လျှပ်စစ်နှင့် စွမ်းအင် ဝန်ကြီးဌာန

လျှပ်စစ်နှင့် စွမ်းအင် ဝန်ကြီးဌာန

Ministry of Electricity and Energy
အစိုးရအဖွဲ့အစည်း အကျဉ်းချုပ်
ဖွဲ့စည်းသည့်အချိန်	မတ် ၃၀၊ ၂၀၁၆ (၂၀၁၆-၀၃-၃၀)
ယခင်အဖွဲ့အစည်း	လျှပ်စစ်စွမ်းအား ဝန်ကြီးဌာန စွမ်းအင်ဝန်ကြီးဌာန
ဖျက်သိမ်းခြင်း	၂ ​မေ ၂၀၂၂
ဌာနချုပ်	ရုံးအမှတ် (၂၇)၊ နေပြည်တော်
ဝက်ဘ်ဆိုက်	moee.gov.mm

လျှပ်စစ်နှင့် စွမ်းအင် ဝန်ကြီးဌာန (အင်္ဂလိပ်: Ministry of Electricity and Energy) သည် ၂၀၁၆ခုနှစ်မှ ၂၀၂၂ခုနှစ်အထိ ဖွဲ့စည်းထားရှိခဲ့သော မြန်မာအစိုးရ ဝန်ကြီးဌာနဖြစ်သည်။

သမိုင်းကြောင်း

၂၀၁၆ခုနှစ်တွင် အစိုးရအသစ် တက်လာချိန်၌ သမ္မတဦးထင်ကျော်က ဝန်ကြီးဌာန အရေအတွက်ကို လျှော့ချဖွဲ့စည်းခဲ့သည်။ ထို့နောက် လျှပ်စစ်စွမ်းအား ဝန်ကြီးဌာနနှင့် စွမ်းအင်ဝန်ကြီးဌာနတို့ကို ပူးပေါင်းကာ လျှပ်စစ်နှင့် စွမ်းအင်ဝန်ကြီးဌာနအဖြစ် ပြောင်း၍ ဖွဲ့စည်းခဲ့သည်။ ၂၀၂၂ခုနှစ် မေလတွင် နစက၏ အိမ်စောင့်အစိုးရမှ လျှပ်စစ်စွမ်းအားနှင့် စွမ်းအင် ဝန်ကြီးဌာနများအဖြစ် ပြန်လည်ခွဲထုတ်ခဲ့သည်။

အကြီးအကဲများ

ပြည်ထောင်စုအစိုးရသစ်စတင်ဖွဲ့စည်းချိန်တွင် ဒေါ်အောင်ဆန်းစုကြည်သည် အရေးပါသောဝန်ကြီးဌာန ၄ခု ကိုကိုင်တွယ်ခဲ့သည်။ ၎င်းနောက် နိုင်ငံတော်၏ အတိုင်ပင်ခံပုဂ္ဂိုလ် ရာထူး စတင်ပြီးနောက် ပညာရေးနှင့် လျှပ်/စွမ်း ကို လွှဲပြောင်းပေးခဲ့ရာ ဦးဖေဇင်ထွန်းမှာ ဝန်ကြီးဖြစ်လာသည်။ ဦးဖေဇင်ထွန်း အနားယူပြီးနောက် ဆောက်လုပ်ရေးဝန်ကြီး ဦးဝင်းခိုင်မှ ပူးတွဲတာဝန်ယူခဲ့သည်။၂၀၁၈ခုနှစ် ဇန်နဝါရီတွင် ​ဆောက်လုပ်​ရေးကိုမကိုင်တွယ်​တော့ဘဲ လျှပ်စစ်စွမ်းအင်ကိုသာ ကိုင်တွယ်ခဲ့သည်။

ပြည်ထောင်စုဝန်ကြီးများစာရင်း (၂၀၁၁ - လက်ရှိ)

စဉ်	အမည်	တာဝန်စတင်	တာဝန်ပြီးဆုံး	ရက်​ပေါင်း	သမ္မတ
၁	ဒေါ်အောင်ဆန်းစုကြည်	၃၀ မတ် ၂၀၁၁၆	၅ ဧပြီ ၂၀၁၆	၆	ဦးထင်ကျော်
၂	ဦးဖေဇင်ထွန်း	၇ ဧပြီ ၂၀၁၆	၁ ဩဂုတ် ၂၀၁၇	၄၈၁
၃	ဦးဝင်းခိုင်	၂ ဩဂုတ် ၂၀၁၇	၁ ​ဖေ​ဖော်ဝါရီ ၂၀၂၁	၁၂၇၉	ဦးထင်ကျော် ဦးဝင်းမြင့်
၄	ဦး​အောင်သန်းဦး	၁ ​ဖေ​ဖော်ဝါရီ ၂၀၂၁	၂ ​မေ ၂၀၂၂	၄၅၅	ဦးမြင့်​ဆွေ (ယာယီ)

ဒုတိယဝန်ကြီးများစာရင်း

စဉ်	အမည်	တာဝန်စတင်	တာဝန်ပြီးဆုံး	ရက်ပေါင်း	ဝန်ကြီး
၁	​ဒေါက်တာထွန်းနိုင်	၁၂ စက်တင်ဘာ ၂၀၁၆	၁ ​ဖေ​ဖော်ဝါရီ ၂၀၂၁	၁၆၀၃	ဦးဖေဇင်ထွန်း ဦးဝင်းခိုင်
၂	ဦးခင်​မောင်ဝင်း	၂၀၁၉	၁ ​ဖေ​ဖော်ဝါရီ ၂၀၂၁		ဦးဝင်းခိုင်
၃	ဦး​သန့်စင်		လက်ရှိ		ဦး​အောင်သန်းဦး

ဖွဲ့စည်းပုံ

• ဝန်ကြီးရုံး
• လျှပ်စစ်စွမ်းအားစီမံရေး ဦးစီးဌာန
• ရေနံနှင့် သဘာဝဓာတ်ငွေ့စီမံရေး ဦးစီးဌာန
• လျှပ်စစ်ဓာတ်အားပို့လွှတ်ရေးနှင့်ကွပ်ကဲ​ရေး ဦးစီးဌာန
• ရေအားလျှပ်စစ်အကောင်အထည်ဖော်ရေး ဦးစီးဌာန
• လျှပ်စစ်ဓာတ်အားထုတ်လုပ်ရေး လုပ်ငန်း
• လျှပ်စစ်ဓာတ်အားဖြန့်ဖြူးရေး လုပ်ငန်း
• မြန်မာ့ရေနံနှင့်သဘာဝဓာတ်ငွေ့ လုပ်ငန်း
• မြန်မာ့ရေနံဓာတုဗေဒ လုပ်ငန်း
• မြန်မာ့ရေနံထွက်ပစ္စည်းရောင်းဝယ်ရေး လုပ်ငန်း
• ရန်ကုန်လျှပ်စစ်ဓာတ်အားပေးရေး ကော်ပိုရေးရှင်း
• မန္တလေးလျှပ်စစ်ဓာတ်အားပေးရေး ကော်ပိုရေးရှင်း