သမဝါယမတက္ကသိုလ်(သန်လျင်)

ဝီကီပီးဒီးယား မှ
Jump to navigation Jump to search
သမဝါယမတက္ကသိုလ် (သန်လျင်)
Co-operative University (Thanlyin)
Youth Co-operators, Future in Leaders
Yangon Co-operative University


တည်ထောင်ခုနှစ် ၁၉၉၄
ပါမောက္ခချုပ် ဒေါက်တာရီရီဝင်း
တည်နေရာ သန်လျင်မြို့ရန်ကုန်တောင်ပိုင်းခရိုင်
အကျယ်အဝန်း ၂၀၈.၂၀၉ ဧက
ပိုင်ဆိုင်မှု စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန

သမဝါယမတက္ကသိုလ် (သန်လျင်)သည် ရန်ကုန်တောင်ပိုင်းခရိုင်၊ ရန်ကုန်မြို့ အရှေ့တောင်ဘက် (၈)မိုင်ခန့်အကွာတွင် တည်ရှိပြီး၊ သန်လျင်မြို့ ကျိုက်ခေါက်ဘုရားလမ်းမကြီး၏ အရှေ့ဘက်၊ ရန်ကုန်သီလဝါမီးရထားလမ်း အရှေ့ဘက်နှင့် ရန်ကုန်အရှေ့ပိုင်းတက္ကသိုလ်၏ အနောက်ဘက် ညောင်သုံးပင်ရွာတွင်တည်ရှိပြီး၊ သမဝါယမ တက္ကသိုလ်ပိုင် မြေဧရိယာ စုစုပေါင်းမှာ (၂၀၈.၂၀၉)ဧက ရှိပါသည်။ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန သမဝါယမ ဦးစီးဌာနလက်အောက်ရှိ တက္ကသိုလ်တစ်ခု ဖြစ်သည်။

သမဝါယမတက္ကသိုလ်(သန်လျင်)တွင် နှစ်စဉ်ပထမနှစ် ကျောင်းသား၊ ကျောင်းသူ (၄၀၀)ဦး လက်ခံသင်ကြားပေးလျက်ရှိသည်။

သမိုင်းကြောင်း[ပြင်ဆင်ရန်]

သမဝါယမသင်တန်းကျောင်းကို မရမ်းကုန်းမြို့နယ်၊ ချော်တွင်းကုန်း တွင် စတင်ဖွင့်လှစ်ခဲ့ပြီးနောက်၊ သန်လျင်မြို့ ကျိုက်ခေါက်ဘုရားလမ်းသို့ ပြောင်းရွှေ့ဖွင့်လှစ်ခဲ့ပါသည်။ လှည်းကူးမြို့နယ်၊ ဖောင်ကြီးဗဟိုသမဝါယမသင်တန်းကျောင်း တည်နေရာတွင် ရန်ကုန်တိုင်းဒေသကြီး သမဝါယမသင်တန်းကျောင်းနှင့် ပဲခူးတိုင်းဒေသကြီး သမဝါယမသင်တန်းကျောင်း (၂)ကျောင်းအား စုပေါင်းဖွင့်လှစ်ခဲ့သည်။ ရန်ကုန်တိုင်းဒေသကြီး သမဝါယမသင်တန်းကျောင်းကို ရန်ကုန်သမဝါယမဒေသကောလိပ်အဆင့်သို့ ပြည်ထောင်စုမြန်မာနိုင်ငံတော်အစိုးရ အဖွဲ့၏ ၁၉၉၄ ခုနှစ် မေလ ၁၉ ရက်စွဲပါ အမိန့်ကြော်ငြာစာအမှတ်(၁၀/၉၄)အရ ၁၉၉၄ ခုနှစ် ဇွန်လ ၂၁ ရက်နေ့တွင် တိုးမြှင့်တည်ထောင်ခဲ့သည်။ ပြည်ထောင်စု မြန်မာနိုင်ငံတော်အစိုးရ အဖွဲ့၏ ၁၉၉၆ခုနှစ်၊ နိုဝင်ဘာလ (၁၁) ရက်စွဲပါ အမိန့်ကြော်ငြာစာအမှတ် (၁၇/၉၆)ဖြင့် ရန်ကုန်သမဝါယမဒေသကောလိပ် အား ရန်ကုန်သမဝါယမဒီဂရီကောလိပ်အဖြစ် အဆင့်တိုးမြှင့် ဖွင့်လှစ်ခဲ့သည်။ ရန်ကုန်တက္ကသိုလ်နှင့် ပေါင်းစည်းပြီး (၃)နှစ်သင်တန်း ဖွင့်လှစ်၍ ဝိဇ္ဇာဘွဲ့၊ စီးပွားရေးသိပ္ပံ B.A(Business Science) ဘွဲ့ဒီဂရီကို ၂၀၀၉-၂၀၁၀ ပညာသင်နှစ်အထိ ပေးအပ်ခဲ့ပြီး ၂၀၁၀-၂၀၁၁ ပညာသင်နှစ်မှစ၍ စီးပွားရေးသိပ္ပံဘွဲ့ (B.BSc)ဘွဲ့ ဒီဂရီကို ပြောင်းလဲပေးအပ်ခဲ့သည်။ ၂၀၁၂ခုနှစ် မေလ(၃၁)ရက်နေ့တွင် ကျင်းပပြုလုပ်သည့် ပြည်ထောင်စုသမ္မတ မြန်မာနိုင်ငံတော်အစိုးရအဖွဲ့ အစည်းအဝေးအမှတ်စဉ် (၂၀/၂၀၁၂) သဘောတူခွင့်ပြုချက်အရ ဝန်ကြီးရုံး၏ (၂၁-၆-၂၀၁၂)ရက်စွဲပါ အမိန့်ကြော်ငြာစာအမှတ် (၂၉/၂၀၁၂)ဖြင့် သမဝါယမဝန်ကြီးဌာန၊ သမဝါယမဦးစီးဌာနအောက်ရှိ သမဝါယမဒီဂရီကောလိပ်(သန်လျင်) အား သမဝါယမတက္ကသိုလ်(သန်လျင်) အဖြစ် အဆင့်တိုးမြှင့်ခဲ့သည်။ [၁]

