ပြည်ထောင်စုလွှတ်တော် ကိုယ်စားပြုကော်မတီ

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
ပြည်ထောင်စုလွှတ်တော် ကိုယ်စားပြုကော်မတီ
Committee Representing Pyidaungsu Hluttaw
မြန်မာနိုင်ငံအစိုးရအဖွဲ့အစည်း
Committee Representing Pyidaungsu Hluttaw logo.png
ကော်မတီ အကျဉ်းချုပ်
ဖွဲ့စည်းသည့်အချိန်၅ ဖေဖော်ဝါရီ ၂၀၂၁; ၂၆ ရက် အကြာက (၂၀၂၁-၀၂-05)
ယခင်အဖွဲ့အစည်းပြည်ထောင်စုလွှတ်တော်
ဝက်ဘ်ဆိုက်crphmyanmar.org

ပြည်ထောင်စုလွှတ်တော် ကိုယ်စားပြုကော်မတီ (အင်္ဂလိပ်: Committee Representing Pyidaungsu Hluttaw, အတိုကောက် CRPH) သည် ၂၀၂၀ မြန်မာနိုင်ငံ အထွေထွေ ရွေးကောက်ပွဲတွင် ပြည်သူလူထုက ရွေးကောက်တင်မြှောက်လိုက်သော ပြည်ထောင်စုလွှတ်တော် ကိုယ်စားလှယ်များကို ကိုယ်စားပြုသည့် ဥပဒေပြုအဖွဲ့ဖြစ်သည်။ ရွေးကောက်ခံ အမျိုးသားဒီမိုကရေစီအဖွဲ့ချုပ် ပါတီဝင်များ ဦးဆောင်သော ကော်မတီတွင် ပြည်သူ့လွှတ်တော် နှင့် အမျိုးသားလွှတ်တော် ကိုယ်စားလှယ် ၁၇ ဦးပါဝင်သည်။[၁]

၂၀၂၀ မြန်မာနိုင်ငံ အထွေထွေ ရွေးကောက်ပွဲတွင် ပြည်သူလူထုက ရွေးကောက်တင်မြှောက်လိုက်သော လွှတ်တော်ကိုယ်စားလှယ် ၃၀၀ ကျော် တွေ့ဆုံကြသည့် အွန်လိုင်းဇူးမ်(Zoom) အစည်းအဝေး၌ အဖွဲ့ဝင် ၁၅-ဦးဖြင့် ၂၀၂၁-ခုနှစ်၊ ဖေဖော်ဝါရီလ ၅ ရက်နေ့တွင် စတင်ဖွဲ့စည်းခဲ့သည်။[၂][၃][၄]

ပြည်သူလူထုက ရွေးကောက်တင်မြှောက်သော ပြည်ထောင်စု အစိုးရကို ဖျက်သိမ်းရန် တပ်မတော်က အားထုတ်ကြိုးပမ်းမှုသည် ပြစ်မှုဆိုင်ရာ ဥပဒေ ပုဒ်မ အခန်း (၆) ပါ ပြဋ္ဌာန်းချက်များနှင့် ငြိစွန်းပြီး ရာဇဝတ်မှုမြောက်သောလုပ်ရပ်ဖြစ်ကြောင်း ဖေဖော်ဝါရီ ၇ ရက်နေ့တွင် CRPH က ကြေညာချက်ထုတ်ပြန်ခဲ့ပြီး[၅][၆] တပ်မတော်အစိုးရ သည် တရားမဝင်ကြောင်း ပြောဆိုခဲ့သည်။[၅] ကုလသမဂ္ဂသံတမန်များနှင့် နိုင်ငံတကာအနေဖြင့် တရားဝင် အစိုးရဆိုင်ရာ ကိစ္စရပ်များအတွက် ပြည်ထောင်စုလွှတ်တော် ကိုယ်စားပြုကော်မတီဖြင့်သာ ဆက်သွယ်ဆောင်ရွက်ရန်လည်း အကြံပြုခဲ့သည်။[၅]

ဖေဖော်ဝါရီ ၉ ရက်နေ့တွင် ပြည်ထောင်စုလွှတ်တော် ကိုယ်စားပြုကော်မတီသည် နိုင်ငံတော်၏ အတိုင်ပင်ခံပုဂ္ဂိုလ်ဥပဒေကို ၂၀၂၆ ခုနှစ် ဧပြီ ၁ ရက်နေ့အထိ နောက်ထပ် ၅ နှစ်သက်တမ်းတိုးခဲ့သည်။[၆] ထိုနေ့မှာပင် ဆန္ဒပြမှုများအား စစ်အစိုးရက ဖြိုခွင်းမှုများနှင့် ပတ်သက်၍ အကြမ်းဖက်မဖြိုခွင်းရန် ထုတ်ပြန်ခဲ့ကာ ဝန်ထမ်းများ၏ အာဏာဖီဆန်ရေး လှုပ်ရှားမှုများကို ထောက်ခံခဲ့သည်။[၇]

