ဒွဲဘူ

စည်သူ၊ ဒေါ် ဒွဲဘူ
တတိယအကြိမ် အမျိုးသားလွှတ်တော် သဘာပတိ ဒေါ်ဒွဲဘူအား ၂၀၂၆ ခုနှစ်တွင် တွေ့ရစဉ်
ပြည်ထောင်စုအတိုင်ပင်ခံကောင်စီ အဖွဲ့ဝင်
တာဝန်ထမ်းဆောင်ဆဲ
တာဝန် စတင် ၁၀ ဧပြီ ၂၀၂၆ သန်းဆွေ၊ကိုကိုလှိုင်၊မိုးအောင်၊ဒေါက်တာရင်ရင်နွယ်၊ချိုချိုကျော်ငြိမ်း၊ကိုကိုကြီး၊မန်းငြိမ်းမောင်၊ဇော်အေးမောင် တို့နှင့်အတူ
ခန့်အပ်သူ	မင်းအောင်လှိုင်
သမ္မတ	မင်းအောင်လှိုင်
ခေါင်းဆောင်	စိုးဝင်း
ယခင်လူ	ရာထူးစတင်
အမျိုးသားလွှတ်တော် ကိုယ်စားလှယ်
တာဝန်ထမ်းဆောင်ဆဲ
တာဝန် စတင် ၁၈ မတ် ၂၀၂၆
မဲဆန္ဒနယ်	ကချင်ပြည်နယ်၊ မဲဆန္ဒနယ် (၅)
အမျိုးသားကာကွယ်ရေးနှင့်လုံခြုံရေးကောင်စီ၏ ဗဟိုအကြံပေးအဖွဲ့ဝင်
တာဝန်သက်တမ်း ၃၁ ဇူလိုင် ၂၀၂၅ – ၁၀ ဧပြီ ၂၀၂၆
ခန့်အပ်သူ	အမျိုးသားကာကွယ်ရေးနှင့်လုံခြုံရေးကောင်စီ
သမ္မတ	မင်းအောင်လှိုင် (ယာယီတာဝန်)
ခေါင်းဆောင်	စောထွန်းအောင်မြင့်၊ အဖွဲ့ခေါင်းဆောင်
ယခင်လူ	ရာထူးစတင်
နိုင်ငံတော်စီမံအုပ်ချုပ်ရေးကောင်စီ အဖွဲ့ဝင်
တာဝန်သက်တမ်း ၁ ဖေဖော်ဝါရီ ၂၀၂၃ – ၃၁ ဇူလိုင် ၂၀၂၅
ခန့်အပ်သူ	နိုင်ငံတော်စီမံအုပ်ချုပ်ရေးကောင်စီ
သမ္မတ	မြင့်ဆွေ (ယာယီသမ္မတ) မင်းအောင်လှိုင်၊ ယာယီသမ္မတ (တာဝန်)
ခေါင်းဆောင်	မင်းအောင်လှိုင်
ယခင်လူ	ကောင်စီစတင်
ဆက်ခံသူ	ကောင်စီဖျက်သိမ်း
ကချင်ပြည်နယ်ပြည်သူ့ပါတီ ဒုတိယဥက္ကဋ္ဌ(၁)
တာဝန်သက်တမ်း ၄ မေ ၂၀၂၀ – ၁၄ ဇူလိုင် ၂၀၂၂
ပြည်သူ့လွှတ်တော် ကိုယ်စားလှယ်
တာဝန်သက်တမ်း ၃၀ မတ် ၂၀၁၁ – ၁ ဖေဖော်ဝါရီ ၂၀၂၁
ယခင်လူ	ဖွဲ့စည်းပုံအခြေခံစတင်
မဲဆန္ဒနယ်	အင်ဂျန်းယန်မြို့နယ်
ကိုယ်ရေး အချက်အလက်များ
မွေးဖွား	၂၆ မတ် ၁၉၆၂&#၁၆၀;(၁၉၆၂-၀၃-၂၆) (အသက် ၆၄) မြစ်ကြီးနားမြို့၊ ကချင်ပြည်နယ်
နိုင်ငံရေးပါတီ	စည်းလုံးညီညွတ်ရေးနှင့်ဒီမိုကရေစီပါတီ (ကချင်ပြည်နယ်-စဒက) (၂၀၁၀ - ၂၀၁၉) ကချင်ပြည်နယ်ပြည်သူ့ပါတီ (၂၀၁၉ - ၂၀၂၂) ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ
မိခင်	ခေါန်လွမ်း
ဖခင်	အင်ဘရန်နော်
ပညာရေး	LL.B ရန်ကုန်တက္ကသိုလ်
အလုပ်အကိုင်	နိုင်ငံရေးသမား ရှေ့နေ
ဆုတံဆိပ်များ	စည်သူဘွဲ့ (၂၀၂၅)

