ဆေးတက္ကသိုလ် (မန္တလေး)

Wikipedia မှ
(မန္တလေးဆေးတက္ကသိုလ် မှ ပြန်ညွှန်းထားသည်)
ဤနေရာသို့သွားရန် - အ​ညွှန်း​, ရှာ​ဖွေ​ရန်​
ဆေးတက္ကသိုလ် (မန္တလေး)
University of Medicine (Mandalay)
ဥပဌာနံ အနုကမ္မာ ဒယာ
Service, Sympathy, Humanity
{{{အမည်}}}
တည်ထောင်ခုနှစ် ၁၉၅၄ခုနှစ်
ပါမောက္ခချုပ် ပါမောက္ခ ဒေါက်တာခင်မောင်လွင်
တည်နေရာ ချမ်းမြသာစည် မြို့နယ်၊ မန္တလေး
ပိုင်ဆိုင်မှု ကျန်းမာရေး ဝန်ကြီးဌာန
ဝဘ်ဆိုတ် http://www.ummdy.gov.mm


ဆေးတက္ကသိုလ် (မန္တလေး)သည် မြန်မာပြည်ရှိ ဆေးတက္ကသိုလ် ၄ ခုအနက် မန္တလေးတွင်ရှိသော ဆေးတက္ကသိုလ်ဖြစ်သည်။ ဆေးပညာဘွဲ့ (M.B.,B.S.)နှင့် ဆေးပညာဆိုင်ရာ ဒီပလိုမာ၊ ဘွဲ့လွန်နှင့် ဒေါက်တာဘွဲ့များ သင်ကြားပေးသည်။ မြန်မာပြည် တက္ကသိုလ်ဝင်တန်းစာမေးပွဲတွင် အမှတ်မြင့်ကျောင်းသားများ တက်ရောက်ခွင့်ရှိသော ကျောင်းတစ်ကျောင်းဖြစ်ပြီး နှစ်စဉ် ကျောင်းသား ဦးရေ ၃၀ဝ ဝန်းကျင်ခန့်ကို လက်ခံသင်ကြားပေးသည်။

ဆေးတက္ကသိုလ် (မန္တလေး)သည် Educational Commission for Foreign Medical Graduates က မြန်မာနိုင်ငံအတွင်း အသိအမှတ်ပြုသော ကျောင်း ၄ ကျောင်းအနက် တစ်ကျောင်းလည်းဖြစ်သည်။

ဆေးတက္ကသိုလ် (မန္တလေး)

သမိုင်းကြောင်း[ပြင်​ဆင်​ရန်​]

၁၉၅၄ခုနှစ်တွင် ဆေးတက္ကသိုလ် (မန္တလေး)သည် ရန်ကုန်တက္ကသိုလ်၏ ဆေးပညာဌာနခွဲ (Branch Medical Faculty) တစ်ခုအဖြစ် စတင်ခဲ့ပြီး ၁၉၅၈ခုနှစ်တွင် ဆေးပညာဌာန (Faculty of Medicine) အဖြစ် ပြောင်းလဲလိုက်သည်။ ၁၉၆၄ခုနှစ်တွင် ဆေးတက္ကသိုလ် (မန္တလေး)(Institute of Medicine, Mandalay)အဖြစ် သီးခြားတည်ထောင်ခဲ့ပြီး ကျောင်းသားကျောင်းသူ(၃၆)ယောက်ကို ဆေးပညာဘွဲ့ (M.B.,B.S.)အတွက် စတင်သင်ကြားပေးသည်။ ဘွဲ့လွန်သင်တန်းများကို ၁၉၆၈ခုနှစ်တွင် ဇီဝကမ္မဗေဒဘွဲ့လွန်သင်တန်းဖြင့် စတင်ခဲ့သည်။ ၂၀၀၅ခုနှစ်တွင် Institute of Medicine, Mandalay မှ University of Medicine, Mandalay သို့ အမည်ပြောင်းလဲခဲ့သည်။

ဦးဆောင်မှု[ပြင်​ဆင်​ရန်​]

၁၉၅၄ခုနှစ်မှ စတင်၍ ဆေးတက္ကသိုလ်(မန္တလေး)ကို တက္ကသိုလ်ဋ္ဌာနမှုးမှ ဦးဆောင်အုပ်ချုပ်သည်။ ၁၉၆၄ တွင် Institute of Medicine, Mandalay) အဖြစ်ပြောင်းလဲပြီး ပါမောက္ခချုပ်များမှ ကျောင်း၏တာဝန်ကို ထမ်းဆောင်ခဲ့ကြသည်။

