မြန်မာစာအဖွဲ့

Myanmar Language Commission

မြန်မာအစိုးရအဖွဲ့အစည်း
မြန်မာစာအဖွဲ့
Agency အကျဉ်းချုပ်
ယခင်အဖွဲ့အစည်း	မြန်မာစာပေ ပြုစုရေးနှင့် ဘာသာပြန် ကော်မရှင်
ဌာနချုပ်	နေပြည်တော်
ဌာနအကြီးအမှူးများ	ဒေါက်တာဇော်မြင့်၊ ညွှန်ကြားရေးမှူးချုပ်
မိခင်အဖွဲ့အစည်း	ပညာရေး ဝန်ကြီးဌာန
ဝက်ဘ်ဆိုက်	myanmarlanguagecommission.myn.asia

မြန်မာစာအဖွဲ့ သည် မြန်မာနိုင်ငံ၊ ပညာရေးဝန်ကြီးဌာန မြန်မာနိုင်ငံ တိုင်းရင်းသားဘာသာစကား ဦးစီးဌာန လက်အောက်ရှိ အဖွဲ့အစည်းဖြစ်သည်။ မြန်မာစာအဖွဲ့သည် အဘိဓာန်ကျမ်းများ၊ သဒ္ဒါကျမ်းများ အပါအဝင် မြန်မာ စာလုံးပေါင်း သတ်ပုံကျမ်း၊ မြန်မာစကားပုံ၊ မြန်မာစာ မြန်မာစကား၊ မြန်မာ့ဆိုရိုးစကား၊ မြန်မာပင့်ရစ်ခွဲထားရကန်နှင့် မြန်မာစာ မြန်မာမှုပါဠိအဘိဓာန်သစ်စသည်တို့ကို ပြုစုထုတ်ဝေထားသည်။

သမိုင်းကြောင်း

မြန်မာစာပေ ပြုစုရေးနှင့် ဘာသာပြန်ကော်မရှင်ကို ၁၉၆၃ ခုနှစ် ဩဂုတ်လတွင် တော်လှန်ရေးကောင်စီ အစိုးရမှ ဖွဲ့စည်းခဲ့သည်။ ထို့နောက် မြန်မာဘာသာနှင့် ပတ်သက်သော အဘိဓာန်များ၊ စာလုံးပေါင်း သတ်ပုံကျမ်းများ၊ ကိုးကားစာအုပ်များ စသည်တို့ကို ထုတ်ဝေခဲ့သည်။

၁၉၇၂ ခုနှစ် စက်တင်ဘာ ၁၅ ရက်နေ့တွင် မြန်မာစာကော်မရှင် အဖြစ်လည်းကောင်း၊၁၉၇၅ တွင် မြန်မာစာအဖွဲ့အဖြစ် လည်းကောင်း၊ ၁၉၈၁ တွင် မြန်မာစာအဖွဲ့ဦးစီးဌာန၊ နှင့် ၂၀၁၅ ခုနှစ်တွင် မြန်မာစာနှင့်ဘာသာစကားပညာရေးဦးစီးဌာန ဟူ၍ အသီးသီး ပြောင်းလဲ ဖွဲ့စည်းခဲ့သည်။

မြန်မာစာအဖွဲ့၏အဓိကရည်မှန်းချက်များ

1. ဝေါဟာရ ပြည့်စုံသော၊ စာလုံးပေါင်းသတ်ပုံအရာတွင် ထုံးစီမံမျှ ဖြစ်သော၊ အနက်အဓိပ္ပာယ် မှန်ကန်တိကျသော၊ အကိုးအထောက် ခိုင်မာစုံလင်သော၊ ခေတ်မီစနစ်ကျသော မြန်မာ အဘိဓာန်ကျမ်းမျာပြုစုခြင်း၊
2. မြန်မာစာအရေးအသား မှန်ကန်မှု၊ ရှင်းလင်းမှု၊ ကျစ်လျစ်မှု၊ ထိမိမှုကို အထောက်အကူ ဖြစ်စေနိုင်မည့် မြန်မာသဒ္ဒါကျမ်းများ ပြုစုခြင်း။
3. မြန်မာစာပေ စာစုစာရင်းအား ပြုစုခြင်းနှင့် မြန်မာ့စာပေဖွံ့ဖြိုးတိုးတက်ရေးအတွက် သုံးသပ်ခြင်းနှင့် အကြံပြုခြင်း၊
4. တိုင်းရင်းသားစာပေများ ဖွံ့ဖြိုးတိုးတက်ရေး ကူညီဆောင်ရွက်ပေးခြင်း။

