မျိုးဆွေဝင်း

ဦးမျိုးဆွေဝင်း
ပဲခူးတိုင်းဒေသကြီး ဝန်ကြီးချုပ်
တာဝန်ထမ်းဆောင်ဆဲ
တာဝန် စတင် ၁ ဩဂုတ် ၂၀၂၁
သမ္မတ	ဦးမြင့်ဆွေ (ယာယီ)
ဝန်ကြီးချုပ်	မင်းအောင်လှိုင်
ယခင်လူ	ဦးဝင်းသိန်း
ပဲခူးတိုင်းဒေသကြီး စီမံအုပ်ချုပ်ရေးကောင်စီ ဥက္ကဋ္ဌ
တာဝန်သက်တမ်း ၃ ဖေဖော်ဝါရီ ၂၀၂၁ – ၁ ဩဂုတ် ၂၀၂၁
ယခင်လူ	ရာထူးစတင်
ဆက်ခံသူ	ကိုယ်တိုင် (ဝန်ကြီးချုပ်)
ဒုတိယရဲချုပ်(၁) မြန်မာနိုင်ငံ ရဲတပ်ဖွဲ့
တာဝန်သက်တမ်း ၂ ဇန်နဝါရီ ၂၀၁၈ – ၂ ဖေဖော်ဝါရီ ၂၀၂၁
ကိုယ်ရေး အချက်အလက်များ
မွေးဖွား	မြန်မာနိုင်ငံ

မျိုးဆွေဝင်း သည် လက်ရှိ ပဲခူးတိုင်းဒေသကြီးဝန်ကြီးချုပ် ဖြစ်သည်။၎င်းကို စစ်ကောင်စီက တိုင်းဝန်ကြီးချုပ်အဖြစ်ခန့်အပ်ခဲ့သည်။အဆိုပါ ရာထူးတွင် ခန့်အပ်ခြင်းမခံရမီက ပြည်ထဲရေးဝန်ကြီးဌာန မြန်မာနိုင်ငံရဲတပ်ဖွဲ့ဌာနချုပ် တွင် ဒုတိယရဲချုပ်(၁)အဖြစ် တာဝန်ထမ်းဆောင်ခဲ့သူဖြစ်သည်။

ဝန်ကြီးချုပ်ဖြစ်လာပုံ

၂၀၂၁ ဖေဖော်ဝါရီ ၁ရက် စစ်အာဏာသိမ်းပြီးနောက် ၎င်းသည် ဒုတိယရဲချုပ်(၁)မှ အနားယူကာ ပဲခူးတိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌ အဖြစ် စစ်ကောင်စီက အမိန့်ထုတ်တာဝန်ပေးသည်။ထိုတာဝန်အား ၆လတာဝန်ထမ်းဆောင်ပြီးနောက် စစ်ကောင်စီ၏ အိမ်စောင့်အစိုးရအဖွဲ့ထဲ ပဲခူးတိုင်းဝန်ကြီးချုပ်အဖြစ် ၂၀၂၁ ဩဂုတ် ၁ရက်နေ့တွင် တာဝန်ဆက်လက်ပေးခံရသည်။

နိုင်ငံဝန်ထမ်းအဖြစ်တာဝန်ထမ်းဆောင်ခြင်း

ဦးမျိုးဆွေဝင်းသည် တပ်မတော်သားဟောင်းတစ်ဦးဖြစ်သည်။ နဝတ အစိုးရလက်ထက်ကတည်းက စစ်ဖက်မှ ရဲတပ်ဖွဲ့သို့ အသွင်ပြောင်းလာခဲ့သည်။ ဒုတိယရဲမှူးအဆင့်မှ တာဝန်များအဆင့်ဆင့်ထမ်းဆောင်ပြီးနောက် ရခိုင်ပြည်နယ်ရဲတပ်ဖွဲ့မှူး၊မွန်ပြည်နယ်ရဲတ ပ်ဖွဲ့မှူး၊ရကဖ၁ ကွပ်ကဲရေးမှူး၊ ရဲဦးစီးအရာရှိချုပ် စသည့် တာဝန်များပေးအပ်ခံရသည်။ ၂၀၁၈ ဇန်နဝါရီ ၂ရက်နေ့တွင် ဒုတိယရဲချုပ်(၁) ဖြစ်လာခဲ့သည်။ထိုတာဝန်ကို ၂၀၂၁ ဖေဖော်ဝါရီ ၂ရက်နေ့အထိ တာဝန်ထမ်းဆောင်သည်။

ပိတ်ဆို့ခံရခြင်း

အမေရိကန်ဘဏ္ဍာရေးဝန်ကြီးဌာန၊ ယူနိုက်ဒက်ကင်းဒမ်းနှင့်ကနေဒါနိုင်ငံတို့က ဦးမျိုးဆွေဝင်းအား ဒဏ်ခတ်ပိတ်ဆို့ အရေးယူထားသည်။