ကယားပြည်နယ် လွှတ်တော်

ကယားပြည်နယ်လွှတ်တော်
တတိယအကြိမ် ကယားပြည်နယ် လွှတ်တော်
အမျိုးအစား
အမျိုးအစား	လွှတ်တော်တစ်ရပ်စနစ်
သမိုင်းကြောင်း
တည်ထောင်ခြင်း	၃၁ ဇန်နဝါရီ ၂၀၁၁
ခေါင်းဆောင်များ
ဥက္ကဋ္ဌ	ဦးမော်ရယ်၊ USDP ၂၀ မတ် ၂၀၂၆ ကတည်းက
ဒုဥက္ကဋ္ဌ	ဦးစိုးရယ်၊ USDP ၂၀ မတ် ၂၀၂၆ ကတည်းက
ဖွဲ့စည်းပုံ
အမတ်ဦးရေ	၂၀ ရွေးကောက်ခံ ၁၅ ဦး တပ်မတော်သား ၅ ဦး
နိုင်ငံရေး အုပ်စုများ	USDP (၉)      KySPP (၂)      PPP (၁)      လစ်လပ် (၆)      တပ်မတော် (၅)
ရွေးကောက်ပွဲများ
	မဲအများဆုံးရသူအနိုင်ယူစနစ် အချိုးကျကိုယ်စားပြုစနစ်
နောက်ဆုံး ရွေးကောက်ပွဲ	၂၀၂၅-၂၀၂၆ အထွေထွေရွေးကောက်ပွဲ
အစည်းအဝေးနေရာ
ပြည်နယ် လွှတ်တော် ခန်းမ လွိုင်ကော်မြို့၊ ကယားပြည်နယ်

ကယားပြည်နယ်လွှတ်တော် (အင်္ဂလိပ်: Kayah State Hluttaw) သည် မြန်မာနိုင်ငံ ကယားပြည်နယ်၏ ဥပဒေပြုလွှတ်တော် တစ်ခုဖြစ်သည်။ လွှတ်တော်တစ်ရပ်တည်းရှိသော လွှတ်တော်အမျိုးအစားဖြစ်ပြီး အမတ်ဦးရေ ၂၀ ဦး (ရွေးကောက်ခံကိုယ်စားလှယ် ၁၅ ဦးနှင့် တပ်မတော်သား ကိုယ်စားလှယ် ၅ ဦး) ရှိသည်။

ဖွဲ့စည်းပုံ

မြန်မာနိုင်ငံဖွဲ့စည်းပုံအခြေခံဥပဒေ (၂၀၀၈ ခုနှစ်)အရ တိုင်းဒေသကြီး သို့မဟုတ် ပြည်နယ်များတွင် မြို့နယ်တစ်မြို့နယ်လျှင် နှစ်ဦးကျစီရွေးကောက် တင်မြှောက်ပြီး၊ ရွေးကောက်တင်မြှောက်သည့် လွှတ်တော် ကိုယ်စားလှယ်စုစုပေါင်း၏ သုံးပုံတစ်ပုံနှင့်ညီမျှသော တပ်မတော်ကာကွယ်ရေးဦးစီးချုပ်က ဥပဒေနှင့်အညီ အမည်စာရင်းတင်သွင်းသည့် တပ်မတော်သား တိုင်းဒေသကြီး သို့မဟုတ် ပြည်နယ် လွှတ်တော် ကိုယ်စားလှယ်များ ပါဝင်သည်။  

၂၀၂၆ ခုနှစ်အထိ ကယားပြည်နယ်တွင် မြို့နယ် (၇) ခုဖြင့် သတ်မှတ်ဖွဲ့စည်းထားသဖြင့် ရွေးကောက်ခံကိုယ်စားလှယ် ၁၄ ဦးရှိပြီး၊ ရွေးကောက်ခံ ဗမာတိုင်းရင်းသားရေးရာဝန်ကြီး (၁) ဦးနှင့် လွှတ်တော်ကိုယ်စားလှယ် စုစုပေါင်း၏ သုံးပုံတစ်ပုံနှင့်ညီမျှသော ခန့်အပ်ခံ တပ်မတော်သား ကိုယ်စားလှယ် ၅ ဦးလည်း ပါဝင်သည်။

ပြည်နယ်လွှတ်တော်အကြီးအကဲများ

	လွှတ်တော်သက်တမ်း	သဘာပတိ	ဥက္ကဋ္ဌ	ဒုတိယဥက္ကဋ္ဌ
၁။	ပထမအကြိမ်	ဦးခင်မောင်ဦး	ဦးကျော်ဆွေ	ဦးအေးမောင်
၂။	ဒုတိယအကြိမ်	ဦးအာယ်ဖောင်း	ဦးလှထွေး	ဦးတင်မြင့်
၃။	တတိယအကြိမ်	ဦးပိုးရယ်အောင်သိန်း	ဦးမော်ရယ်	ဦးစိုးရယ်

