ကချင်ပြည်နယ် လွှတ်တော်

ကချင်ပြည်နယ်လွှတ်တော်
တတိယအကြိမ် ကချင်ပြည်နယ်လွှတ်တော်
အမျိုးအစား
အမျိုးအစား	လွှတ်တော်တစ်ရပ်စနစ်
သမိုင်းကြောင်း
တည်ထောင်ခြင်း	၃၁ ဇန်နဝါရီ ၂၀၁၁
ခေါင်းဆောင်များ
ဥက္ကဋ္ဌ	ဦးရာဝမ်ဂျုံး၊ USDP ၂၀ မတ် ၂၀၂၆ ကတည်းက
ဒုဥက္ကဋ္ဌ	ဦးသိန်းထွန်းအေး၊ USDP ၂၀ မတ် ၂၀၂၆ ကတည်းက
ဖွဲ့စည်းပုံ
အမတ်ဦးရေ	၄၅ ရွေးကောက်ခံ ၃၄ ဦး တပ်မတော်သား ၁၁ ဦး
နိုင်ငံရေး အုပ်စုများ	USDP (၂၃)      TNDP (၃)      LNDP (၂)      NDPK (၂)      NUP (၁)      MFDP (၁)      PPP (၁)      KSPP (၁)      လစ်လပ် (၆)      တပ်မတော် (၁၃)
ရွေးကောက်ပွဲများ
	မဲအများဆုံးရသူအနိုင်ယူစနစ် အချိုးကျကိုယ်စားပြုစနစ်
နောက်ဆုံး ရွေးကောက်ပွဲ	၂၀၂၅-၂၀၂၆ အထွေထွေရွေးကောက်ပွဲ
အစည်းအဝေးနေရာ
ပြည်နယ်လွှတ်တော်ခန်းမ မြစ်ကြီးနားမြို့၊ ကချင်ပြည်နယ်

ကချင်ပြည်နယ်လွှတ်တော် (အင်္ဂလိပ်: Kachin State Hluttaw) သည် မြန်မာနိုင်ငံ ကချင်ပြည်နယ်၏ ဥပဒေပြုလွှတ်တော် တစ်ခုဖြစ်သည်။ လွှတ်တော်တစ်ရပ်တည်းရှိသော လွှတ်တော်အမျိုးအစားဖြစ်ပြီး ကိုယ်စားလှယ်ပေါင်း ၅၃ ဦး (ရွေးကောက်ခံ ကိုယ်စားလှယ် ၄၀ ဦးနှင့် ခန့်အပ်ခံ တပ်မတော်သား ကိုယ်စားလှယ် ၁၃ ဦး) ရှိသည်။

ဖွဲ့စည်းပုံ

မြန်မာနိုင်ငံဖွဲ့စည်းပုံအခြေခံဥပဒေ (၂၀၀၈ ခုနှစ်)အရ တိုင်းဒေသကြီး သို့မဟုတ် ပြည်နယ်များတွင် မြို့နယ်တစ်မြို့နယ်လျှင် နှစ်ဦးကျစီရွေးကောက် တင်မြှောက်ပြီး၊ ရွေးကောက်တင်မြှောက်သည့် လွှတ်တော် ကိုယ်စားလှယ်စုစုပေါင်း၏ သုံးပုံတစ်ပုံနှင့်ညီမျှသော တပ်မတော်ကာကွယ်ရေးဦးစီးချုပ်က ဥပဒေနှင့်အညီ အမည်စာရင်းတင်သွင်းသည့် တပ်မတော်သား တိုင်းဒေသကြီး သို့မဟုတ် ပြည်နယ် လွှတ်တော် ကိုယ်စားလှယ်များ ပါဝင်သည်။  

၂၀၂၆ ခုနှစ်အထိ ကချင်ပြည်နယ်တွင် မြို့နယ် (၁၈) ခုဖြင့် သတ်မှတ်ဖွဲ့စည်းထားသဖြင့် ရွေးကောက်ခံကိုယ်စားလှယ် ၃၆ ဦးရှိပြီး၊ ရွေးကောက်ခံ ဗမာ၊ လီဆူ၊ ရဝမ်နှင့် ရှမ်းတိုင်းရင်းသားရေးရာဝန်ကြီးများ (၄) ဦးနှင့် လွှတ်တော်ကိုယ်စားလှယ် စုစုပေါင်း၏ သုံးပုံတစ်ပုံနှင့်ညီမျှသော ခန့်အပ်ခံ တပ်မတော်သား ကိုယ်စားလှယ် ၁၂ ဦးလည်း ပါဝင်သည်။

