မြန်မာအမျိုးသား လေကြောင်းလိုင်း

ဝီကီပီးဒီးယား မှ
Jump to navigation Jump to search
မြန်မာအမျိုးသား လေကြောင်းလိုင်း
Myanmar National Airlines
Myanmar-national-airlines-logo 3 0.png
IATA ICAO Callsign
UB[၁] UBA[၁] UNIONAIR
တည်ထောင် ၁၅ စက်တင်ဘာ ၁၉၄၈ (Union of Burma Airways အဖြစ်)
မိခင်ဌာန
ဖောက်သည်အစီအစဉ် MNA Club
အနားယူနေရာ Mingalabar Lounges
လေယာဉ်ပေါင်း ၂၂ (+၇ မှာယူထား)
ပျံသန်းဌာနေပေါင်း ၃၁
ဆောင်ပုဒ် Journey of a Lifetime
မိခင်ကုမ္ပဏီ ပို့ဆောင်ရေးနှင့် ဆက်သွယ်ရေး ဝန်ကြီးဌာန
ဌာနချုပ် ရန်ကုန်မြို့မြန်မာနိုင်ငံ
အရေးပါသူများ ဦးသန်းထွန်း (CEO)
ဝက်ဘ်ဆိုဒ် flymna.com

မြန်မာအမျိုးသား လေကြောင်းလိုင်း (အင်္ဂလိပ်: Myanmar National Airlines; ယခင်အမည် Union of Burma Airways, Burma Airways, မြန်မာ့လေကြောင်း) သည် မြန်မာနိုင်ငံ၏ တစ်ခုတည်းသော အစိုးရပိုင်၊ ပြည်တွင်းအလံတင် လေကြောင်းလိုင်းဖြစ်ပြီး ရန်ကုန်အပြည်ပြည်ဆိုင်ရာလေဆိပ်တွင် ဌာနချုပ် ထားရှိသည်။ မြန်မာအမျိုးသား လေကြောင်းလိုင်းသည် ပြည်သူများ အဆင်ပြေချောမွေ့စွာ သွားလာနိုင်ရေးအတွက် လမ်းပန်းဆက်သွယ်ရေး ခက်ခဲသည့်ဒေသများ၊ အခြား ပုဂ္ဂလိကလေကြောင်းလိုင်းများ မပြေးဆွဲသည့် လေယာဉ်ကွင်းများကို သက်သာသော ဈေးနှုန်းဖြင့် ပြေးဆွဲပေးလျက်ရှိသည်။

သမိုင်းကြောင်း[ပြင်ဆင်ရန်]

၁၉၇၄ ခုနှစ်က ဟောင်ကောင်ကိုင်တပ်လေဆိပ်တွင် တွေ့ရသော UBA ၏ ဘိုးအင်း ၇၂၇ လေယာဉ်

လွတ်လပ်ရေးမရမီ (BOAC) လေကြောင်းကုမ္ပဏီမှ မြန်မာ့မြို့ ပြလေကြောင်းလုပ်ငန်များကို တာဝန်ယူ စီမံ ဆောင်ရွက်ခဲ့ပြီး လွတ်လပ်ရေးရရှိလာသောအခါ ယင်းလေကြောင်း ကုမ္ပဏီ လက်အောက်တွင် မြန်မာ့မြို့ပြ လေကြောင်းဆက်သွယ်ရေး လုပ်ငန်းများအား ဆက်လက်ထားရှိရန် မသင့်လျော်သဖြင့် International Aeradio Limited ခေါ် IAL ကုမ္ပဏီနှင့် ဆက်သွယ်မိခဲ့ပြီး မြို့ပြလေကြောင်း ဆက်သွယ်ရေးလုပ်ငန်းများကို လုပ်ကိုင်ရန် ငှားရမ်း၍ မြန်မာ့မြို့ ပြလေကြောင်းလုပ်ငန်း ဆက်သွယ်ရေး၏ အခြေခံအုတ်မြစ်ကို ချမှတ်ဆောင်ရွက်ခဲ့သည်။