တာဝန်ထမ်းဆောင်ခဲ့သော ပါမောက္ခချုပ်များမှာ-

  1. ဧပြီ ၁၉၅၄ မှ သြဂုတ် ၁၉၆၁: Prof. Chaudhury (တက္ကသိုလ် ဋ္ဌာနမှုး)
  2. ၁-၁၂-၁၉၆၁ မှ ၃၀-၉-၁၉၆၄: Prof. ဘသန်း (တက္ကသိုလ် ဋ္ဌာနမှုး)
  3. ၁-၁၀-၁၉၆၄ မှ ၃၀-၉-၁၉၆၅: ဒေါက်တာ မောင်ကလေး
  4. ၁-၁၀-၁၉၆၅ မှ ၃၁-၈-၁၉၇၁: ဒေါက်တာ မောင်မောင်ကြီး
  5. ၁-၉-၁၉၇၁ မှ ၁၄-၇-၁၉၇၃: ဒေါက်တာ ခင်မောင်ငြိမ်း
  6. ၁၅-၇-၁၉၇၃ မှ ၁၂-၁၂-၁၉၈၃: ပါမောက္ခ ဦးဖေသိန်း
  7. ၂၆-၆-၁၉၈၄ မှ ၃၀-၄-၁၉၉၁ : ပါမောက္ခ ဦးထွန်းသင်
  8. ၁-၅-၁၉၉၁ မှ ၁၇-၃-၁၉၉၆ : ပါမောက္ခ ဦးဇော်ဝင်း
  9. ၁၈-၃-၁၉၉၆ မှ ၃၀-၃-၂၀၀၅: ပါမောက္ခ ဦးစိုးထွန်း
  10. ၃၁-၇-၂၀၀၅ မှ ၁၅-၁-၂၀၀၈: ပါမောက္ခ ဦးကျော်လှ
  11. ၁၆-၁-၂၀၀၈ မှ ၄-၄-၂၀၁၃ : ပါမောက္ခ ဦးသန်းဝင်း
  12. ၂၅-၂-၂၀၁၃ မှ ၂၅-၅-၂၀၁၅: ပါမောက္ခ ဦးတင်မောင်ဟန်
  13. ၂၆-၆-၂၀၁၅ မှ ယခုအထိ: ပါမောက္ခ ဦးခင်မောင်လွင်



ဆေးတက္ကသိုလ် (မန္တလေး)ရှိ ဌာနများကို တည်ထောင်ခဲ့သော ခုနှစ်များမှာ -


သင်ကြားမှုကာလ[ပြင်​ဆင်​ရန်​]

ပညာသင်နှစ် အချိန်ကာလ
ပထမနှစ် ၁ နှစ်
ဒုတိယနှစ် ၁ နှစ်ခွဲ
တတိယနှစ် ၁ နှစ်
စတုတ္ထနှစ် ၁ နှစ်
ပဉ္စမနှစ် ၁ နှစ်
အလုပ်သင်ဆရာဝန် ၁ နှစ်
ပညာသင်နှစ်စုစုပေါင်း ၆ နှစ်ခွဲ

ဘာသာရပ်များ[ပြင်​ဆင်​ရန်​]

ပထမနှစ် အမ်ဘီဘီအက်စ်[ပြင်​ဆင်​ရန်​]

ဒုတိယနှစ် အမ်ဘီဘီအက်စ်[ပြင်​ဆင်​ရန်​]

တတိယနှစ် အမ်ဘီဘီအက်စ်[ပြင်​ဆင်​ရန်​]

သင်ကြားရေး ဆေးရုံများရှိ ဆေးကုသဆောင်နှင့် ခွဲစိတ်ကုသဆောင်များတွင် ဆေးပညာလက်တွေ့သင်တန်းပေးခြင်း ၁၈ပတ်

နောက်ဆုံးနှစ် အပိုင်း(က) အမ်ဘီဘီအက်စ်[ပြင်​ဆင်​ရန်​]

သင်ကြားရေး ဆေးရုံများတွင် ဆေးပညာ၊ ခွဲစိတ်ကုသမှုပညာ၊ သားဖွားနှင့် မီးယပ်ရောဂါကုပညာများနှင့် ပတ်သက်သော သင်ကြားပို့ချချက်များကို နားထောင်ပြီး လူနာဆောင်များနှင့် ဆေးခန်းများတွင် လေ့လာသင်ယူရသည်။ မြို့ပြကျန်းမာရေးဌာနများသို့လည်း ကာကွယ်ရေးနှင့် လူမှုရေးဆေးပညာဘာသာရပ်အတွက် သွားရောက်လေ့လာရသည်။

နောက်ဆုံးနှစ် အပိုင်း(ခ) အမ်ဘီဘီအက်စ်[ပြင်​ဆင်​ရန်​]


အလုပ်သင်ဆရာဝန်[ပြင်​ဆင်​ရန်​]

နောက်ဆုံးနှစ် အပိုင်း(ခ) အောင်မြင်ပြီးဆုံးသူတိုင်း မန္တလေး(သို့မဟုတ်) တိုင်းနှင့်ပြည်နယ်ရှိ သင်ကြားရေးဆေးရုံများတွင် အလုပ်သင်ဆရာဝန်အဖြစ် ၁နှစ်တာ လက်တွေ့ပညာသင်ယူရသည်။ လက်တွေ့သင်ယူရသော အချိန်ကာလများမှာ-

ဘာသာရပ် အချိန်ကာလ
ကလေးကျန်းမာရေးဆေးပညာ ၂ လခွဲ
ပြည်သူ့အကျိုးပြု ဆေးပညာ ၂ ပတ်
ဆေးပညာ(စိတ်ရောဂါကုသမှုပညာ အပါအဝင်) ၃ လ
သားဖွားနှင့် မီးယပ်ဆေးပညာ ၃ လ
ခွဲစိတ်ကုသမှုပညာ(ထိခိုက်ဒဏ်ရာ ဆေးပညာ အပါအဝင်) ၃ လ
  • အလုပ်သင်ဆရာဝန်အဖြစ် ၁နှစ်တာ လက်တွေ့ပညာသင်ယူပြီးမှ ဆေးပညာဘွဲ့ (M.B.,B.S.) အပ်နှင်းခြင်း ခံရသည်။

အလားတူလင့်ခ်များ[ပြင်​ဆင်​ရန်​]

ကိုးကား[ပြင်​ဆင်​ရန်​]