ရဲဝင်းဦး
ရဲဝင်းဦး | |
|---|---|
| နိုင်ငံတော်စီမံအုပ်ချုပ်ရေးကောင်စီ | |
| တွဲဖက်အတွင်းရေးမှူး | |
တာဝန်ထမ်းဆောင်ဆဲ | |
| တာဝန် စတင် ၂ ဖေဖော်ဝါရီ ၂၀၂၁ | |
| စစ်ဘက်ရေးရာလုံခြုံရေးအရာရှိချုပ် | |
တာဝန်ထမ်းဆောင်ဆဲ | |
| တာဝန် စတင် ၁၀ ဖေဖော်ဝါရီ ၂၀၂၀ | |
| ယခင်လူ | ဒုဗိုလ်ချုပ်ကြီးစိုးထွဋ် |
| တိုင်းမှူး အနောက်တောင်တိုင်းစစ်ဌာနချုပ် | |
| တာဝန်သက်တမ်း ၁၈ ဇွန် ၂၀၁၈ – ၁၀ ဖေဖော်ဝါရီ ၂၀၂၀ | |
| ယခင်လူ | ဗိုလ်ချုပ် တေဇကျော် |
| ဆက်ခံသူ | ဗိုလ်ချုပ် ညွန့်ဝင်းဆွေ |
| ကျောင်းအုပ်ကြီး တပ်မတော်ဆေးတက္ကသိုလ် | |
| တာဝန်သက်တမ်း ၂၆ ဩဂုတ် ၂၀၁၆ – ၁၈ ဇွန် ၂၀၁၈ | |
| ယခင်လူ | ဗိုလ်ချုပ် သက်ပုံ |
| ဆက်ခံသူ | ဗိုလ်ချုပ် ညွန့်ဝင်းဆွေ |
| ကိုယ်ရေး အချက်အလက်များ | |
| မွေးဖွား | ၂၁ ဖေဖော်ဝါရီ၊ ၁၉၆၆ မြန်မာပြည် |
| နိုင်ငံသား | မြန်မာ |
| ကြင်ဖော်(များ) | နီလာ |
| သားသမီး | သိမ့်သဉ္ဇာရဲ |
| မိခင်ကျောင်း | တပ်မတော်(ကြည်း)ဗိုလ်သင်တန်းကျောင်း၊ (ဗထူး) OTS အပတ်စဉ် ၇၇ |
| ဆုတံဆိပ်များ | ဇေယျကျော်ထင်ဘွဲ့[၁] |
| စစ်မှုထမ်းခြင်း | |
| သစ္စာခံနိုင်ငံ |  မြန်မာ |
| တပ်/တပ်ဖွဲ့ခွဲ |  တပ်မတော် (ကြည်း) |
| ရာထူး |  ဗိုလ်ချုပ်ကြီး |
| တပ် | စစ်ဘက်ရေးရာ လုံခြုံရေးတပ်ဖွဲ့ |
ဗိုလ်ချုပ်ကြီး စည်သူ ဇေယျကျော်ထင်[၁] ရဲဝင်းဦး သည် တပ်မတော်(ကြည်း)ဗိုလ်သင်တန်းကျောင်း အမှတ်စဉ် (၇၇) ကျောင်းဆင်းအရာရှိတစ်ဦးဖြစ်ပြီး နိုင်ငံတော်စီမံအုပ်ချုပ်ရေးကောင်စီ တွဲဖက်အတွင်းရေးမှူးဖြစ်သည်။ ၂၀၂၁ ခုနှစ် ဖေဖော်ဝါရီလ ၁ ရက်နေ့တွင် တပ်မတော်မှ အာဏာသိမ်းယူမှုဖြစ်ပွားခဲ့ပြီးနောက် ဖွဲ့စည်းခဲ့သော နိုင်ငံတော်စီမံအုပ်ချုပ်ရေးကောင်စီတွင် တွဲဖက်အတွင်းရေးမှူးအဖြစ် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ခန့်အပ်ခဲ့သည်။[၂]
စစ်မှုထမ်းခြင်း
[ပြင်ဆင်ရန်]ပြန်တမ်းဝင်အမှတ် ကြည်း ၂၁၄၄၀ ဖြင့် စစ်မှုထမ်းသည်။သူသည် တပ်မတော် တွင် ရာထူးအဆင့်ဆင့်တိုးသည်။ဗိုလ်မှူးကြီး ရာထူးဖြင့် ရန်ကုန်တိုင်းစစ်ဌာနချုပ် တွင် စစ်ဦးစီးမှူး ပထမတန်း ( G-1 ) တာဝန် အားလည်းကောင်း၊ယင်းနောက် တပ်မ ၁၁ တပ်မမှူး အဖြစ်လည်းကောင်း ထမ်းဆောင်ခဲ့သည်။၂၀၁၆ ခုနှစ် ဩဂုတ်လ ၂၆ ရက်နေ့တွင် ဗိုလ်မှူးချုပ် ရာထူးဖြင့် တပ်မတော် ဆေးတက္ကသိုလ် ကျောင်းအုပ်ကြီး ဖြစ်လာသည်။ထိုတာဝန်ကို ၂၀၁၈ ခုနှစ် ဇွန်လ ၁၈ ရက်နေ့ အထိ တာဝန်ထမ်းကာ ဗိုလ်ချုပ် အဆင့်ဖြင့် အနောက်တောင်တိုင်းစစ်ဌာနချုပ် တိုင်းမှူးရာထူးတိုးသည်။တပ်မတော်စစ်ဘက်ရေးရာလုံခြုံရေးအရာရှိချုပ် ဒုတိယဗိုလ်ချုပ်ကြီး စိုးထွဋ် အား သမ္မတဦးဝင်းမြင့် က ၂၀၂၀ ပြည့်နှစ် ဖေဖော်ဝါရီလ ၁၀ ရက်နေ့တွင် ပြည်ထဲရေးဝန်ကြီး အဖြစ် ခန့်အပ်ခဲ့ပြီးနောက် သူသည် စိုးထွဋ် ၏ စစ်ဘက်ဆိုင်ရာရာထူးနေရာ အား ဆက်ခံခဲ့သည်။[၃]ဗိုလ်ချုပ်ရာထူး ဖြင့် တိုင်းမှူးတာဝန် ထမ်းဆောင်ပြီး ၂ နှစ် မပြည့်ခင် ဒုတိယဗိုလ်ချုပ်ကြီးရာထူး ဖြင့် တာဝန်ထမ်း ဆောင်ရသည့် စစ်ဖက်ရေးရာလုံခြုံရေး အရာရှိချုပ် ဖြစ်လာခဲ့၍ ရာထူး အတက်မြန်သူ ဖြစ်ခဲ့သည်။၂၀၂၁ စစ်အာဏာသိမ်းသည့် နောက်တွင် သူသည် မူလစစ်ဘက်ရာထူး အပြင်[၄] နိုင်ငံတော်စီမံအုပ်ချုပ်ရေးကောင်စီ တွင် တွဲဖက်အတွင်းရေးမှူးပါ ဖြစ်လာသည်။[၅]နိုင်ငံတကာသံမန် များ နှင့် ဗိုလ်ချုပ်မှူးကြီး မင်းအောင်လှိုင် တို့ တွေ့ဆုံကြတိုင်း ၎င်းသည် အမြဲပါလေ့ရှိသည်။၂၀၂၄ ခုနှစ် ဩဂုတ်လ ထဲတွင် ဗိုလ်ချုပ်ကြီး အဆင့် ရာထူးတိုးခဲ့သည်။[၆]
အရေးယူပိတ်ဆို့ခံရမှုများ
[ပြင်ဆင်ရန်]၂၀၂၁ စစ်အာဏာသိမ်းပြီးနောက် နိုင်ငံတော်စီမံအုပ်ချုပ်ရေးကောင်စီ တွဲဖက်အတွင်းရေးမှူး ဖြစ်လာသည့် ၎င်းအား အမေရိကန်၊ဗြိတိန် နှင့် ဥရောပသမဂ္ဂ အစရှိသည့် နိုင်ငံတို့က ပိတ်ဆို့အရေးယူမှုများပြုလုပ်ထားကြသည်။[၇][၈]ထို့အပြင် ၎င်း၏ ဇနီးဖြစ်သူ နှင့် အရွယ်ရာက်ပြီး သမီးဖြစ်သူတို့ကိုပါ အရေးယူပိတ်ဆို့ထားသည်။[၉]
ပုဂ္ဂိုလ်ရေးဘဝ
[ပြင်ဆင်ရန်]ဇနီးဖြစ်သူ ဒေါ်နီလာနှင့် သိမ့်သဉ္ဇာရဲ ခေါ်သမီးရှိသည်။[၁၀] ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီး မောင်မောင်အေး နှင့် ခမည်းခမက်တော်စပ်သည်။
ချီးမြှင့်ခံရသည့် ဆုများ
[ပြင်ဆင်ရန်]သူ့ကို နိုင်ငံသမ္မတ ဦးဝင်းမြင့် က ၂၀၂၁ ခုနှစ် ဇန်နဝါရီ ၄ရက် နေ့တွင် တပ်မတော်စွမ်းဆောင်မှုဆိုင်ရာဂုဏ်ထူးဆောင်ဘွဲ့တံဆိပ်ဖြစ်သည့် ဇေယျကျော်ထင်ဘွဲ့ ချီးမြှင့်သည်။နိုင်ငံတော်စီမံအုပ်ချုပ်ရေးကောင်စီ က ၂၀၂၂ ခုနှစ်၊ နိုဝင်ဘာလ ၁၇ ရက် နေ့တွင် အမိန့်ကြော်ငြာစာအမှတ် ၂၁၁ / ၂၀၂၂ ဖြင့် စည်သူဘွဲ့ အပ်နှင်းထားသည်။[၁၁]
ကိုးကား
[ပြင်ဆင်ရန်]- ↑ ၁.၀ ၁.၁ ၁.၂ ပြည်ထောင်စုသမ္မတမြန်မာနိုင်ငံတော် ၊နိုင်ငံတော်သမ္မတရုံး (၂၀၂၁ ခုနှစ်၊ ဇန်နဝါရီလ ၄ ရက်). "အမိန့်ကြော်ငြာစာအမှတ် (၂/၂၀၂၁)" (in မြန်မာဘာသာ) (PDF). ပြည်ထောင်စုသမ္မတမြန်မာနိုင်ငံတော် ပြန်တမ်းစာစောင် အတွဲ(၇၄) (အမှတ်(၅၁)): စာ-၂၅၉. ပုံနှိပ်ရေးနှင့်ထုတ်ဝေရေးဦးစီးဌာန၊ ပြန်ကြားရေးဝန်ကြီးဌာန၊ ပြည်ထောင်စုသမ္မတမြန်မာနိုင်ငံတော်. Retrieved on ၂၀၂၁-၀၉-၂၉.
