တောင်သာမြို့နယ်

ဝီကီပီးဒီးယား မှ
Jump to navigation Jump to search
တောင်သာမြို့နယ်
မြို့နယ်
တောင်သာမြို့နယ် သည် မြန်မာနိုင်ငံ တွင် တည်ရှိသည်
တောင်သာမြို့နယ်
တောင်သာမြို့နယ်
ကိုဩဒိနိတ်: 21°26′N 95°27′E / 21.433°N 95.450°E / 21.433; 95.450ကိုဩဒိနိတ်: 21°26′N 95°27′E / 21.433°N 95.450°E / 21.433; 95.450
နိုင်ငံ  မြန်မာ
တိုင်းဒေသကြီး မန္တလေး
ခရိုင် မြင်းခြံ
မြို့နယ်ရုံးစိုက်ရာမြို့ တောင်သာမြို့
လူဦးရေ (၂၀၁၄)
 • စုစုပေါင်း ၂၁၆,၆၄၂[၁]
အချိန်ဇုန် မြန်မာစံတော်ချိန် (UTC+6:30)

တောင်သာမြို့နယ်သည် မြန်မာနိုင်ငံအလယ်ပိုင်း၊ မန္တလေးတိုင်းဒေသကြီးမြင်းခြံခရိုင် အတွင်း တွင်တည်ရှိသော မြို့နယ် တစ်ခုဖြစ်ပြီး၊ မြင်းခြံမြို့မှ တောင်ဘက် ၁၆ မိုင်ခန့်အကွာ တွင် တည်ရှိသည်။ ကျောက်ပန်းတောင်းမြို့မိတ္ထီလာမြို့ နှင့် မြင်းခြံမြို့များ ဆုံရာ လမ်းဆုံမြို့ဖြစ်ပြီး၊ ရန်ကုန်-မြင်းခြံ အဝေးပြေးကားလမ်းမကြီးပေါ်တွင် တည်ရှိသည်။ ရပ်ကွက် (၆) ရပ်ကွက် ပါဝင်ပြီး၊ မင်းစု အ.လ.က အလယ်တန်းကျောင်းနှင့် အ.ထ.က တောင်သာ အထက်တန်းကျောင်းများသည် တောင်သာမြို့နှင့် မြို့နယ်တစ်ဝိုက်ရှိ ပြည်သူများ၏ ပညာရေးအတွက် အဓိက အားထားရသော ကျောင်းများဖြစ်ကြသည်။ ကြက်သွန်နီ၊ ထန်းလျက်၊ ပဲအမျိုးမျိုး၊ ပြောင်း၊ နှမ်း၊ ဝါ စသည်တို့ထွက်ရှိရာ စိုက်ပျိုးရေးဒေသ တစ်ခုဖြစ်ပြီး၊ အခြား စီးပွားရေးလုပ်ငန်းများလည်း ဖွံ့ဖြိုးသည်။

အမျိုးသားစာပေဆုရ ကဗျာဆရာကြီး တင်မိုး (၁၉၃၃-၂၀၀၇) မွေးဖွားခဲ့ရာ မြို့နယ် ဖြစ်သည်။ မြို့နယ်ဖုန်းကုဒ်မှာ ၀၆၆ ဖြစ်သည်။

လူဦးရေ[ပြင်ဆင်ရန်]

၂၀၁၄ခုနှစ် သန်းခေါင်စာရင်းအရ တောင်သာမြို့နယ်ကို ရပ်ကွက် ၆ ရပ်ကွက်၊ ကျေးရွာအုပ်စု ၇၇ အုပ်စုတို့ဖြင့် ဖွဲ့စည်းထားပြီး လူဦးရေ ၂၁၆,၆၄၂ဦး ရှိ‌သည်။ လူဦးရေ သိပ်သည်းဆမှာ ၁စတုရန်းကီလိုမီတာလျှင် ၁၆၄.၉ဦး ရှိပြီး အမျိုးသားဦးရေ ၉၁,၇၆၁ဦးနှင့် အမျိုးသမီးဦးရေ ၁၁၉,၄၈၁ဦး ရှိကာ ရာခိုင်နှုန်းအားဖြင့် အမျိုးသား ၄၄.၈ ရာခိုင်နှုန်းနှင့် အမျိုးသမီး ၅၅..၂ ရာခိုင်နှုန်းဖြစ်သည်။ ကျေးလက်တွင်နေထိုင်သူ ၁၉၉,၁၁၄ ဦးရှိပြီး မြို့ပြတွင်နေထိုင်သူ ၁၇,၅၂၈ ဦးရှိသည်။ ရာခိုင်နှုန်းအားဖြင့် ကျေးလက်တွင်နေထိုင်သူ ၉၁.၉ ရာခိုင်နှုန်းဖြစ်ပြီး မြို့ပြတွင်နေထိုင်သူ ၈.၁ ရာခိုင်နှုန်းဖြစ်သည်။ [၂]