ဒေါ်ဒွဲဘူ (၂၆ မတ် ၁၉၆၂ မွေးဖွား)သည် ကချင်လူမျိုး ရှေ့နေတစ်ဦး နှင့် အမျိုးသမီး နိုင်ငံရေးသမားတစ်ဦးဖြစ်ပြီး လက်ရှိ ပြည်ထောင်စုအတိုင်ပင်ခံကောင်စီ ၏ အဖွဲ့ဝင် တစ်ဦးဖြစ်သည်။သူသည် ကချင်ပြည်နယ်၊မဲဆန္ဒနယ်အမှတ် (၅) မှ ရွေးကောက်ခံ အမျိုးသားလွှတ်တော် ကိုယ်စားလှယ် လည်း ဖြစ်သည်။ယင်းမတိုင်မီက နိုင်ငံတော်စီမံအုပ်ချုပ်ရေးကောင်စီ၏ အဖွဲ့ဝင်တစ်ဦးအဖြစ် တာဝန်ထမ်းဆောင်ခဲ့သည်။

ဘဝအစောပိုင်း

ကချင်ပြည်နယ် မြစ်ကြီးနားတွင် မွေးဖွားခဲ့သည်။ အထက(၃) မြစ်ကြီးနားမှတဆင့် ဆယ်တန်းအောင်မြင်ခဲ့ကာ ၁၉၈၂ တွင် ရန်ကုန်တက္ကသိုလ်၊ ဥပဒေပညာဌာနသို့ တက်ရောက်ပညာသင်ကြားသည်။ ဥပဒေပညာဘွဲ့ ရရှိပြီးနောက် ၁၉၈၈ မှစပြီး အလုပ်သင်ရှေ့နေ၊ အထက်တန်းရှေ့နေ ယင်းနောက် တရားလွှတ်တော်ရှေ့နေအဖြစ် အသက်မွေးဝမ်းကျောင်းပြုခဲ့သည်။

နိုင်ငံရေးဘဝ

ရွေးကောက်ပွဲ ဝင်ပြိုင်မှုများ

၂၀၁၀ ခုနှစ်၊ အထွေထွေရွေးကောက်ပွဲတွင် ကချင်ပြည်နယ်၊ အင်ဂျန်းယန်မြို့နယ် ပြည်သူ့လွှတ်တော် ကိုယ်စားလှယ်အဖြစ် ရွေးချယ်ခံရရင်း နိုင်ငံရေးလောကထဲ ဝင်ရောက်လာသည်။ ထိုစဉ်က စည်းလုံးညီညွတ်ရေးနှင့် ဒီမိုကရေစီပါတီကချင်ပြည်နယ် (စဒက) ကိုယ်စားပြုကာ ရွေးကောက်ပွဲဝင်ခဲ့ခြင်းဖြစ်သည်။

၂၀၁၅ အထွေထွေရွေးကောက်ပွဲ တွင် စည်းလုံးညီညွတ်ရေးနှင့် ဒီမိုကရေစီပါတီကချင်ပြည်နယ် (စဒက) ကိုယ်စားပြု၍ အင်ဂျန်းယန်မြို့ ပြည်သူ့လွှတ်တော်ကိုယ်စားလှယ်လောင်းအဖြစ် ထပ်မံအရွေးချယ်ခံရသည်။

