ရဲထွဋ် (ပြန်ကြားရေး)

Ye Htut
ပြန်ကြားရေးဝန်ကြီးဌာန ဝန်ကြီး
တာဝန်သက်တမ်း ၁ ဩဂုတ် ၂၀၁၄ – ၃၀ မတ် ၂၀၁၆
ယခင်လူ	အောင်ကြည်
ဆက်ခံသူ	ဖေမြင့်
သမ္မတ၏ ပြောရေးဆိုခွင့်ရှိသူ
တာဝန်သက်တမ်း ၈ ဇန်နဝါရီ ၂၀၁၃ – ၃၀ မတ် ၂၀၁၆
ပြန်ကြားရေးဝန်ကြီးဌာန ဒုတိယဝန်ကြီး
တာဝန်သက်တမ်း ၃၁ ဩဂုတ် ၂၀၁၂ – ၁ ဩဂုတ် ၂၀၁၄ ဦးပိုက်​ထွေးနှင့်အတူ
ယခင်လူ	စိုးဝင်း
ပြန်ကြားရေးနှင့်ပြည်သူ့ဆက်ဆံရေးဦးစီးဌာန ညွှန်ကြားရေးမှူးချုပ်
တာဝန်သက်တမ်း ၃၁ မတ် ၂၀၁၁ – ၃၁ ဩဂုတ် ၂၀၁၂
ဆက်ခံသူ	တင့်ဆွေ
ကိုယ်ရေး အချက်အလက်များ
မွေးဖွား	၁၉၅၉ (အသက် ၆၃–၆၄)
လူမျိုး	မြန်မာ
နိုင်ငံရေးပါတီ	ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ
ကြင်ဖော်(များ)	ခင်စန္ဒာထွန်း
နေထိုင်ရာ	နေပြည်တော်
အလုပ်အကိုင်	စစ်တပ်အရာရှိ
ကိုးကွယ်သည့်ဘာသာ	ထေရဝါဒ ဗုဒ္ဓဘာသာ
ဝက်ဘ်ဆိုဒ်	facebook.com/ye.htut.988
စစ်မှုထမ်းခြင်း
သစ္စာခံနိုင်ငံ	မြန်မာ
တပ်/တပ်ဖွဲ့ခွဲ	မြန်မာ့တပ်မတော်
အမှုထမ်းကာလ	၁၉၇၇-၂၀၀၅
ရာထူး	ဒုတိယ ဗိုလ်မှူးကြီး

ဦးရဲထွဋ် သည် ပြန်ကြားရေးဝန်ကြီးဌာန ဝန်ကြီးဟောင်း ဖြစ်သည်။ သူသည် ယခင်က မြန်မာတပ်မတော်မှာ ဒုတိယဗိုလ်မှူးကြီးအဖြစ် တာဝန်ထမ်းဆောင်ခဲ့သည်။ ထို့နောက် ပြန်ကြားရေးဝန်ကြီးဌာနတွင် ကူးပြောင်းတာဝန်ထမ်းဆောင်ခဲ့ပြီး ယခင်က ၂၀၁၃ မှ ၂၀၁၆ အထိသမ္မတ၏ပြောရေးဆိုခွင့်ရှိသူအဖြစ်တာဝန်ထမ်းဆောင်ခဲသည်။ နောက်ပိုင်းတွင်ဦးသိန်းစိန်အစိုးရအဖွဲ့တွင် ပြန်ကြားရေးဝန်ကြီးဌာန ဝန်ကြီးအဖြစ်တာဝန်ထမ်းဆောင်ခဲ့သည်။ သူသည် ၂၀၁၆ ခုနှစ်တွင် အနားယူခဲ့ရပြီး ၂၀၁၉ ခုနှစ်၊ ဇူလိုင်လအထိစင်ကာပူရှိ ISEAS-Yusof Ishak Institute တွင် အကြီးတန်းသုတေသန လုပ်ဖော်ကိုင်ဖက်အဖြစ် သွားရောက်လုပ်ကိုင်ခဲ့သည်။

စစ်ဘက်ဆိုင်ရာ အသက်မွေးဝမ်းကျောင်း

ဦးရဲထွဋ်သည် စစ်တက္ကသိုလ် အပတ်စဉ် ၂၂ ဆင်းဖြစ်သည်။ ကျောင်းဆင်းပြီးနောက် သူသည်မြန်မာ-ထိုင်းနယ်စပ်တလျှောက်တွင် ငါးနှစ်ကြာ တာဝန်ထမ်းဆောင်ခဲ့သည်။

အရပ်ဘက်ဆိုင်ရာ အသက်မွေးဝမ်းကျောင်း

သူဟာ ဒုတိယဗိုလ်မှူးကြီးအဖြစ် ၂၀၀၅ တွင် အငြိမ်းစားယူပြီး ပြန်ကြားရေးဝန်ကြီးဌာနလက်အောက်ရှိ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၌ ဒုတိယညွှန်ကြားရေးမှူးချုပ်အဖြစ် တာဝန်ထမ်းဆောင်ခဲ့သည်။ ၂၀၀၉ ခုနှစ်တွင် ညွှန်ကြားရေးမှူးချုပ်အဖြစ်ရာထူးတိုးမြှင့်ခံခဲ့ရသည်။

ယခင်ဝန်ကြီး ဦးကျော်ဆန်းနှင့် ဒုတိယဝန်ကြီးများအား အခြားဝန်ကြီးဌာနများ ပြောင်းလဲတာဝန်ပေးအပ်ခြင်း ခံရသောအခါ သူသည် ၂၀၁၂ ခုနှစ် ဩဂုတ်လတွင် ပြန်ကြားရေးဝန်ကြီးဌာန ဒုတိယဝန်ကြီးဖြစ်လာခဲ့သည်။ ၂၀၁၄ ဩဂုတ်လ ၃၀ တွင် ပြန်ကြားရေးဝန်ကြီးဌာန၌ ဝန်ကြီး ဖြစ်လာခဲ့သည်။

အငြင်းပွားမှု

၂၀၁၂ ခုနှစ်တွင် Eleven Media Group က ကလောင်နာမည် ဒေါက်တာဆိပ်ဖွားဟု စွပ်စွဲခဲ့သည်။ ၂၀၁၄ ဇွန်လတွင် ဇနီးဖြစ်သူသည် ဒေါ်အောင်ဆန်းစုကြည်အား ဖေ့ဘွတ်မှ ဖိုတိုရှော့ အထူးပြုလုပ်ထားသည့် လူမျိုးရေ ဘာသာရေး ထိခိုက်စေမည့် ပုံတစ်ပုံကို ဝေမျှခြင်းပြုလုပ်ခဲ့သည်။