မြန်မာ့ဆက်သွယ်ရေးလုပ်ငန်း

ဝီကီပီးဒီးယား မှ
Jump to navigation Jump to search
မြန်မာ့ဆက်သွယ်ရေးလုပ်ငန်း
 မြန်မာအစိုးရအဖွဲ့အစည်း
MPT Logo.svg
အစိုးရအဖွဲ့အစည်း အကျဉ်းချုပ်
ဌာနချုပ်အမှတ်(၄၃)၊ ဗိုလ်အောင်ကျော်လမ်း၊ကျောက်တံတားမြို့နယ်၊ ရန်ကုန်မြို့။
ဝန်ကြီးများဦးသန့်စင်​မောင်
ဌာနအကြီးအမှူးများ၊ ဦး​ဆောင်ညွှန်ကြား​ရေးမှူး
မိခင်အဖွဲ့အစည်းပို့ဆောင်ရေးနှင့် ဆက်သွယ်ရေး ဝန်ကြီးဌာန
ဝက်ဘ်ဆိုက်mpt.com.mm/mm/

မြန်မာ့ဆက်သွယ်​ရေးလုပ်ငန်း (အင်္ဂလိပ်: Myanma Posts and Telecomunications) သည် ပို့ဆောင်ရေးနှင့် ဆက်သွယ်ရေး ဝန်ကြီးဌာနလက်အောက်ရှိ လုပ်ငန်းအဖွဲ့အစည်းတစ်ခုဖြစ်သည်။

နိဒါန်း[ပြင်ဆင်ရန်]

မြန်မာ့ဆက်သွယ်ရေးလုပ်ငန်းသည် ခေတ်မီဆက်သွယ်ရေးစနစ်များဖြင့် လုပ်ငန်းများ တိုးတက်ပြောင်းလဲ ဖြစ်ထွန်းအောင် ဆောင်ရွက်နေသည့် နည်းတူ "လုံခြုံ၊ မြန်ဆန် ၊နွေးထွေး" ဆိုသည့်ဆောင်ပုဒ်နှင့်အညီ တိုင်းရင်းသား ပြည်သူများအား တိုးတက်ကောင်းမွန်သည့် ဝန်ဆောင်မှုများ ပေးစွမ်းနိုင်အောင်လည်း ဦးတည်ကြိုးပမ်း ဆောင်ရွက်လျက် ရှိသည်။ ထိုသို့ဆောင်ရွက်ရာတွင် ပြည်နယ်နှင့်တိုင်းများ၌အော်တိုအိတ်ချိန်းနှင့် အဝေးဆက်ကြောင်းသစ်များ တိုးချဲ့တည်ဆောက်ခြင်း၊ မိုဘိုင်းလ်ဆက်သွယ်ရေးစနစ်များ တိုးချဲ့တည်ဆောက်ခြင်း ၊MPT Satellite Terminal များအပါအဝင် ခေတ်မီကျေးလက်တယ်လီဖုန်းစနစ် များ တည်ဆောက်တပ်ဆင်ခြင်း ၊အများပြည်သူသုံးတယ်လီဖုန်း ၊ဖက်စ်နှင့် အီးမေးလ်လုပ်ငန်းများ တိုးချဲ့ဖွင့်လှစ်ခြင်းတို့ကိုဆောင်ရွက် လျက်ရှိသည်။ ထပ်ဆောင်းဝန်ဆောင်မှုလုပ်ငန်းများ(Value Added Services) အဖြစ် Password နှင့် GSM Mobile SMS (Short Message Service) တို့ကိုလည်း တိုးချဲ့ဆောင်ရွက်ပေးလျက်ရှိသည်။ ၂၀၁၀ မှစ၍ IT For Youth(လူငယ်များအတွက်သတင်း အချက်အလက်နှင့်ဆက်သွယ်ရေးနည်းပညာ)အစီအစဉ်ဖြင့်နိုင်ငံတစ်ဝန်း သတင်းအချက်အလက်နှင့် ဆက်သွယ်ရေး နည်းပညာ ကဏ္ဍများကို လည်းတိုးချဲ့ဆောင်ရွက်လျက်ရှိသည်။ မြန်မာ့ဆက်သွယ်ရေးလုပ်ငန်းသည် မြန်မာနိုင်ငံတွင် တစ်ခုတည်းသော ဆက်သွယ်ရေးဝန်ဆောင်မှုပေးသော ဌာနဖြစ်ပြီး စာတိုက်၊ ကြေးနန်း၊ တယ်လီဖုန်းစသည့် သမားရိုးကျဆက်သွယ်မှုများအပြင် ခေတ်နှင့်အညီ အီးမေးလ်အင်တာနက်စသည့် ဆက်သွယ် မှုများဖြင့်လည်း ဝန်ဆောင်မှုပေးလျက်ရှိပါသည်။ အစိုးရဌာနအဖွဲ့အစည်းတစ်ခုဖြစ်ပြီး ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာန၏ လက်အောက်ဌာနတစ်ခုဖြစ်ပါသည်။

