အမျိုးသားလွှတ်တော်

အမျိုးသားလွှတ်တော်
အမျိုးသားလွှတ်တော်
	ဒုတိယအကြိမ် အမျိုးသားလွှတ်တော်
အမျိုးအစား
အမျိုးအစား	ပြည်ထောင်စုလွှတ်တော် ၏ အထက်လွှတ်တော်
သမိုင်းကြောင်း
တည်ထောင်ခြင်း	၃၁ ဇန်နဝါရီ ၂၀၁၁
ခေါင်းဆောင်များ
ဥက္ကဋ္ဌ	လစ်လပ်
ဒုဥက္ကဋ္ဌ	ဦးအေးသာအောင်၊ ANP ; ၃ ဖေဖော်ဝါရီ ၂၀၁၆ ကတည်းက
ဖွဲ့စည်းပုံ
အမတ်ဦးရေ	အမတ်ဦးရေ ၂၂၄ ဦး
အမျိုးသားလွှတ်တော် နိုင်ငံရေး အုပ်စုများ	NLD (၁၃၅); USDP (၁၁); ANP (၁၀); SNLD (၃); TNP (၂); ZCD (၂); MNP (၁); NUP (၁); PONO (၁); တစ်သီးပုဂ္ဂလ (၂); တပ်မတော် (၅၆)
ရွေးကောက်ပွဲများ
အမျိုးသားလွှတ်တော် နောက်ဆုံး ရွေးကောက်ပွဲ	၈ နိုဝင်ဘာ ၂၀၂၀
ဆွေးနွေးရာနေရာ
	ပြည်ထောင်စုလွှတ်တော်၊ နေပြည်တော်
ဝက်ဘ်ဆိုဒ်
	amyotha.hluttaw.mm

အမျိုးသားလွှတ်တော်သည် မြန်မာနိုင်ငံ၏ ဥပဒေပြုဌာနတစ်ရပ်ဖြစ်ပြီး ပြည်ထောင်စု လွှတ်တော်၏ အထက်လွှတ်တော်ဖြစ်သည်။ အမျိုးသားလွှတ်တော်တွင် အမတ် ၂၂၄ ဦး ပါဝင်ဖွဲ့စည်းထားသည်။ ၁၆၈ ဦးမှာ လူထုမှ ရွေးကောက်တင်မြှောက် ထားသူများဖြစ်ကာ ကျန် ၅၆ ဦးမှာ တပ်မတော် ကာကွယ်ရေး ဦးစီးချုပ်မှ အမည်တင်သွင်းထားသည့် တပ်မတော်သား ကိုယ်စားလှယ်များ ဖြစ်သည်။ လူထုရွေးကောက်တင်မြှောက်ပုံမှာ ပြည်နယ်(သို့)တိုင်းဒေသကြီး တစ်ခုစီမှ ကိုယ်စားလှယ် ၁၂ ဦးစီ အချိုးကျနှုန်းဖြင့် သက်ဆိုင်ရာပြည်နယ် (သို့) တိုင်းဒေသကြီးများတွင် ရွေးကောက်ပွဲကော်မရှင်မှ သတ်မှတ်ထားသည့် မဲဆန္ဒနယ်များမှ ရွေးကောက်တင်မြှောက်ခြင်းဖြစ်သည်။ ထို့ကြောင့် ပြည်နယ်နှင့် တိုင်းဒေသကြီး ၁၄ ခုတို့မှ ကိုယ်စားလှယ် ၁၆၈ ဦး (၁၄×၁၂) တင်မြှောက်ခြင်းဖြစ်သည်။

အမျိုးသားလွှတ်တော်၏ သက်တမ်းမှာ ပထမအကြိမ် အစည်းအဝေး စတင်ကျင်းပသည့် နေ့မှစ၍ ၅ နှစ် ဖြစ်သည်။ လက်ရှိ အမျိုးသားလွှတ်တော် ဥက္ကဋ္ဌမှာ လစ်လပ်နေသည်။

အမျိုးသားလွှတ်တော်ရှိ လူထုမှ ရွေးကောက်တင်မြှောက်သော ကိုယ်စားလှယ်များသည် သမ္မတရွေးချယ်တင်မြှောက်ရေးအဖွဲ့ကို ဖွဲ့စည်းကာ ဒုတိယသမ္မတ တစ်ဦးကို ရွေးချယ်ခွင့်ရှိသည်။

တပ်မတော်သား ကိုယ်စားလှယ်များမှာ ပြည်သူ့လွှတ်တော်မှ တပ်မတော်သား ကိုယ်စားလှယ်များနှင့် သမ္မတရွေးချယ်ရေးအဖွဲ့ကို ဖွဲ့စည်းကာ ၎င်းတို့နှစ်သက်ရာ ဒုတိယသမ္မတ ၁ ဦးကို ရွေးချယ်ခွင့်ရှိသည်။

အမျိုးသားလွှတ်တော် ရွေးကောက်ပွဲဥပဒေများ

အမျိုးသားလွှတ်တော် ရွေးကောက်ပွဲဥပဒေကို ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ ပုဒ်မ ၄၄၃ အရ နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီက ၈.၃.၂၀၁၀ ရက်နေ့တွင် ဥပဒေအမှတ် (၄/၂၀၁၀) ဖြင့် ထုတ်ပြန်ပြဋ္ဌာန်းခဲ့ပါသည်။

