နွားထိုးကြီးမြို့နယ်

ဝီကီပီးဒီးယား မှ
Jump to navigation Jump to search
နွားထိုးကြီးမြို့နယ်
မြို့နယ်
နွားထိုးကြီးမြို့နယ်တွင်းရှိ မြင်းခြံ-မန္တလေး ကားလမ်း
နွားထိုးကြီးမြို့နယ်တွင်းရှိ မြင်းခြံ-မန္တလေး ကားလမ်း
နွားထိုးကြီးမြို့နယ် သည် မြန်မာနိုင်ငံ တွင် တည်ရှိသည်
နွားထိုးကြီးမြို့နယ်
နွားထိုးကြီးမြို့နယ်
ကိုဩဒိနိတ်: 21°25′N 95°39′E / 21.417°N 95.650°E / 21.417; 95.650
နိုင်ငံ  မြန်မာ
တိုင်းဒေသကြီး မန္တလေး
ခရိုင် မြင်းခြံ
မြို့နယ်ရုံးစိုက်ရာမြို့ နွားထိုးကြီးမြို့
လူဦးရေ (၂၀၁၄)
 • စုစုပေါင်း ၁၇၆,၉၂၇ [၁]
အချိန်ဇုန် မြန်မာစံတော်ချိန် (UTC+6:30)

မန္တလေးတိုင်းဒေသကြီးမြင်းခြံခရိုင် အတွင်းတွင် တည်ရှိပြီး မြောက်လတ္တီတွဒ် (၂၁)ဒီဂရီ (၁၇)မိနစ် (၃၄)စက္ကန့် နှင့် (၂၁)ဒီဂရီ (၃၈)မိနစ် (၄၂)စက္ကန့် အတွင်း၊ အရှေ့လောင်ဂျီတွဒ် (၉၅)ဒီဂရီ (၂၇)မိနစ် (၅၄)စက္ကန့် နှင့် (၉၅)ဒီဂရီ (၅၈)မိနစ် (၃၂)စက္ကန့် အတွင်းတည်ရှိပါသည်။ အရှေ့နှင့်အနောက် (၃၀)မိုင် (၃)ဖာလုံ၊ တောင်နှင့်မြောက် (၂၂)မိုင် (၂)ဖာလုံ ကျယ်ဝန်းပြီး ဧရိယာ စတုရန်းမိုင် (၄၈၁၂၀) ကျယ်ဝန်းပါသည်။

ရပ်ကွက်ကြီး (၆)ရပ်ကွက်နှင့် ရပ်ကွက်ငယ် (၂)ခုရှိပါသည်။ ကျေးရွာအုပ်စု (၈၆) အုပ်စုနှင့် ကျေးရွာပေါင်း (၁၈၆)ရွာ ရှိပါသည်။

အနောက်ဘက်တွင် မြင်းခြံမြို့နယ်၊ မြောက်ဘက်တွင် ငါန်းဇွန်မြို့နယ်တံတားဦးမြို့နယ် အရှေ့ဘက်တွင် မြစ်သားမြို့နယ် နှင့် တောင်ဘက်တွင် ဝမ်းတွင်းမြို့နယ်မလှိုင်မြို့နယ်နှင့် တောင်သာမြို့နယ်တို့နှင့် ထိစပ်ပါသည်။

မြင်းခြံ-မန္တလေး ကားလမ်းမနှင့် ပုဂံ-မန္တလေး မီးရထားလမ်းပေါ်တွင် တည်ရှိပြီး မြင်းခြံမြို့မှ အရှေ့ဘက် ၁၉ မိုင်ကွာဝေးပါသည်။ အဓိက စိုက်ပျိုးသီးနှံများမှာ ဝါဂွမ်း၊ ထန်းနှင့် ပဲအမျိုးမျိုးဖြစ်ပါသည်။ အရည်အသွေးကောင်းမွန်သော သက်တမ်းရင့် အင်ကြင်းကျောက် ထွက်ရှိရာဒေသလည်း ဖြစ်ပါသည်။

ယခုအခါ ရန်ကုန်-မန္တလေး အမြန်လမ်းမကြီးကို နွားထိုးကြီးမြို့၏ အရှေ့ဘက် ပြင်စည်ကျေးရွာအနီးမှ ဖြတ်သန်းဖောက်လုပ်ထားပါသည်။ ခရိုင်ချင်းဆက်လမ်းမှ တစ်ဆင့် မန္တလေးအပြည်ပြည်ဆိုင်ရာလေဆိပ်သို့ တိုက်ရိုက်ရောက်ရှိနိုင်ပါသည်။

နွားထိုးကြီးမြို့၏ အထင်ရှားဆုံးသော တန်ခိုးကြီးဘုရားမှာ ရှင်ပင်သာထွန်းဦးဘုရား ဖြစ်ပါသည်။ ဘုရားပူဇနိယပွဲတော်ကို နှစ်စဉ် တပို့တွဲလဆန်း (၁) ရက်နေ့မှ တန်ပို့တွဲလပြည့်နေ့အထိ စည်ကားသိုက်မြိုက်စွာ ကျင်းပပါသည်။

ကိုးကား[ပြင်ဆင်ရန်]

  1. Provisional Results Census 26 August 2014 FINAL, ပြည်သူ့အင်အားဦးစီးဌာန, 26 August 2014, p. ၂၉, retrieved February 26, 2015