ရည်ရွယ်ချက်[ပြင်ဆင်ရန်]

ခေတ်နှင့်အညီ တိုးတက်ပြောင်းလဲနေသော မြန်မာနိုင်ငံ၏ ဆက်သွယ်ရေးကဏ္ဍအား သိရှိနားလည်နိုင်စေရန်။

ဖွဲ့စည်းပုံ[ပြင်ဆင်ရန်]

မြန်မာ့ဆက်သွယ်ရေးလုပ်ငန်းကို ၁၈၈၄ ခုနှစ်တွင် စတင်ဖွဲ့စည်းခဲ့ပြီး စာတိုက်နှင့် ကြေးနန်းဌာနအမည်ဖြင့် စတင်ဆောင်ရွက်ခဲ့သည်။ မြန်မာ့ဆက်သွယ်ရေးလုပ်ငန်းကို ဦးဆောင်ညွှန်ကြားရေးမှူးနှင့် အထွေထွေမန်နေဂျာတို့က ဦးစီးဆောင်ရွက်လျက်ရှိပါသည်။ မြန်မာ့ဆက်သွယ်ရေးလုပ်ငန်းတွင် အဓိကဌာန (၁၁)ခုရှိပြီး ဒုတိယအထွေထွေမန်နေဂျာအဆင့်နှင့် အင်ဂျင်နီယာချုပ်တို့ဖြင့် စတင်ဖွဲ့စည်းခဲ့သည်။ မြန်မာ့ဆက်သွယ်ရေးလုပ်ငန်း ဖွဲ့စည်းပုံအရ ၂၀၁၄-၂၀၁၅ ဘဏ္ဍာရေးနှစ် ၊ ၂၀၁၄ ခုနှစ် ၊ ဧပြီလအထိ အရာထမ်း (၅၀၃) ဦးနှင့် အမှုထမ်း (၁၄၇၅၆) ဦး ၊ စုစုပေါင်းရာထူး (၁၅၂၅၉) ဦးဖြင့် ဖွဲ့စည်းထားသည်။ လက်ရှိခန့်ထားပြီးအင်အားမှာ အရာထမ်း (၃၈၅) ဦးနှင့် အမှုထမ်း (၁၁၁၂၈) ဦးဖြစ်သဖြင့် လစ်လပ်လျက်ရှိသောအင်အားမှာ အရာထမ်းရာထူး (၁၁၈) နေရာနှင့် အမှုထမ်း ရာထူး (၃၆၂၇) ရာထူးနေရာဖြစ်သည်။[၁]

မြန်မာ့ဆက်သွယ်ရေးလုပ်ငန်း တွင် အောက်ဖော်ပြပါ လုပ်ငန်းဌာနကြီး (၅)ခု ၊ အင်ဂျင်နီယာချုပ်ရုံး (၅)ခု၊ ကြေးနန်း ဆက်သွယ်ရေးနှင့် စာတိုက် သင်တန်းကျောင်း(၁)ခု နှင့် ပြည်နယ်/တိုင်း (၁၇)ခု ဖြင့် ဖွဲ့စည်းထားပြီး စာတိုက်၊ ကြေးနန်း၊ တယ်လီဖုန်း လုပ်ငန်းများ ကို ဝန်ဆောင်မှု ပေးလျက်ရှိသည်။[၂]

  • မြန်မာ့ဆက်သွယ်ရေးလုပ်ငန်းရုံးချုပ်
  • စီမံရေးရာဌာန
  • လုပ်ငန်းနှင့်စစ်ဆေးရေးဌာန
  • နေပြည်တော်ကောင်စီ
  • ပစ္စည်းဌာန
  • ငွေစာရင်းဌာန
  • စီမံကိန်းနှင့် လေ့ကျင့်ရေးဌာန
  • ရုံးချုပ်အခြေစိုက်ပြည်ပဆက်သွယ်ရေးစခန်း
  • ရုံးချုပ်အခြေစိုက်အဝေးဆက်သွယ်ရေးစခန်း
  • ရုံးချုပ်အခြေစိုက်အော်တိုတယ်လီဖုန်းစခန်း
  • ရုံးချုပ်အခြေစိုက်မိုဘိုင်းဆက်သွယ်ရေးစခန်း
  • သတင်းအချက်အလက်နှင့်နည်းပညာဌာန
  • ကြေးနန်းဆက်သွယ်ရေးနှင့် စာတိုက်သင်တန်းကျောင်း

