ညောင်လေးပင်မြို့

ဝီကီပီးဒီးယား မှ
ဤနေရာသို့သွားရန် - အ​ညွှန်း​, ရှာဖွေရန်

ညောင်လေးပင်မြို့ သည် မြန်မာနိုင်ငံပဲခူးတိုင်း၏မြို့တစ်မြို့ဖြစ်သည်။ ပဲခူးခရိုင်၊ ညောင်လေးပင်နယ်၊ ညောင်လေးပင်အရှေ့နှင့် အနောက်မြို့နယ်တို့၏ ရုံးစိုက်မြို့ဖြစ်၏။ မီးရထားလမ်းဖြင့် ပဲခူးမှ ၄၆ မိုင်၊ ရန်ကုန်မှ ၉၃ မိုင်မျှကွာဝေးသည်။ ရန်ကုန် မန္တလေး ကားလမ်းမကြီးမှာလည်း ညောင်လေးပင်မြို့လယ်ကို ဖြတ်သန်းသွားလေသည်။ ပဲခူးမြောက်ပိုင်း စပါးရောင်းဝယ် တင်ပို့ရာ ဗဟိုဌာနတစ်ခုဖြစ်၍ အတော်ပင်စည်ကားသည်။ မြို့၏လူဦးရေမှာ ၁၉၅၃ ခုနှစ် သန်ကောင်စာရင်းအရ ၁၂၁၅၅ ယောက်ခန့်ဖြစ်လေသည်။

ညောင်လေးပင်မြို့တွင် မျူနီစီပယ်အဖွဲ့ရှိ၍ မြို့တွင်းကိစ္စရပ် များတို့ကိုဆောင်ရွက်ရသည်။ ညောင်လေးပင်နယ်တွင် ညောင် လေးပင်မြို့နယ်၊ ညောင်လေးပင်အနောက်မြို့နယ်နှင့် ဒိုက်ဦးမြို့ နယ်များ ပါဝင်လေသည်။

ညောင်လေးပင်အရှေ့မြို့နယ်တစ်ဝှန်းလုံးမှာ အများအားဖြင့် ဆန်စပါးကို အဓိကထား၍ စိုက်ပျိုးသော လယ်ယာများသာဖြစ် သည်။ ညောင်လေးပင်အနောက်မြို့နယ်မှာမူ၊ ကုန်းမြင့်ဒေသ များ၊ တောင်တန်းများဖြစ်၍ လယ်ယာလုပ်ကိုင်ကြသော်လည်း၊ အနည်းငယ်မျှသာဖြစ်သည်။

ညောင်လေးပင်မြို့မှ အရှေ့ဘက် ၁၂ မိုင်ခန့်ဝေးသော မဒေါက်သို့ မီးရထားလမ်းခွဲတစ်ခုရှိ၍၊ မဒေါက်မှ စစ်တောင်း မြစ်ကိုဖြတ်ကူးလိုက်လျှင် တောင်ငူခရိုင်အပိုင် ရွှေကျင်မြို့သို့ ရောက်ရှိနိုင်လေသည်။

ညောင်လေးပင်မြို့မှာ နယ်ပိုင်ဝန်ထောက်ရုံးစိုက်သော မြို့ ဖြစ်သည့်အားလျော်စွာ အစိုရရုံးများ၊ ကျောင်း၊ ဆေးရုံ၊ ဈေး စသော အဆောက်အအုံများဖြင့် စည်စည်ကားကားရှိသည်။ မြို့နယ်မှာ စပါးအထွက်များသော နယ်ဖြစ်သည့်အပြင်၊ မီးရထားလမ်း၊ ကားလမ်းများရှိသောကြောင့် အရောင်းအဝယ် တွင်ကျယ်သည်။ ပဲခူးခရိုင်တွင် တတိယအကြီးဆုံးမြို့ဖြစ်သည်။ [၁]

ကိုးကား[ပြင်ဆင်ရန်]

  1. မြန်မာ့စွယ်စုံကျမ်း၊ အတွဲ(၄)