ယင်းဥပဒေကို ပြည်ထောင်စုလွှတ်တော်က ၁၈.၁၀.၂၀၁၁ ရက်နေ့တွင် ပြည်ထောင်စုလွှတ်တော်ဥပဒေအမှတ် (၉) ဖြင့် “အမျိုးသားလွှတ်တော် ရွေးကောက်ပွဲဥပဒေကို ပြင်ဆင်သည့်ဥပဒေ” အဖြစ် ထုတ်ပြန်ပြဋ္ဌာန်းခဲ့ပြီးဖြစ်ပါသည်။ ပြည်ထောင်စုလွှတ်တော်ဥပဒေအမှတ် (၉) ဖြင့် အောက်ပါပုဒ်မများကို ပြင်ဆင်/ဖြည့်စွက် ပြဋ္ဌာန်းပေးခဲ့ကြောင်းတွေ့ရပါသည် -

(က) ပုဒ်မ ၇၄၊ ပုဒ်မခွဲ (က)
(ခ) ပုဒ်မ ၈၈။

အမျိုးသားလွှတ်တော် ရွေးကောက်ပွဲဥပဒေအား ဒုတိယအကြိမ် ပြင်ဆင်သည့် ဥပဒေကို ၁၇.၆.၂၀၁၅ ရက်နေ့တွင် ပြည်ထောင်စုလွှတ်တော်ဥပဒေအမှတ် (၃၃) ဖြင့် အောက်ပါပုဒ်မများကို အစားထိုး ပြင်ဆင် ပြဋ္ဌာန်းပေးခဲ့ပါသည် -

(က) ပုဒ်မ ၂၊ ပုဒ်မခွဲ (ဇ)၊ ပုဒ်မခွဲငယ် (၁)၊ (၂)
(ခ) ပုဒ်မ ၂၂၊ ပုဒ်မ ၂၄၊ ပုဒ်မ ၂၅၊ ပုဒ်မ ၂၆၊ ပုဒ်မ ၄၉၊ ပုဒ်မခွဲ (က)၊ ပုဒ်မ ၅၅
(ဂ) ပုဒ်မ ၆၊ ပုဒ်မခွဲ (က)၊ ပုဒ်မ ၁၄၊ ပုဒ်မခွဲ (က)၊ ပုဒ်မ ၁၅၊ ပုဒ်မခွဲ (က)

အမျိုးသားလွှတ်တော် ရွေးကောက်ပွဲဥပဒေအား တတိယအကြိမ် ပြင်ဆင်သည့် ဥပဒေကို ၁၈.၁.၂၀၁၆ ရက်နေ့တွင် ပြည်ထောင်စုလွှတ်တော်ဥပဒေအမှတ် (၈) ဖြင့် အောက်ပါ ပုဒ်မများကို ပြင်ဆင်/ဖြည့်စွက် ပြဋ္ဌာန်းပေးခဲ့ပါသည် -

(က) ပုဒ်မ ၂၊ ပုဒ်မခွဲ (ဃ)
(ခ) ပုဒ်မ ၆၈၊ ပုဒ်မခွဲ (က)၊ (ခ)၊ (ဂ)
(ဂ) ပုဒ်မ ၈၈၊ ပုဒ်မခွဲ (က)၊ (ခ)၊ (ဂ)
(ဃ) ပုဒ်မ ၈၉၊ ပုဒ်မခွဲ (က)၊ (ခ)

အမျိုးသားလွှတ်တော် ရွေးကောက်ပွဲဥပဒေအား စတုတ္ထအကြိမ် ပြင်ဆင်သည့် ဥပဒေကို ၈.၆.၂၀၁၆ ရက်နေ့တွင် ပြည်ထောင်စုလွှတ်တော်ဥပဒေအမှတ် (၃၁) ဖြင့် အမျိုးသားလွှတ်တော် ရွေးကောက်ပွဲဥပဒေ ပုဒ်မ ၈၉၊ ပုဒ်မခွဲ (က) ကို အစားထိုး ပြဋ္ဌာန်းပေးခဲ့ပါသည်။

အမျိုးသားလွှတ်တော် ရွေးကောက်ပွဲဥပဒေအား ပဉ္စမအကြိမ် ပြင်ဆင်သည့် ဥပဒေကို ၂၄.၁၂.၂၀၁၉ ရက်နေ့တွင် ပြည်ထောင်စုလွှတ်တော်ဥပဒေအမှတ် (၃၇) ဖြင့် အောက်ပါပုဒ်မများကို ပြင်ဆင်/ဖြည့်စွက် ပြဋ္ဌာန်းပေးခဲ့ပါသည် -

