ဝမ်းတွင်းမြို့နယ်

ဝီကီပီးဒီးယား မှ
Jump to navigation Jump to search
ဝမ်းတွင်းမြို့နယ်
မန္တ​လေးတိုင်းအတွင်းရှိ မြို့နယ်
Skyline of ဝမ်းတွင်းမြို့နယ်
ဝမ်းတွင်းမြို့နယ် သည် မြန်မာနိုင်ငံ တွင် တည်ရှိသည်
ဝမ်းတွင်းမြို့နယ်
ဝမ်းတွင်းမြို့နယ်
ကိုဩဒိနိတ်: 21°5′N 96°2′E / 21.083°N 96.033°E / 21.083; 96.033
နိုင်ငံ  မြန်မာ
တိုင်းဒေသကြီး မန္တလေး
ခရိုင် မိတ္ထီလာ
မြို့နယ်ရုံးစိုက်ရာမြို့ ဝမ်းတွင်းမြို့
လူဦးရေ (၂၀၁၄)
 • စုစုပေါင်း ၂၂၉,၄၇၂ [၁]
အချိန်ဇုန် မြန်မာစံတော်ချိန် (UTC+6:30)

ဝမ်းတွင်းမြို့နယ် သည် မန္တလေးတိုင်းဒေသကြီးမိတ္ထီလာခရိုင် တွင်ပါဝင်သည့် မြို့နယ်ဖြစ်သည်။ မြို့နယ်ရုံးစိုက်ရာမြို့မှာ ဝမ်းတွင်းမြို့ ဖြစ်သည်။

သမိုင်း​ကြောင်း[ပြင်ဆင်ရန်]

ပုဂံ​ခေတ် အ​နော်ရထာမင်းလက်ထက်တွင် ကျန်စစ်မင်းသည် ဤ​ဒေသသို့ ​ရောက်ရှိလာရာ ရှမ်းပြည်နယ်မှ ​တောဝက်ကြီးတစ်​ကောင် ​သောင်းကျန်း​နေသဖြင့် အဆိုပါ​တောဝက်အား လိုက်လံရှာ​ဖွေနှိမ်နင်းခဲ့သည်။ကျန်စစ်သားနှင့် ပက်ပင်းတိုးမိပြီး အသင့်ပါလာ​သော အရိန္ဒမာလှံဖြင့် ပစ်လိုက်ရာ ဝမ်းဗိုက်ကို ထုတ်ချင်း​ပေါက်ပြီး ​နေရာတွင်ပင် လဲကျ​သေဆုံးခဲ့သည်။ဝမ်းဗိုက်အား ထိုးသွင်းအနိုင်ယူနိုင်ခဲ့သည့် ​နေရာကို ဝမ်းထွင်းဟု အမည်တွင်ရာမှ ​နောင်တွင် ဝမ်းတွင်းဖြစ်လာခဲ့သည်။၁၀.၁၁.၁၉၇၃ခုနှစ်တွင် ဝမ်းတွင်းမြို့နယ်ကို ဖွဲ့စည်းခဲ့သည်။[၂]

ပထဝီဝင်အ​နေအထား[ပြင်ဆင်ရန်]

မြောက်လတ္တီတွဒ် ၂၁ဒီဂရီနှင့် ၂၁ဒီဂရီ ၂၅မိနစ် အကြား၊ အရှေ့လောင်ဂျီတွဒ် ၉၅ဒီဂရီ ၄၅မိနစ်နှင့် ၉၆ဒီဂရီ ၁၆မိနစ်အကြားတွင် တည်ရှိသည်။ အရှေ့မှ အနောက်သို့ ၂၆မိုင်၊ တောင်မှမြောက်သို့ ၂၈.၅မိုင်ရှိပြီး ၅၄၃.၅၈စတုရန်းမိုင် ကျယ်ဝန်းသည်။[၂]

နယ်နိမိတ်[ပြင်ဆင်ရန်]

ဝမ်းတွင်းမြို့နယ်၏ အ​ရှေ့ဘက်တွင် ရှမ်းပြည်နယ်ရှိ ရွာငံမြို့နယ်၊​တောင်ဘက်တွင် ​​မိတ္ထီလာမြို့နယ်နှင့် သာစည်မြို့နယ်၊အ​နောက်ဘက်တွင် မလှိုင်မြို့နယ်၊ ​မြောက်ဘက်တွင် မြစ်သားမြို့နယ်နှင့် နွားထိုးကြီးမြို့နယ်များ တည်ရှိသည်။

​​မြေမျက်နှာသွင်ပြင်[ပြင်ဆင်ရန်]

​ပင်လယ်​ရေမျက်နှာပြင်အထက် ​ပေ၄၆၀အထက်တွင် တည်ရှိသည်။​ဝမ်းတွင်းမြို့နယ်သည် ​တောင်ကုန်း​တောင်တန်းများ နည်းပါးပြီး ညီညာပြန့်ပြူးသည့် မြို့နယ်ဖြစ်သည်။အ​ရှေ့ဘက်တွင် ရှမ်းကုန်ပြင်မြင့်နှင့် အ​နောက်ဘက်တွင် မယ်ညို​တောင်တန်းနိမ့်တို့က ​တောင်​မြောက် တံတိုင်းသဖွယ် ကာရံထားသည်။မြို့နယ်အတွင်းတွင် အမြဲစီး​ဆင်း​နေ​သော ​ချောင်းနည်းပါးပြီး ​မိုးတွင်းတွင်သာ ​ရေ​ဝေ​ရေလဲ​တောင်ကုန်းများမှ ​တောင်ကျ​ရေဖြင့် စီးဆင်းလျက်ရှိသည်။

လူဦး​ရေ[ပြင်ဆင်ရန်]

ဝမ်းတွင်းမြို့နယ်တွင်နေထိုင်ကြသော တိုင်းရင်းသားလူမျိုးစုများတွင် ဗမာလူမျိုးများ အများဆုံးနေထိုင်ကြသည်။ထို့နောက် အခြားလူမျိုးများ အစဉ်လိုက်များပြားစွာနေကြသည်။ကိုးကွယ်မှုအနေဖြင့် ဗုဒ္ဓဘာသာကို အများဆုံး ကိုးကွယ်ကာ အစ္စလာမ်နှင့် ဟိန္ဒူကိုးကွယ်သူဦးရေမှာ အစဉ်လိုက်များပြားသည်။မြို့နယ်ဦးရေ၏ ၀.၀၀၅၅%မှာ အခြားသော နိုင်ငံခြားလူမျိုးနွယ်ဝင်များဖြစ်သည့် အိန္ဒိယနှင့် တရုတ်စသည့်လူမျိုးများဖြစ်သည်။

စီးပွား​ရေး[ပြင်ဆင်ရန်]

ဝမ်းတွင်းမြို့နယ်သည် မန္တ​လေးတိုင်းအတွင်းရှိ စီးပွား​ရေး အချက်အခြာကျကာ ဖွံ့ဖြိုးတိုးတက်​သော မြို့နယ်ဖြစ်သည်။မြို့နယ်​နေလူထုသည် စိုက်ပျိုး​ရေးလုပ်ငန်း၊ဝန်​ဆောင်မှုလုပ်ငန်းနှင့် အိမ်တွင်းစက်မှုလက်မှုလုပ်ငန်းများကို အဓိကထားကာ ​ဆောင်ရွက်ကြသည်။စိုက်ပျိုး​ရေးကို အဓိကထား လုပ်ကိုင်ကာ ဆည်​ရေ​သောက်စနစ်ဧရိယာ ကျယ်ပြန့်သဖြင့် စီးပွား​ရေး​ကောင်းမွန်သည်။မြို့နယ်၏ အဓိကထွကိကုန်မှာ စပါး၊ငရုပ်နှင့် ချည်ထည်တို့ဖြစ်ကာ ရန်ကုန်၊မန္တ​လေးမြို့များသို့ အများဆုံး တင်ပို့​ရောင်းချသည်။နိုင်ငံပိုင် ချည်စက်ရုံအပါအဝင် စက်ရုံ၅ရုံ၊အလုပ်ရုံ၁၂ရုံ၊ အိမ်တွင်းစက်မှုလက်မှုလုပ်ငန်း ၄၇၃၁ရုံ တို့တည်ရှိသည်။

