ကွန်ပျူတာတက္ကသိုလ်(စစ်တွေ)

ကွန်ပျူတာတက္ကသိုလ်(စစ်တွေ)
Computer University, Sittwe
မြန်မှန်တွက်ချက် တိုင်းပြည်တွက်
တည်ထောင်ခုနှစ်	၄ စက်တင်ဘာ ၂၀၀၀
တည်နေရာ	စစ်တွေမြို့၊ ရခိုင်ပြည်နယ်
အမျိုးအစား	အများနှင့်သက်ဆိုင်သော
အကျယ်အဝန်း	၄.၈၆၄ ဧက

ကွန်ပျူတာတက္ကသိုလ်(စစ်တွေ)သည် ရခိုင်ပြည်နယ်၊ စစ်တွေမြို့၊ ပြည်တော်သာရပ်ကွက်၊ ပြည်ထောင်စုလမ်းမကြီး၏ဘေးတွင် တည်ရှိပြီး ၄.၈၆၄ ဧက ကျယ်ဝန်းသည်။ သိပ္ပံနှင့် နည်းပညာ ဝန်ကြီးဌာန၊ အဆင့်မြင့်သိပ္ပံနှင့် နည်းပညာဦးစီးဌာန လက်အောက်ရှိ နိုင်ငံပိုင်တက္ကသိုလ်တစ်ခု ဖြစ်သည်။

သမိုင်းကြောင်း

အစိုးရကွန်ပျူတာကောလိပ်(စစ်တွေ)ကို ၂၀ဝ၀ ပြည့်နှစ်၊ စက်တင်ဘာလ ၄ ရက်နေ့တွင် ရခိုင်ပြည်နယ် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်း (စစ်တွေ)ရုံးတွင် စတင်ဖွင့်လှစ်ခဲ့သည်။ ၂၀ဝ၁ ခုနှစ်၊ ဧပြီလတွင် အစိုးရနည်းပညာကောလိပ် ယခုနေရာသို့ ပြောင်းရွှေ့ဖွင့်လှစ်ခဲ့သည်။ ၂၀ဝ၇ ခုနှစ်၊ ဇန်နဝါရီလ ၂၀ ရက်နေ့တွင် အစိုးရကွန်ပျူတာကောလိပ်(စစ်တွေ)ကို တက္ကသိုလ်အဆင့်သို့ တိုးမြှင့်ခဲ့သည်။

သင်တန်းများ

ကွန်ပျူတာတက္ကသိုလ်(စစ်တွေ)မှ ဖွင့်လှစ်သင်ကြား ပို့ချလျက်ရှိသော သင်တန်းများမှာ အောက်ပါအတိုင်း ဖြစ်သည်။

• ပထမနှစ် ကွန်ပျူတာသိပ္ပံနှင့်နည်းပညာ
• ဒုတိယနှစ် ကွန်ပျူတာသိပ္ပံ
• ဒုတိယနှစ် ကွန်ပျူတာနည်းပညာ
• တတိယနှစ် ကွန်ပျူတာသိပ္ပံ
• တတိယနှစ် ကွန်ပျူတာနည်းပညာ
• ဂုဏ်ထူးတန်း ကွန်ပျူတာသိပ္ပံ
• ဂုဏ်ထူးတန်း ကွန်ပျူတာနည်းပညာ

ပေးအပ်ချီးမြှင့်သောဘွဲ့များ

ကွန်ပျူတာတက္ကသိုလ်(စစ်တွေ)မှ ပေးအပ်ချီးမြှင့်သော ဘွဲ့ဒီဂရီများနှင့် အသိအမှတ်ပြုလက်မှတ်များမှာ အောက်ပါအတိုင်း ဖြစ်သည်။

• ကွန်ပျူတာသိပ္ပံဘွဲ့ B.C.Sc
• ကွန်ပျူတာနည်းပညာဘွဲ့ B.C.Tech
• ကွန်ပျူတာသိပ္ပံဂုဏ်ထူးဘွဲ့ B.C.Sc(Hons:)
• ကွန်ပျူတာနည်းပညာဂုဏ်ထူးဘွဲ့ B.C.Tech(Hons:)