မြန်မာနိုင်ငံ၏ သယ်ယူပို့ဆောင်ရေး
 |
မြန်မာနိုင်ငံတွင် သယ်ယူပို့ဆောင်ရေးကဏ္ဍအတွက် ဖွဲ့စည်းထားသော ဝန်ကြီးဌာနမှာ - ပို့ဆောင်ရေးနှင့် ဆက်သွယ်ရေးဝန်ကြီးဌာနဖြစ်သည်။
ပို့ဆောင်ရေးနှင့် ဆက်သွယ်ရေး ဝန်ကြီးဌာနမှာ ယခင်က ပို့ဆောင်ရေးဝန်ကြီးဌာန၊ ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာနနှင့် ရထားပို့ဆောင်ရေး ဝန်ကြီးဌာန ၃ခုကိုပူးပေါင်းကာဖွဲ့စည်းထားသော ဝန်ကြီးဌာန ဖြစ်သည်။
ရထားပို့ဆောင်ရေး
[ပြင်ဆင်ရန်]၂၀၀၉ ခုနှစ် ဇန်နဝါရီလ ၃၁ ရက်နေ့အထိ မြန်မာနိုင်ငံရှိ မီးရထားလမ်းမိုင်စုစုပေါင်းမှာ ၃၁၈၆.၈၆ မိုင် နှင့် မီးရထားဘူတာရုံပေါင်း ၈၁၂ ခုရှိသည်။[၁]
ကုန်းလမ်းပို့ဆောင်ရေး
[ပြင်ဆင်ရန်]၂၀၀၆ ခုနှစ်အထိ စာရင်းများအရ -
- စုစုပေါင်းခရီးလမ်း - ၁၆,၇၇၇ မိုင် (၂၇,၀၀၀ ကီလိုမီတာ)
- လမ်းခင်းပြီး - ၁,၉၈၈ မိုင် (၃,၂၀၀ ကီလိုမီတာ)
- မခင်းရသေးသောလမ်း - ၁၄,၇၈၉ မိုင် (၂၃,၈၀၀ ကီလိုမီတာ)
အဓိက အဝေးပြေးလမ်းများ
[ပြင်ဆင်ရန်]- ၁ - ရန်ကုန်မြို့ မှ မန္တလေးမြို့ သို့ (ပဲခူးမြို့၊ တောင်ငူမြို့၊ ပျဉ်းမနားမြို့နှင့် မိတ္ထီလာမြို့ များကို ဖြတ်သန်းသွားသည်။)
- ၂ - ရန်ကုန်မြို့ မှ မန္တလေးမြို့ သို့ (ပြည်မြို့၊ မကွေးမြို့၊ ကျောက်ပန်းတောင်းမြို့၊ မြင်းခြံမြို့များကို ဖြတ်သန်းသွားသည်။)
- ၃ - မန္တလေးမြို့ မှ မူဆယ်မြို့ သို့ (တရုတ်နိုင်ငံ နယ်စပ်အထိ၊ လားရှိုးမြို့ကို ဖြတ်သန်းသွားသည်။)
- ၄ - မိတ္ထီလာမြို့ မှ တာချီလိတ်မြို့ သို့ (ထိုင်းနိုင်ငံနယ်စပ်အထိ၊ တောင်ကြီးမြို့နှင့် ကျိုင်းတုံမြို့များကို ဖြတ်သန်းသွားသည်။)
- ၅ - တောင်ငူမြို့ မှ ဟိုပုံးမြို့ သို့ (လွိုင်ကော်မြို့ကို ဖြတ်သန်းသွားသည်။)
- ၆ - ရန်ကုန်မြို့ မှ ပုသိမ်မြို့ သို့
- ၇ - မန္တလေးမြို့ မှ အိန္ဒိယနိုင်ငံ မိုရေးမြို့ သို့ (ရွှေဘိုမြို့နှင့် ကလေးမြို့များကို ဖြတ်သန်းသွားသည်။)
- ၈ - ဘုရားကြီး မှ မြိတ်မြို့ သို့ (မော်လမြိုင်မြို့၊ ရေးမြို့နှင့် ထားဝယ်မြို့များကို ဖြတ်သန်းသွားသည်။)
