မှုထန်
ဒေါက်တာမှုထန် | |
|---|---|
| နိုင်ငံတော်စီမံအုပ်ချုပ်ရေးကောင်စီ အဖွဲ့ဝင် | |
တာဝန်ထမ်းဆောင်ဆဲ | |
| တာဝန် စတင် ၁၇ ဖေဖော်ဝါရီ ၂၀၂၃ | |
| သမ္မတ | ဦးမြင့်ဆွေ (ယာယီ) |
| ခေါင်းဆောင် | ဗိုလ်ချုပ်မှူးကြီး မင်းအောင်လှိုင် |
| ချင်းပြည်နယ်လွှတ်တော် ကိုယ်စားလှယ် | |
| တာဝန်သက်တမ်း ၃၀ မတ် ၂၀၁၆ – ၃၁ ဇန်နဝါရီ ၂၀၂၁ | |
| ယခင်လူ | ဦးရိုဘင် (ချင်းအမျိုးသားပါတီ) [၁] |
| မဲဆန္ဒနယ် | ထန်တလန်မြို့နယ် မဲဆန္ဒနယ် အမှတ်(၂) |
| အနိုင်ရမဲ အရေအတွက် | ကြိုတင်မဲ ၃၃၀ မဲစုစုပေါင်း ၄၉၆၉ မဲ |
| ကိုယ်ရေး အချက်အလက်များ | |
| မွေးဖွား | ၁၉၄၈
(အသက် ၇၆) ချင်းပြည်နယ် ထန်တလန်မြို့နယ် |
| နိုင်ငံရေးပါတီ | ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ |
ဒေါက်တာမှုထန် ( ၁၉၄၈ ဖွား) သည် ချင်းလူမျိုး နိုင်ငံရေးသမား ဆရာဝန်တစ်ဦး ဖြစ်သည်။[၂] သူသည် ၁၉၉၀ ရွေးကောက်ပွဲ နှင့် ၂၀၁၅ ရွေးကောက်ပွဲ အနိုင်ရ အမတ်တစ်ဦး လည်းဖြစ်ကာ လက်ရှိတွင် နိုင်ငံတော်စီမံအုပ်ချုပ်ရေးကောင်စီ အဖွဲ့ဝင် အဖြစ် တာဝန်ထမ်းဆောင် နေသည်။[၃]
ငယ်ဘဝ[ပြင်ဆင်ရန်]
သူ၏ မွေးဇာတိ မှာ ချင်းပြည်နယ် ထန်တလန်မြို့နယ် ကြောင်ထီးယားရွာ ဖြစ်သည်။[၄] ငယ်စဉ်က မွေးရပ်ဒေသတွင် ပညာဆည်းပူးသည်။ယင်းနောက် ထန်တလန်မြို့နယ် မှ ဆယ်တန်းအောင်သည်။ ဆရာဝန်ဘွဲ့ အား မန္တလေးဆေးတက္ကသိုလ် မှနေ၍ ရရှိခဲ့သည်။
နိုင်ငံရေးသမားဘဝ[ပြင်ဆင်ရန်]
သူသည် ၁၉၉၀ ခုနှစ် ရွေးကောက်ပွဲ တွင် ထန်တလန် မဲဆန္ဒနယ် မှနေ၍ တစ်သီးပုဂ္ဂလ အမတ် အဖြစ် ရွေးချယ်ခံရင်း အနိုင် ရရှိခဲ့ရာမှတဆင့် မြန်မာ့ နိုင်ငံရေးလောကထဲ စတင် ဝင်ရောက်လာသည်။ သို့သော်လည်း ထိုစဉ်က တပ်မတော်အစိုးရက လွှတ်တော်မခေါ်ပေး၍ အမတ်တာဝန် မထမ်းဆောင်ခဲ့ရပေ။ ဒေါက်တာမှုထန် သည် ၁၉၉၃ ခုနှစ် တွင် စတင်ကျင်းပသည့် အမျိုးသားညီလာခံ အား ရွေးကောက်ပွဲတွင်ရွေးချယ်ခံထားရသောကိုယ်စားလှယ်များအစုအဖွဲ့ ၏ အဖွဲ့ဝင် အဖြစ် ညီလာခံပြီးဆုံးသည် အထိ တက်ရောက်သည်။ [၅] ၂၀၀၈ ဖွဲ့စည်းပုံအခြေခံဥပဒေ အား အတည်ပြုနိုင်ရေးအတွက် နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ က၂၀၀၈ ခုနှစ် ဖေဖော်ဝါရီ ၂၆ ရက် တွင် ဖွဲ့စည်းခဲ့သော အဖွဲ့ဝင် (၄၅) ဦးပါ ပြည်လုံးကျွတ်ဆန္ဒခံယူကျင်းပရေးကော်မရှင် တွင် အဖွဲ့ဝင် အဖြစ် ပါဝင်ခဲ့သည်။[၆] ယင်းနောက် ဒေါက်တာမှုထန် သည် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ သို့ ဝင်ရောက်သည်။၂၀၁၀ မှစပြီး အထွေထွေရွေးကောက်ပွဲ ၃ကြိမ်စလုံး ကြံ့ခိုင်ဖွံ့ဖြိုးရေး ပါတီကိုယ်စားပြုပြီး ချင်းပြည်နယ်လွှတ်တော် ထန်တလန်မဲဆန္ဒနယ် အမှတ်(၂) မှနေ၍ ဝင်ပြိုင်သည်။ ၂၀၁၅ အထွေထွေရွေးကောက်ပွဲ တစ်ခုတွင်သာ ပြိုင်ဘက်များအား အနိုင်ရသည်။[၇] ချင်းပြည်နယ်လွှတ်တော်အမတ်အဖြစ် ၂၀၁၆ ခုနှစ် မှ ၂၀၂၁ ခုနှစ် အထိ တာဝန်ထမ်းသည်။ထိုကာလတွင် ချင်းပြည်နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ၏ ဥက္ကဋ္ဌ အဖြစ်လည်းကောင်း၊ပါတီဗဟို၏ ဗဟိုအလုပ်အမှုဆောင် ကော်မတီဝင် အဖြစ်လည်းကောင်း တာဝန်ယူသည်။[၈] သူသည် NLD အစိုးရ ဦးဆောင်ကျင်းပခဲ့သော အထွေထွေရွေးကောက်ပွဲ ၂၀၂၀ အား မဲသမာမှုပြုကျင့်သည် ဟု လူသိထင်ရှား စွပ်စွဲ ဝေဖန်ခဲ့သူလည်း ဖြစ်သည်။ [၉]
၂၀၂၁ နောက်ပိုင်း ထင်ရှားဖြစ်ရပ်[ပြင်ဆင်ရန်]
၂၀၂၁ ခုနှစ် ဩဂုတ်လ ၁၁ ရက် က ချင်းပြည်နယ်မြောက်ပိုင်း ထန်တလန်မြို့ ရှိ ၎င်း၏ နေအိမ် တွင် ဗုံးပေါက်ကွဲမှု ဖြစ်ခဲ့သည်။ [၁၀]
ကောင်စီဝင်ဖြစ်လာပုံ[ပြင်ဆင်ရန်]
နိုင်ငံတော်စီမံအုပ်ချုပ်ရေးကောင်စီ က သူ့အား ၂၀၂၃ ခုနှစ် ဖေဖော်ဝါရီ ၁၇ ရက်တွင် ကောင်စီဝင်အဖြစ် ခန့်အပ်သည်။ ၂၀၂၃ ခုနှစ် ဖေဖော်ဝါရီ ၁ရက်နေ့က ခန့်အပ်ခံရသော ကောက်စီဝင် ပူဂင့်ကမ်းလျန် က ခန့်အပ်ခံရမှုအပေါ် လက်မခံ ငြင်းဆန်ခဲ့သည့်အတွက် ဒေါက်တာမှုထန် ကို အစားထိုးခန့်အပ်ခြင်း ဖြစ်သည်။[၁၁]
အရေးယူပိတ်ဆို့ခံရခြင်း[ပြင်ဆင်ရန်]
ကောင်စီဝင် ဖြစ်လာသည့် သူ့ကို အမေရိကန် အပါအဝင် ဥရောပသမဂ္ဂ တို့က ဒဏ်ခတ်ပိတ်ဆို့ အရေးယူသည်။ [၁၂]