မြန်မာစာအဖွဲ့ဝင်များ

၁၉၇၅ ခုနှစ်မှယနေ့အထိ မြန်မာစာအဖွဲ့တွင် ဆောင်ရွက်ခဲ့သော မြန်မာစာအဖွဲ့ဝင်များမှာ-

1. ဦးစန်းငွေ (ဒဂုန်ဦးစန်းငွေ) (၁၉၈၃ မှ ၁၉၉၁)
2. ဦးဆန်းထွန်း (မန်းတက္ကသိုလ်ဆန်းထွန်း)၊ လ/ထကထိက(အငြိမ်းစား)၊ မြန်မာစာဌာန၊ မန္တလေးတက္ကသိုလ် (၁၉၈၃ မှ ၁၉၈၉)
3. ဦးဘညွန့် ပါမောက္ခ(အငြိမ်းစား)၊ သမိုင်းဌာန၊ ရန်ကုန်တက္ကသိုလ်(၁၉၈၃ မှ ၁၉၉၂)
4. ဦးလှဘေ (ဒဂုန်ဦးလှဘေ) (၁၉၈၃ မှ ၁၉ )
5. ဦးလှရွှေ ၊ ပါမောက္ခချုပ်(အငြိမ်းစား)၊ မန္တလေးတက္ကသိုလ်(၁၉၈၃ မှ ၁၉၉၃)
6. ဦးသော်ဇင် (သော်ဇင်) (၁၉၈၃ မှ ၁၉၉၀)
7. ဒေါ်သန်းဆွေ (မြမဉ္ဇူ)၊ ပါမောက္ခ(အငြိမ်းစား)၊ မြန်မာစာဌာန၊ ရန်ကုန်တက္ကသိုလ်(၁၉၈၅ မှ ၂၀၀၂)
8. ဒေါ်အုန်းခင် ကထိက(အငြိမ်းစား)၊ အင်္ဂလိပ်စာဌာန၊ ရန်ကုန်တက္ကသိုလ်(၁၉၈၅ မှ ယနေ့အထိ)
9. ဦးထင်ကြီး(တက္ကသိုလ်ထင်ကြီး)၊ ညွှန်ကြားရေးမှူး(အငြိမ်းစား)၊ စာပေဗိမာန်(၁၉၈၅ မှ ၂၀၀၄)
10. ဦးအောင်သော် ၊ ညွှန်ကြားရေးမှူးချုပ်(အငြိမ်းစား)၊ ရှေးဟောင်းသုတေသနဦးစီးဌာန(၁၉၈၅ မှ ၁၉၉၁)
11. ဦးမောင်မောင်တင်(၁၉၈၅ မှ ၁၉၉၁)
12. ဒေါ်ခင်စု(၁၉၈၅ မှ ၁၉၉၁)
13. ဦးမြအောင်(၁၉၈၅ မှ ၁၉၉၁)
14. ဒေါက်တာအုန်းခိုင်(၁၉၈၅ မှ ၁၉၉၁)
15. ဦးသန်းထွတ်(၁၉၈၅ မှ ၁၉၉၁)
16. ဦးချမ်းသာ(လက်ဝဲမင်းညို လက်ယာစံထား) (၁၉၈၆ မှ ၁၉၉၀)
17. ဦးစိုးမောင် (သာဂရငစိုး) ၊ အယ်ဒီတာချုပ်၊ မြန်မာ့အလင်းသတင်းစာ(၁၉၈၆ မှ ၁၉၉၈)
18. ဦးထင်ဖတ် (မောင်ထင်)၊ ညွှန်ကြားရေးဝန်၊ ပြန်ကြားရေးဝန်ကြီးဌာန(၁၉၈၆ မှ ၂၀၀၆)
19. ဒေါ်ရင်ရင်(စောမုံညင်း)၊ သုတေသနအရာရှိ၊ ပါတီဌာနချုပ်(၁၉၈၆ မှ ၂၀၁၁)
20. ဦးဝင်းဖေ၊ ညွှန်ကြားရေးမှူးချုပ်(အငြိမ်းစား)၊ ယဉ်ကျေးမှုဗိမာန်ဦးစီးဌာန(၁၉၈၈ မှ ယနေ့အထိ)
21. ဒေါက်တာသန်းထွန်း၊ ပါမောက္ခ(အငြိမ်းစား)၊ သမိုင်းဌာန၊ မန္တလေးတက္ကသိုလ်(၁၉၉၁ မှ ၁၉၉၁)
