မော်လမြိုင် တက္ကသိုလ်

ဝီကီပီးဒီးယား မှ
Jump to navigation Jump to search
မော်လမြိုင် တက္ကသိုလ်
Mawlamyine University
ပညာတန်ဆောင် ပြည်ကျိုးဆောင်တဲ့
Enshrine the education, serves the peoples' will
{{{အမည်}}}
မော်လမြိုင် တက္ကသိုလ်၏ အမှတ်တံဆိပ်
တည်ထောင်ခုနှစ် ၁၉၅၃
ပါမောက္ခချုပ် ဒေါက်တာ အောင်မြတ်ကျော်စိန်
တည်နေရာ တောင်ဝိုင်းလမ်း၊ မော်လမြိုင်မြို့၊ မွန်ပြည်နယ်
ပိုင်ဆိုင်မှု အစိုးရပိုင်
မော်လမြိုင်တက္ကသိုလ်

မော်လမြိုင်တက္ကသိုလ်သည် မော်လမြိုင်မြို့တွင် တည်ရှိပြီး မြန်မာ့အရှေ့တောင်၏ အကြီးဆုံး တက္ကသိုလ်ဖြစ်သည်။ မော်လမြိုင်တက္ကသိုလ်ကို ၁၉၅၃ ခုနှစ်တွင်စတင် တည်ထောင် ခဲ့သည်။ မော်လမြိုင်တက္ကသိုလ်သည် မြန်မာနိုင်ငံတွင် တတိယမြောက် တည်ထောင်သော ဝိဇ္ဇာသိပ္ပံတက္ကသိုလ်ဖြစ်သည်။ ထိုတက္ကသိုလ်သည် ဝိဇ္ဇာဘွဲ့နှင့် သိပ္ပံဘွဲ့များ၊ မဟာဝိဇ္ဇာဘွဲ့များကို ချီးမြှင့်နိုင်သည်။ ထို့ပြင် မြန်မာနိုင်ငံအတွင်း အဏ္ဏဝါသိပ္ပံဘွဲ့ကို ချီးမြှင့်ပေးနိုင်သော တက္ကသိုလ်အချို့သာရှိရာ မော်လမြိုင်တက္ကသိုလ်သည် တစ်ခုအပါအဝင် ဖြစ်သည်။

သမိုင်း[ပြင်ဆင်ရန်]

မော်လမြိုင်တက္ကသိုလ်ကို ၁၉၅၃ ခုနှစ်တွင် ရန်ကုန်တက္ကသိုလ်၏ လက်အောက်ခံ မော်လမြိုင် ဥပစာကောလိပ် အဖြစ် ဖွဲ့စည်းခဲ့ကြသည်။ ၁၉၆၄ ခုနှစ်တွင် မော်လမြိုင် ဒီဂရီကောလိပ်အဖြစ် ပြောင်းလဲတိုးမြှင့်ခဲ့သည်။ ထို့နောက် မော်လမြိုင်တက္ကသိုလ်အဖြစ် ကိုကား ၁၉၈၆ခုနှစ်မှသာ ပြောင်းလဲတိုးမြှင့်ခဲ့လေသည်။

ဘာသာရပ်များ သင်ကြားပေးမှု[ပြင်ဆင်ရန်]

မြန်မာ့ တက္ကသိုလ်ပညာရေးစနစ်တွင် ဝိဇ္ဇာနှင့် သိပ္ပံတက္ကသိုလ်များအား အတူတကွ ပေါင်းစည်းထားခဲ့ပြီး မော်လမြိုင်တက္ကသိုလ်သည် ရိုးရိုးဝိဇ္ဇာဘာသာရပ်များနှင့် သိပ္ပံဘာသာ အထူးပြု ကျောင်းသားများအား ဝိဇ္ဇာဘွဲ့များနှင့် မဟာဘွဲ့များကို ချီးမြှင့်ပေးသည်။ ၎င်းသည် ရိုးရိုး Bachelor Of Art(BA) ဝိဇ္ဇာဘွဲနှင့် Bachelor Of Science(BSc) သိပ္ပံဘွဲ့ ရယူနိုင်ရန်အတွက် သုံးနှစ် အချိန်ပေးရပြီး BA(Hons) နှင့် BSc(Hons) တို့ကဲ့သို့သော ဂုဏ်ထူးတန်း(Honor Degree)များအတွက်ကိုမူ ၄ နှစ်အချိန်ပေးရလေသည်။ ဥပဒေပညာအတွက်ကိုလည်း ၄ နှစ် အချိန်ပေးရသည်။ မြန်မာနိုင်ငံတွင် အဏ္ဏဝါသိပ္ပံဘွဲ့ချီးမြှင့်သည့် တက္ကသိုလ်မှာ အနည်းငယ်မျှသာရှိသည့်အနက် မော်လမြိုင်တက္ကသိုလ်သည်လည်း တစ်ခုအပါအဝင်ဖြစ်သည်။ ကမ်းခြေနှင့် ဆက်စပ်နေသော မြို့တစ်ခုဖြစ်သည့် မော်လမြိုင်မြို့တောင်ဘက် ၆၀ ကီလိုမီတာအကွာတွင် တက္ကသိုလ်၏အဏ္ဏဝါသပ္ပံလက်တွေ့စမ်းသပ်ရန်နေရာတစ်ခု ထားရှိပြီး မြန်မာနိုင်ငံတွင် ပထမဆုံးသော အမျိုးအစားဖြစ်သည်။