ဒုတိယအကြိမ် ကယားပြည်နယ်လွှတ်တော်

ကယားပြည်နယ် လွှတ်တော် အမတ်နေရာများ (နိုဝင်ဘာ ၂၀၁၅)
ပါတီ	အမတ်နေရာ	အသားတင် အနိုင်/အရှုံး	နေရာ%	မဲ%	မဲအရေအတွက်	+/-
NLD	၁၁	၁၁	၅၅
USDP	၄	၁၁	၂၀
တပ်မတော်သား ကိုယ်စားလှယ်	၅		၂၅
စုစုပေါင်း	၂၀		၁၀၀

တတိယအကြိမ် ကယားပြည်နယ်လွှတ်တော်

အကျယ်တဝင့် ဖော်ပြထားသောဆောင်းပါး - မြန်မာနိုင်ငံ အထွေထွေ ရွေးကောက်ပွဲ၊ ၂၀၂၅ - ၂၀၂၆ တွင် အနိုင်ရရှိသူများ စာရင်း

၂၀၂၅-၂၀၂၆ အထွေထွေ ရွေးကောက်ပွဲတွင် ၂၀၂၅ ခုနှစ် ဇူလိုင်လပိုင်းတွင် ဆဋ္ဌမအကြိမ်ပြင်ဆင်သည့် တိုင်းဒေသကြီး သို့မဟုတ် ပြည်နယ်လွှတ်တော် ရွေးကောက်ပွဲဥပဒေ ပုဒ်မ ၄ အရ ရွေးကောက်ပွဲကော်မရှင်သည် မဲဆန္ဒနယ်များ သတ်မှတ်ရာတွင် မြို့နယ်တစ်မြို့နယ်လျှင် ကိုယ်စားလှယ်တစ်ဦးကျစီကို FPTP စနစ်ဖြင့် ရွေးချယ်ရန် သတ်မှတ်ရမည်ဖြစ်ပြီး၊ ကျန်ရှိသောကိုယ်စားလှယ်များအတွက် မြို့နယ်များကို စုစည်း၍ PR စနစ်ဖြင့် ရွေးချယ်နိုင်ရန် မဲဆန္ဒနယ်များ သတ်မှတ်ရဟု ပြဋ္ဌာန်းထားသည်။

ကယားပြည်နယ်လွှတ်တော်၏ ရွေးကောက်ခံ မဲဆန္ဒနယ် ၁၄ နေရာတွင် ၇ နေရာကို မဲအများဆုံးအနိုင်ရသူယူစနစ်ဖြင့် ရွေးကောက်ခံရပြီး၊ ကျန် ၇ နေရာကို အချိုးကျကိုယ်စားပြုစနစ်ဖြင့် သတ်မှတ်ရွေးကောက်ခံရသည်။

သို့သော် ရွေးကောက်ပွဲကော်မရှင်၏ ၂၀၂၅ ခုနှစ်၊ စက်တင်ဘာလ ၁၄ ရက်နေ့တွင် ပြည်နယ်လွှတ်တော် မဲအများဆုံးရသူအနိုင်ယူစနစ် မဲဆန္ဒနယ် (၃) နယ် ဖြစ်သော ဖားဆောင်းမြို့နယ်၊ မယ်စဲ့မြို့နယ်နှင့် ရှားတောမြို့နယ်တို့တွင် ရွေးကောက်ပွဲများကျင်းပမည်မဟုတ်ကြောင်း ကြေညာသည်။

စဉ်	ကိုယ်စားပြုပါတီ	အမတ်နေရာ				%	+/-
		FPTP	PR	EM	Σ
၁။	ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ	၄	၄	၁	၉	45%	5
၂။	ကယားပြည်နယ်ပြည်သူ့ပါတီ	၀	၂	၀	၂	10%	2
၃။	ပြည်သူ့ရှေ့ဆောင်ပါတီ	၀	၁	၀	၁	5%	1
၄။	တပ်မတော်သား ကိုယ်စားလှယ်	၀	၀	၀	၅	25%
၅။	လစ်လပ်	၃	၀	၀	၃	15%	-
ပေါင်း					၂၀	100%

အခြားကြည့်ရန်

• ပြည်နယ်နှင့် တိုင်းဒေသကြီး လွှတ်တော်များ
• ပြည်ထောင်စုလွှတ်တော်