လွှတ်တော်အကြီးအကဲများ

	လွှတ်တော်သက်တမ်း	သဘာပတိ	ဥက္ကဋ္ဌ	ဒုတိယဥက္ကဋ္ဌ
၁။	ပထမအကြိမ်	ဦးလဂျွန်ငန်ဆိုင်း၊ USDP	ဦးရားဝမ်ဂျုံး၊ USDP	ဦးစိုင်းမြင့်ကျော်၊ USDP
၂။	ဒုတိယအကြိမ်	ဦးမြသိန်း၊ NLD	ဦးထွန်းတင်၊ NLD	ဦးဒိန်ခန်ဖုန်၊ NLD
၃။	တတိယအကြိမ်	ဒေါက်တာသန်းဌေးအောင်၊ USDP	ဦးရားဝမ်ဂျုံး၊ USDP	ဦးသိန်းထွန်းအေး၊ USDP

ရွေးကောက်ပွဲ ရလဒ်များ

၂၀၁၀ ခုနှစ်

ကချင်ပြည်နယ်လွှတ်တော် အမတ်နေရာများ
ပါတီ	အမတ်နေရာ	%	+/-
USDP	၂၀	39.22%	20
NUP	၁၁	21.57%	11
SNLD	၄	7.84%	4
UDPKS	၂	3.92%	2
တစ်သီးပုဂ္ဂလ	၁	1.96%	1
တပ်မတော်သား	၁၃	25.49%	13
စုစုပေါင်း	၅၁	99.99%

၂၀၁၅ ခုနှစ်

ဒုတိယအကြိမ် ကချင်ပြည်နယ်လွှတ်တော်
ပါတီ	အမတ်နေရာ	%	+/-
NLD	၂၆	49.06%	26
USDP	၇	13.21%	13
KSDP	၃	5.66%	3
SNLD	၁	1.89%	3
LNDP	၂	3.77%	2
UDPKS	၁	1.89%	1
တပ်မတော်သား	၁၃	24.53%
စုစုပေါင်း	၅၃	၁၀၀

၂၀၂၅-၂၀၂၆ ခုနှစ်

အကျယ်တဝင့် ဖော်ပြထားသောဆောင်းပါး - မြန်မာနိုင်ငံ အထွေထွေ ရွေးကောက်ပွဲ၊ ၂၀၂၅ - ၂၀၂၆ တွင် အနိုင်ရရှိသူများ စာရင်း

၂၀၂၅-၂၀၂၆ အထွေထွေ ရွေးကောက်ပွဲတွင် ၂၀၂၅ ခုနှစ် ဇူလိုင်လပိုင်းတွင် ဆဋ္ဌမအကြိမ်ပြင်ဆင်သည့် တိုင်းဒေသကြီး သို့မဟုတ် ပြည်နယ်လွှတ်တော် ရွေးကောက်ပွဲဥပဒေ ပုဒ်မ ၄ အရ ရွေးကောက်ပွဲကော်မရှင်သည် မဲဆန္ဒနယ်များ သတ်မှတ်ရာတွင် မြို့နယ်တစ်မြို့နယ်လျှင် ကိုယ်စားလှယ်တစ်ဦးကျစီကို FPTP စနစ်ဖြင့် ရွေးချယ်ရန် သတ်မှတ်ရမည်ဖြစ်ပြီး၊ ကျန်ရှိသောကိုယ်စားလှယ်များအတွက် မြို့နယ်များကို စုစည်း၍ PR စနစ်ဖြင့် ရွေးချယ်နိုင်ရန် မဲဆန္ဒနယ်များ သတ်မှတ်ရဟု ပြဋ္ဌာန်းထားသည်။

