ခွန်ရဲထွေး
ဦးခွန်ရဲထွေး | |
|---|---|
| ဥက္ကဋ္ဌ[၁] ပအိုဝ်းကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ | |
တာဝန်ထမ်းဆောင်ဆဲ | |
| တာဝန် စတင် ၂ ဖေဖော်ဝါရီ ၂၀၂၁ | |
| ခန့်အပ်သူ | နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ |
| ယခင်လူ | ဦးခွန်စံလွင် (ဒေသဦးစီးအဖွဲ့ ဥက္ကဋ္ဌ) |
| လမ်းပန်းဆက်သွယ်ရေးဝန်ကြီး ရှမ်းပြည်နယ် အစိုးရအဖွဲ့ | |
| တာဝန်သက်တမ်း ၃၀ မတ် ၂၀၁၆ – ၁ ဖေဖော်ဝါရီ ၂၀၂၁ | |
| မဲဆန္ဒနယ် | ရှမ်းပြည်နယ်လွှတ်တော် တောင်ကြီး မဲဆန္ဒနယ် ၁ |
| အနိုင်ရမဲ အရေအတွက် | ၄၂,၇၄၂[၂] |
| ကိုယ်ရေး အချက်အလက်များ | |
| မွေးဖွား | ဧပြီ ၁၊ ၁၉၆၁ တောင်ငူမြို့[၃] |
| နိုင်ငံသား | မြန်မာ |
| လူမျိုး | ပအိုဝ်း |
| ကြင်ဖော်(များ) | ဒေါ်မြတ်ခင်မော် |
| မိခင် | ဒေါ်မြစိန် |
| ဖခင် | ဦးဘိုးရွှေ |
| ပညာရေး | သိပ္ပံဘွဲ့ (ရူပဗေဒ) |
| မိခင်ကျောင်း | မော်လမြိုင်ဒီဂရီကောလိပ် |
ဦးခွန်ရဲထွေး သို့မဟုတ် ဦးခွန်ရဲမြင့်နိုင် (၄ ဇန်နဝါရီ ၁၉၆၁ မွေးဖွား) သည် မြန်မာနိုင်ငံသား ပအိုဝ်းလူမျိုး နိုင်ငံရေးသမားတစ်ဦးဖြစ်ပြီး လက်ရှိတွင် ပအိုဝ်းကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ ဥက္ကဋ္ဌအဖြစ် တာဝန်ထမ်းဆောင်လျက်ရှိသည်။
အစောပိုင်းဘဝ
[ပြင်ဆင်ရန်]ဦးခွန်ရဲထွေးကို ၁၉၆၁ ခုနှစ် ဇန်နဝါရီလ ၄ ရက်နေ့တွင် ဦးဘိုးရွှေနှင့် ဒေါ်မြစိန်တို့က တောင်ငူမြို့တွင် မွေးဖွားခဲ့သည်။ ပဲခူးတိုင်းဒေသကြီး၊ ထန်းတပင်မြို့နယ်၊ ဇရပ်ကြီးရွာ အမကကျောင်း၊ တောင်ငူမြို့ အလက(၂)နှင့် အထက(၅) တို့တွင် အခြေခံပညာသင်ကြားခဲ့ပြီး ပဲခူးဒေသကောလိပ်၊ မော်လမြိုင်ဒီဂရီကောလိပ်တို့တွင် ဆက်လက်ပညာသင်ကြားခဲ့ကာ ရူပဗေဒအထူးပြုဖြင့် သိပ္ပံဘွဲ့ ရရှိခဲ့သည်။[၃]
စစ်ဖက်တာဝန်ထမ်းဆောင်ခြင်း
[ပြင်ဆင်ရန်]ဦးခွန်ရဲထွေးသည် တပ်မတော်တွင် ဗိုလ်မှူးကြီး အဆင့်ထိ တာဝန်ထမ်းဆောင်ခဲ့သူဖြစ်ပြီး ခလရ (၁၁၃)၊ ခလရ (၂၃၄)၊ ကော့သောင်း စစ်ဗျူဟာ၊ ခလရ (၂၅၉)၊ ခမရ (၅၁၈)၊ ခမရ (၅၁၂)၊ ဘုရင့်နောင်တိုက်ခိုက်ရေးတပ်၊ အနောက်မြောက်တိုင်းစစ်ဌာနချုပ်၊ အမှတ် (၁၄) စစ်ဆင်ရေး ကွပ်ကဲမှုဌာနချုပ်နဲ့ အမှတ်(၁၀) တန်းမြှင့်သင်တန်းကျောင်းတို့တွင် တာဝန်ထမ်းဆောင်ခဲ့သည်။[၃]
နိုင်ငံရေး
[ပြင်ဆင်ရန်]တပ်မတော်မှ အငြိမ်းစားယူကာ ၂၀၁၅ ခုနှစ် အထွေထွေ ရွေးကောက်ပွဲတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ကိုယ်စားပြုကာ တောင်ကြီးမြို့နယ် မဲဆန္ဒနယ်အမှတ်(၁) တွင် ရှမ်းပြည်နယ်လွှတ်တော် ကိုယ်စားလှယ်အဖြစ် ယှဉ်ပြိုင်အနိုင်ရခဲ့ပြီး ရှမ်းပြည်နယ် အစိုးရအဖွဲ့တွင် လမ်းပန်း ဆက်သွယ်ရေးဝန်ကြီး အဖြစ် တာဝန်ထမ်းဆောင်ခဲ့သည်။[၃]
၂၀၂၁ ခုနှစ် အာဏာသိမ်းပြီးနောက်တွင် ဦးခွန်ရဲထွေးသည် ပအိုဝ်းကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ ဥက္ကဋ္ဌအဖြစ် ခန့်အပ်ခြင်း ခံရသည်။
ကိုးကား
[ပြင်ဆင်ရန်]- ↑ ပအိုဝ်းကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ ဥက္ကဋ္ဌ ဦးခွန်ရဲထွေး ဟိုပုံးမြို့နယ်တွင် ၂၀၂၃-၂၀၂၄ ပညာသင်နှစ်တွင် စက်မှု၊ စိုက်ပျိုး၊ မွေးမြူရေးအထက်တန်းကျောင်း(ပေါင်လင်း) စတင်ဖွင့်လှစ် သင်ကြားပေးနေမှုအား ကြည့်ရှုအားပေး - MyanmarNationalPost။ ၈ ဇွန် ၂၀၂၃ တွင် ပြန်စစ်ပြီး။
- ↑ ၂၀၁၅ ခုနှစ် အထွေထွေရွေးကောက်ပွဲရလဒ်များ - တိုင်းဒေသကြီး/ပြည်နယ်လွှတ်တော်မဲဆန္ဒနယ်။ ၈ ဇွန် ၂၀၂၃ တွင် ပြန်စစ်ပြီး။
- ↑ ၃.၀ ၃.၁ ၃.၂ ၃.၃ "ပအိုဝ်းဒေသ ပအိုဝ်းပြည်သူ့စစ် နှင့် အာဏာသိမ်း မြန်မာစစ်တပ်"၊ SHAN News (Burmese)၊ ၃၁ ဒီဇင်ဘာ ၂၀၂၁။ 8 June 2023 တွင် ပြန်စစ်ပြီး။ Archived from the original on 16 July 2022။