(က) ပုဒ်မ ၁၃
(ခ) ပုဒ်မ ၆၈
(ဂ) ပုဒ်မ ၈၉

၂၀၂၅

အမျိုးသားလွှတ်တော် ရွေးကောက်ပွဲဥပဒေကို ဆဌမအကြိမ်ပြင်ဆင်သည့်ဥပဒေကို ၂၉.၇.၂၀၂၅ ရက်နေ့တွင် နိုင်ငံတော်စီမံအုပ်ချုပ်ရေးကောင်စီဥပဒေအမှတ် (၄၆/၂၀၂၅) ဖြင့် အောက်ပါပုဒ်မများကို ပြင်ဆင်/ဖြည့်စွက် ပြဋ္ဌာန်းခဲ့သည်။ ပုဒ်မ ၂၊ ပုဒ်မ ၄ ၊ ပုဒ်မ ၈၊ ပုဒ်မ ၁၃ (က)၊(ခ)၊ပုဒ်မ ၁၄ (က)၊(ခ)၊ပုဒ်မ ၁၇ (က)၊(ခ)၊ပုဒ်မ ၁၈ (က)၊(ခ)၊(ဂ)၊ ပုဒ်မ ၁၉ (က)၊ပုဒ်မ ၂၂၊ပုဒ်မ ၂၄၊ပုဒ်မ ၂၇၊ ပုဒ်မ ၂၈၊ ပုဒ်မ ၃၀၊ ပုဒ်မ ၃၅၊ပုဒ်မ ၄၀၊ ပုဒ်မ ၄၃၊ပုဒ်မ ၄၅၊ပုဒ်မ ၄၆၊ပုဒ်မ ၄၈၊ပုဒ်မ ၄၉၊ ပုဒ်မ ၅၂၊ပုဒ်မ ၅၅၊ပုဒ်မ ၅၈၊ပုဒ်မ ၆၄၊ ပုဒ်မ ၆၅၊ ပုဒ်မ ၆၆၊ ပုဒ်မ ၇၀၊ ပုဒ်မ ၇၈၊ ပုဒ်မ ၈၁၊ပုဒ်မ ၈၂၊ ပုဒ်မ ၈၈၊ပုဒ်မ ၈၉ တို့ကို ပြင်ဆင်ခြင်း၊ ဖြည့်စွက်ခြင်းများ ပါဝင်သည်။^[၁]

၂၀၂၅ ခုနှစ် ဇူလိုင်လ ၂၉ ရက်နေ့တွင် အမျိုးသားလွှတ်တော်နှင့် တိုင်းဒေသကြီး/ပြည်နယ် လွှတ်တော် ရွေးကောက်ပွဲဥပဒေကို ဆဋ္ဌမအကြိမ်မြောက် ပြင်ဆင်ပြဋ္ဌာန်းလိုက်ရာ၊ ၎င်းဥပဒေသည် အချိုးကျကိုယ်စားပြု (PR) စနစ်နှင့် နိုင်သူကုန်ယူ (FPTP) စနစ်တို့ကို ပူးတွဲကျင့်သုံးရန် ရည်ရွယ်သည်။ အမျိုးသားလွှတ်တော် ရွေးကောက်ပွဲဥပဒေ ပုဒ်မ ၄ အရ ကော်မရှင်သည် မဲဆန္ဒနယ်များ သတ်မှတ်ရာတွင် ကိုယ်ပိုင်အုပ်ချုပ်ခွင့်ရတိုင်း/ဒေသ မပါရှိသော တိုင်းဒေသကြီး/ပြည်နယ်များအတွက် FPTP စနစ်ဖြင့် ကိုယ်စားလှယ် ၆ ဦးကို မြို့နယ်များစုစည်း၍ ရွေးချယ်ရန် သတ်မှတ်ပေးရမည်ဖြစ်ပြီး၊ ကိုယ်ပိုင်အုပ်ချုပ်ခွင့်ရတိုင်း/ဒေသ ပါရှိသော တိုင်းဒေသကြီး/ပြည်နယ်များအတွက်မူ ကိုယ်ပိုင်အုပ်ချုပ်ခွင့်ရတိုင်း/ဒေသ တစ်ခုစီကို မဲဆန္ဒနယ်တစ်ခုစီအဖြစ် သတ်မှတ်ကာ ကျန်ရှိသောမဲဆန္ဒနယ်များကို မြို့နယ်များစုစည်း၍ FPTP စနစ်ဖြင့် ကိုယ်စားလှယ် ၆ ဦး ရွေးချယ်ရမည်ဖြစ်သည်။ ကျန်ရှိသည့် ကိုယ်စားလှယ် ၆ ဦးကိုမူ PR စနစ်ဖြင့် ရွေးကောက်တင်မြှောက်ရန် မဲဆန္ဒနယ်များ သတ်မှတ်ရမည်ဖြစ်ပြီး၊ ပြည်ထောင်စုနယ်မြေအဖြစ် သတ်မှတ်သော နေရာသည် မူလမဲဆန္ဒနယ်အတွင်း၌သာ ပါဝင်သည်ဟု မှတ်ယူရမည်။^[၂]

