မတ္တရာမြို့နယ်

ဝီကီပီးဒီးယား မှ
Jump to navigation Jump to search
မတ္တရာမြို့နယ်
မန္တလေးတိုင်းအတွင်းရှိ မြို့နယ်
Taung Pyone.jpg
မတ္တရာမြို့နယ် သည် မြန်မာနိုင်ငံ တွင် တည်ရှိသည်
မတ္တရာမြို့နယ်
မတ္တရာမြို့နယ်
ကိုဩဒိနိတ်: 22°13′N 96°7′E / 22.217°N 96.117°E / 22.217; 96.117
နိုင်ငံ  မြန်မာ
တိုင်းဒေသကြီး မန္တလေး
ခရိုင် ပြင်ဦးလွင်
မြို့နယ်ရုံးစိုက်ရာမြို့ မတ္တရာမြို့
လူဦးရေ (၂၀၁၄)
 • စုစုပေါင်း ၂၅၈,၀၀၁[၁]
အချိန်ဇုန် မြန်မာစံတော်ချိန် (UTC+6:30)

မတ္တရာမြို့နယ် သည် မြန်မာနိုင်ငံမန္တလေးတိုင်းဒေသကြီးပြင်ဦးလွင်ခရိုင်ရှိ မြို့နယ်တစ်ခုဖြစ်သည်။ မြို့နယ်ရုံးစိုက်ရာမြို့မှာ မတ္တရာမြို့ဖြစ်သည်။

သမိုင်းကြောင်း[ပြင်ဆင်ရန်]

မတ္တရာမြို့သည် ကျောက်ဆည်ခရိုင်၊ မြစ်သားမြို့နယ်၊ ကူမဲမြို့၏ အရှေ့ဘက်၅မိုင်အကွာရှိ ယခင်မိန်းမောမြို့ဟောင်းမှ အမတ်၁၀၀ပြောင်းလာပြီးစုပေါင်းနေထိုင်ရာမှဖြစ်လာသောမြို့ဖြစ်သည်။အမတ်တရာမြို့အမည်မှ မတ္တရာမြို့ဖြစ်လာခြင်းဖြစ်သည်။ရှေးဟောင်း ဟလင်းကြီးမြို့ ပျူမင်း၊ပြုံးမင်း လက်ထက်တွင် မယ်တော်အား မိဖုရားအဖြစ်သိမ်းပိုက်ရာမှ တိုင်းပြည်ပျက်မည်ကို ကြိုသိသော အမတ်၁၀၀တို့ ပြောင်းလာပြီးမြို့တည်ရာမှ မတ္တရာမြို့ဖြစ်လာသည်။[၂]

ပထဝီဝင်အနေအထား[ပြင်ဆင်ရန်]

မြောက်လတ္တီတွဒ် ၂၂ဒီဂရီ ၁၈မိနစ်နှင့် ၂၂ဒီဂရီ ၂၈မိနစ် အကြား၊ အရှေ့လောင်ဂျီတွဒ် ၉၆ဒီဂရီ ၉မိနစ်နှင့် ၉၆ဒီဂရီ ၂၀မိနစ်အကြားတွင် တည်ရှိသည်။ အရှေ့မှ အနောက်သို့ ၂၅မိုင်၊ တောင်မှမြောက်သို့ ၂၅.၇၅မိုင်ရှိပြီး ၄၅၅စတုရန်းမိုင် ကျယ်ဝန်းသည်။[၂]

နယ်နိမိတ်[ပြင်ဆင်ရန်]

မတ္တရားမြို့နယ်၏ အရှေ့ဘက်တွင် ပြင်ဦးလွင်မြို့နယ်၊တောင်ဘက်တွင် ပုသိမ်ကြီးမြို့နယ်၊အနောက်ဘက်တွင် ဧရာဝတီမြစ်ခြားကာ စစ်ကိုင်းတိုင်းဒေသကြီးရှိ စစ်ကိုင်းမြို့နယ်၊ ဝက်လက်မြို့နယ် နှင့် မြောက်ဘက်တွင် စဉ့်ကူးမြို့နယ်တို့ တည်ရှိသည်။