- ၁၂- တံတားဦးမြို့ မှ မြင်းခြံမြို့ သို့
- ၃၁ - မန္တလေးမြို့ မှ မြစ်ကြီးနားမြို့ သို့ (မိုးကုတ်မြို့နှင့် ဗန်းမော်မြို့များကို ဖြတ်သန်းသွားသည်။)
မြန်မာနိုင်ငံ၏ တစ်ခုတည်းသော အမြန်လမ်းမကြီးမှာ ရန်ကုန်-မန္တလေး အမြန်လမ်း ဖြစ်ပြီး ၃၆၄.၆ မိုင် (၅၈၆.၇ ကီလိုမီတာ) အရှည်ရှိကာ ဖြူးမြို့ တောင်ငူမြို့၊ နေပြည်တော်နှင့် မိတ္ထီလာမြို့များကို ဖြတ်သန်းသွားသည်။ ယာဉ်မောင်းလိုင်း လေးလိုင်းရှိ အမြန်လမ်းမကြီးအမျိုးအစား ဖြစ်သည်။
ရေကြောင်းပို့ဆောင်ရေး
[ပြင်ဆင်ရန်]၂၀၀၈ ခုနှစ် စာရင်းများအရ မြန်မာနိုင်ငံတွင်း သွားလာနိုင်သည့် ရေလမ်းခရီးအရှည် စုစုပေါင်းမှာ ၇,၉၅၄ မိုင် (၁၂,၈၀၀ ကီလိုမီတာ) ဖြစ်ပြီး သင်္ဘောကြီးများ သွားလာနိုင်သည့် ခရီးလမ်းအရှည်မှာ ၁,၉၈၈ မိုင် (၃,၂၀၀ ကီလိုမီတာ) ဖြစ်သည်။
ဆိပ်ကမ်းများ
[ပြင်ဆင်ရန်]ပင်လယ်ဆိပ်ကမ်းများ
[ပြင်ဆင်ရန်]မြစ်ဆိပ်ကမ်းများ
[ပြင်ဆင်ရန်]လေကြောင်းပို့ဆောင်ရေး
[ပြင်ဆင်ရန်]လေဆိပ်များ
[ပြင်ဆင်ရန်]၂၀၁၀ ခုနှစ် ဇူလိုင်လ စာရင်းများအရ မြန်မာနိုင်ငံတွင် လေဆိပ်စုစုပေါင်း ၆၉ ခုရှိကာ လေယာဉ်ပြေးလမ်း ပေ တစ်သောင်းအထက်ရှိ လေဆိပ်မှာ ၁၁ ခုဖြစ်သည်။
အပြည်ပြည်ဆိုင်ရာ လေဆိပ်များမှာ -
- ရန်ကုန် အပြည်ပြည်ဆိုင်ရာ လေဆိပ်
- မန္တလေး အပြည်ပြည်ဆိုင်ရာ လေဆိပ်
- နေပြည်တော် အပြည်ပြည်ဆိုင်ရာ လေဆိပ် နှင့်
- ဟံသာဝတီ အပြည်ပြည်ဆိုင်ရာ လေဆိပ် (တည်ဆောက်ဆဲ) တို့ ဖြစ်ကြသည်။
လေကြောင်းလိုင်းများ
[ပြင်ဆင်ရန်]မြန်မာနိုင်ငံအခြေစိုက် လက်ရှိပြေးဆွဲနေသော လေကြောင်းလိုင်းများ ၁၁ ခုရှိသည်။ နိုင်ငံတော်အလံတင် လေကြောင်းလိုင်းမှာ မြန်မာအမျိုးသား လေကြောင်းလိုင်း ဖြစ်ပြီး ပြည်ပသို့ ပျံသန်းလျက်ရှိသော လေကြောင်းလိုင်းများမှာ မြန်မာအမျိုးသား လေကြောင်းလိုင်း၊ အပြည်ပြည်ဆိုင်ရာ မြန်မာ့လေကြောင်း နှင့် အဲကေဘီဇက် လေကြောင်းလိုင်း တို့ ဖြစ်ကြသည်။
ကိုးကား
[ပြင်ဆင်ရန်]- ↑ မြန်မာ့မီးရထား။ ရထားပို့ဆောင်ရေး ဝန်ကြီးဌာန။ ၂၈ ဒီဇင်ဘာ ၂၀၁၄ တွင် ပြန်စစ်ပြီး။