တိုင်းဒေသကြီး သို့မဟုတ် ပြည်နယ်လွှတ်တော် ရွေးကောက်ပွဲဥပဒေ ပုဒ်မ ၄ အရ ကော်မရှင်သည် မဲဆန္ဒနယ်များ သတ်မှတ်ရာတွင် မြို့နယ်တစ်မြို့နယ်လျှင် ကိုယ်စားလှယ်တစ်ဦးကျစီကို FPTP စနစ်ဖြင့် ရွေးချယ်ရန် သတ်မှတ်ရမည်ဖြစ်ပြီး၊ ကျန်ရှိသောကိုယ်စားလှယ်များအတွက် မြို့နယ်များကို စုစည်း၍ PR စနစ်ဖြင့် ရွေးချယ်နိုင်ရန် မဲဆန္ဒနယ်များ သတ်မှတ်ရမည်။ တိုင်းရင်းသားလူမျိုး ကိုယ်စားလှယ်များအတွက်မူ သက်ဆိုင်ရာ တိုင်းဒေသကြီး သို့မဟုတ် ပြည်နယ်တစ်ခုလုံးကို မဲဆန္ဒနယ်တစ်ခုစီအဖြစ် သတ်မှတ်ရမည်။ အမျိုးသားလွှတ်တော် ရွေးကောက်ပွဲဥပဒေ ပုဒ်မ ၆၄ တွင် ရွေးကောက်ပွဲဆိုင်ရာ ပြစ်မှုများဖြစ်သည့် လိမ်လည်စွပ်စွဲခြင်း၊ မဲမမှန်ကန်ကြောင်း တိုင်တန်းခြင်း၊ ရွေးကောက်ပွဲနှောင့်ယှက်ခြင်း၊ သို့မဟုတ် အီလက်ထရောနစ်မဲပေးစက် ဖျက်ဆီးခြင်းများအတွက် ထောင်ဒဏ်သုံးနှစ်အထိ သို့မဟုတ် ငွေဒဏ် သို့မဟုတ် ဒဏ်နှစ်ရပ်လုံး ချမှတ်နိုင်ကြောင်း ပြဋ္ဌာန်းထားသည်။ ပုဒ်မ ၈၁-က (အသစ်ထပ်မံဖြည့်စွက်) အရ FPTP စနစ်ဖြင့် ရွေးကောက်တင်မြှောက်ခံရသော ကိုယ်စားလှယ်တစ်ဦးသည် တရားမဲ့ပြုကျင့်မှုကြောင့် ရွေးကောက်ပွဲရလဒ် ပျက်ပြယ်ပါက ၎င်း၏မဲရလဒ်များကို ပယ်ဖျက်မည်ဖြစ်ပြီး၊ PR စနစ်ဖြင့် ရွေးချယ်ခံရသူများအတွက်မူ ပယ်ဖျက်လိုက်သည့်မဲများကို နုတ်၍ ကျန်ရှိသောမဲများကို ပြန်လည်တွက်ချက်ကာ ကိုယ်စားလှယ်အမည်စာရင်းကို ပြန်လည်ကြေညာရမည်။

ပုဒ်မ ၈၈ (က) အရ နိုင်ငံတော်သစ္စာဖောက်ဖျက်မှု သို့မဟုတ် အဂတိလိုက်စားမှုစသည့် ပြင်းထန်သည့်ပြစ်မှုများဖြင့် ပြစ်ဒဏ်ချမှတ်ခံရသူများသည် မည်သည့်လွှတ်တော်ကိုယ်စားလှယ်လောင်းအဖြစ်မှ ယှဉ်ပြိုင်ခွင့်မရှိတော့ဘဲ၊ ပုဒ်မ ၈၈ (ခ) အရ ကော်မရှင်က တရားမဲ့ပြုကျင့်မှုများကို စစ်ဆေးတွေ့ရှိပါက ပါတီ သို့မဟုတ် အဖွဲ့အစည်းမှ တာဝန်ရှိသူများ ပါဝင်ပတ်သက်ခဲ့ကြောင်း ပေါ်ပေါက်ပါက သက်ဆိုင်ရာ ကိုယ်စားလှယ်လောင်းသည် လက်ရှိနှင့် နောက်ထပ်လွှတ်တော်သက်တမ်းနှစ်ခုအတွက် ပါဝင်ယှဉ်ပြိုင်ခွင့် ဆုံးရှုံးမည်ဖြစ်သည်။

ပုဒ်မ ၈၉ (က) အရ လွှတ်တော်ကိုယ်စားလှယ်နေရာ လစ်လပ်ပါက PR စနစ်ဖြင့် ရွေးချယ်သူများအတွက် သတ်မှတ်ချက်အတိုင်း အစားထိုးဖြည့်စွက်မည်ဖြစ်ပြီး၊ FPTP စနစ်ဖြင့် ရွေးချယ်သူများအတွက်မူ ဥပဒေနှင့်အညီ ရွေးကောက်တင်မြှောက်ခြင်း ဆောင်ရွက်ရမည်ဟု ပြင်ဆင်ပြဋ္ဌာန်းထားသည်။

ခေါင်းဆောင်မှု

စဉ်	လွှတ်တော်သက်တမ်း	သဘာပတိ	ဥက္ကဋ္ဌ	ဒုတိယဥက္ကဋ္ဌ
၁။	ပထမအကြိမ် အမျိုးသားလွှတ်တော်	ခက်ထိန်နန်	ခင်အောင်မြင့်	မြငြိမ်း
၂။	ဒုတိယအကြိမ် အမျိုးသားလွှတ်တော်	ဇုန်လှယ်ထန်း	မန်းဝင်းခိုင်သန်း	အေးသာအောင်

မဲဆန္ဒနယ် သတ်မှတ်ခြင်း

၂၀၂၅ ခုနှစ်၊ အထွေထွေ ရွေးကောက်ပွဲ

ပြည်ထောင်စုရွေးကောက်ပွဲကော်မရှင်သည် ၂၀၂၅ ခုနှစ် ပါတီစုံဒီမိုကရေစီ အထွေထွေရွေးကောက်ပွဲအတွက် လွှတ်တော်အသီးသီး၏ မဲဆန္ဒနယ်မြေများကို ဩဂုတ်လ ၁၅ ရက်နေ့တွင် ထုတ်ပြန်လိုက်ပြီး ယင်းထုတ်ပြန်ချက်အရ အမျိုးသားလွှတ်တော်အတွက် ရောနှောထားသော ကိုယ်စားလှယ်အချိုးကျစနစ် (MMP) ဖြင့် ၁၁၀ နယ် (FPTP ၈၄ နယ်၊ PR ၂၆ နယ်)ကို သတ်မှတ်ထားသည်။ ^[၃]

