ရန်ကုန်တိုင်းစစ်ဌာနချုပ်

ရန်ကုန်တိုင်းစစ်ဌာနချုပ်
ရကတ
ရန်ကုန်တိုင်းစစ်ဌာနချုပ်တံဆိပ်
နိုင်ငံ	မြန်မာ
ပင်မတပ်ဖွဲ့ အမျိုးအစား	တပ်မတော် (ကြည်း)
တပ် အမျိုးအစား	တိုင်းစစ်ဌာနချုပ်
အခန်းကဏ္ဍ	နယ်မြေဒေသ ကာကွယ်ရေး၊ လုံခြုံရေး၊ စစ်ဆင်ရေး၊ နယ်မြေအတွင်းရှိ တပ်အားလုံး၏ ဦး/ရေး/ထောက်ဆိုင်ရာကိစ္စရပ်များ စီမံပေးခြင်း၊ ကြီးကြပ်ကွပ်ကဲခြင်း
တပ်နယ်	ကုန်းမြင့်သာ
အမည်ပြောင်	ဂျိုကာအနီ
အုပ်ချုပ်သူများ
တိုင်းမှူး	ဗိုလ်မှူးချုပ်/ဗိုလ်ချုပ် ပြည့်စုံလင်း
ဒုတိယတိုင်းမှူး	ဗိုလ်မှူးချုပ် ထွန်းထွန်းဝင်း
အဆောင်အယောင်များ
အလံတော်

ရန်ကုန်တိုင်းစစ်ဌာနချုပ် (အတိုကောက် ရကတ) သည် ရန်ကုန်တိုင်းဒေသကြီး၊ ရန်ကုန်မြို့ (ပြည်လမ်း၊ ရှစ်မိုင်လမ်းဆုံအနီး)တွင် အခြေစိုက်သော တိုင်းစစ်ဌာနချုပ်ဖြစ်သည်။ အဓိက တာဝန်မှာ ရန်ကုန်တိုင်းဒေသကြီးနှင့် ၎င်းနှင့်ထိစပ်နေသော နေရာဒေသများ၏ ကာကွယ်ရေး၊ လုံခြုံရေးနှင့် စစ်ဆင်ရေးဆိုင်ရာကိစ္စရပ်များအား အဓိကတာဝန်ယူဆောင်ရွက်ရသည်။ ထို့ပြင် တိုင်းစစ်ဌာနချုပ် နယ်မြေအတွင်းရှိ ၎င်း၏လက်အောက်ခံ တပ်များနှင့် အခြားလက်ရုံး/ဝန်ထမ်းတပ်များ၏ စစ်ဦးစီး/ စစ်ရေး/ စစ်ထောက်ပိုင်းဆိုင်ရာ လုပ်ငန်းများကိုပါ ဖြေရှင်းဆောင်ရွက်ပေးခြင်းနှင့် အထက်ဌာနများမှ အမိန့်နှင့် ညွှန်ကြားချက်များအား ထပ်ဆင့် ညွှန်ကြားပေးခြင်းနှင့် ကြီးကြပ်ခြင်းတို့ကိုပါ ဆောင်ရွက်ရသည်။ လက်ရှိ ရန်ကုန်တိုင်းစစ်ဌာနချုပ် တိုင်းမှူးတာဝန်ထမ်းဆောင်နေသူမှာ ဗိုလ်မှူးချုပ်/ဗိုလ်ချုပ် ပြည့်စုံလင်း ဖြစ်သည်။

သမိုင်းအကျဥ်း

၁၉၆၃ ခုနှစ်၊ဇွန် ၁ ရက် တွင် တပ်မတော် သည် ရန်ကုန်မြို့ ၏ လုံခြုံရေးကိစ္စအဝဝအတွက် နေပြည်တော်စစ်ဌာနချုပ် ဟူ၍ ဖွဲ့စည်းခဲ့စဥ်၊တပ်နယ်မှူးရုံး (က)တန်း ရန်ကုန်၏ဖွဲ့စည်းပုံဇယားကို အခြေပြု၍ အလယ်ပိုင်းတိုင်းဖွဲ့စည်းပုံအတွင်းမှ ဒုတိယတိုင်းမှူး နှင့် ရုံးအင်အားကို တပ်နယ်မှူးရုံး(က)တန်း ရန်ကုန်တွင် တွဲဖက်ပြီး၊ရန်ကုန်တိုင်းစစ်ဌာနချုပ် အဖြစ် ယာယီဖွဲ့စည်းခဲ့သည်။

ယာယီ စစ်ဌာနချုပ် အား ရန်ကုန်မြို့၊ပြည်လမ်း နှင့် အလုံလမ်းထောင့် တွင် ဖွင့်လှစ်ခဲ့သည်။