22. ဒေါ်ခင်ခင်မ၊ အငြိမ်းစားပါမောက္ခ(အငြိမ်းစား)၊ နိုင်ငံတကာဆက်ဆံရေးဌာန၊ ရန်ကုန်တက္ကသိုလ်(၁၉၈၅ မှ ၁၉၉၁)
23. ဒေါ်ကြန်(မကြန်)၊ အကြီးတန်းသုတေသနအရာရှိ(အငြိမ်းစား)၊ သမိုင်းဌာန(၁၉၉၁ မှ ယနေ့အထိ)
24. ဒေါ်မြင့်သန်း၊ ကထိက(အငြိမ်းစား)၊ မြန်မာစာဌာန၊ ရန်ကုန်တက္ကသိုလ်(၁၉၉၁ မှ ၂၀၁၅ အထိ)
25. ဦးမြင့်ကြည်၊ ညွှန်ကြားရေးမှူး(အငြိမ်းစား)၊ မြန်မာစာအဖွဲ့ဦးစီးဌာန(၁၉၉၅ မှ ယနေ့အထိ)
26. ဦးကိုလေး(ဇေယျာမောင်) အဓိပတိ၊ မန်းတက္ကသိုလ်(၁၉၉၆-ခုနှစ်မှ ၂၀၀၃-ခုနှစ်ထိ)
27. ဦးထွန်းတင့်၊ ညွှန်ကြားရေးမှူး(အငြိမ်းစား)၊ မြန်မာစာအဖွဲ့ဦးစီးဌာန(၁၉၉၆-ခုနှစ်မှ ယနေ့အထိ)
28. ဦးတင်လွင်၊ ပါမောက္ခ(အငြိမ်းစား)၊ အရှေ့တိုင်းပညာဌာန၊ ရန်ကုန်တက္ကသိုလ်(၁၉၉၆-ခုနှစ်မှ ၂၀၁၄)
29. ဦးကျော်အောင်၊ စာတည်း(အငြိမ်းစား)၊ ဘာသာပြန်နှင့် စာအုပ်ထုတ်ဝေရေးဌာန (၁၉၉၆-ခုနှစ် မှ ၂၀၀၀ ပြည့်နှစ်ထိ)
30. ဦးမြတ်ကျော်၊ စာတည်း(အငြိမ်းစား)၊ မြန်မာစာအဖွဲ့ဦးစီးဌာန(၁၉၉၆-ခုနှစ် မှ ၂၀၀၈-ခုနှစ်ထိ)
31. ဦးခင်အေး၊ ပါမောက္ခ(အငြိမ်းစား)၊ မြန်မာစာဌာန၊ ရန်ကုန်တက္ကသိုလ်(၂၀၀၈-ခုနှစ်မှ ယနေ့အထိ)
32. ဦးစံလွင်၊ ညွှန်ကြားရေးမှူးချုပ်(အငြိမ်းစား)၊ မြန်မာစာအဖွဲ့ဦးစီးဌာန(၂၀၀၈-ခုနှစ်မှ ယနေ့အထိ)
33. ဦးတင်ခ၊ ဦးဆောင်ညွှန်ကြားရေးမှူး(အငြိမ်းစား)၊ သတင်းနှင့်စာနယ်ဇင်း(၂၀၁၂-ခုနှစ်မှ ယနေ့အထိ)
34. ဒေါ်ခင်သိန်း၊ ပါမောက္ခ(အငြိမ်းစား)အရှေ့တိုင်းပညာဌာန၊ ရန်ကုန်တက္ကသိုလ်(၂၀၁၂-ခုနှစ်မှ ယနေ့အထိ)
35. ဒေါ်ခင်ဆွေမြင့်၊ ပါမောက္ခ(အငြိမ်းစား) မြန်မာစာဌာန၊ ရန်ကုန်တက္ကသိုလ်(၂၀၁၂-ခုနှစ်မှ ယနေ့အထိ)
36. ဦးမင်းနိုင်၊ ညွှန်ကြားရေးမှူး(အငြိမ်းစား)၊ မြန်မာစာအဖွဲ့ဦးစီးဌာန (၂၀၁၃ ခုနှစ်မှ ယနေ့အထိ)