ပထမအကြိမ် အမျိုးသားလွှတ်တော်

ရွေးကောက်ခံ ကိုယ်စားလှယ်များ

အထွေထွေ ရွေးကောက်ပွဲ ၂၀၁၀
ပါတီ		အမတ်နေရာ^[၄]	%
	ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ	၁၂၉	၅၇.၅၉
	ရခိုင်တိုင်းရင်းသားများ တိုးတက်ရေး ပါတီ	၇	၃.၁၃
	တိုင်းရင်းသားစည်းလုံးညီညွတ်ရေးပါတီ	၅	၂.၂၃
	အမျိုးသား ဒီမိုကရေစီ အင်အားစု	၄	၁.၇၉
	မွန်ဒေသလုံးဆိုင်ရာ ဒီမိုကရေစီပါတီ	၄	၁.၇၉
	ချင်းတိုးတက်ရေးပါတီ	၄	၁.၇၉
	ရှမ်းတိုင်းရင်းသားများ ဒီမိုကရက်တစ် ပါတီ	၃	၁.၃၃
	ဖလုံ-စဝေါ် ဒီမိုကရက်တစ်ပါတီ	၃	၁.၃၃
	ချင်းအမျိုးသားပါတီ	၂	၀.၈၉
	ပအိုဝ်း အမျိုးသား အဖွဲ့ချုပ်	၁	၀.၄၅
	ကရင်ပြည်သူ့ပါတီ	၁	၀.၄၅
	တအာင်း(ပလောင်)အမျိုးသားပါတီ	၁	၀.၄၅
	ဝ ဒီမိုကရက်တစ်ပါတီ	၁	၀.၄၅
	စည်းလုံးညီညွတ်ရေးနှင့်ဒီမိုကရေစီပါတီ ကချင်ပြည်နယ်	၁	၀.၄၅
	ကရင်ပြည်နယ်ဒီမိုကရေစီနှင့်ဖွံ့ဖြိုးတိုးတက်ရေးပါတီ	၁	၀.၄၅
	တစ်သီးပုဂ္ဂလ	၁	၀.၄၅
	တပ်မတော်	၅၆	၂၅.၀၀
စုစုပေါင်း		၂၂၄	၁၀၀

၂၀၁၂ ကြားဖြတ်ရွေးကောက်ပွဲ

ကြားဖြတ်ရွေးကောက်ပွဲ ၂၀၁၂
ပါတီ		အနိုင်ရအမတ်နေရာ	အပြောင်းအလဲ	ယခင်အမတ်နေရာ	ရွေးကောက်ပွဲအပြီး အမတ်နေရာ^[၅]
	ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ	၁	၅	၁၂၈	၁၂၃
	ရခိုင်တိုင်းရင်းသားများ တိုးတက်ရေး ပါတီ	၀		၇	၇
	တိုင်းရင်းသားစည်းလုံးညီညွတ်ရေးပါတီ	၀		၅	၅
	အမျိုးသားဒီမိုကရေစီအဖွဲ့ချုပ်	၄	၄	၁	၅
	အမျိုးသား ဒီမိုကရေစီ အင်အားစု	၀		၂	၂
	အမျိုးသားဒီမိုကရေစီပါတီသစ်	၀		၁	၁
	မွန်ဒေသလုံးဆိုင်ရာ ဒီမိုကရေစီပါတီ	၀		၄	၄
	ချင်းတိုးတက်ရေးပါတီ	၀		၄	၄
	ရှမ်းတိုင်းရင်းသားများ ဒီမိုကရက်တစ် ပါတီ	၁	၁	၃	၄
	ဖလုံ-စဝေါ် ဒီမိုကရက်တစ်ပါတီ	၀		၃	၃
	ချင်းအမျိုးသားပါတီ	၀		၂	၂
	ပအိုဝ်း အမျိုးသား အဖွဲ့ချုပ်	၀		၁	၁
	ကရင်ပြည်သူ့ပါတီ	၀		၁	၁
	တအာင်း(ပလောင်)အမျိုးသားပါတီ	၀		၁	၁
	ဝ ဒီမိုကရက်တစ်ပါတီ	၀		၁	၁
	စည်းလုံးညီညွတ်ရေးနှင့်ဒီမိုကရေစီပါတီ ကချင်ပြည်နယ်	၀		၁	၁
	ကရင်ပြည်နယ်ဒီမိုကရေစီနှင့်ဖွံ့ဖြိုးတိုးတက်ရေးပါတီ	၀		၁	၁
	တစ်သီးပုဂ္ဂလ	၀		၁	၁
လစ်လပ်		၀		၁	၁
	တပ်မတော်	–	–	၅၆	၅၆
စုစုပေါင်း		၆		၂၂၄	၂၂၄