ဘာသာရပ် ဘွဲ့ မဟာဘွဲ့ ပါရဂူဘွဲ့
မြန်မာစာ ဘီအေ(BA) အမ်အေ(MA) --
အင်္ဂလိပ်စာ ဘီအေ(BA) အမ်အေ(MA)
ပထဝီဝင် ဘီအေ(BA) အမ်အေ(MA)
သမိုင်း ဘီအေ(BA) အမ်အေ(MA)
ဒဿနိကဗေဒ ဘီအေ(BA) အမ်အေ(MA)
စိတ္တဗေဒ ဘီအေ(BA) အမ်အေ(MA)
ရုက္ခဗေဒ ဘီအပ်စီ(BSc) အမ်အပ်စီ(MSc)
ဓာတုဗေဒ ဘီအပ်စီ(BSc) အမ်အပ်စီ(MSc)
အဏ္ဏဝါသိပ္ပံ ဘီအပ်စီ(BSc) အမ်အပ်စီ(MSc) PhD
သင်္ချာ ဘီအပ်စီ(BSc) အမ်အပ်စီ(MSc)
ရူပဗေဒ ဘီအပ်စီ(BSc) အမ်အပ်စီ(MSc)
သတ္တဗေဒ ဘီအပ်စီ(BSc) အမ်အပ်စီ(MSc)
ဘူမိဗေဒ ဘီအပ်စီ(BSc) -- --
ဇီဝဓါတုဗေဒ ဘီအပ်စီ(BSc) -- --
အဏုဇီဝဗေဒ ဘီအပ်စီ(BSc) -- --
ဥပဒေပညာ LLB -- --

အုပ်ချုပ်ရေး[ပြင်ဆင်ရန်]

အုပ်ချုပ်သူများ စာရင်း (၁၉၅၃ မှ ယခု)[ပြင်ဆင်ရန်]

  • ဦးတိုးအောင် (စာရေးဆရာ ကုသ) (၁၉၅၃ခု မတ်လ မှ ၁၉၆၃ ခု ဇူလိုင်လ)
  • ဒေါက်တာဖေသောင်း
  • ဦးလှရွှေ
  • ဒေါက်တာ မန်းသက်စံ
  • ဒေါက်တာမောင်ဒီ (၁၉၇၂ မှ ၁၉၇၇)
  • ဦးခင်မောင်တင့် (တက္ကသိုလ်ဘုန်းနိုင်) (မော်လမြိုင် ဒီဂရီ ကောလိပ် ကျောင်းအုပ်ကြီး (၁၉၇၇ - ၈၅)၊ မော်လမြိုင် တက္ကသိုလ် ဒုတိယအဓိပတိ (၁၉၈၆ - ၈၈))
  • ဦးတင်ဦးလှိုင်
  • ဦးလှထွန်းအောင်
  • ဒေါက်တာလှဖေ
  • ဦးကြည်ဝင်း
  • ဦးစန်းတင့်
  • ဦးမြသိန်း(ဒုတိယပါမောက္ခချုပ်ဖြင့် တာဝန်ယူအုပ်ချုပ်)
  • ဦးစောဟန်ရှိန်
  • ဦးထွန်းသိန်း
  • ဒေါက်တာဌေးအောင်
  • ဒေါက်တာအောင်မြတ်ကျော်စိန် တို့ဖြစ်ကြသည်။

အဆောက်အဦးများ[ပြင်ဆင်ရန်]

မော်လမြိုင်တက္ကသိုလ်၏အဓိကဝင်ပေါက် အဓိပတိလမ်းမ

အရေးကြီးသော အဆောက်အဦးများ[ပြင်ဆင်ရန်]

