြီးဌာနဒုတိယဝန်ကြီး ဦးရဲထွဋ်ကို နိုင်ငံတော်သမ္မတရုံး၏ ပထမဆုံးသော ပြောရေးဆိုခွင့်ရပုဂ္ဂိုလ်အဖြစ် ခန့်အပ်ခဲ့သည်။[၃]ထို့နောက်တွင် သမ္မတရုံးညွှန်ကြားရေးမှူးချုပ် ဦးဇော်ဌေးက ဆက်လက်ဆောင်ရွက်ခဲ့သည်။သမ္မတဦးထင်ကျော်လက်ထက်တွင် ဝန်ကြီးဌာနတစ်ခုအဖြစ်လျှော့ချခဲ့ပြီး ဒေါ်အောင်ဆန်းစုကြည်က ဝန်ကြီးအဖြစ်ဆောင်ရွက်ခဲ့သည်။
ဖွဲ့စည်းပုံ
- ပြည်ထောင်စုဝန်ကြီးရုံးအဖွဲ့
- သမ္မတဦးစီးရုံး
- ဒုတိယသမ္မတ (၁) ဦးစီးရုံး
- ဒုတိယသမ္မတ (၂) ဦးစီးရုံး
- နိုင်ငံရေးနှင့်လုံခြုံရေးဌာနကြီး
- စီးပွားရေးရာဌာနကြီး
- လူမှုရေးနှင့် ယဉ်ကျေးမှုဌာနကြီး
- စီမံရေးနှင့် ဘဏ္ဍာရေးဌာနကြီး
- အိမ်တော်များဌာနကြီး
- လုံခြုံရေးအရာရှိချုပ်ဌာနကြီး
- သုတေသန၊ သတင်းပြန်ကြားရေးနှင့် တိုင်ကြားစာများဌာနကြီး[၄]
သမ္မတအကြံပေးပုဂ္ဂိုလ်များ (၂၀၁၁-၂၀၁၆)
သမ္မတဦးသိန်းစိန်လက်ထက်တွင် စီးပွားရေး၊ သာသနာရေး၊ဥပဒေ၊ ပညာရေးဆိုင်ရာသမ္မတအကြံပေးပုဂ္ဂိုလ်များ ခန့်အပ်ခဲ့သည်။ သမ္မတအကြံပေးအဖွဲ့ဝင်၉ဦး[၅]ကို ၂၀၁၁ခုနှစ် ဧပြီ၁၉ရက်နေ့တွင် ခန့်အပ်ခဲ့သည်။[၆]၂၀၁၄ခုနှစ် ဇွန်လ၁၈ရက်နေ့တွင် ဦးမြင့်မောင်နှင့် ဦးစိန်ဝင်းအောင်ကို သာသနာရေးဆိုင်ရာ အကြံပေးအဖြစ် ထပ်မံခန့်အပ်ခဲ့သည်။[၇][၈][၉]
၂၀၁၄ခုနှစ်အထိ သမ္မတအကြံပေးအချို့မှာ အောက်ပါအတိုင်းဖြစ်သည်။
- နိုင်ငံရေး: ဦးကိုကိုလှိုင်[၁၀]
- စီးပွားရေး: ဦးမြင့်[၁၀]
- ဥပဒေ: ဦးစစ်အေး[၁၀]
- သာသနာရေး: ဦးမြင့်မောင်[၈]
- ပညာရေး: ဒေါ်ရင်ရင်နွယ်[၈]
ကိုးကား
- ↑ https://burmese.voanews.com/a/crph-acting-union-minister/5798240.html?nocache=1
- ↑ Nyein Nyein။ "Four New Ministries Created in President’s Office"၊ The Irrawaddy၊ 4 September 2012။
- ↑ "Burma President’s Office Appoints First Spokesperson"၊ The Irrawaddy၊ 9 January 2013။
- ↑ "နိုင်ငံတော်သမ္မတရုံးဝန်ကြီးဌာန"၊ National Web Portal။[လင့်ခ်သေ]
- ↑ "Myanmar president pledges to work for best of nation with advisory board"၊ CCTV၊ 5 April 2011။ Archived from the original on 7 July 2015။
- ↑ Notification No. 53/2013။ Republic of the Union of Myanmar President Office (7 August 2013)။
- ↑ Mathieson၊ David Scott။ "Burma: the Clash of Church, State, and Society"၊ Human Rights Watch၊ 9 July 2014။
- ↑ ၈.၀ ၈.၁ ၈.၂ Notification (No. 40/2014)။ Republic of the Union of Myanmar Union Government (18 June 2014)။
- ↑ Kyaw Hsu Mon။ "Burmese President Appoints New Religious Advisors"၊ The Irrawaddy၊ 19 June 2014။
- ↑ ၁၀.၀ ၁၀.၁ ၁၀.၂ "Advisory Board"၊ Alternative Asean Network on Burma၊ 9 September 2013။ Archived from the original on 5 December 2014။
 | ဤ မြန်မာနိုင်ငံ၏ အုပ်ချုပ်ရေးနှင့် နိုင်ငံရေး အကြောင်း ဆောင်းပါးမှာ ဆောင်းပါးတို တစ်ပုဒ်ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |