ဝမ်းတွင်းမြို့
| ဝမ်းတွင်းမြို့ | |
|---|---|
| မြို့ | |
  ဝမ်းတွင်းမြို့ | |
| ကိုဩဒိနိတ်: 21°5′N 96°2′E / 21.083°N 96.033°Eကိုဩဒိနိတ်: 21°5′N 96°2′E / 21.083°N 96.033°E | |
| နိုင်ငံ |  မြန်မာ |
| တိုင်းဒေသကြီး | မန္တလေးတိုင်းဒေသကြီး |
| ခရိုင် | မိတ္ထီလာခရိုင် |
| မြို့နယ် | ဝမ်းတွင်းမြို့နယ် |
| ဧရိယာ | |
| • စုစုပေါင်း | ၁.၈၂ စတုရန်းမိုင် (၄.၇ စတုရန်းကီလိုမီတာ) |
| လူဦးရေ (စက်တင်ဘာ ၂၀၁၇)[၁] | ၂၈,၈၁၃ |
| အချိန်ဇုန် | မြန်မာစံတော်ချိန် (UTC+6.30) |
ဝမ်းတွင်းမြို့သည် မြန်မာနိုင်ငံအထက်ပိုင်း မန္တလေးတိုင်းဒေသကြီး၊ မိတ္ထီလာခရိုင်၊ ဝမ်းတွင်းမြို့နယ်၏ ရုံးစိုက်မြို့ဖြစ်သည်။ ထာဝရအမေ ဇာတ်ကားတွင် ပါဝင်သည် မြို့ဖြစ်သည်။
ဝမ်းတွင်းမြို့သည် ရန်ကုန်-မိတ္ထီလာ-မန္တလေး မော်တော် ကားလမ်းပေါ်တွင် တည်ရှိသည်။ မိတ္ထီလာမှ မိုင် ၂ဝ ကွာဝေး၍ ရန်ကုန် မြို့နှင့် ၃၅၈ မိုင်ကွာဝေးသည်။ ရန်ကုန်-မန္တလေး မီးရထားလမ်း ပေါ်ရှိ သဲတောမြို့နှင့်မူ နှစ်မိုင်ကွာဝေးသည်။ မြို့ပေါ်တွင် အိမ်ခြေ ၆၀၇၂ ရှိ၍ လူဦးရေ ၂၈,၈၁၃ ဦး[၁] နေထိုင်သည်။ မြို့ပိုင်ရုံး၊ သမဝါယမအရာရှိရုံး စသည့် အစိုးရုံးများနှင့် စာသင်ကျောင်းများလည်းရှိသည်။ ဝမ်းတွင်းမြို့မှာ လက်ရက်ထည် အရောင်းအဝယ် စည်ကားသော မြို့ဖြစ်သည်။ ဝမ်းတွင်းမြို့နယ်ထွက် သဲတောငရုတ်မှာ မြန်မာနိုင်ငံတွင် ထင်ရှားသော မျိုး ကောင်းငရုတ်ဖြစ်၏။ မြို့နယ်တွင် များသောအားဖြင့် ရေသွင်းစိုက်ပျိုးလုပ် ကိုင်ကြရသဖြင့် ထင်ရှားသောဆည်တို့မှာ ဦးဘိုးထွန်းဆည်၊ တောင်ပုလု ဆည်၊ အလောင်းစည်သူဆည် စသည်တို့ ဖြစ်ကြသည်။[၂]
ဝမ်းတွင်းမြို့အနီးရှိ သိမ်တောင်စာသင်တိုက်၊ ကမ္မဋ္ဌာန်းတိုက်တို့ သည်လည်း ထင်ရှားကျော်ကြား၍ ထိုအနီးတွင် ဓာတ်ပေါင်းစေတီ တည်ရှိသည်။
အမည်ရင်းမြစ်
[ပြင်ဆင်ရန်]ဝမ်းတွင်းမြို့ဟူ၍ အမည်တွင်ခြင်းမှာ ကျန်စစ်သားသည် အနော်ရထာမင်း လက်ထက် မင်းမျက်သဖြင့် ပုန်းရှောင်နေရသည့်အခိုက် ယခု ဝမ်းတွင်းမြို့တည်ရာ၌ ကျွဲရိုင်းတစ်ကောင်နှင့် တွေ့ပြီးလျှင် ထိုကျွဲရိုင်း၏ ဝမ်းကို လှံနှင့်ထွင်းသတ်ခဲ့သဖြင့် ဝမ်းထွင်းဟုတွင်ရာမှ နောင်သော် ဝမ်းတွင်းဖြစ် လာသည်ဟု ဆိုလေသည်။[၂]
ဒေသဆိုင်ရာအချက်အလက်များ
[ပြင်ဆင်ရန်]ဝမ်းတွင်းမြို့တွင် အခြေခံပညာ အထက်တန်း၊ အလယ်တန်း၊ မူလတန်း ကျောင်းများ ရှိသည်။ အခြေခံပညာ အထက်တန်းကျောင်း သဲတော–ဝမ်းတွင်းသည် ဝမ်းတွင်းမြို့၏ ပထမဆုံး အခြေခံပညာအထက်တန်းကျောင်း ဖြစ်သည်။
ဝမ်းတွင်းမြို့တွင် မြိုနယ်ပြည်သူ့ဆေးရုံ၊ ဝမ်းတွင်းမြို့နှင့် မြို့နယ်ဘောလုံးအားကစားကွင်း ရှိသည်။
အထင်ကရနေရာများ
[ပြင်ဆင်ရန်]- သိမ်တောင်စေတီ
- မြတ်ညီနောင်စေတီ
- သိမ်တောင်ကျောင်းတိုင်
ကိုးကား
[ပြင်ဆင်ရန်]- ↑ ၁.၀ ၁.၁ ဝမ်းတွင်းမြို့နယ် ဒေသဆိုင်ရာ အချက်အလက်များ (PDF)။ မန္တလေးတိုင်းဒေသကြီး အစိုးရအဖွဲ့။ စက်တင်ဘာ ၂၀၁၇။[လင့်ခ်သေ]
- ↑ ၂.၀ ၂.၁ မြန်မာ့စွယ်စုံကျမ်း၊ အတွဲ(၁၂)
မြို့တော် : မန္တလေးမြို့ မြို့နယ်ပေါင်း : (၂၈) မြို့နယ် | ||
| မဟာအောင်မြေခရိုင် (၄) မြို့နယ် |  | |
| အောင်မြေသာစံခရိုင် (၃) မြို့နယ် | ||
| အမရပူရခရိုင် (၁) မြို့နယ် | ||
| ပြင်ဦးလွင်ခရိုင် (၁) မြို့နယ် | ||
| သပိတ်ကျင်းခရိုင် (၃) မြို့နယ် | ||
| ကျောက်ဆည်ခရိုင် (၃) မြို့နယ် | ||
| တံတားဦးခရိုင် (၂) မြို့နယ် | ||
| မြင်းခြံခရိုင် (၃) မြို့နယ် | ||
| ညောင်ဦးခရိုင် (၂) မြို့နယ် | ||
| ရမည်းသင်းခရိုင် (၂) မြို့နယ် | ||
| မိတ္ထီလာခရိုင် (၄) မြို့နယ် | ||
| မြို့များ |
| |