  • ဗညားဒလ ဆောင်
  • ရာမည ဆောင်
  • ဘွဲ့နှင်းသဘင်ခန်းမ
  • တက္ကသိုလ်ဆေးရုံ
  • စက်စဲ အဏ္ဏဝါသိပ္ပံသုတေသနစင်တာ
  • တက္ကသိုလ်အားကစားခန်းမ
  • တက္ကသိုလ်စာကြည့်တိုက် - တက္ကသိုလ်စာကြည့်တိုက်အဖြစ် ၃ထပ် စာကြည့်တိုက်အား ဇန်နဝါရီလ ၂၀၀၄ ခုနှစ်တွင် ပြီးစီး၍ စာစောင်၊ စာအုပ်ပေါင်း ၁၀၆, ၀၀၀ ခန့် ထားရှိပြီးဖြစ်သည်။

အပြည်ပြည်ဆိုင်ရာဆက်နွယ်မှု[ပြင်ဆင်ရန်]

သုတေသန[ပြင်ဆင်ရန်]

  • ထိုင်းနိုင်ငံ Songkla မင်းသား တက္ကသိုလ်[၁]
  • ဖိလစ်ပိုင်နိုင်ငံ Silliman တက္ကသိုလ် - မော်လမြိုင်တက္ကသိုလ် သည် ဖိလစ်ပိုင်နိုင်ငံ Silliman တက္ကသိုလ်နှင့်သုတေသနနှင့်ပညာရေး ချိတ်ဆက်ချက်များ ရှိပြီးဖြစ်သည်။ [၂]
  • အမေရိကန်ပြည်ထောင်စု Scripps Institution of Oceanography[၁]
  • ဂျပန်နိုင်ငံ တိုကျိုအဏ္ဏဝါသိပ္ပံနှင့်နည်းပညာတက္ကသိုလ် - မော်လမြိုင်တက္ကသိုလ် သည် တိုကျိုအဏ္ဏဝါသိပ္ပံနှင့်နည်းပညာတက္ကသိုလ်နှင့်အပြည်ပြည်ဆိုင်ရာ လဲလှယ်သဘောတူညီချက်များ ရှိပြီးဖြစ်သည်။[၃][၄]
  • ဩစတြီးယားနိုင်ငံ သဘာဝအရင်းအမြစ်နှင့်ဘဝကသိပ္ပံတက္ကသိုလ်, ဗီယင်နာ[၁]

သင်ကြားရေး[ပြင်ဆင်ရန်]

  • ဩစတြေးလျနိုင်ငံ BABSEACLE ဥပဒေရေးရာပညာရေးဖောင်ဒေးရှင်း[၅]
  • အမေရိကန်ပြည်ထောင်စု ကော်နဲလ်တက္ကသိုလ်[၁]
  • ဩစတြေးလျနိုင်ငံ နယူးဆောက်သ်ဝေးလ်စ် တက္ကသိုလ်[၆]

ကျောင်းသားဖလှယ်ရေး[ပြင်ဆင်ရန်]

  • ဂျပန်နိုင်ငံ Hosei တက္ကသိုလ်[၁]
  • အမေရိကန်ပြည်ထောင်စု အင်ဒီယားနားတက္ကသိုလ် - Purdue တက္ကသိုလ် ဖို့တ်ဝိန်း (IPFW)[၇]
  • ထိုင်းနိုင်ငံ ခွန်ကန် တက္ကသိုလ် (Khon Kaen University)[၈]
  • ဂျပန်နိုင်ငံ တိုကျိုတက္ကသိုလ်[၁]

ထင်ရှားသောဆရာဟောင်းများ[ပြင်ဆင်ရန်]

ထင်ရှားသောကျောင်းသားဟောင်းများ[ပြင်ဆင်ရန်]

ကိုးကား[ပြင်ဆင်ရန်]

  1. ၁.၀ ၁.၁ ၁.၂ ၁.၃ ၁.၄ ၁.၅ https://www.myanmar-edu.org/mueucap-university-mawlamyine
  2. Linkages & Partnerships | Silliman University (in en-US)။
  3. "Myanmar Seminar - Overseas Partner Institutions, University of Yangon and Mawlamyine University -:東京海洋大学" (in ja)၊ Myanmar Seminar - Overseas Partner Institutions, University of Yangon and Mawlamyine University -:東京海洋大学 
  4. Academic Exchange Agreements - 東京海洋大学
  5. Mawlamyine University Law Department’s Ambitious Clinical Legal Education (CLE) Plan - BABSEACLE
  6. Myanmar — Football United
  7. An Evening Conversation with Mawlamyine University students – Fort Wayne Sister Cities
  8. มข.ต้อนรับ Mawlamyine University จาก เมียนมา
  9. Gill, Mohana (2013). Myanmar: Cuisine, Culture, Customs. Marshall Cavendish International Asia Pte Ltd. p. 41.
  10. Philosophy Writer Nanda Thein Zan Passes Away
  11. Meet Burma’s Next Cabinet
  12. ပြည်ထောင်စုလွှတ်တော်