လုပ်ငန်းတာဝန်များ[ပြင်ဆင်ရန်]

မြန်မာ့ဆက်သွယ်ရေးလုပ်ငန်း၏ လုပ်ငန်းတာဝန်များမှာ

  1. ဆက်သွယ်ရေးလုပ်ငန်းများကို လုပ်သားပြည်သူတို့ လွယ်ကူပြေပြစ်စွာ အသုံးပြုနိုင်ရေးအတွက် စီးပွားရေးဆန်ဆန် စီစဉ်ဆောင်ရွက်ခြင်း။
  2. စီးပွားရေး၊ လူမှုရေး၊ စီမံခန့်ခွဲရေးလုပ်ငန်းများကို အထောက်အကူဖြစ်စေရေးအတွက် ယင်းလုပ်ငန်း များ၏ ဆက်သွယ်ရေးလုပ်ငန်းလိုအပ်ချက်ကို ဖြည့်ဆည်းခြင်း။
  3. ဆက်သွယ်ရေး အခြေစိုက်စခန်းများကို လုပ်ငန်းလိုအပ်ချက်နှင့်အညီ ဖွင့်လှစ်ခြင်း၊ တိုးချဲ့ခြင်း၊ ပြုပြင်ပြောင်းလဲခြင်း၊ ပြောင်းရွှေ့ခြင်း၊ ရပ်ဆိုင်းခြင်းနှင့် ပိတ်ရန်လိုအပ်ပါက ပိတ်ထားခြင်း။
  4. ဆက်သွယ်ရေး အခြေစိုက်စခန်းများမှ တာဝန်ခံလုပ်ဆောင်နိုင်သော အခြားဝန်ထမ်း အဖွဲ့အစည်း များ၏ ကိုယ်စားလှယ်လုပ်ငန်းများကို ဆောင်ရွက်ခြင်း။
  5. ဆက်သွယ်ရေးလမ်းကြောင်းများကို လုပ်ငန်းလိုအပ်ချက်နှင့်အညီ တည်ဆောက်ခြင်း၊ ထိန်းသိမ်းခြင်း၊ တိုးချဲ့ခြင်း၊ ပြုပြင်ခြင်း၊ လျှော့ချခြင်း၊ ပြောင်းရွှေ့ခြင်းနှင့် လိုအပ်ပါက ပိတ်ထားခြင်း။
  6. အပြည်ပြည်ဆိုင်ရာ စာတိုက် အဖွဲ့အစည်းနှင့်ဖြစ်စေ ၊ ကြေးနန်းဆက်သွယ်ရေးအဖွဲ့အစည်းနှင့် ဖြစ်စေ ၊ ချုပ်ဆိုသော ကွန်ဗင်းရှင်းစာချုပ်များကိုလည်းကောင်း၊ နိုင်ငံတော်နှင့် အခြားနိုင်ငံချုပ်ဆိုသည့် ဆက်သွယ်ရေးလုပ်ငန်း သဘောတူညီချက်များကိုလည်းကောင်း လိုက်နာကျင့်သုံးခြင်း။
  7. လိုအပ်သည့် စူးစမ်းရှာဖွေလေ့လာမှုများပြုလုပ်ခြင်း၊ ဆက်သွယ်ရေးလုပ်ငန်းများနှင့် သက်ဆိုင်သည့် သုတေသနလုပ်ငန်းများ ဆောင်ရွက်ခြင်း။
  8. ပြည်ထောင်စုဝန်ကြီးဌာနက အခါအားလျော်စွာ သတ်မှတ်ပေးထားသော လုပ်ငန်းများကို ဆောင်ရွက်ခြင်း။

နိုင်ငံတော်အစိုးရ၏ တရားဝင် ထုတ်ပြန်ကြေညာမှု မှတ်တမ်း[ပြင်ဆင်ရန်]

၁၉၈၈ ခုနှစ်မှ ၂၀၁၀ ခုနှစ်အထိ တိုးတက်ပြောင်းလဲမှုများအား ဖော်ပြထားသည်။[ပြင်ဆင်ရန်]