ဖေဖော်ဝါရီ ၁၀ ရက်နေ့တွင် တအောင်း (ပလောင်) အမျိုးသားပါတီနှင့် ကယားပြည်နယ်ဒီမိုကရက်တစ်ပါတီတို့မှ ကိုယ်စားလှယ်နှစ်ဦးကို ကော်မတီဝင်များအဖြစ် ထပ်မံပေါင်းထည့်ခဲ့သည်။[၈]

အဖွဲ့ဝင်များ[ပြင်ဆင်ရန်]

စဉ် အမည် ရာထူး ရွေးချယ်ခံရသည့်နယ်မြေ နိုင်ငံရေးပါတီ
ဒေါ်ဖြူဖြူသင်း ပြည်သူ့လွှတ်တော်ကိုယ်စားလှယ် မင်္ဂလာတောင်ညွန့်မဲဆန္ဒနယ် အမျိုးသားဒီမိုကရေစီအဖွဲ့ချုပ်ပါတီ (NLD)
ဦးရည်မွန် (ခ) ဦးတင်သစ် ပြည်သူ့လွှတ်တော်ကိုယ်စားလှယ် ပုဗ္ဗသီရိမဲဆန္ဒနယ်
ဦးထွန်းမြင့် ပြည်သူ့လွှတ်တော်ကိုယ်စားလှယ် ဗဟန်းမဲဆန္ဒနယ်
ဦးနိုင်ထူးအောင် ပြည်သူ့လွှတ်တော်ကိုယ်စားလှယ် နွားထိုးကြီးမဲဆန္ဒနယ်
ဒေါက်တာဝေဖြိုးအောင် ပြည်သူ့လွှတ်တော်ကိုယ်စားလှယ် သာကေတမဲဆန္ဒနယ်
ဒေါ်ဇင်မာအောင် ပြည်သူ့လွှတ်တော်ကိုယ်စားလှယ် ရန်ကင်းမဲဆန္ဒနယ်
ဦးလွင်ကိုလတ် ပြည်သူ့လွှတ်တော်ကိုယ်စားလှယ် သန်လျင်မဲဆန္ဒနယ်
ဦးဥက္ကာမင်း ပြည်သူ့လွှတ်တော်ကိုယ်စားလှယ် မြိတ်မဲဆန္ဒနယ်
ဦးဝင်းနိုင် ပြည်သူ့လွှတ်တော်ကိုယ်စားလှယ် မိုးကောင်းမဲဆန္ဒနယ်
၁၀ ဦးနေမျိုး ပြည်သူ့လွှတ်တော်ကိုယ်စားလှယ် ညောင်ရွှေမဲဆန္ဒနယ်
၁၁ ဦးဇော်မင်းသိန်း ပြည်သူ့လွှတ်တော်ကိုယ်စားလှယ် လေးမျက်နှာမဲဆန္ဒနယ်
၁၂ ဦးမျိုးနိုင် ပြည်သူ့လွှတ်တော်ကိုယ်စားလှယ် ချမ်းအေးသာဇံမြို့နယ်
၁၃ ဦးဇေလတ် အမျိုးသားလွှတ်တော်ကိုယ်စားလှယ် ပဲခူးတိုင်းဒေသကြီး
၁၄ ဒေါ်မြတ်သီတာထွန်း အမှတ် - ၈၊ အမျိုးသားလွှတ်တော်ကိုယ်စားလှယ် မွန်ပြည်နယ်
၁၅ စောရှားဖောင်အွာ အမှတ် - ၄၊ အမျိုးသားလွှတ်တော်ကိုယ်စားလှယ် ကရင်ပြည်နယ်
၁၆ ဦးရောဘတ်ညေးရယ် အမှတ် - ၁၀၊ အမျိုးသားလွှတ်တော်ကိုယ်စားလှယ် ကယားပြည်နယ် ကယားပြည်နယ်ဒီမိုကရက်တစ်ပါတီ (KySDP)
၁၇ ဦးလမင်းထွန်း (ခ) အဖြိုး ပြည်သူ့လွှတ်တော်ကိုယ်စားလှယ် နမ့်ဆန်မဲဆန္ဒနယ် တအောင်း (ပလောင်) အမျိုးသားပါတီ (TNP)

[၄]

ယာယီပြည်​ထောင်စုဝန်ကြီးများ[ပြင်ဆင်ရန်]

