ကိုကိုလှိုင်

ကိုကိုလှိုင်
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန (၂) ပြည်ထောင်စုဝန်ကြီး
တာဝန်ထမ်းဆောင်ဆဲ
တာဝန် စတင် ၅ မေ ၂၀၂၄
ယခင်လူ	အောင်နိုင်ဦး
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန (၁) ပြည်ထောင်စုဝန်ကြီး
တာဝန်သက်တမ်း ၈ ဇန်နဝါရီ ၂၀၂၄ – ၅ မေ ၂၀၂၄
ယခင်လူ	ရာထူးစတင်
ဆက်ခံသူ	ဗိုလ်ချုပ်ကြီးမိုးအောင်
ပြည်ထောင်စုအစိုးရအဖွဲ့ရုံးဝန်ကြီးဌာန(၂) ပြည်ထောင်စုဝန်ကြီး
တာဝန်သက်တမ်း ၃ ဩဂုတ် ၂၀၂၃ – ၈ ဇန်နဝါရီ ၂၀၂၄
ယခင်လူ	ဦးချစ်နိုင်
အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီး
တာဝန်သက်တမ်း ၂ ဖေဖော်ဝါရီ ၂၀၂၁ – ၃ ဩဂုတ် ၂၀၂၃
ယခင်လူ	ဦးကျော်တင်
နိုင်ငံတော်သမ္မတရုံး နိုင်ငံရေးဆိုင်ရာအကြံပေးပုဂ္ဂိုလ်
တာဝန်သက်တမ်း ၁၉ ဧပြီ ၂၀၁၁ – ၃၁ မတ် ၂၀၁၆
ယခင်လူ	ရာထူးစတင်
ကိုယ်ရေး အချက်အလက်များ
မွေးဖွား	၁၉၅၆&#၁၆၀;(၁၉၅၆) (အသက် ၆၈) မြင်းမူမြို့၊ စစ်ကိုင်းတိုင်းဒေသကြီး
လူမျိုး	မြန်မာ
မိခင်ကျောင်း	စစ်တက္ကသိုလ်
အလုပ်အကိုင်	သုတေသနပညာရှင်နှင့် စာရေးဆရာ
စစ်မှုထမ်းခြင်း
သစ္စာခံနိုင်ငံ	မြန်မာ
တပ်/တပ်ဖွဲ့ခွဲ	တပ်မတော်
ရာထူး	ဗိုလ်မှူးကြီး

ဦးကိုကိုလှိုင် သည် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန (၂) ပြည်ထောင်စုဝန်ကြီး ဖြစ်သည်။နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန(၁)၊ ပြည်ထောင်စုအစိုးရအဖွဲ့ရုံးဝန်ကြီးဌာန (၂) နှင့် အပြည်ပြည်ဆိုင်ရာပူးပေါင်းဆောင်ရွက်ရေးပြည်ထောင်စုဝန်ကြီး များအဖြစ် တာဝန်ထမ်းဆောင်ခဲ့သူဖြစ်သည်။ ၎င်းသည် ထိုတာဝန်များမထမ်းဆောင်ခင် တပ်မတော်မှ သုတေသနပညာရှင်နှင့် စာရေးဆရာဖြစ်သည်။ဦးသိန်းစိန်အစိုးရ၏ နိုင်ငံတော်သမ္မတရုံး၊ နိုင်ငံရေးဆိုင်ရာအကြံပေးပုဂ္ဂိုလ်လည်းဖြစ်သည်။

ငယ်ဘဝ

၁၉၇၆ခုနှစ်တွင် စစ်တက္ကသိုလ်မှ ကျောင်းဆင်းခဲ့ပြီး တပ်မတော်သို့ ပြန်တမ်းဝင်အရာရှိအဖြစ် ဝင်ရောက်ခဲ့သည်။၁၉၉၁ခုနှစ်မှ ၂၀၀၄ခုနစ်အထိ စစ်ရုံး၏ ပထမအဆင့် သုတေသနပညာရှင်အဖြစ် ဆောင်ရွက်ခဲ့သည်။၂၀၀၄ခုနှစ်တွင် ပြန်ကြားရေးဝန်ကြီးဌာန၏ စာပေစိစစ်နှင့်မှတ်ပုံတင်ဌာနတွင် ရာထူးတိုးမြှင့်ခံခဲ့ရသည်။သူသည် မြန်မာစာပေနှင့် စာနယ်ဇင်းအဖွဲ့ ဒုတိယဥက္ကဋ္ဌလည်းဖြစ်ခဲ့သည်။

