စိုးမင်းကြီးစေတီ

ဝီကီပီးဒီးယား မှ
Jump to navigation Jump to search
စိုးမင်းကြီးစေတီ

စိုးမင်းကြီးစေတီသည် မြန်မာနိုင်ငံမန္တလေးတိုင်းဒေသကြီးပုဂံတွင်ရှိပြီး အေဒီ(၁၁၇၅) ခုတွင် စိုးမင်းကြီး တည်ခဲ့သည်။ စိုးမင်းကြီးစေတီ တည်ရာတွင် အောက်ခြေတွင် ပစ္စယာအဆင့်ဆင့်ခံ၍ အပေါ်၌ စေတီတည်ထားခြင်း ဖြစ်သည်။ စိုးမင်းကြီးစေတီ၏ ပစ္စယာအဆင့်များတွင် မူလက အလွန်လှပသည့် စဉ့်ကွင်းများ အပြည့်ရှိခဲ့သော်လည်း ယခုအခါ အနည်းငယ်မျှသာ ကျန်ရှိတော့သည်။[၁] စေတီပုထိုးအမှတ်မှာ ၁၁၄၅/၄၉၁ ဖြစ်သည်။

ပစ္စယာအဆင့်ဆင့် အောက်ကခံပြီး အပေါ်က စေတီကြီးပေါက်ထားသော စိုးမင်းကြီးဘုရားကဲ့သို့ အမျိုးအစားမျိုးမှာ ပုဂံဒေသတွင် ဤတစ်ဆူတည်းသာ ရှိသည်။ ပစ္စယာအဆင့် ဘောင်တန်းများ၌ ပန်းနွယ်အခွေများအကြား နတ်လူ စသောပုံများ၊ ကုန်းသတ္တဝါ ရေသတ္တဝါတို့၏ ပုံများညှပ်၍ အလွန်လှပစွာပြုလုပ်ထားသော စဉ့်သုတ်ပုံချပ်ရှည်များဖြင့် တစ်လျှောက်လုံး ပတ်လည်အဆင့်ဆင့် စီကပ်ထားသည်မှာ ထူးခြားလှသောအမျိုးအစား ဖြစ်သည်။[၂]

ကိုးကား[ပြင်ဆင်ရန်]

  1. ဦးမောင်မောင် - ရန်ကုန်တက္ကသိုလ် ၏ ပုဂံစေတီပုထိုးများ
  2. ဦးဗိုကေ၏ ပုဂံသုတေသနလမ်းညွှန်