အစိုးရစက်မှုလက်မှုသိပ္ပံ(မော်လမြိုင်)

ဝီကီပီးဒီးယား မှ
Jump to navigation Jump to search
အစိုးရစက်မှုလက်မှုသိပ္ပံ(မော်လမြိုင်)
Government Technical Institute(Mawlamyine)
အခြားအမည်
GTI Mawlamyine
အမျိုးအစား အစိုးရစက်မှုလက်မှုသိပ္ပံ
တည်ထောင် ၂၀၁၄ (၂၀၁၄)
နှီးနွယ်အဖွဲ့အစည်း ပညာရေးဝန်ကြီးဌာန (သိပ္ပံနှင့် နည်းပညာ)စက်မှုနှင့် သက်မွေးပညာ ဦးစီးဌာန
ကျောင်းအုပ်ကြီး ဒေါက်တာမင်းမင်းထွန်း
ဆရာဦးရေ
၇၀
သင်တန်းသား ၈၀၀ကျော်
လိပ်စာ ညောင်ပင်ဆိပ်ကျေးရွာ၊ စက်မှုဇုန်ရပ်ကွက်, မော်လမြိုင်မြို့, မွန်ပြည်နယ်
လာဘ်ကောင် ဟင်္သာ
အစိုးရစက်မှုလက်မှုသိပ္ပံ (မော်လမြိုင်)၏ အမှတ်တံဆိပ်

အစိုရစက်မှုလက်မှုသိပ္ပံ (မော်လမြိုင်) သည် မော်လမြိုင်မြို့တွင် တည်ရှိပြီး မွန်ပြည်နယ်၏ တစ်ခုတည်းသော စက်မှုလက်မှုသိပ္ပံဖြစ်သည်။ မြန်မာနိုင်ငံ ရှိ အစိုးရစက်မှုလက်မှုသိပ္ပံ ၂၅ခုတွင် တစ်ခုအပါအဝင်ဖြစ်သည်။ ထိုသိပ္ပံသည် နည်းပညာဒီပလိုမာကိုသာ ချီးမြှင့်နိုင်သည်။[၁]

အစိုးရစက်မှုလက်မှုသိပ္ပံ(မော်လမြိုင်)

သမိုင်းကြောင်း[ပြင်ဆင်ရန်]

အစိုးရစက်မှုလက်မှုသိပ္ပံ(မော်လမြိုင်)ကို ၁၉၈၂ ခုနှစ်က စတင်တည်ထောင်ခဲ့ပြီး နောက်ပိုင်းတွင် အစိုးရနည်းပညာကောလိပ်(မော်လမြိုင်)၊ နည်းပညာတက္ကသိုလ်(မော်လမြိုင်) အဖြစ် အဆင့်ဆင့်ပြောင်းလဲခဲ့သည်။ ထိုအချိန်တည်းက အစိုးရစက်မှုလက်မှုသိပ္ပံအမည်မှာ ကွယ်ပျောက်ခဲ့ပြီး ၂၀၁၄ ဒီဇင်ဘာလတွင် အစိုးရစက်မှုလက်မှုသိပ္ပံ(မော်လမြိုင်) အဖြစ် အသစ်ပြန်လည်တည်ထောင်ခဲ့သည်။ အစိုးရစက်မှုလက်မှုသိပ္ပံ(မော်လမြိုင်)၏ ပထမဆုံးကျောင်းအုပ်ကြီးမှာ ဦးအောင်မိုးဖြစ်သည်။

တည်နေရာ[ပြင်ဆင်ရန်]

ဤသိပ္ပံသည် မော်လမြိုင်မြို့ စက်မှုဇုန်တွင် တည်ရှိပြီး ယခင် ကွန်ပျူတာတက္ကသိုလ်(မော်လမြိုင်) နေရာတွင် တည်ဆောက်ထားသည်။[၁]

သင်ကြားရေးဌာနများ[ပြင်ဆင်ရန်]

  • မြို့ပြအင်ဂျင်နီယာဌာန
  • အီလက်ထရွန်းနစ်နှင့် ဆက်သွယ်ရေးအင်ဂျင်နီယာဌာန
  • လျှပ်စစ်စွမ်းအားအင်ဂျင်နီယာဌာန
  • စက်မှုအင်ဂျင်နီယာဌာန

ဘွဲ့ဒီဂရီများ[ပြင်ဆင်ရန်]

ဘွဲ့ကြိုသင်တန်း ဘွဲ့ဒီဂရီ သင်တန်းကာလ
မြို့ပြအင်ဂျင်နီယာဒီပလိုမာ A.G.T.I. (Civil) ၃ နှစ်
အီလက်ထရွန်းနစ်နှင့် ဆက်သွယ်ရေးအင်ဂျင်နီယာဒီပလိုမာ A.G.T.I. (EC) ၃ နှစ်
လျှပ်စစ်စွမ်းအားအင်ဂျင်နီယာဒီပလိုမာ A.G.T.I. (EP) ၃ နှစ်
စက်မှုအင်ဂျင်နီယာဒီပလိုမာ A.G.T.I. (ME) ၃ နှစ်

အသင်းအဖွဲ့များ[ပြင်ဆင်ရန်]

ကျောင်းသားများသမဂ္ဂ[ပြင်ဆင်ရန်]

အစိုးရစက်မှုလက်မှုသိပ္ပံ(မော်လမြိုင်) ကျောင်းသားများသမဂ္ဂကို ဇူလိုင်လ (၁၀)ရက်၊ ၂၀၁၈ခုနှစ်တွင် ဖွဲ့စည်းခွင့်ပေးခဲ့ပြီး ဇူလိုင်လ (၁၃)ရက်၊ ၂၀၁၈ခုနှစ်တွင် စတင်ဖွဲ့စည်းခဲ့သည်။ သမဂ္ဂရွေးကောက်ပွဲကို လျှို့ဝှက်ဆန္ဒမဲစနစ်ဖြင့် တစ်ကျောင်းလုံးမှဆန္ဒပြုခဲ့သည်။ ကျောင်းသားများသမဂ္ဂ၏ ဥက္ကဋ္ဌမှာ ကိုမြတ်မိုးသူတာဝန်ထမ်းဆောင်ပြီး ပညာတော်သင်စေလွတ်မှုဖြင့် တရုတ်နိုင်ငံ ယူနန် ကောလိပ်သို့ သွားရောက်ခဲ့သည်။ထို့နောက် ဒုဥက္ကဌ ဖြစ်သူ ကိုစိုင်းစင်လင်းအောင်မှ တာဝန်ယူ ထမ်းဆောင်ခဲ့သည်။ဒုတိယအကြိမ် ကျောင်းသားများသမဂ္ဂ ရွေးကောက်ပွဲ အရ လက်ရှိ အမှုဆောင် ဥက္ကဌ မှာ ကို ီဟအောင် တာဝန်ထမ်းဆောင်လျက်ရှိပါသည်။ [၂]

ကိုးကား[ပြင်ဆင်ရန်]

  1. ၁.၀ ၁.၁ GTC/GTI/THS - Department of Technical and Vocational Education (DTVE)။ ပညာရေးဝန်ကြီးဌာန (သိပ္ပံနှင့်နည်းပညာ)။ ၂၅ နိုဝင်ဘာ ၂၀၁၅ တွင် ပြန်စစ်ပြီး။
  2. Organizers။ အစိုးရစက်မှုလက်မှုသိပ္ပံ(မော်လမြိုင်) ကျောင်းသားများသမဂ္ဂ။