၁၉၆၅ ခုနှစ်၊ဇွန် ၁ ရက် အရောက်တွင် ရန်ကုန်မြို့တော်လုံခြုံရေး၊အရေးကြီးပုဂ္ဂိုလ်များ၏လုံခြုံရေး နှင့် နိုင်ငံခြားဧည့်သည်တော်များ၏ လုံခြုံရေးကိစ္စရပ်များဆောင်ရွက်နိုင်ရေးအတွက် ရန်ကုန်တိုင်းစစ်ဌာနချုပ်ကို အရာရှိ (၂၄)ဦး၊စစ်သည် (၁၈၅) ဦး ဖြင့် သီးခြားရပ်တည် ဖွဲ့စည်းခဲ့သည်။

ဖွဲ့စည်းပုံ

ရန်ကုန်တိုင်းစစ်ဌာနချုပ် လက်အောက်တွင် စစ်ဗျူဟာမှူး(၃)ဦး ဦးစီးသည့် စစ်ဗျူဟာအဖွဲ့ (၃)ဖွဲ့နှင့် ၎င်း စဗဟများ ကွပ်ကဲအောက်ရှိ ခြေလျင်/ခြေမြန်တပ်ရင်း (၁၀)ရင်းရှိသည်။

အမှတ်(၁)စစ်ဗျူဟာအဖွဲ့

အမှတ်(၁)စစ်ဗျူဟာအဖွဲ့ အား အမှတ်(၁)စစ်ဗျူဟာမှူးမှ ဦးစီးပြီး ၎င်း၏ လက်အောက်တွင် ခြေလျင်/ ခြေမြန်တပ်ရင်း (၄)ရင်းရှိသည်။

1. ခလရ / ခမရ - (၄)ရင်း

အမှတ်(၂)စစ်ဗျူဟာအဖွဲ့

အမှတ်(၂)စစ်ဗျူဟာအဖွဲ့ အား အမှတ်(၂)စစ်ဗျူဟာမှူးမှ ဦးစီးပြီး ၎င်း၏ လက်အောက်တွင် ခြေလျင်/ ခြေမြန်တပ်ရင်း (၃)ရင်းရှိသည်။

1. ခလရ/ ခမရ - (၃)ရင်း

အမှတ်(၃)စစ်ဗျူဟာအဖွဲ့

အမှတ်(၃)စစ်ဗျူဟာအဖွဲ့ အား အမှတ်(၃)စစ်ဗျူဟာမှူးမှ ဦးစီးပြီး ၎င်း၏ လက်အောက်တွင် ခြေလျင်/ ခြေမြန်တပ်ရင်း (၃)ရင်းရှိသည်။

1. ခလရ/ ခမရ - (၃)ရင်း

တိုင်းစစ်ဌာနချုပ်နယ်မြေအတွင်းရှိ ခြေမြန်တပ်မ၊ စစ်ဆင်ရေးကွပ်ကဲမှုဌာနချုပ်နှင့် ခြေလျင်တပ်မဟာဌာနချုပ်များ