၁၉၄၇ ခုနှစ် ဧပြီလ ၄ ရက်နေ့တွင် ချီကာဂို ကွန်ဗင်းရှင်း (Chicago Convention) အား ပြဋ္ဌာန်း၍ အပြည်ပြည်ဆိုင်ရာ မြို့ပြ လေကြောင်း အဖွဲ့ချုပ် ICAO ကို ဖွဲ့စည်း တည်ထောင်ခဲ့ပြီး မြန်မာနိုင်ငံအနေဖြင့်လည်း ၁၉၄၈ ခုနှစ်ဩဂုတ်လ ၈ ရက်နေ့တွင် အဖွဲ့ဝင်နိုင်ငံအဖြစ် ပါဝင်ခဲ့သည်။

၁၉၄၈ ခုနှစ်တွင် လေကြောင်းပို့ဆောင်ရေး UBA - Union of Burma Airways ဘုတ်အဖွဲ့တစ်ခုကို တည်ထောင် ဖွဲ့စည်းခဲ့သည်။ ၁၉၄၈ ခုနှစ် မှာပင် လေကြောင်းပျံသန်းမှုလုပ်ငန်း စတင်ဆောင်ရွက်ချိန်၌ ပြည်တွင်း လေယာဉ်ခရီးစဉ် ပျံသန်းမှုကို ခရီးသည် (၉) ယောက်စီး ဂျိုးဖြူလေယာဉ် (၆) စီးဖြင့် ဆောင်ရွက်ခဲ့ရာ ရှေးဦးစွာ ပြည်တွင်းလေဆိပ်မြို့ (၁၉) မြို့ သို့ ဆက်သွယ် ပျံသန်းခဲ့သည်။ ၁၉၅ဝခုနှစ်တွင် ပြည်ပခရီးစဉ်များ အဖြစ် ဘန်ကောက်၊ ကာလကတ္တား နှင့် စစ်တကောင်းမြို့များသို့ တိုးချဲ့ ပျံသန်းခဲ့သည်။

၁၉၅၂ ခုနှစ်တွင် လေကြောင်းပို့ဆောင်ရေးအဖွဲ့အဖြစ် အက်ဥပဒေ ပြဋ္ဌာန်းချက်ဖြင့် ပြောင်းလဲဖွဲ့စည်းခဲ့သည်။ ပြည်ပနိုင်ငံများသို့ တိုးချဲ့ ပျံသန်းမှုအစီအစဉ်အရ ၁၉၅၃ ခုနှစ်တွင် ပီနန်၊ စင်ကာပူနှင့် ခတ္တမန္ဒူ မြို့များသို့ စတင်ပျံသန်း ဆက်သွယ်နိုင်ခဲ့ပါသည်။ ၁၉၇၂ ခုနှစ်တွင် နိုင်ငံတော်အုပ်ချုပ်ရေးစနစ်သစ် စတင်သည့်အချိန်မှစ၍ ပြည်ထောင်စု မြန်မာနိုင်ငံ လေကြောင်းသယ်ယူပို့ဆောင်ရေးအဖွဲ့မှ လေကြောင်းပို့ဆောင်ရေး ကော်ပိုရေးရှင်း (BAC) အဖြစ် ပြောင်းလဲ ဖွဲ့စည်းခဲ့သည်။

၁၉၈၉ ခုနှစ်တွင် မြန်မာလေကြောင်းအဖြစ် ပြန်လည်ဖွဲ့စည်းခဲ့ပြီး အမှတ်အသားတံဆိပ် အသစ်ကို စတင်အသုံးပြုခဲ့သည်။ ပြည်ပခရီးစဉ်များအဖြစ် ဘန်ကောက်၊ စင်ကာပူ၊ ခတ္တမန္ဒူ၊ ဒက္ကာ၊ ဟောင်ကောင်၊ ဂျာကာတာ ခရီးစဉ်မြို့များသို့ ၁၉၉၃ ခုနှစ် ဩဂုတ်လ ၁၅ ရက်အထိ ပျံသန်းခဲ့သည်။

