ပိုးရယ်အောင်သိန်း
ပိုးရယ်အောင်သိန်း | |
|---|---|
| နိုင်ငံတော်စီမံအုပ်ချုပ်ရေးကောင်စီ အဖွဲ့ဝင် | |
တာဝန်ထမ်းဆောင်ဆဲ | |
| တာဝန် စတင် ၁ ဖေဖော်ဝါရီ ၂၀၂၃ | |
| သမ္မတ | ဦးမြင့်ဆွေ (ယာယီ) |
| ခေါင်းဆောင် | ဗိုလ်ချုပ်မှူးကြီး မင်းအောင်လှိုင် |
| အမျိုးသားလွှတ်တော် ကိုယ်စားလှယ် | |
| တာဝန်သက်တမ်း ၃၀ မတ် ၂၀၁၁ – ၃၀ မတ် ၂၀၁၆ | |
| ယခင်လူ | ကိုယ်တိုင် |
| ဆက်ခံသူ | ဒေါက်တာခင်မကြီး (NLD) |
| မဲဆန္ဒနယ် | ကယားပြည်နယ် မဲဆန္ဒနယ် အမှတ်(၈) |
| အနိုင်ရမဲ အရေအတွက် | ကြိုတင်မဲ ၁၃၆၅ မဲစုစုပေါင်း ၁၃၈၇ မဲ |
| ကိုယ်ရေး အချက်အလက်များ | |
| မွေးဖွား | ၃ မေ ၁၉၅၃
(အသက် ၇၀) ကယားပြည်နယ် ၊ လွိုင်ကော်မြို့နယ် |
| နိုင်ငံရေးပါတီ | ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ |
| မိခင် | ဒေါ်စိုးမြာ |
| ဖခင် | ဦးစိုးရယ် |
ပိုးရယ်အောင်သိန်း ( ၁၉၅၃ ဖွား) သည် ကယားလူမျိုး နိုင်ငံရေးသမားတစ်ဦး ဖြစ်သည်။ သူသည် အမျိုးသားလွှတ်တော်အမတ် လည်း ဖြစ်ခဲ့ပြီး လက်ရှိတွင် နိုင်ငံတော်စီမံအုပ်ချုပ်ရေးကောင်စီ အဖွဲ့ဝင် အဖြစ် တာဝန် ထမ်းဆောင်နေသည်။[၁] [၂]
ငယ်ဘဝ[ပြင်ဆင်ရန်]
ဖခင်ဖြစ်သူ ဦးစိုးရယ် နှင့် မိခင်ဖြစ်သူ ဒေါ်စိုးမြာ တို့က ၁၉၅၃ ခုနှစ် မေလ ၃ ရက်တွင် ကယားပြည်နယ် လွိုင်ကော်မြို့နယ် ထေးသမရွာ တွင် သူ့အား မွေးဖွားသည်။ ပညာအရည်အချင်းမှာ ၁၀ တန်းအောင် ဖြစ်သည်။[၃]
နိုင်ငံရေးသမားဘဝ[ပြင်ဆင်ရန်]
သူသည် ၂၀၁၀ပြည့်နှစ် အထွေထွေရွေးကောက်ပွဲတွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ကိုယ်စားပြုကာ ကယားပြည်နယ် အမှတ်(၈)မဲဆန္ဒနယ် အမျိုးသားလွှတ်တော်ကိုယ်စားလှယ် အဖြစ် တင်မြှောက်ခဲ့ပြီးနောက် [၄] မြန်မာ့နိုင်ငံရေးထဲ စတင် ဝင်ရောက်လာသည်။ လွှတ်တော်အမတ်အဖြစ် ၅ နှစ်တာ ဖြတ်သန်းသည်။[၅] အထွေထွေရွေးကောက်ပွဲ ၂၀၁၅ တွင် ပါဝင်ယှဉ်ပြိုင်ခြင်းမပြုဘဲ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ၏ ဗဟိုအလုပ်အမှုဆောင် နှင့် ပြည်နယ်ပါတီဥက္ကဋ္ဌ စသည်ဖြင့် ပါတီလုပ်ငန်းများသာ ဆက်လက် လုပ်ဆောင်သည်။[၆] [၇] ၂၀၂၀ ပြည့်နှစ် အထွေထွေရွေးကောက်ပွဲတွင် ကယားပြည်နယ် အမျိုးသားလွှတ်တော်မဲဆန္ဒနယ်အမှတ်(၁၁) မှနေ၍ ဝင်ရောက် အရွေးခံသော်လည်း[၈] ပြိုင်ဘက်ပါတီ အား ရှုံးနိမ့်သည်။[၉]
ကောင်စီဝင်ဖြစ်လာပုံ[ပြင်ဆင်ရန်]
၂၀၂၁ မြန်မာနိုင်ငံစစ်အာဏာသိမ်း ခံရပြီးနောက်ပိုင်း သူသည် မိခင်ပါတီ၏ လုပ်ငန်းများတွင်သာ အချိန်ကုန်ဆုံးခဲ့သည်။ ၂၀၂၃ ခုနှစ် ဖေဖော်ဝါရီ ၁ ရက် တွင် နိုင်ငံတော်စီမံအုပ်ချုပ်ရေးကောင်စီ အသစ်ပြန်လည် ဖွဲ့စည်းစဉ် သူသည် ကောင်စီအဖွဲ့ဝင် အဖြစ် ခန့်အပ်ခံရသည်။[၁၀]