- ↑ ပြည်ထောင်စုသမ္မတမြန်မာနိုင်ငံတော် တပ်မတော်ကာကွယ်ရေးဦးစီးချုပ်ရုံး အမိန့်အမှတ်(၉/၂၀၂၁) ၁၃၈၂ ခုနှစ်၊ ပြာသိုလပြည့်ကျော် ၆ ရက် ၂၀၂၁ ခုနှစ်၊ ဖေဖော်ဝါရီလ ၂ ရက် (in my)။ 3 February 2021 တွင် မူရင်းအား မော်ကွန်းတင်ပြီး။ 14 February 2021 တွင် ပြန်စစ်ပြီး။
- ↑ အနောက်တောင်တိုင်းတိုင်းမှူးကို စစ်ဘက်ရေးရာလုံခြုံရေး အရာရှိချုပ်ခန့်။ BBC Burmese (၁၂ ဖေဖော်ဝါရီ ၂၀၂၀)။ ၁၇ ဩဂုတ် ၂၀၂၄ တွင် ပြန်စစ်ပြီး။
- ↑ စစ်ဘက်ရေးရာလုံခြုံရေးအရာရှိချုပ် ဒုတိယဗိုလ်ချုပ်ကြီး ရဲဝင်းဦး (၁၉)ကြိမ်မြောက်၊ အာဆီယံ တပ်မတော်ထောက်လှမ်းရေးမှူးချုပ်များ အစည်းအဝေးတက်ရောက်ကြသည့် အာဆီယံနိုင်ငံများမှ တပ်မတော်ထောက်လှမ်းရေးမှူးချုပ်များနှင့် နိုင်ငံအလိုက် သီးခြားစီတွေ့ဆုံ။ MOI Myanmar (၁၇ မတ် ၂၀၂၂)။ ၁၇ ဩဂုတ် ၂၀၂၄ တွင် ပြန်စစ်ပြီး။
- ↑ Meet Lt-Gen Ye Win Oo, the Man in Charge of Myanmar Junta’s Torture Chambers။ The Irrawaddy (10 Oct 2022)။ 17 Aug 2024 တွင် ပြန်စစ်ပြီး။
- ↑ စစ်ခေါင်းဆောင်ရဲ့ လူရင်း သုံးဦး ဗိုလ်ချုပ်ကြီးတွေ ဖြစ်လာ။ BBC Burmese (၁၆ ဩဂုတ် ၂၀၂၄)။ ၁၆ ဩဂုတ် ၂၀၂၄ တွင် ပြန်စစ်ပြီး။
- ↑ Myanmar/Burma: EU sanctions 11 people over the recent military coup and ensuing repression။ The Council of the European Union (22 March 2021)။ 11 April 2021 တွင် ပြန်စစ်ပြီး။
- ↑ Official Journal of the European Union 15–24 (22 March 2021)။ 11 April 2021 တွင် ပြန်စစ်ပြီး။
- ↑ မြန်မာ စစ်တပ်နှင့် ဆက်နွှယ်သည့် အရာရှိကြီးများနှင့်မိသားစုဝင်များအား ဘဏ္ဍာရေးဝန်ကြီးဌာနက ဒဏ်ခတ်ပိတ်ဆို့အရေးယူခြင်း။ U.S Embassy in Burma (၂ ဇူလိုင် ၂၀၂၁)။ ၁၇ ဩဂုတ် ၂၀၂၄ တွင် ပြန်စစ်ပြီး။
- ↑ Myanmar military SAC members, their businesses and associates that require targeted sanctions။ 2021-02-11 တွင် ပြန်စစ်ပြီး။
- ↑ ဂုဏ်ထူးဆောင်ဘွဲ့များ၊ ဂုဏ်ထူးဆောင်တံဆိပ်များ ချီးမြှင့်အပ်နှင်း ၊ အမိန့်ကြော်ငြာစာအမှတ် ၂၁၁ / ၂၀၂၂ ၊ ပြည်ထောင်စုစည်သူသင်္ဂဟဘွဲ့များ။ MWD Webportal (၁၈ နိုဝင်ဘာ ၂၀၂၂)။ ၁၇ ဩဂုတ် ၂၀၂၄ တွင် ပြန်စစ်ပြီး။