၂၀၁၄ ဒီဇင်ဘာတွင် မြန်မာအမျိုးသား လေကြောင်းလိုင်း (Myanmar National Airlines) အမည်သို့ ပြောင်းလဲခဲ့သည်။ ၂၀၁၅ ခုနှစ် အစောပိုင်းမှ စတင်၍ စင်ကာပူနိုင်ငံ နှင့် ပြန်လည်ချိတ်ဆက်ပြီး နိုင်ငံတကာ ခရီးစဉ်များကို ပြန်လည်စတင်ခဲ့သည်။

ဖွဲ့စည်းပုံ[ပြင်ဆင်ရန်]

M orgchart la.gif

လေကြောင်းလိုင်းချဲ့ထွင်မှုနှင့် အဆင့်မြှင့်တင်မှုများ (၂၀၁၀ မှ ယနေ့အထိ)[ပြင်ဆင်ရန်]

မြန်မာလေကြောင်းသည် ဖော်ကာအက်ဖ်-၂၇ လေယာဉ်အမျိုးအစားများကို ၁၉၆၃ ခုနှစ်မှစတင်၍ အသုံးပြုခဲ့သည်။ ထိုလေယာဉ်အမျိုးအစားကို နှစ်၄၀ထက်မနည်း ပျံသန်းခဲ့ကြပြီး မြန်မာလေကြောင်းပိုင် လေယာဉ်များထဲတွင် မတော်တဆဖြစ်မှုအများဆုံး လေယာဉ်လည်း ဖြစ်သည်။ ၂၀၁၀ခုနှစ်တွင် တရုတ်နိုင်ငံလုပ် အမ်အေ-၆၀ လေယာဉ် ၃စီးဖြင့် အစားထိုးကာ ဖော်ကာအက်ဖ်-၂၇ လေယာဉ်များအားလုံးကို ပျံသန်းမှုမှ အနားပေးခဲ့သည်။[၂] လက်ကျန် လေယာဉ်များအနက်မှ တစ်စီးကို ပြည်သူ့ရင်ပြင် တွင်အလှပြသရန် ၂၀၁၂ခုနှစ် ဖေဖော်ဝါရီလက ရွှေ့ပြောင်းခဲ့သည်။[၃] တစ်ဖန် ၂၀၁၂ နှစ်ကုန်ပိုင်းမှ စတင်ကာ သက်တမ်းနှစ် ၃၀ကျော်ပြီဖြစ်သော ဖော်ကာအက်ဖ်-၂၈-၄၀၀၀ အမျိုးအစားလေယာဉ်များကိုလည်း တစ်စီးပြီးတစ်စီး ပျံသန်းမှုမှ ရပ်နားခဲ့သည်။ ထိုလေယာဉ်များနေရာတွင် အစားထိုးရန် အမေရိကန် နှင့်အိုင်ယာလန်ပိုင် လေယာဉ်ငှား ကုမ္ပဏီ GE Capital Aviation Services Limited မှ အမ်ဘရာရာ ၁၉၀ အမျိုးအစားလေယာဉ်နှစ်စီး ငှားရန်းခဲ့သည်။ ယခင် ဖော်ကာအက်ဖ်-၂၈ ပြေးဆွဲခဲ့သော လမ်းကြောင်းများတွင် ဝင်ရောက် တာဝန်ထမ်းဆောင်နေကြပြီး မြန်မာ့လေကြောင်းသည် အရှေ့တောင်အာရှတွင် အဆိုပါလေယာဉ်အမျိုးအစား ပထမဦးဆုံး အသုံးပြုသော လေကြောင်းလိုင်း အဖြစ် မှတ်တမ်းဝင်ခဲ့ပြီဖြစ်သည်။ ထိုလေယာဉ်များဖြင့် ထိုင်းနိုင်ငံ ချင်းမိုင်နှင့် အိန္ဒိယနိုင်ငံ ဂယာမြို့များသို့ ပျံသန်းရန်လည်း အစီအစဉ်ရှိသည်။