မြေမျက်နှာသွင်ပြင်[ပြင်ဆင်ရန်]

ပင်လယ်ရေမြေနှာပြင်အထက် ၂၅၀ပေအထက်တွင်တည်ရှိသည်။မြို့နယ်၏အရှေ့ဘက်သည် ရှမ်းပြည်နယ်နှင့် ဆက်စပ်နေ၍ တောင်ကုန်းတောင်တန်း ထူထပ်သောဒေသဖြစ်ကာ ကျန်အပိုင်းများမှာ မြေပြန့်ဒေသဖြစ်သည်။မြို့နယ်အတွင်းတွင် ဧရာဝတီမြစ်၊မြောင်မြစ်တို့သည် မြောက်မှတောင်သို့ စီးဆင်းနေသည်။ချောင်းမကြီးသည် အရှေ့မှအနောက်သို့စီးဆင်းကာ ဧရာဝတီမြစ်အတွင်း စီးဝင်သည်။ဆည်တော်ကြီးဆည်မှရေများသည် မန္တလေးတူးမြောင်း၊ ရေနံ့သာတူးမြောင်းများအဖြစ်ဖြင့် မြို့နယ်အတွင်း ဖြတ်သန်းသွားသည်။

လူဦးရေ[ပြင်ဆင်ရန်]

မတ္တရာမြို့နယ်တွင်နေထိုင်ကြသော တိုင်းရင်းသားလူမျိုးစုများတွင် ဗမာလူမျိုးများ အများဆုံးနေထိုင်ကြသည်။ထို့နောက် ရှမ်း၊ကရင်၊ချင်း၊ကချင်၊ရခိုင်နှင့် ကယားလူမျိုးများ အစဉ်လိုက်များပြားစွာနေကြသည်။ကိုးကွယ်မှုအနေဖြင့် ဗုဒ္ဓဘာသာကို အများဆုံး ကိုးကွယ်ကာ အစ္စလာမ်၊ခရစ်ယာန်၊ဟိန္ဒူကွယ်သူဦးရေမှာ အစဉ်လိုက်များပြားသည်။မြို့နယ်ဦးရေ၏ ၀.၁၀%မှာ အခြားသော နိုင်ငံခြားလူမျိုးနွယ်ဝင်များဖြစ်သည့် တရုတ်၊အိန္ဒိယ စသည့်လူမျိုးများဖြစ်သည်။[၂]

စီးပွားရေး[ပြင်ဆင်ရန်]

မတ္တရာမြို့နယ်သည် မန္တလေးတိုင်းအတွင်းရှိ စီးပွားရေးအချက်အခြာကျသော၊ စီးပွားရေးဖွံ့ဖြိုးသော မြို့နယ်တစ်ခုဖြစ်သည်။ဒေသခံလူထုသည် စိုက်ပျိုးရေးလုပ်ငန်း၊ ဝန်ဆောင်မှုလုပ်ငန်းများကို လုပ်ကိုင်ကြသည်။မြို့နယ်၏ အဓိကထွက်ကုန်မှာ ဆန်နှင့်ပဲမျိုးစုံဖြစ်ကာ မန္တလေးမြို့နှင့် စစ်ကိုင်းမြို့များသို့ တင်ပို့ရောင်းချသည်။နိုင်ငံပိုင် စကျင်ကျောက်ပြားစက်ရုံ တည်ရှိသည်။

ဈေးများ[ပြင်ဆင်ရန်]

  • မတ္တရာမြို့မဈေး
  • ရေနံ့သာကျေးလက်ဈေး

ပို့ဆောင်ဆက်သွယ်ရေး[ပြင်ဆင်ရန်]

မတ္တရာမြို့နယ်သည် မန္တလေး-မိုးကုတ်-မြစ်ကြီးနားလမ်းပေါ်တွင်တည်ရှိသည်။မန္တလေးမြို့နှင့် မတ္တရာမြို့သည် ရထားလမ်းဖြင့် သွားလာနိုင်သည်။

ပညာရေး[ပြင်ဆင်ရန်]