စက်ရုံများ[ပြင်ဆင်ရန်]

  • အမှတ်(၁၀)အထည်စက်ရုံ(တောင်သာ)
  • တောင်သာ ဓာတ်ငွေ့ဖြန့်ဖြူးရေးစခန်း

အမှတ်(၁၀)အထည်စက်ရုံ(တောင်သာ)[ပြင်ဆင်ရန်]

အမှတ်(၁၀)အထည်စက်ရုံ(တောင်သာ)ကို ၂၀၀၅ခုနှစ်တွင် တည်ထောင်ခဲ့ပြီး ၂၀၀၆ခုနှစ်တွင် ထုတ်လုပ်မှု စတင်ခဲ့သည်။[၃] အမှတ်(၁၀)အထည်စက်ရုံ(တောင်သာ) မှ ထုတ်လုပ်သော အဝတ်အထည်များမှာ

  • စွပ်ကျယ်
  • တီရှပ်
  • အားကစားအင်္ကျီ
  • အခြား (အမျိုးသမီးဝတ်နှင့် က‌လေးဝတ်များ)

တောင်သာ ဓာတ်ငွေ့ဖြန့်ဖြူးရေးစခန်း[ပြင်ဆင်ရန်]

ပြည်တွင်းလျှပ်စစ်ဓာတ်အား အသုံးပြုမှုအတွက် တစ်ရက်လျှင် ဓာတ်ငွေ့ကုဗပေ သန်း ၅ဝ ကျော်ကို မြန်မာ-တရုတ် သဘာဝဓာတ်ငွေ့ပိုက်လိုင်း၏ အဓိကဓာတ်ငွေ့ထုတ်ဝေဖြန့်ချိရာ နေရာတစ်ခုဖြစ်သော တောင်သာဓာတ်ငွေ့ဖြန့်ဖြူးရေးစခန်း (Off-take station) မှ ပို့လွှတ်သည်။

မြန်မာ-တရုတ် သဘာဝဓာတ်ငွေ့ပိုက်လိုင်းမှ ဓာတ်ငွေ့များ အဓိကခွဲဝေဖြန့်ချိသည့်ဖြန့်ဖြူးရေးစခန်း (Off-take station) များမှာ

တောင်သာ ဓာတ်‌ငွေ့ဖြန့်ဖြူး‌ရေးစခန်းမှ မြန်မာ့ရေနံနှင့် သဘာဝဓာတ်ငွေ့လုပ်ငန်းသို့ ပို့လွှတ်သော ဓာတ်ငွေ့များကို မြင်းခြံသံမဏိစက်ရုံ၊ Aggreko လျှပ်စစ်ဓာတ်အားပေးစက်ရုံ နှင့် V power လျှပ်စစ်ဓာတ်အားပေးစက်ရုံတို့က သုံးစွဲနေခြင်းဖြစ်သည်။ အဆိုပါ လျှပ်စစ်စက်ရုံများမှ ဒေသခံများကို လျှပ်စစ်ထုတ်လွှင့်ပေးနေခြင်း ဖြစ်သည်။

တောင်သာ ဓာတ်‌ငွေ့ဖြန့်ဖြူး‌ရေးစခန်းကို ၂၀၁၅ခုနှစ်၊ ဧပြီလတွင် စတင်လည်ပတ်ခဲ့သည်။

တောင်သာ ဓာတ်‌ငွေ့ဖြန့်ဖြူး‌ရေးစခန်းသည် လျှပ်စစ်စက်ရုံများအတွက် ဓာတ်ငွေ့များပို့လွှတ်ရာတွင် ၂ဝ၁၅ခုနှစ်တွင် ယူနစ်သန်း ၄,၈၆၉ဒသမ ၄၅သန်း၊ ၂ဝ၁၆ခုနှစ်တွင် ယူနစ် သန်း ၁၃,၂ဝ၅ ထုတ်လုပ်ခဲ့ပြီး ၂ဝ၁၇ခုနှစ်တွင် ဧပြီလအထိ ယူနစ်သန်း ၅,၉ဝ၅ ဒသမ ၂သန်း ထုတ်၍ ပို့လွှတ်ပေးခဲ့သည်။

တောင်သာမြို့နယ်မှ ပို့လွှတ်သည့်ဓာတ်ငွေ့များကို လျှပ်စစ်ထုတ်လုပ်ရေးအတွက် သုံးစွဲနေသည့် Aggreko လျှပ်စစ်ဓာတ်အားပေးစက်ရုံမှတဆင့် မြင်းခြံခရိုင်ခွဲရုံသို့ ပူးပေါင်းကာ မြင်းခြံခရိုင်တစ်ခုလုံးကို ဖြန့်ဖြူးပေးသည်။