၂၀၁၄ ခုနှစ် ဖေဖော်ဝါရီ ၁၁ ရက်နေ့တွင် စင်္ကာပူနိုင်ငံတွင် အမေရိကန်အခြေစိုက် GECAS လုပ်ငန်းနှင့် ဒေါ်လာ သန်း ၉၆၀ တန်ဖိုးရှိ Boeing 737-800s လေယာဉ် (၆) စီးနှင့် Boeing 737 MAX လေယာဉ် (၄) စီး ငှားရမ်းသည့်စာချုပ်ဖြစ်သည်။ အဆိုပါ စာချုပ်မှာ မြန်မာနိုင်ငံ လေကြောင်းလိုင်းများမှ အကြီးမားဆုံး လေယာဉ်မှာယူမှု ဖြစ်ပြီး အမေရိကန် နှင့် မြန်မာနိုင်ငံတို့အကြား ရောင်းဝယ်မှု အကြီးမားဆုံး စာချုပ်လည်းဖြစ်သည်။ ၂၀၁၄ ခုနှစ် ဒီဇင်ဘာလအတွင်း မြန်မာ့လေကြောင်းမှ မြန်မာအမျိုးသားလေကြောင်း အဖြစ် နာမည်ပြောင်းလဲခဲ့သည်။

မြေပြင်ဝန်ဆောင်ထောက်ပံ့မှုဌာန[ပြင်ဆင်ရန်]

မြန်မာအမျိုးသား လေကြောင်းလိုင်းသည် ပြည်တွင်းလေဆိပ်ပေါင်း ၃၃ ခု အထူးသဖြင့် ရန်ကုန် အပြည်ပြည်ဆိုင်ရာ လေဆိပ်နေပြည်တော် အပြည်ပြည်ဆိုင်ရာ လေဆိပ် နှင့် ပုဂံညောင်ဦးလေဆိပ် တို့တွင် မြေပြင်ဝန်ဆောင်မှု လုပ်ငန်းများ ဆောင်ရွက်ပေးလျက်ရှိသည်။ ၂၀၀၉ ခုနှစ်မှစတင်၍ မြေပြင် ဝန်ဆောင်မှုဌာနသည် ရန်ကုန် အပြည်ပြည်ဆိုင်ရာ လေဆိပ် တွင် မြန်မာအမျိုးသား လေကြောင်းလိုင်း၏ ကြီးကြပ်မှုဖြင့် အခြားသော လေကြောင်းလိုင်းများ ကိုလည်း ဝန်ဆောင်မှုပေးလျက်ရှိသည်။ မြေပြင် ဝန်ဆောင်မှုဌာန၏ အဓိက လုပ်ငန်းစဉ်များမှာ ခရီးသည်နှင့် လက်ဆွဲအိတ်များ အတင်အချ ပြုလုပ်ခြင်း၊ လေယာဉ်ရပ်နားရာနေရာများ၊ လေယာဉ်သန့်ရှင်းရေး လုပ်ငန်းများ၊ ကုန်စည် ကြီးကြပ်ကွပ်ကဲမှုနှင့် ဆက်သွယ်ရေး၊ ကုန်စည်၊လေကြောင်း ခရီးစဉ်များ ပျံသန်းခြင်း၊ မြေပြင်သယ်ယူ ပို့ဆောင်မှုနှင့် အိုင်အေတီအေ၏ မြေပြင်ဝန်ဆောင်မှုဆိုင်ရာ စည်းမျဉ်းစည်းကမ်းများနှင့်အညီ ကြီးကြပ်ကွပ်ကဲ ထိန်းချုပ်ပေးခြင်းများ ပါဝင်သည်။ မြေပြင် ဝန်ဆောင်မှုလုပ်ငန်းသည် မြန်မာနိုင်ငံသို့ ပျံသန်းနေသော နိုင်ငံတကာ လေကြောင်းလိုင်းများ ဖြစ်သည့် ဘန်ကောက်အဲဝေး၊ အပြည်ပြည်ဆိုင်ရာထိုင်းလေကြောင်း၊ အဲချိုင်းနား၊ အဲအိန္ဒိယ၊ ဂျက်စတား၊ ကိုရီးယားလေကြောင်း၊ မလေးရှားလေကြောင်း၊ ချိုင်းနားအဲလိုင်း၊ ကာတာလေကြောင်းလိုင်း၊ ဆစ်အဲ၊ ထိုင်းအဲအေးရှား စသည့် လေကြောင်းလိုင်းများကို အပြည့်အဝ ဝန်ဆောင်မှုပေးလျက်ရှိသည်။[၄]