ကချင်ပြည်နယ်လွှတ်တော်၏ ရွေးကောက်ခံ မဲဆန္ဒနယ် ၃၆ နေရာတွင် ၁၈ နေရာကို FTPT စနစ်ဖြင့် ရွေးကောက်ခံရပြီး၊ ကျန် ၁၈ နေရာကို PR စနစ်ဖြင့် သတ်မှတ်ရွေးကောက်ခံရသည်။ သို့သော် ရွေးကောက်ပွဲကော်မရှင်၏ ၂၀၂၅ ခုနှစ်၊ စက်တင်ဘာလ ၁၄ ရက်နေ့တွင် ထုတ်ပြန်ကြေညာခဲ့ပြီး ပြည်နယ်လွှတ်တော် မဲအများဆုံးရသူအနိုင်ယူစနစ် မဲဆန္ဒနယ် (၄) နယ် ဖြစ်သော ချီဖွေမြို့နယ်၊ ဆော့လော်မြို့နယ်၊ ဆွမ်ပရာဘွမ်မြို့နယ်၊ အင်ဂျန်းယန်မြို့နယ်တို့တွင် ရွေးကောက်ပွဲများကျင်းပမည်မဟုတ်ကြောင်း ကြေညာသည်။၂၀၂၆ ခုနှစ် ဇန်နဝါရီလ ၂၀ ရက်နေ့တွင် ပြည်ထောင်စုရွေးကောက်ပွဲကော်မရှင် သည် အပိုင်း (၃) ကြေညာချက်အရ ၂၀၂၆ ခုနှစ် ဇန်နဝါရီလ ၂၅ ရက်တွင် ကျင်းပရန် စီစဉ်ထားသည့် ရွေးကောက်ပွဲကို ကချင်ပြည်နယ်အတွင်းရှိ မံစီမြို့နယ်တစ်ခုလုံးနှင့် မိုးမောက်မြို့နယ်တစ်ခုလုံးအား ထည့်သွင်း ကျင်းပမည်မဟုတ်ကြောင်း ကြေညာခဲ့သည်။ထို့အပြင် ဗန်းမော်မြို့နယ်အတွင်းရှိ ရပ်ကွက်နှင့် ကျေးရွာအုပ်စု စုစုပေါင်း ၁၁ ခုကိုလည်း ရွေးကောက်ပွဲ မကျင်းပနိုင်သည့် နေရာများအဖြစ် သီးခြားကြေညာခဲ့သည်။

၂၀၂၆ ခုနှစ်၊ ဖေဖော်ဝါရီလ ၁၁ ရက်နေ့တွင် ကြေညာခဲ့သော တပ်မတော်သား တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော် ကိုယ်စားလှယ်များ အမည်စာရင်းအရ ကချင်ပြည်နယ်လွှတ်တော်အတွက် တပ်မတော်သားကိုယ်စားလှယ် ၁၁ ဦး ပါဝင်သည်။​

စဉ်	ကိုယ်စားပြုပါတီ	အမတ်နေရာ				%	+/-
		FPTP	PR	EM	Σ
၁။	ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ	၁၂	၉	၂	၂၃	45.10%	၁၆
၂။	တိုင်းလိုင်(ရှမ်းနီ)အမျိုးသားများဖွံ့ဖြိုးတိုးတက်ရေးပါတီ	၀	၂	၁	၃	5.88%	၃
၃။	ဒီမိုကရေစီပါတီသစ် (ကချင်)	၀	၂	၀	၂	3.92%	၂
၄။	လီဆူအမျိုးသားဖွံ့ဖြိုးတိုးတက်ရေးပါတီ	၀	၁	၁	၂	3.92%
၅။	တိုင်းရင်းသားစည်းလုံးညီညွတ်ရေးပါတီ	၀	၁	၀	၁	1.96%	၁
၆။	မြန်မာနိုင်ငံတောင်သူလယ်သမားဖွံ့ဖြိုးတိုးတက်ရေးပါတီ	၀	၁	၀	၁	1.96%	၁
၇။	ပြည်သူ့ရှေ့ဆောင်ပါတီ	၀	၁	၀	၁	1.96%	၁
၈။	ကချင်ပြည်နယ်ပြည်သူ့ပါတီ	၀	၁	၀	၁	1.96%	၁
၉။	တပ်မတော်သား ကိုယ်စားလှယ်	-	-	-	၁၁	21.57%	2
၁၀။	လစ်လပ်	၆	၀	၀	၆	11.76%	-
စုစုပေါင်း					၅၁	99.99%

အခြားကြည့်ရန်

• ပြည်နယ်နှင့် တိုင်းဒေသကြီး လွှတ်တော်များ
• ပြည်ထောင်စုလွှတ်တော်