အထွေထွေရွေးကောက်ပွဲ ၂၀၂၀ တွင် ကချင်ပြည်နယ်ပြည်သူ့ပါတီကိုယ်စားပြုပြီး ကချင်ပြည်နယ်မဲဆန္ဒနယ်အမှတ်(၁၁)မှနေ၍ အမျိုးသားလွှတ်တော်ကိုယ်စားလှယ်လောင်းအဖြစ် ဝင်ပြိုင်ခြင်းများဆောင်ရွက်ခဲ့သည်။ ရွေးကောက်ပွဲ ၂ ခုစလုံးတွင် ယှဉ်ပြိုင်ဘက် အမျိုးသားဒီမိုကရေစီအဖွဲ့ချုပ်ပါတီကိုယ်စားလှယ်လောင်းအား အနိုင်မရဘဲ ရှုံးနိမ့်သည်။

ပြည်သူ့လွှတ်တော် ကိုယ်စားလှယ်

ပထမအကြိမ် ပြည်သူ့လွှတ်တော်ကိုယ်စားလှယ်အဖြစ်တာဝန်ထမ်းဆောင်စဉ်ကာလအတွင်း လွှတ်တော်ဆိုင်ရာကော်မတီများဖြစ်သော ဥပဒေကြမ်းကော်မတီတွင် အဖွဲ့ဝင်(၂၀၁၁-၂၀၁၂)၊တိုင်းရင်းသားရေးရာနှင့်ပြည်တွင်းငြိမ်းချမ်းရေးဖော်ဆောင်မှုကော်မတီတွင် အတွင်းရေးမှူး(၂၀၁၂-၂၀၁၆)၊ တရားဥပဒေစိုးမိုးရေးနှင့်တည်ငြိမ်ချမ်းရေးကော်မတီတွင် အဖွဲ့ဝင်(၂၀၁၂-၂၀၁၆)၊ ပြည်ထောင်စုအဆင့်ငြိမ်းချမ်းရေးဖော်ဆောင်မှုလုပ်ငန်းကော်မတီတွင် အဖွဲ့ဝင်(၂၀၁၂-၂၀၁၆)အဖြစ်တာဝန်ထမ်းဆောင်သည်။ ၂၀၁၆ နောက်ပိုင်းတွင်လည်း ပြည်တွင်းငြိမ်းချမ်းရေးလုပ်ငန်းများနှင့်တရားဥပဒေစိုးမိုးရေးလုပ်ငန်းများဆောင်ရွက်သည်။၂၀၁၀ နောက်ပိုင်းဖွဲ့စည်းတည်ထောင်ခဲ့သော စည်းလုံးညီညွတ်ရေးနှင့် ဒီမိုကရေစီပါတီကချင်ပြည်နယ် (စဒက) တွင် တွဲဘက် အတွင်းရေးမှူးအဖြစ်လည်းကောင်း၊ ၂၀၂၀ နောက်ပိုင်းပေါ်ပေါက်လာသော ကချင်ပါတီများပေါင်းစည်းထားသည့် ကချင်ပြည်သူ့ပါတီတွင် ဒုတိယဥက္ကဋ္ဌ(၁)အဖြစ်လည်းကောင်း တာဝန်များထမ်းဆောင်ကာ ၂၀၂၂ ဇူလိုင် ၁၄ရက်တွင် ပါတီတာဝန်များမှ နုတ်ထွက်ခဲ့သည်။

နစက ကောင်စီဝင်

၂၀၂၃ ဖေဖော်ဝါရီ ၁ ရက်နေ့တွင် အသစ်ပြန်လည်ဖွဲ့စည်းခဲ့သော နိုင်ငံတော်စီမံအုပ်ချုပ်ရေးကောင်စီတွင် ကောင်စီဝင်အဖြစ် တာဝန်ပေးအပ် ခံရသည်။

နိုင်ငံတော်စီမံအုပ်ချုပ်ရေးကောင်စီကို ဖျက်သိမ်းပြီးနောက် အမျိုးသားကာကွယ်ရေးနှင့် လုံခြုံရေးကောင်စီရုံး၏ အမိန့်အမှတ် ၁၀/၂၀၂၅ ဖြင့် ယခင်နစက ကောင်စီဝင်များနှင့် နစက ဗဟိုအကြံပေးအဖွဲ့ဝင်များကို ကာလုံဗဟိုအကြံပေးအဖွဲ့သစ်ကို တာဝန်ပေးခံရသည်။

