နိုင်ငံရေး အကျဉ်းသားများ ကူညီစောင့်ရှောက်ရေး အသင်း
နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) (အင်္ဂလိပ်: Assistance Association for Political Prisoners (Burma); အတိုကောက် AAPP သို့ AAPPB) သည် လွတ်လပ်ပြီး အကျိုးအမြတ်မယူသော အဖွဲ့အစည်းတစ်ခုဖြစ်ပြီး မြန်မာနိုင်ငံပြင်ပတွင် ရောက်ရှိနေသော မြန်မာ့နိုင်ငံရေးအကျဉ်းသားဟောင်းများက ဖွဲ့စည်းတည်ထောင်ထားသည်။ နိုင်ငံရေး အကျဉ်းသားဟောင်းများဖြင့် အဓိကဖွဲ့စည်းထားပြီး နိုင်ငံရေး အကျဉ်းသားဟောင်းများနှင့် နိုင်ငံရေးအကျဉ်းသားများအား ကူညီထောက်ပံ့ပေးရန် ရည်ရွယ်သည်။ အေအေပီပီသည် ထိုင်းနိုင်ငံ မဲဆောက်မြို့တွင် အခြေစိုက်ပြီး ရန်ကုန်မြို့နှင့် မန္တလေးမြို့များတွင် ရုံးခွဲများ ဖွင့်လှစ်ထားသည်။
သမိုင်းကြောင်း
၁၉၈၈ ကျောင်းသားခေါင်းဆောင် ကိုမင်းကိုနိုင် အဖမ်းဆီးခံရသည့် ၁၁ နှစ်မြောက် နှစ်ပတ်လည်နေ့ဖြစ်သော ၂၀၀၀ ခုနှစ် မတ်လ ၂၃ ရက်နေ့တွင် မဲဆောက်မြို့၌ အေအေပီပီကို စတင်ဖွဲ့စည်းခဲ့သည်။