လေယာဉ်အမျိုးအစားများ[ပြင်ဆင်ရန်]

မြန်မာ့လေကြောင်းပိုင် ATR-72 လေယာဉ်တစ်စီး
မြန်မာအမျိုးသား လေကြောင်းလိုင်းပိုင် BEECH လေယာဉ်တစ်စီး
မြန်မာအမျိုးသား လေကြောင်းလိုင်းပိုင် ATR-42 လေယာဉ်တစ်စီး
မြန်မာအမျိုးသား လေကြောင်းလိုင်းပိုင် EMBRAER 190AR လေယာဉ်တစ်စီး
၂၀၁၅ ခုနှစ်အတွင်း ရောက်ရှိလာသည့် မြန်မာအမျိုးသား လေကြောင်းလိုင်း၏ ဘိုးအင်း ၇၈၇-၈၀၀ လေယာဉ်
၁၉၇၀ ခုနှစ်အတွင်း ပြည်ထောင်စု မြန်မာနိုင်ငံတော်လေကြောင်းပျံသန်းမှုများ [၅]
လေယာဉ်အမျိုးအစား စုစုပေါင်း မှာယူတင်သွင်းမှု မှတ်ချက်များ
Boeing 727
Douglas DC-3
Fokker F27
Vickers Viscount 700
စုစုပေါင်း ၁၆

၂၀၁၄ ခုနှစ် ဖေဖော်ဝါရီလတွင် အမေရိကန်နိုင်ငံ လေယာဉ်ငှားရမ်းရေး ကုမ္ပဏီ နှင့် ဒေါ်လာသန်း ၉၆၀ တန် စာချုပ်တစ်ခုကို စင်္ကာပူနိုင်ငံတွင် ချုပ်ဆိုခဲ့ကြသည်။ အဆိုပါ စာချုပ်အရ Boeing 737-800 (၆) စီး နှင့် Boeing 737 Max (၄) စီး ငှားရမ်းမည် ဖြစ်သည်။

အောက်ဖော်ပြပါ လေယာဉ်အမျိုးအစားများမှာ မြန်မာအမျိုးသား လေကြောင်းလိုင်းတွင် လက်ရှိ အသုံးပြုနေသော လေယာဉ်များ ဖြစ်သည်။[၆]

လေယာဉ်အမျိုးအစား လက်ရှိပြေးဆွဲနေသော အရေအတွက် မှာယူထားသောအရေအတွက် ခရီးသည်အရေအတွက် မှတ်ချက်
Boeing 737-800 ၃ စီး ၃ စီး ၁၆၄ GECAS ထံမှ ငှားရမ်း၊ ၁၁ရက် ဇွန်လ ၂၀၁၅ ခုနှစ်တွင် ပထမဦးဆုံး ရောက်ရှိ၊ ၂၀၁၆ တွင် ထပ်မံရောက်ရှိမည်
Boeing 737 MAX 8 - ၄ စီး - GECAS ထံမှ ငှားရမ်း၊ ၂၀၁၇ ခုနှစ်တွင် စတင်ရောက်ရှိမည်
ATR 42-320 ၁ စီး - ၅၂ ဦး FMI Air ကိုငှားရမ်းထား
ATR 72-212 ၂ စီး - ၇၀ ဦး ၂၀၁၇ တွင် သုံစွဲမှုကို ရပ်တန့်မည်
ATR 72-500 ၃ စီး - ၇၀ ဦး ၂ စီးကို လေတပ်အတွက် ပေးထား
ATR 72-600 ၆ စီး - ၇၀ ဦး
Beechcraft 1900 ၂ စီး - ၁၉ ဦး
Embraer E-190 ၂ စီး ၁၀၀ ဦး
Cessna 208 Caravan ၄ စီး ၉ ဦး
COMAC ARJ21-700 - ၂ စီး
စုစုပေါင်း ၂၁ စီး ၁၁ စီး