ဒုတိယအကြိမ် အမျိုးသားလွှတ်တော်

၂၀၁၆ မှ ၂၀၂၀

အမျိုးသားလွှတ်တော် ၂၀၁၅^[၆]
ပါတီ		အမတ်နေရာ	အသားတင် အနိုင်/အရှုံး	နေရာ %	မဲ %	မဲ	+/−
	အမျိုးသားဒီမိုကရေစီအဖွဲ့ချုပ်	၁၃၅	၁၃၂	၆၀.၂၇
	ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ	၁၁	၁၁၃	၄.၉၁
	ရခိုင်အမျိုးသားပါတီ	၁၀	၄	၄.၄၆
	ရှမ်းတိုင်းရင်းသားများ ဒီမိုကရေစီအဖွဲ့ချုပ်	၃	၂	၁.၃၄
	တအာင်း(ပလောင်)အမျိုးသားပါတီ	၂	၂	၀.၈၉
	ဇိုမီးဒီမိုကရေစီအဖွဲ့ချုပ်	၂	၂	၀.၈၉
	မွန်အမျိုးသားပါတီ	၁	၁	၀.၄၅
	တိုင်းရင်းသားစည်းလုံးညီညွတ်ရေးပါတီ	၁	၄	၀.၄၅
	ပအိုဝ်း အမျိုးသား အဖွဲ့ချုပ်	၁	၁	၀.၄၅
	တစ်သီးပုဂ္ဂလ	၂	၂	၀.၈၉
	မွန်ဒေသလုံးဆိုင်ရာ ဒီမိုကရေစီပါတီ	၀	၄	၀
	ရှမ်းတိုင်းရင်းသားများ ဒီမိုကရက်တစ် ပါတီ	၀	၃	၀
	အခြား	၀	၁၈	၀
	တပ်မတော်	၅၆		၂၅.၀၀	–	–	၀

စုစုပေါင်း		၂၂၄		၁၀၀

တိုင်းဒေသကြီး၊ ပြည်နယ်များမှ ပါတီအလိုက် ကိုယ်စားလှယ်များ

ပြည်နယ်နှင့်တိုင်းဒေသကြီးများမှ အမျိုးသားလွှတ်တော် ကိုယ်စားလှယ်များ (၂၀၁၅)
တိုင်းဒေသကြီး/ပြည်နယ်	NLD	USDP	ANP	SNLD	ZCD	PNO	TNP	MNP	NUP	တစ်သီးပုဂ္ဂလ	စုစုပေါင်း
ကချင်ပြည်နယ်	၁၀								၁	၁	၁၂
ကယားပြည်နယ်	၉	၂								၁	၁၂
ကရင်ပြည်နယ်	၁၀	၂									၁၂
ချင်းပြည်နယ်	၉	၁			၂						၁၂
မွန်ပြည်နယ်	၁၁							၁			၁၂
ရခိုင်ပြည်နယ်	၁	၁	၁၀								၁၂
ရှမ်းပြည်နယ်	၃	၃		၃		၁	၂^[၇]				၁၂
စစ်ကိုင်းတိုင်းဒေသကြီး	၁၂										၁၂
တနင်္သာရီတိုင်းဒေသကြီး	၁၂										၁၂
ပဲခူးတိုင်းဒေသကြီး	၁၂										၁၂
မကွေးတိုင်းဒေသကြီး	၁၂										၁၂
မန္တလေးတိုင်းဒေသကြီး	၁၀	၂									၁၂
ရန်ကုန်တိုင်းဒေသကြီး	၁၂										၁၂
ဧရာဝတီတိုင်းဒေသကြီး	၁၂										၁၂
စုစုပေါင်း	၁၃၅	၁၁	၁၀	၃	၂	၁	၂	၁	၁	၂	၁၆၈

ကော်မတီ၊ ကော်မရှင်များ

အမျိုးသားလွှတ်တော်အတွင်း၌ လုပ်ငန်းများကို ထိထိရောက်ရောက် ဆောင်ရွက်နိုင်ရေးအတွက်၊ ဖွဲ့စည်းပုံအခြေခံဥပဒေ ပုဒ်မ ၁၄၇ အရ ကော်မတီများ၊ ကော်မရှင်များနှင့် အဖွဲ့များကို ဖွဲ့စည်းနိုင်သည်။ ၎င်းကော်မတီများနှင့် အဖွဲ့များသည် လွှတ်တော်ဆိုင်ရာတာဝန်များကို ထမ်းဆောင်ရန်နှင့် အထူးလုပ်ငန်းများအား စီမံဆောင်ရွက်ရန်အတွက် ဖွဲ့စည်းခြင်းဖြစ်သည်။^[၈]