ဝန်ကြီးဖြစ်လာပုံ

၂၀၂၁ ဖေဖော်ဝါရီ ၁ရက်နေ့ကစပြီး နိုင်ငံတော်စီမံအုပ်ချုပ်ရေးကောင်စီ က ၎င်းကို အပြည်ပြည်ဆိုင်ရာပူးပေါင်းဆောင်ရွက်ရေးပြည်ထောင်စုဝန်ကြီးအဖြစ် တာဝန်ပေးအပ်ခဲ့သည်။ ဝန်ကြီး ဖြစ်လာသည့် ဦးကိုကိုလှိုင်သည် အပြည်ပြည်ဆိုင်ရာတရားရုံး (ICJ) တွင် တရားရင်ဆိုင်မှုကို ဦးဆောင်မည့် တရားရင်ဆိုင်ခြင်းဆိုင်ရာ ဦးဆောင်ကော်မတီ ၏ ဒုတိယဥက္ကဋ္ဌ တာဝန်ပါ ပေးအပ်ခံရသည်။

ယင်းနောက် ရိုဟင်ဂျာများအပေါ် လူမျိုးတုံးသတ်ဖြတ်မှုများကျူးလွန်ခဲ့သည်ဆိုသော စွဲချက်နှင့်  ပတ်သက်ပြီး နယ်သာလန်နိုင်ငံ၊ သည်ဟိဂ်မြို့ရှိ အပြည်ပြည်ဆိုင်ရာတရားရုံး(ICJ)၏ ၂၀၂၂ခုနှစ်ဖေဖော်ဝါရီ ၂၁ရက်ကြားနာပွဲတွင်  မြန်မာဘက်မှနေ၍ လျှောက်လဲတင်ပြခဲ့သည့် မြန်မာကိုယ်စားလှယ်အသစ်ဖြစ်လာခဲ့သည်။

ထို့အပြင် ၂၀၂၂ခုနှစ် မေလ ၆ရက်က ကမ္ဘာဒီးယားနိုင်ငံ ဖနောင်ပင်မြို့၌  ကျင်းပခဲ့သော မြန်မာနိုင်ငံသို့ အာဆီယံ၏ လူသားချင်း စာနာထောက်ထားမှု အကူအညီပေးအပ်ရေးဆိုင်ရာ အစည်းအဝေး (Consultative Meeting on ASEAN Humanitarian Assistance to Myanmar) သို့ နိုင်ငံတော်စီမံအုပ်ချုပ်ရေးကောင်စီ ကိုယ်စားပြုသည့် ပြည်ထောင်စုအဆင့်ဝန်ကြီးတစ်ဦးအနေဖြင့် တက်ရောက်ခဲ့သည်။

၎င်းသည်  မြန်မာပြည်တွင်းရှိ ကုလသမဂ္ဂအေဂျင်စီများနှင့် နိုင်ငံတကာအန်ဂျီအိုများအား ကြီးကြပ်ရသည့် အလုပ်ကော်မတီတွင် ဥက္ကဋ္ဌတာဝန်ကိုပါ ယူထားရကာ လူသားချင်းစာနာမှု နိုင်ငံတကာအကူအညီများအား ကိုင်တွယ်ရသူ ဖြစ်သည်။ သူသည် ၂၀၂၃ ဩဂုတ် ၃ရက်တွင် ပြည်ထောင်စုအစိုးရအဖွဲ့ရုံးဝန်ကြီးဌာန (၂) ပြည်ထောင်စုဝန်ကြီး ဖြစ်လာခဲ့သည်။