ဖွဲ့စည်းပုံ[ပြင်ဆင်ရန်]

သမဝါယမတက္ကသိုလ်(သန်လျင်)၏ဖွဲ့စည်းပုံမှာ အောက်ပါအတိုင်းဖြစ်သည်။

  • စီမံခန့်ခွဲရေးဌာန
    • စီမံရေးရာဌာန
      • ဝန်ထမ်းရေးရာဌာနခွဲ
      • နယ်မြေဌာနခွဲ
    • ဘဏ္ဍာရေးရာဌာန
      • ငွေစာရင်းဌာနခွဲ
      • ငွေကိုင်ဌာနခွဲ
      • ပစ္စည်းဌာနခွဲ
    • နယ်မြေအင်ဂျင်နီယာဌာန
      • မြို့ပြအင်/ယာဌာနခွဲ
      • စတိုအင်/ယာဌာနခွဲ
      • ရေသန့်အင်/ယာဌာနခွဲ
      • လျှပ်စစ်အင်/ယာဌာနခွဲ
  • သင်တန်းရေးရာဌာန
    • ကျောင်းသားရေးရာဌာနခွဲ
    • အားကစားဌာနခွဲ
    • စာမေးပွဲဘွဲ့နှင့်ဌာနခွဲ
    • နိုင်ငံတကာဆက်ဆံရေးဌာနခွဲ
    • စာကြည့်တိုက်ဌာနခွဲ
  • သုတေသနနှင့် ဖွံ့ဖြိုးမှုဌာန
    • သတင်းအချက်အလက်နှင့် ဆက်သွယ်ရေး၊ နည်းပညာဌာနခွဲ
  • သင်ကြားရေးဌာန

သင်ကြားပေးသော ဘာသာရပ်များ[ပြင်ဆင်ရန်]

သမဝါယမတက္ကသိုလ်(သန်လျင်) တွင် အောက်ပါ ဘာသာရပ်များကို သင်ကြားပေးလျက်ရှိပြီး သင်တန်းကာလမှာ (၄)နှစ် ဖြစ်သည်။

  • သမဝါယမပညာ
  • ဘောဂဗေဒ
  • စာရင်းအင်းပညာ
  • ဝါဏိဇ္ဖပညာ
  • စီမံခန့်ခွဲမှုပညာ
  • မြန်မာစာ
  • အင်္ဂလိပ်စာ
  • သင်္ချာ
  • သတင်းအချက်အလက်နှင့် ဆက်သွယ်ရေး
  • စီးပွားရေးပထဝီဝင်
  • ဥပဒေပညာ

ကိုးကား[ပြင်ဆင်ရန်]