			ဥက္ကဋ္ဌများ
စဉ်	အမည်	အမျိုးအစား	ပထမသက်တမ်း	ဒုတိယသက်တမ်း
၁	ဥပဒေကြမ်း ကော်မတီ	အမြဲတမ်းကော်မတီ	ဦးခင်မောင်ရီ	ဦးဇော်မင်း
၂	ပြည်သူ့ငွေစာရင်း ကော်မတီ	အမြဲတမ်းကော်မတီ		ဦးစောမိုးမြင့်
၃	လွှတ်တော်အခွင့်အရေး ကော်မတီ	အမြဲတမ်းကော်မတီ		ဦးအေးသာအောင်
၄	အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေး ကော်မတီ	အမြဲတမ်းကော်မတီ		ဦးသိမ်းဆွေ
၅	နိုင်ငံတကာဆက်ဆံရေး၊ လွှတ်တော်ချင်း ချစ်ကြည်ရေးနှင့် ပူးပေါင်းဆောင်ရွက်ရေး ကော်မတီ	ရေးရာကော်မတီ		ဦးဇုန်လှယ်ထန်း
၆	အစိုးရမဟုတ်သော ပြည်တွင်းပြည်ပ အဖွဲ့အစည်းများဆိုင်ရာကော်မတီ	ရေးရာကော်မတီ		ဦးမင်းဦး
၇	ကျန်းမာရေး၊ အားကစားနှင့် ယဉ်ကျေးမှုဆိုင်ရာကော်မတီ	ရေးရာကော်မတီ		ဒေါက်တာသန်းဝင်း
၈	တိုင်းရင်းသားရေးရာကော်မတီ	ရေးရာကော်မတီ		ဒေါ်ရှီလာနန်တောင် (ခ) အမ်နန်တောင်
၉	တောင်သူလယ်သမားရေးရာကော်မတီ	ရေးရာကော်မတီ		ဦးဘမျိုးသိမ်း၊
၁၀	အမျိုးသမီးနှင့် ကလေးသူငယ်အခွင့်အရေးဆိုင်ရာကော်မတီ	ရေးရာကော်မတီ		ဒေါက်တာမြသောင်း
၁၁	ပညာရေးမြှင့်တင်မှုကော်မတီ	ရေးရာကော်မတီ
၁၂	လူဝင်မှုကြီးကြပ်ရေးနှင့် ပြည်တွင်းပြည်ပ အလုပ်သမားဆိုင်ရာကော်မတီ	ရေးရာကော်မတီ		ဦးကျော်ကျော်ထွေး
၁၃	နိုင်ငံသားများ၏ မူလအခွင့်အရေး၊ ဒီမိုကရေစီအရေးနှင့် လူ့အခွင့်အရေးဆိုင်ရာကော်မတီ	ရေးရာကော်မတီ		ဦးဝင်းအောင်
၁၄	သယံဇာတနှင့် သဘာဝပတ်ဝန်းကျင် ထိန်းသိမ်းရေးဆိုင်ရာကော်မတီ	ရေးရာကော်မတီ		ဦးကျော်သီဟ
၁၅	ပြည်သူတို့၏ တိုင်ကြားစာဆိုင်ရာကော်မတီ	ရေးရာကော်မတီ		ဦးလှမြင့်(ခ) ဦးလှမြင့်သန်း
၁၆။	စိုက်ပျိုးရေး၊ မွေးမြူရေးနှင့် ရေလုပ်ငန်းဖွံ့ဖြိုးတိုးတက်ရေးကော်မတီ	ရေးရာကော်မတီ		ဦးအောင်ကြည်ညွန့်
၁၇။	ဆောက်လုပ်ရေး၊ စက်မှု၊ လျှပ်စစ် နှင့် စွမ်းအင်ဆိုင်ရာကော်မတီ	ရေးရာကော်မတီ		ဦးစောမိုးမြင့် (ခ)ဆင်မြူရယ်
၁၈။	နိုင်ငံရေး၊ စီးပွားရေးနှင့် ဥပဒေရေးရာကော်မရှင်	ကော်မရှင်	ဦးမြင့်သိန်း
၁၉။	ရေးရာကော်မတီများနှင့် လွှတ်တော်အုပ်ချုပ်မှု မူဝါဒဆိုင်ရာလုပ်ငန်း ညှိနှိုင်းရေးအဖွဲ့	အဖွဲ့	ဦးဇော်မြင့်ဖေ
၂၀။	PR ကော်မရှင်	ကော်မရှင်	ဦးဇော်မြင့်ဖေ

ကိုးကား

↑ အမျိုးသားလွှတ်တော် ရွေးကောက်ပွဲဥပဒေကို ဆဌမအကြိမ်ပြင်ဆင်သည့်ဥပဒေ။ Ministry of Information။ 2025-7-28 တွင် ပြန်စစ်ပြီး။
↑ အမျိုးသားလွှတ်တော်နှင့် တိုင်းဒေသကြီး/ပြည်နယ် လွှတ်တော် ရွေးကောက်ပွဲများတွင် အချိုးကျကိုယ်ပြု(PR )စနစ်နှင့် နိုင်သူကုန်ယူ( FPTP)စနစ် ပူးတွဲကျင့်သုံးမည့် ရွှေးကောက်ပွဲဥပဒေကို ဆဋ္ဌမအကြိမ် ပြင်ဆင်သည့်ဥပဒေ ပြဋ္ဌာန်း။ Eleven Media။ 2025-7-30 တွင် ပြန်စစ်ပြီး။
↑ ၂၀၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲကျင်းပမည့် မဲဆန္ဒနယ်မြေများ ထုတ်ပြန်ကြေညာ။ ပြန်ကြားရေးဝန်ကြီးဌာန။ 12 August 2025 တွင် ပြန်စစ်ပြီး။
↑ Burma's 2010 Elections: A comprehensive report။ Burma Fund UN Office (2011-01-31)။ 2015-11-26 တွင် ပြန်စစ်ပြီး။
↑ National Assembly - Overview - Parliament Watch။ 19 July 2012 တွင် မူရင်းအား မော်ကွန်းတင်ပြီး။ 29 November 2015 တွင် ပြန်စစ်ပြီး။
↑ Announcement 93/2015။ 20 November 2015 တွင် မူရင်းအား မော်ကွန်းတင်ပြီး။ 20 November 2015 တွင် ပြန်စစ်ပြီး။
↑ Announcement 95/2015။ 26 November 2015 တွင် ပြန်စစ်ပြီး။
↑ မော်ကွန်းတင်ပြီးမိတ္တူ။ 23 February 2020 တွင် မူရင်းအား မော်ကွန်းတင်ပြီး။ 9 July 2019 တွင် ပြန်စစ်ပြီး။