ခရီးစဉ်များ[ပြင်ဆင်ရန်]

ပြည်ပ[ပြင်ဆင်ရန်]

နိုင်ငံ မြို့ လေဆိပ် မှတ်ချက်
ထိုင်း ဘန်ကောက် သုဝဏ္ဏဘူမိ အပြည်ပြည်ဆိုင်ရာ လေဆိပ်
ထိုင်း ဖူးခက် ဖူးခက် အပြည်ပြည်ဆိုင်ရာ လေဆိပ်
စင်ကာပူ စင်ကာပူ ချန်ဂီ အပြည်ပြည်ဆိုင်ရာ လေဆိပ်
တရုတ် ဟောင်ကောင် ဟောင်ကောင် အပြည်ပြည်ဆိုင်ရာ လေဆိပ်
ထိုင်း ချင်းမိုင်မြို့ ချင်းမိုင် အပြည်ပြည်ဆိုင်ရာ လေဆိပ် ၂၀၁၆ နိုဝင်ဘာလ စတင်ပြေးဆွဲမည်

ပြည်တွင်း[ပြင်ဆင်ရန်]

မြန်မာအမျိုးသား လေကြောင်းလိုင်း ပြည်တွင်းခရီးစဉ်များ၊ စင်းလုံးငှား ခရီးစဉ်များကို အောက်ပါမြို့ များသို့ ပျံသန်းပြေးဆွဲပေးလျက်ရှိသည်။[၇]

ပုံမှန်ပြေးဆွဲနေသောခရီးစဉ်များ[ပြင်ဆင်ရန်]

  • ကလေးမြို့
  • ကျိုင်းတုံ
  • ကျောက်ဖြူ
  • ကော့သောင်း
  • ခန္တီး
  • နေပြည်တော်
  • စစ်တွေ
  • တာချီလိတ်
  • ထားဝယ်
  • ပုဂံ/ညောင်ဦး
  • ပုသိမ်
  • ဗန်းမော်
  • ဘုတ်ပြင်း
  • မန္တလေး
  • မြစ်ကြီးနား
  • မော်လမြိုင်
  • မိုင်းဆတ်
  • မုံရွာ
  • မြိတ်
  • လွိုင်ကော်
  • လားရှိုး
  • သံတွဲ
  • ဟဲဟိုး
  • ဟုမ္မလင်း
  • ပူတာအို
  • အမ်း
  • ရန်ကုန်

စင်းလုံးငှား ခရီးစဉ်များ[ပြင်ဆင်ရန်]

  • ပြည်
  • ဖားအံ
  • ကိုကိုးကျွန်း
  • လမ်းရွာ
  • မကွေး

မတော်တဆ ဖြစ်ပျက်မှုများ[ပြင်ဆင်ရန်]

