၁၀၈တောင်ဘုရား (ဂမုန်းပေါင်းစေတီတော်)

ဝီကီပီးဒီးယား မှ
Jump to navigation Jump to search

ပုသိမ်မြို့အနီး ကန်ကြီးထောင့်မြို့နယ်မှ ၄မိုင်အကွာ ထိန်တပင်ကျေးရွာအနီးတွင် သွားရောက်ဖူးမျှော်နိုင်ပါသည်။ ၎င်း ဂမုန်းပေါင်းစေတီတော်ကို ဆရာတော်ဦးဉာဏောပညာ တည်ထားကိုးကွယ်ထားပြီး အများပြည်သူများလွပ်လပ်စွာ လာရောက်ဖူးမျှော်နိုင်ပါသည်။ ပုသိမ်မြို့မှလာလျှင် ကန်ကြီးထောင့်မြို့မှ ဘဲဂယက်ရွာ သို့သွားကာ ဘဲဂယက်မှတဆင့် ထိန်တပင်ကျေးရွာအနီးတွင် ဖူးမျှော်နိုင်ပါသည်။

ဆရာတော်ဦးဉာဏောပညာ သည် ဘုန်းတန်ခိုးကြီးမားသော ဆရာတော်တစ်ဆူဖြစ်ပြီး ဓာတ်တော်မွေတော်များကိန်းဝပ်နေသော ရဟန်းတော်တစ်ပါးဟုလည်း ယုံကြည်ကြသည်။ ၎င်းဂမုန်းပေါင်းစေတီတော်တွင် ဆရာတော်ဦးဉာဏောပညာ သဒ္ဓိတင်ထားသော အန္တရာယ်ကင်းအဆောင်များနှင့် ဆရာတော်ပုံပါဆွဲကြိုးများကိုလည်း ဝယ်ယူရရှိနိုင်ပါသည်။ ပုသိမ်မြို့သို့ရောက်လျှင် မဖြစ်မနေဖူးမျှော်သင့်သော တန်ခိုးကြီးစေတီတော်တစ်ဆူ ဖြစ်သည့်အပြင် ဆရာတော်ဦးဉာဏောပညာကိုလည်း ဖူးမျှော်နိုင်ပါသည်။

၎င်းဂမုန်းပေါင်းစေတီတော်သည် ဝင်္ဂမ္ဘာကဲ့သို့တည်ဆောက်ထားပြီး အထပ်ပေါင်းများစွာတည်ရှိပါသည်။ဂမုန်းပေါင်းစေတီတော် အနီးတွင် ဖာလုံနတ်ရေကန်တည်ရှိပြီး ၎င်းရေကန်အား ဖာလုံနတ်နှင့် ၎င်း၏သမီးတော် ၃ပါးက စောင့်ရှောက်သည်ဟုလည်း ယုံကြည်ကြသည်။ ဖာလုံနတ်ရေကန်သည် အကျယ်အားဖြင့် ၃ဧကခန့်ရှိပြီး ရေများမှာလည်း အလွန်ကြည်လင်ပါသည်။ ၎င်းရေကန်တူးဖော်စဉ်က လှေတစ်စင်း တူးဖော်ရရှိပြီး ၎င်းလှေကိုလည်း ဖာလုံနတ်ရေကန်အတွင်းတွင် ထားရှိပါသည်။ ဒေသခံများ၏ အဆိုအရ ၎င်းနတ်ရေကန်တည်ရှိရာနေရာသည် တစ်ချိန်က ပင်လယ်ဖြစ်သည်ဟုလည်း ပြောဆိုကြသည်။

ဖာလုံနတ်ရေကန်၏ အနီးတွင် ဉာဏ်တော် ပေ၂၀ခန့်ရှိသော မနုသီဟခြင်္သေ့၏ ရုပ်တုကိုလည်းတည်ထားကိုးကွယ်ထားပါသည်။ နေ့လည်စာအတွက် ဘုရားပွဲဈေးတန်းတွင် စားသောက်ဆိုင်များ ရှိသကဲ့သို့ ဓမ္မဒါန ထမင်းစားရုံတွင်လည်း နေ့စဉ်အလှူရှင်များ၏အလှူတော်များကြောင့် ထမင်းသုံးဆောင်နိုင်ပါသည်။ ဂမုန်းပေါင်းစေတီတော်မှအပြန်တွင် ကန်ကြီးထောင့်မြို့နယ်ရှိ လောကမှန်ကူစေတီတော်ကိုလည်း ဝင်ရောက်ဖူးမျှော်နိုင်ပါသည်။

ကိုးကား[ပြင်ဆင်ရန်]