အောင်ကြည်ညွန့်

ဦး အောင်ကြည်ညွန့်
ပြည်ထောင်စုလွှတ်တော်ကိုယ်စားပြုကော်မတီ ဥက္ကဋ္ဌ
တာဝန်ထမ်းဆောင်ဆဲ
တာဝန် စတင် ၅ ဖေဖော်ဝါရီ ၂၀၂၁
အမျိုးသားလွှတ်တော်ကိုယ်စားလှယ်
တာဝန်သက်တမ်း ၃၁ ဇန်နဝါရီ ၂၀၁၆ – ၃၁ ဇန်နဝါရီ ၂၀၂၁
မဲဆန္ဒနယ်	မကွေးတိုင်းဒေသကြီး မဲဆန္ဒနယ် အမှတ် (၄)
ကိုယ်ရေး အချက်အလက်များ
မွေးဖွား	(1950-09-08) စက်တင်ဘာ ၈၊ ၁၉၅၀
နိုင်ငံရေးပါတီ	အမျိုးသားဒီမိုကရေစီအဖွဲ့ချုပ်
ပညာရေး	Lafon Memorial High School, Mandalay
မိခင်ကျောင်း	စိုက်ပျိုးရေးသိပ္ပံကျောင်း (မန္တလေး)

ဦးအောင်ကြည်ညွန့် (၈ စက်တင်ဘာ ၁၉၅၀) သည် မကွေးတိုင်းဒေသကြီး၊ အမှတ် (၄) မဲဆန္ဒနယ်မှ အမျိုးသားလွှတ်တော်ကိုယ်စားလှယ် ဖြစ်ခဲ့သည်။ လက်ရှိတွင် ပြည်ထောင်စုလွှတ်တော်ကိုယ်စားပြုကော်မတီ၏ ဥက္ကဋ္ဌ ဖြစ်ပြီး ကြားကာလ ပြည်ထောင်စုလွှတ်တော်၏ နာယက ဟုလည်း ယူဆလို့ရသည်။ အမျိုးသားဒီမိုကရေစီအဖွဲ့ချုပ်ပါတီ၏ ပါတီဗဟိုအလုပ်အမှုဆောင်လည်းဖြစ်သည်။

နိုင်ငံရေးဘဝ

ဦးအောင်ကြည်ညွန့်သည် ၂၀၁၅ ခုနှစ်၊ အထွေထွေ ရွေးကောက်ပွဲတွင် မကွေးတိုင်းဒေသကြီးမဲဆန္ဒနယ်အမှတ် (၄) မှ အမျိုးသားလွှတ်တော် ကိုယ်စားလှယ် အဖြစ် ဝင်ပြိုင်ခဲ့ရာ ရွေးကောက်ခံခဲ့သည်။

အခြေခံဥပဒေပြင်ဆင်ရေးလုပ်ငန်းများ စတင်ရန် ပြည်ထောင်စုလွှတ်တော်၌ အဆိုတင်သွင်းဆောင်ရွက်ခဲ့သူလည်းဖြစ်၊ ၄၅ ဦး ပူးပေါင်းကော်မတီ အဖွဲ့ဝင်လည်းဖြစ်ခဲ့သည်။