အမျိုးအစား ရေတွက်ပုံ ၁၉၈၈ ၂၀၁၀ တိုးတက်မှု
စာတိုက်စခန်း ခု ၁၁၁၄ ၁၃၇၉ ၂၆၅
ကြေးနန်းရုံး ရုံး ၃၁၀ ၅၁၉ ၂၀၅
ဖက်စ်စီမီလီ ခု ၁၀ ၅၄၄၆ ၅၄၃၆
ကွန်ပျူတာကြေးနန်း ခု - ၁၄၀ ၁၄၀
တယ်လီဖုန်းရုံး
ဒီဂျစ်တယ်အော်တိုအိတ်ချိန်း ရုံး ၁၂ ၃၉၂ ၃၈၀
လက်လှည့်အိတ်ချိန်း ရုံး ၂၁၁ ၂၉၆ ၈၅
ကျေးလတ် တယ်လီဖုန်းအိတ်ချိန်း ရုံး - ၂၃၄ ၂၃၄
တယ်လီဖုန်းလုပ်ငန်း လိုင်း ၇၄၈၅၅ ၂၂၉၇၄၁၉ ၂၂၂၂၅၆၄
ဒီဂျစ်တယ် တယ်လီဖုန်း လိုင်း ၁၂၀၀၀ ၇၉၄၂၇၉ ၇၈၂၂၇၉
ARTS ရေဒီယိုတယ်လီဖုန်း လုံး - ၃၈၅၆ ၃၈၅၆
DETC ရေဒီယိုတယ်လီဖုန်း လုံး - ၁၉၄၉ ၁၉၄၉
CDMA(Fixed)တယ်လီဖုန်း လုံး - ၂၀၀၃၈ ၂၀၀၃၈
မိုဘိုင်းလ်တယ်လီဖုန်းလုပ်ငန်း လုံး - ၁၄၃၅၂၅၀ ၁၄၃၅၂၅၀
CDMA(Mobile)တယ်လီဖုန်း လုံး - ၅၈၃၇၅၀ ၅၈၃၇၅၀
CDMA 800တယ်လီဖုန်း လုံး - ၂၅၀၀၀၀ ၂၅၀၀၀၀
D-AMPSတယ်လီဖုန်း လုံး - ၃၈၄၀၀ ၃၈၄၀၀
GSM တယ်လီဖုန်း လုံး - ၄၈၅၁၀၀ ၄၈၅၁၀၀
WCDMA တယ်လီဖုန်း လုံး - ၂၈၀၀၀ ၂၈၀၀၀
Mc WLL တယ်လီဖုန်း လုံး - ၅၀၀၀၀ ၅၀၀၀၀
တယ်လီဖုန်းသိပ်သည်းဆ လူ(၁၀၀၀လျှင်) ၁.၉၂ ၃၉.၉၅ ၃၈.၀၃
အီးမေးလ်/အင်တာနက် ခု - ၇၈၈၅ ၇၈၈၅
ပြည်တွင်းဂြိုဟ်တုဆက်သွယ်ရေးမြေပြင်စခန်း ခု - ၁၈၂၅ ၁၈၂၅
ပြည်တွင်းဂြိုဟ်တုဆက်သွယ်ရေးချန်နယ် ခု - ၇၃၀၀ ၇၃၀၀
အပြည်ပြည်ဆိုင်ရာ တယ်လီဖုန်းချန်နယ် ခု ၂၆ ၄၀၂၅ ၃၀၉၉
အဝေးဆက်သွယ်ရေးဆက်ကြောင်းများ
ပြည်ပဂြိုဟ်တုဆက်သွယ်ရေးမြေပြင်စခန်း ခု
ပြည်ပဂြိုဟ်တုဆက်သွယ်ရေးချန်နယ် ခု ၂၆ ၈၀၄ ၇၇၈
ပြည်ပရေအောက်ကေဘယ်ဆက်သွယ်ရေးချန်နယ် ခု - ၁၈၁၅ ၁၈၁၅
ဖိုင်ဘာကေဘယ်လ်ဆက်ကြောင်း မိုင် - ၁၃၄၈ ၁၃၄၈
ကုန်းတွင်နယ်စပ်ဖြတ်ကျော်ဖိုင်ဘာလ်
ကေဘယ်ဆက်ကြောင်း
ခု - ၁၄၀၆ ၁၄၀၆
Digital မိုက္ကရိုဆက်ကြောင်း စခန်း - ၃၁၆ ၃၁၆
အင်နာလော့ဂ် မိုက္ကရိုဆက်ကြောင်း စခန်း ၇၁ - Digitalပြောင်း
ကယ်ရီယာ စခန်း ၁၂၄ - Digitalပြောင်း

ကိုးကား[ပြင်ဆင်ရန်]

  1. About MPT။ 16 Oct 2014 တွင် ပြန်စစ်ပြီး။
  2. MPT Organization Chart။ ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာန။ ၂၀၁၄-၁၀-၂၈ တွင် ပြန်စစ်ပြီး။

မြန်မာ့အလင်းသတင်းစာ။ အောက်တိုဘာလ ၃၁ ရက်။ ၂၀၁၀ ခုနှစ်

ပြင်ပဆက်သွယ်ရေး[ပြင်ဆင်ရန်]