ပြည်ထောင်စုလွှတ်တော် ကိုယ်စားပြုကော်မတီသည် မတ်လ ၂ ရက်နေ့တွင် ကြေညာချက်အမှတ် (၁၁/၂၀၂၁) ကိုထုတ်ပြန်၍ တာဝန်ထမ်း​ဆောင်နိုင်သည့် အ​ခြေအ​နေမရှိ​သော ဝန်ကြီးများ​နေရာတွင် ကိုယ်စား​ဆောင်ရွက်ရန် ယာယီပြည်ထောင်စု ဝန်ကြီးများကို ခန့်အပ်တာဝန်ပေးခဲ့သည်။[၉]

ယာယီဝန်ကြီးများ
စဥ် အမည် ဝန်ကြီးဌာန တာဝန်ထမ်းဆောင်ခြင်း
စတင်ရက် ပြီးဆုံးရက် ရက်ပေါင်း
ဒေါ်ဇင်မာအောင် နိုင်ငံခြားရေးဝန်ကြီးဌာန ၂ မတ် ၂၀၂၁ လက်ရှိ


ဦးလွင်ကိုလတ် သမ္မတရုံးဝန်ကြီးဌာန ၂ မတ် ၂၀၂၁ လက်ရှိ


ပြည်ထောင်စုအစိုးရအဖွဲ့ရုံးဝန်ကြီးဌာန
ဦးတင်ထွန်းနိုင် စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန ၂ မတ် ၂၀၂၁ လက်ရှိ


ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန
စီးပွားရေးနှင့် ကူးသန်းရောင်းဝယ်ရေးဝန်ကြီးဌာန
ဒေါက်တာဇော်ဝေစိုး အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ၂ မတ် ၂၀၂၁ လက်ရှိ


ပညာရေးဝန်ကြီးဌာန
ကျန်းမာရေးနှင့် အားကစားဝန်ကြီးဌာန

လုပ်ဆောင်ချက်များ[ပြင်ဆင်ရန်]

အခြားဖတ်ရန်[ပြင်ဆင်ရန်]

ကိုးကား[ပြင်ဆင်ရန်]

  1. "NLD အမတ် ၁၅ ဦးပါ ပြည်ထောင်စုလွှတ်တော်ကိုယ်စားပြုကော်မတီဖွဲ့စည်း" (in my)၊ VOA၊ 5 February 2021။ 
  2. ပြည်ထောင်စုလွှတ်တော်ကိုယ်စားပြုကော်မတီဖွဲ့စည်း၊ သမ္မတဦးဝင်းမြင့် ခေါင်းဆောင်သော အစိုးရသာလျှင် တရားဝင်အစိုးရဖြစ်ကြောင်း ကမ္ဘာကိုကြေညာ။ 2021-02-05 တွင် မူရင်းအား မော်ကွန်းတင်ပြီး။ 2021-02-05 တွင် ပြန်စစ်ပြီး။
  3. NLD အမတ် ၁၅ ဦးပါ ပြည်ထောင်စုလွှတ်တော် ကိုယ်စားပြုကော်မတီဖွဲ့စည်း။ 2021-02-06 တွင် မူရင်းအား မော်ကွန်းတင်ပြီး။ 2021-02-06 တွင် ပြန်စစ်ပြီး။
  4. ၄.၀ ၄.၁ ပြည်ထောင်စု လွှတ်တော်ကိုယ်စားပြု ကော်မတီကို ကိုယ်စားလှယ် ၁၅ ဦးဖြင့် ဖွဲ့စည်းလိုက်ကြောင်း NLD ပါတီ လွှတ်တော်ကိုယ်စားလှယ်များ ထုတ်ပြန်။ 2021-02-06 တွင် ပြန်စစ်ပြီး။
  5. ၅.၀ ၅.၁ ၅.၂ Amid Coup, Myanmar's NLD Lawmakers Form Committee to Serve as Legitimate Parliament (in en-US) (2021-02-08)။
  6. ၆.၀ ၆.၁ "ပြည်ထောင်စုလွှတ်တော်ကိုယ်စားပြုကော်မတီက အစိုးရဖွဲ့ဖို့ပြင်" (in my)၊ BBC News မြန်မာ 
  7. ဆန္ဒပြသူများကို အကြမ်းဖက်မဖြိုခွင်းရန် ပြည်ထောင်စုလွှတ်တော်ကိုယ်စားပြုကော်မတီ ထုတ်ပြန် (in my)။
  8. သတင်းထုတ်ပြန်ချက် အမှတ်( ၂ ) (in my) (2021-02-10)။
  9. "CRPH က အစိုးရသစ်ဖွဲ့တာမဟုတ်၊ ကြားကာလ ကိုယ်စားပြုသူတွေ ခန့်ထားတာလို့ဆို"။ 

ပြင်ပလင့်ခ်များ[ပြင်ဆင်ရန်]