  • ၁၉၆၉ ခုနှစ် မေလ ၂၃ ရက်နေ့တွင် Douglas DC-3 XY-ACR လေယာဉ်သည် လားရှိုးမြို့လေဆိပ်ကို ချဉ်းကပ်စဉ် ပျက်ကျခဲ့ပြီး လူ ၆ ဦးသေဆုံးခဲ့သည်။[၈]
  • ၁၉၇၂ ခုနှစ် ဩဂုတ်လ ၁၆ ရက်နေ့တွင် Douglas C-47B XY-ACM အမျိုးအစား လေယာဉ်ပျံတစ်စီး သံတွဲလေဆိပ်မှ ခရီးသည်များ တင်ဆောင်ပြီး ပြေးလမ်းနှင့် လေယာဉ်ဝမ်း ယှက်သန်းမှုကြောင့် လူပေါင်း ၂၈ ဦး သေဆုံးခဲ့ရသည်။[၉]
  • ၁၉၇၂ ခုနှစ်တွင် Vickers Viscount XY-ADF အမျိုးအစားလေယာဉ်ပျံသည် စစ်တွေလေဆိပ်တွင် ပြင်ဆင်မှုများ ပြုလုပ်ပြီးနောက် ပြေးလမ်းပေါ် ဆင်းသက်စဉ် လေယာဉ်ဘီးအုံပျက်စီးခဲ့ရသည်။[၁၀]
  • ၁၉၉၈ ခုနှစ် ဇန်နဝါရီလ ၂၇ ရက်နေ့တွင် Fokker F27 လေယာဉ်သည် ရန်ကုန်လေဆိပ်မှ ထွက်ခွာစဉ် ပျက်ကျခဲ့သည်။ ခရီးသည် နှင့် လေယာဉ်အမှုထမ်း ၄၅ ဦးပါရှိပြီး ၁၆ ဦး သေဆုံးခဲ့ရသည်။ [၁၁]
  • ၁၉၉၈ ခုနှစ် ဩဂုတ်လ ၂၄ ရက်နေ့တွင် မြန်မာ့လေကြောင်းပိုင်လေယာဉ်ပျံ ၆၃၅ သည် တာချီလတ် လေဆိပ်အနီး ၂မိုင်အကွာရှိ တောင်အား လေယာဉ်ဝမ်းဖြင့် ပွတ်တိုက်မှုကြောင့် လူပေါင်း ၃၆ ဦး သေဆုံးခဲ့ရသည်။[၁၂]
  • ၂၀၀၉ ခုနှစ် ဇွန်လ ၆ ရက်န့တွင် FokkerF28-4000 လေယာဉ်အမျိုးအစားသည် စစ်တွေလေဆိပ်တွင် ပြေးလမ်းကျော်သွားခဲ့သည်။[၁၃]
  • ၂၀၁၆ ခုနှစ် နိုဝင်ဘာလ ၁၆ ရက်နေ့တွင် Cessna Caravan လေယာဉ်အမျိုးအစား၊ ရန်ကုန်မြို့မှ မာန်အောင်မြို့သို့ ပျံသန်းလာသော ခရီးစဉ်အမှတ် UB-241 သည် မာန်အောင် လေဆိပ်သို့ ဆင်းသက်စဉ် ဘီးပေါက်၍ ပြေးလမ်းချော်ခဲ့သည်။ အဆိုပါ မတော်တဆမှုတွေ ခရီးသည်နှင့် လေယာဉ်အမှုထမ်းများ ထိခိုက်မှုမရှိခဲ့ပေ။[၁၄]

ပြင်ပလင့်ခ်များ[ပြင်ဆင်ရန်]

ကိုးကား[ပြင်ဆင်ရန်]

  1. ၁.၀ ၁.၁ AIRFRAMES.ORG - Aircraft Database - airline UBA fleet။ 24 April 2015 တွင် ပြန်စစ်ပြီး။
  2. Myanmar airline replaces old aircrafts for safe flight - People's Daily Online
  3. http://www.elevenmyanmar.com/national/2592-old-fokker-to-be-on-display-in-yangon
  4. http://myanmaairways.aero/ghs-history.aspx
  5. Flight International 26 March 1970
  6. http://www.myanmaairways.aero/mm_our-fleets.aspx
  7. http://www.flymna.com/route-map
  8. XY-ACR Accident Description။ Aviation Safety Network။ 14 February 2011 တွင် ပြန်စစ်ပြီး။
  9. XY-ACM Accident description။ Aviation Safety Network။ 7 September 2010 တွင် ပြန်စစ်ပြီး။
  10. Accident description။ Aviation Safety Network။ 8 October 2009 တွင် ပြန်စစ်ပြီး။
  11. 1998 in aviation - Wikipedia
  12. MYANMAR GOVERNMENT REPORTS CRASH OF PASSENGER PLANE IN LAOSAFP (27 August 1998)။ 10 November 2010 တွင် ပြန်စစ်ပြီး။
  13. 06. June 2009 Myanma Airways Fokker 28-4000 XY-ADW Sittwe Airport, Myanmar (Burma)။ Jacdec။ 17 May 2013 တွင် ပြန်စစ်ပြီး။
  14. ဟာရီကိန္း ဟက္ထရစ္နဲ႔ ႏိုင္ခဲ့တဲ့ စပါး၊ လက္စတာကို အမွတ္ခြဲေပးခဲ့ရတဲ့ မန္ယူ - Eleven Media Group