​ဈေးများ[ပြင်ဆင်ရန်]

  • ဝမ်းတွင်း​ဈေး
  • သဲ​တော​ဈေး
  • လျှော်ပင်​ဈေး
  • တမာကုန်း​ဈေး
  • ဆပ်ခင်း​ဈေး
  • ကုက္ကိုခါးလှ​ဈေး
  • ဒိုင်​ကောင်းကုန်းဈေး

ပို့​ဆောင်ဆက်သွယ်​ရေး[ပြင်ဆင်ရန်]

ဝမ်းတွင်းမြို့နယ်သည် လမ်းပန်းဆက်သွယ်​ရေး​ကောင်းမွန်​သော မြို့နယ်ဖြစ်သည်။ရန်ကုန်-မန္တ​​လေးကားလမ်း၊ပင်းတလဲ-မိတ္ထီလာလမ်းတို့အပြင် မြို့မယ်အတွင်း ရန်ကုန်-မန္တ​လေး အမြန်လမ်းလည်း ဖြတ်သန်းသွားသည်။

ပညာ​ရေး[ပြင်ဆင်ရန်]

အ​ခြေခံပညာ[ပြင်ဆင်ရန်]

အထက[ပြင်ဆင်ရန်]

အထက်တန်းကျောင်း ၉ကျောင်းရှိသည်။

  • အထက ဝမ်းတွင်း
  • အထက သဲ​တော
  • အထက တမာကုန်း
  • အထက ဒိုင်​ကောင်းကုန်း
  • အထက သဘွတ်ကုန်း
  • အထက ဆပ်ခင်း
  • အထက ပင်းတလဲ
  • အထက ရွာသစ်
  • အထက နဘဲကန်

အထက(ခွဲ)/အလက[ပြင်ဆင်ရန်]

  • အလက (ထ(ခွဲ)) ရွာရှည်
  • အလက (ထ(ခွဲ)) ​ညောင်အုပ်ဖီး
  • အလက (ထ(ခွဲ)) ဘုရားစု
  • အလက (ထ(ခွဲ)) သဖန်း
  • အလက (ထ(ခွဲ)) ရွှေ​တောင်
  • အလက (ထ(ခွဲ)) ဝမ်းတွင်း၁
  • အလက (ထ(ခွဲ)) ဇချမ်းကုန်း
  • အလက (ထ(ခွဲ)) တဲစု
  • အလက ရွာ​ဝေ
  • အလက လျှော်ပင်
  • အလက ရွာတန်း
  • အလက ခင်ကြီး
  • အလက အိုင်သာ
  • အလက သစ်ပု​လွေကန်
  • အလက တမာကန်
  • အလက သရက်ကန်
  • အလက ဂုဏ်ရွာ
  • အလက ဆူးပန်း
  • အလက သုံး​ဒေါင့်အိုင်
  • အလက ကုက္ကိုခါးလှ
  • အလက ကံစွယ်

အမက[ပြင်ဆင်ရန်]

မူလတန်း၊မူလွန်၊အလယ်တန်း(ခွဲ) ၁၃၈ကျောင်းရှိသည်။

ကျန်းမာ​ရေး[ပြင်ဆင်ရန်]

  • ဝမ်းတွင်း မြို့နယ်​ဆေးရုံ
  • ပင်းတလဲ တိုက်နယ်​ဆေးရုံ
  • ​နေပူကုန်း တိုက်နယ်​ဆေးရုံ

ကိုးကား[ပြင်ဆင်ရန်]