အမှတ်(၁၁)ခြေမြန်တပ်မဌာနချုပ်

အကျယ်တဝင့် ဖော်ပြထားသောဆောင်းပါး - အမှတ်(၁၁)ခြေမြန်တပ်မ ဌာနချုပ်

အမှတ်(၄)ခြေလျင်တပ်မဟာဌာနချုပ်

အကျယ်တဝင့် ဖော်ပြထားသောဆောင်းပါး - အမှတ်(၄)ခြေလျင်တပ်မဟာဌာနချုပ်

ရန်ကုန်တိုင်းစစ်ဌာနချုပ် တိုင်းမှူးတာဝန်ထမ်းဆောင်ခဲ့သူများ

ဤစာရင်းသည် မပြည့်စုံသေးပါ။ သင်မှ ဖြည့်စွက်ရေးသားခြင်းဖြင့် ကူညီနိုင်ပါသည်။

ရန်ကုန်တိုင်းမှူးအဖြစ် တာဝန်ယူခဲ့သူများမှာ အောက်ပါအတိုင်းဖြစ်သည်။

စဉ်	ပြန်တမ်းဝင်အမှတ်	အဆင့်	အမည်	ထမ်းဆောင်ခဲ့သည့် ကာလ		(နောင်တွင်)
				မှ	ထိ
၁။	ကြည်း - ၅၂၈၁	ဗိုလ်မှူးကြီး	လှဘုန်း	၁၃ - ၇ - ၁၉၆၅	၁၅ - ၇ - ၁၉၆၉
၂။	ကြည်း - ၅၃၃၂	ဗိုလ်မှူးကြီး	သူရကျော်ထင်	၂ - ၇ - ၁၉၆၉	၈-၃-၁၉၇၄	ဗိုလ်ချုပ်ကြီး၊ကာကွယ်ရေးဦးစီးချုပ်
၃။	ကြည်း - ၅၆၀၅	ဗိုလ်မှူးကြီး	ခင်အုန်း	၈-၃-၁၉၇၄	၁၈-၃-၁၉၇၅
၄။	ကြည်း - ၆၁၃၃	ဗိုလ်မှူးကြီး	အေးကို	၁၈-၃-၁၉၇၅	၂-၄-၁၉၇၆	ဒုတိယဗိုလ်ချုပ်ကြီး၊ သမ္မတ
၅။	ကြည်း - ၆၁၈၁	ဗိုလ်မှူးကြီး	တင်စိန်	၂-၄-၁၉၇၆	၄-၃-၁၉၇၈
၆။	ကြည်း - ၆၈၄၆	ဗိုလ်မှူးချုပ်	မျိုးအောင်	၄-၃-၁၉၇၈	၁၅-၃-၁၉၈၃
၇။	ကြည်း - ၆၂၃၇	ဗိုလ်မှူးချုပ်	ဖေမြိုင်	၁၅-၃-၁၉၈၃	၄-၁၁-၁၉၈၅
၈။	ကြည်း - ၇၅၅၇	ဗိုလ်ချုပ်	မျိုးညွန့် (ဗသက - ၁၈)	၅ - ၁၁ - ၁၉၈၅	၁၆ - ၆ - ၁၉၉၅	ဗိုလ်ချုပ်ကြီး
၉။	ကြည်း - ၁၀၃၂၀	ဗိုလ်ချုပ်	ခင်မောင်သန်း (ဗသက - ၃၁)	၁၇ - ၆ - ၁၉၉၅	၁၈ - ၁၂ -၂၀၀၁	ဒုတိယဗိုလ်ချုပ်ကြီး၊ကစထမှူး
၁၀။	ကြည်း - ၁၂၆၂၉	ဗိုလ်ချုပ်	မြင့်ဆွေ (စသတ - ၁၅)	၁၉ - ၁၂ -၂၀၀၁	၉ - ၂ - ၂၀၀၆	ဒုတိယဗိုလ်ချုပ်ကြီး၊ ရန်ကုန်တိုင်းဒေသကြီး ဝန်ကြီးချုပ်ဟောင်း၊ယာယီ သမ္မတ
၁၁။	ကြည်း - ၁၄၇၉၉	ဗိုလ်ချုပ်	လှဌေးဝင်း (စတသ - ၂၀)	၁၀ - ၂ - ၂၀၀၆	၂၄ - ၆ - ၂၀၀၈	ဗိုလ်ချုပ်ကြီး၊ ညှိုနှိုင်းကွပ်ကဲရေးမှူး (ကြည်း၊ရေ၊လေ)
၁၂။	ကြည်း - ၁၄၈၅၃	ဗိုလ်ချုပ်	ဝင်းမြင့် (စတသ - ၂၀)	?	?	ဒုတိယဗိုလ်ချုပ်ကြီး
၁၃။	?	ဗိုလ်ချုပ်	ထွန်းသန်း	?	?
၁၄။	ကြည်း - ၁၇၅၀၂	ဗိုလ်ချုပ်	ဆန်းဦး (စတသ - ၂၄)	?	?	ဒုတိယဗိုလ်ချုပ်ကြီး၊ စစ်ရေးချုပ်
၁၅။	ကြည်း - ၁၈၁၃၁	ဗိုလ်ချုပ်	ထွန်းထွန်းနောင် (စတသ - ၂၅)	?	?	ဒုတိယဗိုလ်ချုပ်ကြီး၊ကစထ ၁ မှူး၊နယ်စပ်ရေးရာဝန်ကြီး၊ပြည်ထဲရေးဝန်ကြီး
၁၆။	ကြည်း - ၂၀၂၂၀	ဗိုလ်ချုပ်	မျိုးဇော်သိန်း (စတသ - ၂၈)	?	?	ဒုတိယဗိုလ်ချုပ်ကြီး၊ စစ်ရေးချုပ်
၁၇။	ကြည်း - ၂၀၇၃၅	ဗိုလ်ချုပ်	သက်ပုံ () (စတသ - ၂၉)	?	?	ဒုတိယဗိုလ်ချုပ်ကြီး၊ ကစထ ၅ မှူး
၁၈။	ကြည်း - ၂၅၉၈၂	ဗိုလ်ချုပ်	ညွန့်ဝင်းဆွေ (စတသ - ၃၆)	?	?	ဒုတိယဗိုလ်ချုပ်ကြီး၊ ကစထ ၄ မှူး
၁၉။	ကြည်း - ၂၈၀၈၉	ဗိုလ်ချုပ်	ဇော်ဟိန်း (စတသ - ၃၈)	?	?	စစ်ထောက်ချုပ်
၂၀။		ဗိုလ်မှူးချုပ်/ဗိုလ်ချုပ်	ပြည့်စုံလင်း	လက်ရှိ