အခြေခံပညာ[ပြင်ဆင်ရန်]

အထက[ပြင်ဆင်ရန်]

အထက်တန်းကျောင်း ၁၃ကျောင်းရှိသည်။

  • အထက မတ္တရာ
  • အထက သုံးဆယ်ပေး
  • အထက စလွန်ဖြူ
  • အထက ရေနံ့သာ
  • အထက ကျောက်တံတား
  • အထက ဆည်တော်
  • အထက စကျင်
  • အထက မြွေပုံကန်
  • အထက လွန်တောင်း
  • အထက မြို့သစ်
  • အထက မိုးကြိုး
  • အထက စကားပင်
  • အထက တောင်ပြုံး

အထက(ခွဲ)/အလက[ပြင်ဆင်ရန်]

  • အလက (ထ(ခွဲ)) ဥဒိန်
  • အလက (ထ(ခွဲ)) ငယ်တိုး
  • အလက (ထ(ခွဲ)) တံငါမြောက်
  • အလက (ထ(ခွဲ)) ကင်းရွာ
  • အလက (ထ(ခွဲ)) ညောင်တုန်း (တ)
  • အလက (ထ(ခွဲ))တံငါတောင်
  • အလက (ထ(ခွဲ))ပိုဝ (မ)
  • အလက ဝသုန္ဒရ
  • အလက ဥက္ကံ
  • အလက ထီးတော်မိုး
  • အလက ပတ်လည်အင်း
  • အလက အင်းတံခါး
  • အလက မြို့ဒင်
  • အလက မြစ်ကမ်း
  • အလက အ/တောင်ကိုင်း
  • အလက ရွှေဘိုးကြီး
  • အလက ဥမှင်
  • အလက မြောင်းသစ်
  • အလက ထ/တောင်ကိုင်း
  • အလက နတ်ကြီးစဉ်
  • အလက မွေတလိုင်း
  • အလက လှိုင်ကျွန်း
  • အလက အိုင့်ဒိုင်
  • အလက သန်းကုန်း
  • အလက နတ်တော်ကျွန်း
  • အလက ပေါက်ဝဲ
  • အလက ကျောက်ဆည်လေး

အမက[ပြင်ဆင်ရန်]

မူလတန်း၊မူလွန်၊အလယ်တန်း(ခွဲ) ၁၇၄ကျောင်းရှိသည်။

ကျန်းမာရေး[ပြင်ဆင်ရန်]

ဆေးရုံများ[ပြင်ဆင်ရန်]

  • အနာကြီးရောဂါဆေးရုံ
  • မြို့နယ်ဆေးရုံ
  • မြွေတလိုင်း တိုက်နယ်ဆေးရုံ
  • သဖန်းဒေါင့် တိုက်နယ်ဆေးရုံ
  • ဥမှင် တိုက်နယ်ဆေးရုံ
  • တောင်ယာကြီး တိုက်နယ်ဆေးရုံ
  • ဆည်တော် တိုက်နယ်ဆေးရုံ

ထင်ရှားသောနေရာများ[ပြင်ဆင်ရန်]

ဘုရား/စေတီ[ပြင်ဆင်ရန်]

  • မြို့ထောင့်ရွှေဂူ
  • ဆုတောင်းပြည့်/ဆုတောင်းရ
  • မြွေအံတော်
  • ယက္ကန်းစင်တောင်

အခြား[ပြင်ဆင်ရန်]

တောင်ပြုန်းနတ်နန်း

ကိုးကား[ပြင်ဆင်ရန်]

  1. (မေ ၂၀၁၅) သန်းခေါင်စာရင်း အစီရင်ခံစာ, ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ အတွဲ-၂. နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန, ၅၈။ 
  2. ၂.၀ ၂.၁ ၂.၂ မတ္တရာမြို့နယ်၏ ဒေသဆိုင်ရာအချက်အလက်များ။ မန္တလေးတိုင်းဒေသကြီး အစိုးရအဖွဲ့ရုံး။

ပြင်ပလင့်ခ်များ[ပြင်ဆင်ရန်]