ပိုးကရင်လူမျိုး

ပိုးကရင်လူမျိုး သည် မြန်မာနိုင်ငံ အရှေ့တောင်ပိုင်းတွင် နေထိုင်ကြသော ကရင်လူမျိုးအုပ်စုဝင် မျိုးနွယ်စု တစ်ခု ဖြစ်သည်။ အရှေ့ပိုးကရင်မျိုးနွယ်စုသည် ကရင်ပြည်နယ်၊ မွန်ပြည်နယ်နှင့် တနင်္သာရီတိုင်းဒေသကြီးတို့တွင် အများဆုံး နေထိုင်ကြသည်။ အနောက်ပိုးကရင်မျိုးနွယ်စုသည် ပုသိမ်ခရိုင်၊ မအူပင်ခရိုင်၊ မြောင်းမြခရိုင်၊ ဟင်္သာတခရိုင်၊ ဖျာပုံခရိုင်၊ သာယာဝတီခရိုင်၊လပွတ္တာခရိုင်၊ ညောင်လေးပင်မြို့နှင် ဧရာဝတီတိုင်းဒေသကြီး၊ ရန်ကုန်တိုင်းဒေသကြီးတို့တွင် အများအပြားနေထိုင်ကြသည်။ ပိုးကရင်ဘာသာစကားများကို ပြောဆိုကြသည်။

ပိုးကရင်လူမျိုးများသည် ယောက်ျားလေးများ၏ အမည်ရှေ့တွင် အသက်အလိုက် 'စ' နှင့် 'မန်း' တပ်၍ ခေါ်ဝေါ်လေ့ရှိကြပြီး မိန်းကလေးအမည်ရှေ့တွင် 'နန့်' တပ်၍ ခေါ်ဝေါ်လေ့ရှိကြသည်။ပိုးကရင်နှင့် စကောကရင်သည် စကားပြောဆိုရာတွင်ကွဲပြားမှုရှိသည်။