၂၀၂၅

၂၀၂၅-၂၀၂၆ ခုနှစ် အထွေထွေ ရွေးကောက်ပွဲတွင် ကြံ့ခိုင်ရေးပါတီ၏ ကိုယ်စားလှယ်အဖြစ် အမျိုးသားလွှတ်တော် ကချင်ပြည်နယ်၊ မဲဆန္ဒနယ်အမှတ် (၅)မှ မဲအများဆုံးရသူ အနိုင်ယူစနစ်ဖြင့် ဝင်ရောက်ယှဉ်ပြိုင်ခဲ့ရာ ခိုင်လုံသောမဲ အရေအတွက် စုစုပေါင်း ၇,၅၆၆ မဲ (စုစုပေါင်းမဲ၏ ၃၅.၅၇ ရာခိုင်နှုန်း) ဖြင့် ရွေးကောက်တင်မြှောက်ခြင်း ခံခဲ့ရသည်။

အမျိုးသားလွှတ်တော် ကိုယ်စားလှယ်

၂၀၂၆ ခုနှစ်၊ မတ်လ ၁၈ ရက်နေ့တွင် စတင်ကျင်းပသည့် တတိယအကြိမ် အမျိုးသားလွှတ်တော် ပထမပုံမှန်အစည်းအဝေးတွင် လွှတ်တော်သဘာပတိ အဖြစ် ရွေးချယ်တင်မြှောက်ခြင်း ခံခဲ့ရသည်။ ၎င်းသည် သဘာပတိအဖြစ် တာဝန်ယူစဉ်အတွင်း အမျိုးသားလွှတ်တော်၏ အကြီးအကဲများ ဖြစ်ကြသော ဦးအောင်လင်းဒွေး (အမျိုးသားလွှတ်တော် ဥက္ကဋ္ဌ) နှင့် ကချင်တိုင်းရင်းသား Jeng Phang နော်တောင် (အမျိုးသားလွှတ်တော် ဒုတိယဥက္ကဋ္ဌ) တို့အား ရွေးချယ်တင်မြှောက်သည့် လုပ်ငန်းစဉ်များကို ဥပဒေနှင့်အညီ ဦးဆောင်ကျင်းပပေးခဲ့သည်။၎င်းသည် အမျိုးသားလွှတ်တော်သမိုင်းတွင် သဘာပတိအဖြစ် ဆောင်ရွက်သည့် ပထမဆုံးသော အမျိုးသမီးနိုင်ငံရေးသမားတစ်ဦးလည်း ဖြစ်လာခဲ့သည်။

၂၀၂၆ခုနှစ်၊ဧပြီ ၁၀ရက်တွင် ပြည်ထောင်စုအတိုင်ပင်ခံကောင်စီ ၏ အဖွဲ့ဝင် တစ်ဦးအဖြစ် ခန့်အပ်ခံရသည်။

နိုင်ငံတကာ ဒဏ်ခတ်ပိတ်ဆို့ခံရခြင်း

သူသည် စစ်ကောင်စီ၏ အဖွဲ့ဝင် ပါဝင်မှုကြောင့် ကနေဒါအစိုးရမှ ဒဏ်ခတ်ပိတ်ဆို့မှု စာရင်းတွင် ထည့်သွင်းထားသည်။

ဂုဏ်ပြုခံရခြင်း

၂၀၂၅ ခုနှစ်၊ ဧပြီလ (၁၇) ရက်တွင် နိုင်ငံတော်စီမံအုပ်ချုပ်ရေးကောင်စီ အမိန့်ကြော်ငြာစာအမှတ် ၆၀/၂၀၂၅ အားဖြင့် ပြည်ထောင်စုစည်သူသင်္ဂဟဘွဲ့ဖြစ်သော စည်သူဘွဲ့ကို နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ မင်းအောင်လှိုင်က ချီးမြှင့်အပ်နှင်းခဲ့သည်။