[1] အမျိုးသားလွှတ်တော် ရွေးကောက်ပွဲဥပဒေကို ဆဌမအကြိမ်ပြင်ဆင်သည့်ဥပဒေ။ Ministry of Information။ 2025-7-28 တွင် ပြန်စစ်ပြီး။

[2] အမျိုးသားလွှတ်တော်နှင့် တိုင်းဒေသကြီး/ပြည်နယ် လွှတ်တော် ရွေးကောက်ပွဲများတွင် အချိုးကျကိုယ်ပြု(PR )စနစ်နှင့် နိုင်သူကုန်ယူ( FPTP)စနစ် ပူးတွဲကျင့်သုံးမည့် ရွှေးကောက်ပွဲဥပဒေကို ဆဋ္ဌမအကြိမ် ပြင်ဆင်သည့်ဥပဒေ ပြဋ္ဌာန်း။ Eleven Media။ 2025-7-30 တွင် ပြန်စစ်ပြီး။

[3] ၂၀၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲကျင်းပမည့် မဲဆန္ဒနယ်မြေများ ထုတ်ပြန်ကြေညာ။ ပြန်ကြားရေးဝန်ကြီးဌာန။ 12 August 2025 တွင် ပြန်စစ်ပြီး။

[4] Burma's 2010 Elections: A comprehensive report။ Burma Fund UN Office (2011-01-31)။ 2015-11-26 တွင် ပြန်စစ်ပြီး။

[5] National Assembly - Overview - Parliament Watch။ 19 July 2012 တွင် မူရင်းအား မော်ကွန်းတင်ပြီး။ 29 November 2015 တွင် ပြန်စစ်ပြီး။

[6] Announcement 93/2015။ 20 November 2015 တွင် မူရင်းအား မော်ကွန်းတင်ပြီး။ 20 November 2015 တွင် ပြန်စစ်ပြီး။

[7] Announcement 95/2015။ 26 November 2015 တွင် ပြန်စစ်ပြီး။

[8] မော်ကွန်းတင်ပြီးမိတ္တူ။ 23 February 2020 တွင် မူရင်းအား မော်ကွန်းတင်ပြီး။ 9 July 2019 တွင် ပြန်စစ်ပြီး။

[၁]

[၂]

[၃]

[၄]

[၅]

[၆]

[၇]

[၈]

ရှု ပြော ပြင် မြန်မာနိုင်ငံ၏ ဥပဒေပြုလွှတ်တော်များ
မြန်မာနိုင်ငံ၏ အုပ်ချုပ်ရေး
ပြည်ထောင်စုလွှတ်တော်	အမျိုးသားလွှတ်တော် (အထက်လွှတ်တော်) ပြည်သူ့လွှတ်တော် (အောက်လွှတ်တော်)
ပြည်နယ်လွှတ်တော်များ	ကချင်ပြည်နယ် လွှတ်တော် ကယားပြည်နယ် လွှတ်တော် ကရင်ပြည်နယ် လွှတ်တော် ချင်းပြည်နယ် လွှတ်တော် မွန်ပြည်နယ် လွှတ်တော် ရခိုင်ပြည်နယ် လွှတ်တော် ရှမ်းပြည်နယ် လွှတ်တော်
တိုင်းဒေသကြီးလွှတ်တော်များ	စစ်ကိုင်းတိုင်းဒေသကြီး လွှတ်တော် တနင်္သာရီတိုင်းဒေသကြီး လွှတ်တော် ပဲခူးတိုင်းဒေသကြီး လွှတ်တော် မကွေးတိုင်းဒေသကြီး လွှတ်တော် မန္တလေးတိုင်းဒေသကြီး လွှတ်တော် ရန်ကုန်တိုင်းဒေသကြီး လွှတ်တော် ဧရာဝတီတိုင်းဒေသကြီး လွှတ်တော်
စင်ပြိုင်	ပြည်ထောင်စုမြန်မာနိုင်ငံ အမျိုးသားကောင်စီ (၁၉၉၂–၂၀၁၂) ပြည်ထောင်စုလွှတ်တော် ကိုယ်စားပြုကော်မတီ (၂၀၂၁-လက်ရှိ)
ယခင်လွှတ်တော်များ	ဥပဒေပြုကောင်စီ (၁၉၂၃–၁၉၃၅) မြန်မာနိုင်ငံ ဥပဒေပြုလွှတ်တော် (၁၉၃၅–၁၉၄၇) တိုင်းပြည်ပြုလွှတ်တော် (၁၉၄၇-၁၉၄၇) ပြည်ထောင်စုလွှတ်တော် (၁၉၄၇–၁၉၆၂) (လူမျိုးစုလွှတ်တော် ပြည်သူ့လွှတ်တော်) ပြည်သူ့လွှတ်တော် (၁၉၇၄–၁၉၈၈)