V power လျှပ်စစ်ဓာတ်အားပေးစက်ရုံမှတဆင့် ထွက်သောဓာတ်အားများသည် သပြေဝဓာတ်အားလိုင်းသို့ပို့လွှတ်၍ ယင်းမှတစ်ဆင့် အမျိုးသားလျှပ်စစ်ဓာတ်အားပေးစနစ်ထဲသို့ ပို့လွှတ်လျက်ရှိသည်။ V power လျှပ်စစ်ဓာတ်အားပေးစက်ရုံကို ၂ဝ၁၆ ခုနှစ်၊ ဇွန်လက စတင်လည်ပတ်ခဲ့ပြီး ဓာတ်အားထုတ်လုပ်နိုင်စွမ်းမှာ ၁၃၃ မဂ္ဂါဝပ်ရှိသည်။

တောင်သာမြို့နယ်တွင် Aggreko လျှပ်စစ်ဓာတ်အားပေးစက်ရုံကို ၂ဝ၁၅ ခုနှစ်၊ ဧပြီလက စတင်လည်ပတ်ခဲ့ပြီး ဓာတ်အားထုတ်လုပ်နိုင်စွမ်းမှာ ၉ဝ မဂ္ဂါဝပ်ရှိသည်။

မြန်မာ-တရုတ် သဘာဝဓာတ်ငွေ့ပိုက်လိုင်းကို ၂ဝ၁၆ ခုနှစ်၊ ဇွန်လတွင် စတင်တည်ဆောက်ခဲ့ပြီး ရေနံပိုက်လိုင်းနှင့် သဘာဝဓာတ်ငွေ့ပိုက်လိုင်းဟူ၍ ပိုက်လိုင်းနှစ်သွယ်ရှိသည်။ မြန်မာ-တရုတ် သဘာဝဓာတ်ငွေ့ပိုက်လိုင်းမှာ MOGE၊ တရုတ် CNPC ကုမ္ပဏီ၊ တောင်ကိုရီးယား ဒေဝူးကုမ္ပဏီ၊ အိန္ဒိယရေနံပြည်ပကုမ္ပဏီ၊ ကိုရီးယားဓာတ်ငွေ့ကုမ္ပဏီနှင့် အိန္ဒိယဓာတ်ငွေ့ကုမ္ပဏီတို့မှ အကျိုးတူရင်းနှီးမြှုပ်နှံတည်ဆောက်ထားခြင်း ဖြစ်သည်။

မြန်မာ-တရုတ် သဘာဝဓာတ်ငွေ့ပိုက်လိုင်းသည်ရခိုင်ပြည်နယ်ကျောက်ဖြူမြို့ရှိ Ramree ကျွန်းမှအစပြု၍ ၇၉၃ ကီလိုမီတာရှည်လျားကာအဆိုပါ သဘာဝဓာတ်ငွေ့ပိုက်လိုင်း၏ ပြည်တွင်းလျှပ်စစ်အတွက် ဓာတ်ငွေ့များ အဓိကခွဲဝေဖြန့်ချိသည့် Off-take station များထဲမှ ကျောက်ဖြူ Off-take station သည် တစ်ရက်လျှင် ပျမ်းမျှအားဖြင့် ဓာတ်ငွေ့ကုဗမီတာ ၅,၈ဝဝ,ဝဝဝ ခန့် ကျောက်ဖြူမြို့နယ်လျှပ်စစ် ဓာတ်အားပေးစက်ရုံသို့ ပို့လွှတ်သည်။ ရေနံချောင်း Off-take station မှတစ်ရက်လျှင် ပျမ်းမျှအားဖြင့် ဓာတ်ငွေ့ကုဗမီတာ ၅၆,ဝဝဝ ခန့်ကို ဒေသစက်မှုကဏ္ဍအသုံးပြုရန် ပို့လွှတ်သည်။ တောင်သာ Off-take station မှ တစ်ရက်လျှင် ပျမ်းမျှအားဖြင့် ဓာတ်ငွေ့ကုဗမီတာ ၁,၅၉ဝ,ဝဝဝ ခန့် မြင်းခြံမြို့နယ် လျှပ်စစ်ဓာတ်အားပေးစက်ရုံနှင့် သံမဏိစက်ရုံတို့အတွက်ပို့လွှတ်ပြီး မန္တလေး Off-take station မှ တစ်ရက်လျှင် ပျမ်းမျှအားဖြင့် ဓာတ်ငွေ့ကုဗမီတာ ၇၄ဝ,ဝဝဝ ခန့် ကျောက်ဆည်ခရိုင် လျှပ်စစ်ဓာတ်အားပေးစက်ရုံနှင့် ဖန်စက်ရုံအတွက် ပို့လွှတ်လျက်ရှိသည်။[၄]