၁၉၈၁ ခုနှစ် မြန်မာစာအဖွဲ့ ဦးစီးဌာနကို ပြင်ဆင်သည့်ဥပဒေအရ လက်ရှိ ဖွဲ့စည်းထားရှိသော မြန်မာစာအဖွဲ့ဝင်များမှာ

1. ဒေါ်အုန်းခင်
2. ဦးဝင်းဖေ
3. စည်သူဒေါ်ကြန်
4. ဦးမြင့်ကြည်
5. ဒေါက်တာစံလွင်(တောင်ခိုး)(Luzoe)
6. ဒေါက်တာထွန်းတင့်
7. ဒေါက်တာခင်အေး (မောင်ခင်မင်-ဓနုဖြူ)
8. ဦးတင်ခ(တက္ကသိုလ်တင်ခ)
9. ဒေါက်တာခင်သိန်း
10. ဒေါက်တာခင်ဆွေမြင့်
11. ဦးမင်းနိုင် တို့ ဖြစ်ကြသည်။

ထုတ်ဝေမှုများ

1. မြန်မာစာလုံးပေါင်းသတ်ပုံကျမ်း နှင့် ခွဲထား
2. မြန်မာအဘိဓာန်
3. ခရီးဆောင်မြန်မာအဘိဓာန်
4. မြန်မာစာ မြန်မာမှုပါဠိအဘိဓာန်သစ်
5. ထေရဝါဒဗုဒ္ဓဘာသာ မြတ်ဗုဒ္ဓပါဝစနအဘိဓာန်
6. မြန်မာပင့်ရစ်ခွဲထားရကန်
7. မြန်မာစကားနက်ရကန်
8. ကကြီးခခွေး မတတ်သေး လူရေးညံ့တော့ပြီ
9. သတ်ပုံမှားမှန် ခွဲတတ်ရန်
10. မြန်မာ့ဆိုရိုးစကား
11. မြန်မာစကားပုံ
12. မြန်မာသဒ္ဒါ
13. စာကိုးအဘိဓာန် (၅ - တွဲ)
14. မြန်မာအဘိဓာန်အကျဉ်းချုပ် (၅ - တွဲ)
15. မြန်မာစာပေအနုပညာဆိုင်ရာကိုယ်ပိုင်အမည်များ
16. အဘိဓာန် (၃ - တွဲ)
17. မြန်မာစာ မြန်မာစကား
18. မြန်မာစာစကားဝိုင်း (၈ - တွဲ)
19. မြန်မာ - အင်္ဂလိပ်အဘိဓာန်
20. အင်္ဂလိပ် - မြန်မာအဘိဓာန်
21. ခရီးဆောင် အင်္ဂလိပ် - မြန်မာ အဘိဓာန်
22. မြန်မာဝေါဟာရသမိုင်း (ပုံမနှိပ်ရသေး)
23. မြန်မာလှေစာတမ်း (ပုံမနှိပ်ရသေး)
24. လှည်းစာတမ်း (ပုံမနှိပ်ရသေး)
25. မြန်မာစကားပရိယာယ်ကျမ်း (၂ - တွဲ)
26. မြန်မာအဘိဓာန်ကြီး (ပြုစုဆဲ)

ပြင်ပလင့်ခ်များ

• မြန်မာစာနှင့် ဘာသာစကားပညာရေးဦးစီးဌာန တရားဝင် ဝက်ဘ်ဆိုဒ်