အရေးယူပိတ်ဆို့ခံရခြင်း[ပြင်ဆင်ရန်]
သူ့ကို ကောင်စီ အဖွဲ့ဝင် အဖြစ်ပါဝင်ခဲ့မှု ဖြင့် အမေရိကန်၊ဥရောပသမဂ္ဂ နှင့် ဆွတ်ဇာလန် အစရှိသည့် နိုင်ငံတို့က ၂၀၂၃ ခုနှစ်ထဲ တွင် ဒဏ်ခတ်ပိတ်ဆို့အရေးယူမှုများ ပြုလုပ်ကြသည်။[၁၁] [၁၂]
ကိုးကား[ပြင်ဆင်ရန်]
- ↑ တိုင်းရင်းသားပြည်နယ်များကို စည်းရုံးရန် စစ်ကောင်စီ ကြိုးစား။ The Irrawaddy (၁၅ စက်တင်ဘာ ၂၀၂၃)။ ၁၉ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ နိုင်ငံတော်စီမံအုပ်ချုပ်ရေးကောင်စီဝင် ပိုးရယ်အောင်သိန်း၏ နှစ်သစ်ကူးနှုတ်ခွန်းဆက်စကား။ Myanmar Digital News (၁၈ ဧပြီ ၂၀၂၃)။ ၁၉ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ ဦးပိုးရယ်အောင်သိန်း။ Kantarawaddy Times (၉ အောက်တိုဘာ ၂၀၂၀)။ ၁၉ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ အမျိုးသားလွှတ်တော် ကိုယ်စားလှယ်လောင်း တစ်ဦးချင်းစီ၏ ဆန္ဒမဲရရှိမှုအခြေအနေ(၇-၁၁-၂၀၁၀)။ မြန်မာ့အလင်းသတင်းစာ အချက်ပို(ဃ ) (၁၄ နိုဝင်ဘာ ၂၀၂၀)။ ၁၉ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ ကရင်နီပြည် ငြိမ်းချမ်းရေးကိစ္စ ကြံခိုင်ရေးပါတီသို့ တင်ပြရန် အစီအစဉ်ရှိ။ by - ကန္တာရဝတီတိုင်း(မ်) (၃၀ ဧပြီ ၂၀၁၁)။ ၁၉ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ Kayah State politicians reflect on limited public engagement။ by - Kantarawaddy Times (14 May 2017)။ 19 Feb 2024 တွင် ပြန်စစ်ပြီး။
- ↑ ကယားပြည်နယ် ပြည်ခိုင်ဖြိုးပါတီဥက္ကဋ္ဌ ဦးပိုးရယ်အောင်သိန်း သဘာဝဘေးအန္တရာယ်ကြောင့် နေအိမ်များ ပျက်စီးဆုံးရှုံးခဲ့သည့် မိသားစုများအား သွားရောက်လှူဒါန်း။ USDP Party (၁၀ ဇွန် ၂၀၁၉)။ ၁၉ ဖေဖော်ဝါရီ ၂၀၂၄ တွင် ပြန်စစ်ပြီး။[လင့်ခ်သေ]
- ↑ သတင်းထုတ်ပြန်ကြေညာချက် အမှတ်စဉ်(၂/၂၀၂၀)။ USDP Party (၁၂ ဩဂုတ် ၂၀၂၀)။ ၁၉ ဖေဖော်ဝါရီ ၂၀၂၄ တွင် ပြန်စစ်ပြီး။[လင့်ခ်သေ]
- ↑ ရွေးကောက်ပွဲအနိုင်ရ ကိုယ်စားလှယ်စာရင်း ထုတ်ပြန်ပြီးစီး။ RFA Burmese (၉ နိုဝင်ဘာ ၂၀၂၀)။ ၁၉ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ စစ်ကောင်စီ အပြောင်းအလဲ စစ်တပ်ကလူဟောင်းတွေလွှမ်းမိုးထား။ BBC Burmese (၃ ဖေဖော်ဝါရီ ၂၀၂၃)။ ၁၉ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ စစ်ကောင်စီဝန်ကြီးတွေအပါအဝင် လူပုဂ္ဂိုလ် ၆ ဦးနှင့် သတ္တုတွင်းလုပ်ငန်းကို အီးယူ ပိတ်ဆို့ ဒဏ်ခတ်။ DVB (၂၁ ဇူလိုင် ၂၀၂၃)။ ၁၉ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ Myanmar Junta Attempts Charm Offensive in Ethnic States။ The Irrawaddy (13 September 2023)။ 19 Feb 2024 တွင် ပြန်စစ်ပြီး။