သဘာဝဘေး[ပြင်ဆင်ရန်]

ဓာတ်ငွေ့ပိုက်လိုင်း ယိုစိမ့်မှု[ပြင်ဆင်ရန်]

မြင်းခြံ-ညောင်ဦးမြို့ ကားလမ်းမိုင်တိုင်အမှတ် ၂၉/၃ နှင့် ၂၉/၄ အကြား ကားလမ်းမှ ပေ ၃ဝဝ ကျော်ခန့် ရထားလမ်းမှပေ ၂၅ဝ ခန့်အကွာ တောင်သာမြို့နယ်၊ ကန်ရွာကျေးရွာအုပ်စုအတွင်း၌ ၂၀၁၇ခုနှစ်၊ ဇွန် ၁၃ ရက် နံနက်ပိုင်းက သဘာဝဓာတ်ငွေ့ပိုက်လိုင်း ယိုစိမ့်မှု ဖြစ်ပွားခဲ့သည်။ အဆိုပါပိုက်လိုင်းမှာ ချောက်မြို့-မြင်းခြံ-အမှတ်(၁) သံမဏိစက်ရုံမှ ပလိပ်မြို့အထိ ပို့လွှတ်သော အချင်း ၁၄ လက်မရှိ သဘာဝဓာတ်ငွေ့ပိုက်လိုင်းဖြစ်ပြီး ၁၉၉၈ ခုနှစ်က စတင်အကောင်အထည်ဖော်ဆောင်ရွက်ခဲ့ခြင်းဖြစ်ကာ မြေအနက် ခြောက်လက်မခန့် နေရာရှိ ဆွေးမြည့်အပေါက်ငယ်သုံးပေါက်မှ ယိုစိမ့်မှုဖြစ်ပွားခဲ့ခြင်းဖြစ်သည်။[၅]

မြစ်ရေမြင့်တက်မှုကြောင့် ပြောင်းရွှေ့မှု[ပြင်ဆင်ရန်]

၂၀၁၇ ခုနှစ်၊ ဇူလိုင်လ ၁၅ ရက်နေ့တွင် ဧရာဝတီမြစ်ရေမြင့်တက်မှုကြောင့် တောင်သာမြို့နယ်၊ ရွာလေးကုန်းကျေးရွာ အပါအဝင် ကျေးရွာ (၅)ရွာတွင် အိမ်ခြေ(၈၆၅)လုံး၊ လူဦးရေ ၂၅၃၂ ဦး (ကျား ၁၂၂၆၊ မ ၁၃၁၆)၊ ကျွဲ/နွား/ဆိတ် ၁၀၇၄ ကောင် ပြောင်းရွှေ့ နေထိုင်လျက်ရှိသည်။ [၆]

ထင်ရှားသော နေရာများ[ပြင်ဆင်ရန်]

ဇဂျမ်း-ကန်မြဲကန်[ပြင်ဆင်ရန်]

ဇဂျမ်း-ကန်မြဲကန်သည် တောင်သာမြို့နယ် ဇဂျမ်း-ကန်မြဲ ကျေးရွာအုပ်စု၏ သောက်သုံးရေ ကန်ကြီးဖြစ်သည်။ အနော်ရထာမင်း လက်ထက်က တည်ဆောက်ခဲ့သော ကန်ဖြစ်ပြီး နှစ်ပေါင်းများစွာ ကြာမြင့်လာသည်နှင့်အမျှ သဲနုံးများ ပို့ချမှုကြောင့် ရေသိုလှောင်နိုင်မှု နည်းပါးပြီး ရေဝင်ရောက်မှုလည်း လျော့နည်းလာသဖြင့် ဆည်မြောင်း ဦးစီးဌာနက ၂၀၁၄ခုနှစ်၊ ဇန်နဝါရီလတွင် ပြန်လည်ပြုပြင်ခဲ့သည်။

ကန်ကြီးမှာ ဇဂျမ်းကျေးရွာအပါအဝင် ကျေးရွာအုပ်စု (၂) စု၊ ကျေးရွာပေါင်း (၁၅) ရွာမှ အိမ် ထောင်စု (၄၀၀၀) ကျော်၊ လူဦးရေ (၂၂၀၀၀) ခန့်က မှီခိုအားထားရပြီး ယခင်က သောက်သုံးရေ သာမက စိုက်ပျိုးရေ အတွက်ပါ အားထားရသော ကန်ကြီး ဖြစ်ခဲ့သည်။[၇]

ကိုးကား[ပြင်ဆင်ရန်]

ပြင်ပလင့်ခ်များ[ပြင်ဆင်ရန်]