ဥပ္ပါတသန္တိ စေတီတော်
ဥပ္ပါတသန္တိ စေတီတော် (အင်္ဂလိပ်: Uppatasanti Pagoda, pronounced [ʔoʊʔpàta̰ θàɴdḭ zèdìdɔ̀])သည် နေပြည်တော်တွင် တည်ရှိသော ထင်ရှားသည့်တန်ခိုးကြီး စေတီတစ်ဆူဖြစ်သည်။ တရုတ်ပြည်မှ ဗုဒ္ဂစွယ်တော်ရုပ်ပွားတော်ကို ဌာပနာထားရှိသည်။[၁] ရန်ကုန်မြို့ရှိ ရွှေတိဂုံစေတီတော်၏ ပုံစံကို နမူနာယူကာ တည်ဆောက်ထားခြင်းဖြစ်သည်။ ဉာဏ်တော်အမြင့်မှာ ၉၉ မီတာ (၃၂၅ ပေ) ရှိသည်။[၂]
ထီးတော်တင်လှူပူဇော်ပွဲကို ၂၀၀၉ ခုနှစ် မတ်လ ၁၀ ရက်နေ့တွင် ကျင်းပခဲ့သည်။[၁]
သမိုင်းကြောင်း
[ပြင်ဆင်ရန်]စေတီတော်တည်ဆောက်ရေးလုပ်ငန်းများနိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ ဥက္ကဋ္ဌ ဗိုလ်ချုပ်မှူးကြီးသန်းရွှေ၏ လမ်းညွှန်မှုဖြင့် ၂၀၀၆ခုနှစ် နိုဝင်ဘာလ ၁၂ ရက်နေ့တွင်စတင်ခဲ့ပြီး ၂၀၀၉ခုနှစ် မတ်လတွင် ပြီးစီးခဲ့သည်။ စေတီတော်၏ ပန္နက်တင် မင်္ဂလာအခမ်းအနားကို ၂၀၀၆ ခုနှစ် နိုဝင်ဘာလ ၁၂ ရက်နေ့တွင် ကျင်းပခဲ့သည်။ အခမ်းအနားအတွက် ဖိတ်စာတွင် 'ရာဇဌာနီ နေပြည်တော် (ဘုရင်နန်းစံသည့် မင်းနေပြည်)' စာပိုဒ်ဖြင့် ဖွင့်ထားသည်။ [၃] စေတီ၏ဉာဏ်တော်သည် ရွှေတိဂုံဘုရားအောက် ၃၀ စင်တီမီတာနိမ့်သည်။[၄] ဥပ္ပါတသန္တိကို အကြမ်းဖျင်းဘာသာပြန်ဆိုရလျှင် 'ဘေးဒုက္ခ ကပ်ဆိုးကြီးမှ အကာအကွယ်ပေးခြင်း' ဖြစ်သည်။ ဤအမည်သည် ၁၆ ရာစုအစောပိုင်းလောက်တွင် ဘုန်းတော်ကြီးတစ်ပါးမှ ရေးသားရွတ်ဆိုခဲ့သည့် ပရိတ်ဂါထာ ဖြစ်သည်။ ဤ ပရိတ်ဂါထာကို ဘေးဒုက္ခ များကြုံသည့်အချိန်၊ အထူးသဖြင့် တိုင်းတစ်ပါးမှ ဝင်ရောက်တိုက်ခိုက်လာသည့်အခါ တွင် ရွတ်ဆိုကြသည်။[၅]
တည်ဆောက်ပုံ
[ပြင်ဆင်ရန်]စေတီတော်ကို လူလုပ်ကုန်းမြင့်ပေါ်တွင် တည်ဆောက်ထားခြင်းဖြစ်သည်။
စေတီတော်တွင်
- မဟာဆုတောင်းပြည့်ဘုရား
- ကျောက်စိမ်းဘုရား ၃ ဆူ
- ၁၀၈ပေ မြင့်သော တံခွန်တိုင်
- မဟာဗောဓိညောင်ပင်နှင့် ဘုရား ၂၈ ဆူ
- ညောင်ပင် ၁၀၈ ပင် နှင့် ဥယျာဉ်တော်
- ရှင်ဥပဂုတ္တ နှင့် ရေကန်တော်
- သိမ်ကျောင်းဆောင် အစရှိသည်တို့ ထည့်သွင်းတည်ဆောက်ထားသည်။
၂၀၀၉ခုနှစ် မတ်လတွင် ဘုရားပွဲကျင်းပစဉ်အတွင်း ရဟတ်မတော်တဆဖြစ်ပွားမှုကြောင့် လူ (၂၀) ဦးသေဆုံးခဲ့သည်။[၆]
ဓာတ်ပုံများ
-
-
စေတီတော်ရှိ ဗုဒ္ဓရုပ်ပွားတော်
ကိုးကား
[ပြင်ဆင်ရန်]- ↑ ၁.၀ ၁.၁ "Than Shwe's New Pagoda Hides More than a Buddha Relic"၊ The Irrawaddy၊ March 10, 2009။ 9 January 2020 တွင် ပြန်စစ်ပြီး။ Archived from the original on 11 August 2010။
- ↑ Signs of rapid development in Nay Pyi Taw။ MRTV-3။ 28 April 2011 တွင် မူရင်းအား မော်ကွန်းတင်ပြီး။ 9 January 2020 တွင် ပြန်စစ်ပြီး။
- ↑ Steinberg၊ David (2009)။ Burma/Myanmar: What Everyone Needs to Know။ Oxford University Press။ p. 133။ ISBN 978-0-19-539068-1။
- ↑ "Naypyidaw's Version of Shwedagon Pagoda Nears Completion"၊ The Irrawaddy၊ March 6, 2009။ 9 January 2020 တွင် ပြန်စစ်ပြီး။ Archived from the original on 11 August 2010။
- ↑ "{{{title}}}" (16 August 2006). Weekly Eleven News Journal 1.
- ↑ "20 Reported Dead in Naypyidaw Funfair Disaster"၊ March 10, 2009။ 9 January 2020 တွင် ပြန်စစ်ပြီး။ Archived from the original on 11 August 2010။