ကိုးကား[ပြင်ဆင်ရန်]
- ↑ တိုင်းဒေသကြီး သို့မဟုတ် ပြည်နယ်လွှတ်တော်ကိုယ်စားလှယ်လောင်း တစ်ဦးချင်းစီ၏ ဆန္ဒမဲရရှိမှုအခြေအနေ(၂၀၁၀ အထွေထွေရွေးကောက်ပွဲ)။ UEC Myanmar (၇ နိုဝင်ဘာ ၂၀၁၀)။ ၂၁ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ အနိုင်ရလျှင် တိုင်းပြည်နှင့်လူမျိုးအတွက်ဖြစ်ပြီး ရှုံးလျှင် မိမိအတွက်သာဖြစ်ဟု ချင်းပြည်နယ် USDP ဥက္ကဋ္ဌဆို။ by - Chin World (၁၇ နိုဝင်ဘာ ၂၀၂၀)။ ၂၁ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ SAC Member meets Chin State departmental staff။ Global New Light of Myanmar (15 September 2023)။ 21 Feb 2024 တွင် ပြန်စစ်ပြီး။
- ↑ နစကအဖွဲ့ဝင်အဖြစ် ပူဂင့်ကမ်းလျန်အစား ဒေါက်တာမှုထန်ကို အစားထိုးခန့်အပ်။ CNI (၁၇ ဖေဖော်ဝါရီ ၂၀၂၃)။ ၂၁ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ အမျိုးသားညီလာခံကိုယ်စားလှယ် အစုအဖွဲ့များ၏ အစည်းအဝေးများ ညောင်နှစ်ပင်စခန်းရှိ သတ်မှတ်ထားသောဆွေးနွေးပွဲခန်းမများ၌ကျင်းပ။ ကြေးမုံသတင်းစာ ၊စာမျက်နှာ(၃) (၁၂ အောက်တိုဘာ ၂၀၀၆)။ ၂၁ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ ပြည်လုံးကျွတ်ဆန္ဒခံယူကျင်းပရေးကော်မရှင် ဖွဲ့စည်းခြင်း။ mlis gov (၂၆ ဖေဖော်ဝါရီ ၂၀၀၈)။ ၂၁ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ တိုင်းဒေသကြီး သို့မဟုတ် ပြည်နယ်လွှတ်တော်ကိုယ်စားလှယ်လောင်း တစ်ဦးချင်းစီ၏ ဆန္ဒမဲရရှိမှုအခြေအနေ(၂၀၁၅ အထွေထွေရွေးကောက်ပွဲ)။ UEC Myanmar (၂၀၁၅)။ ၂၁ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ ချင်းပြည်နယ် ပြည်ခိုင်ဖြိုးပါတီ လုပ်ငန်းညှိနှိုင်းအစည်းအဝေးကျင်းပ။ USDP Party (၅ စက်တင်ဘာ ၂၀၁၇)။ ၂၁ ဖေဖော်ဝါရီ ၂၀၂၄ တွင် ပြန်စစ်ပြီး။[လင့်ခ်သေ]
- ↑ မဲမသမာမှုများကြောင့်သာ ပြိုင်ဘက်ကိုရှုံးနိမ့်ခဲ့ခြင်းဖြစ်ဟု ဒေါက်တာမှုထန်ပြော။ by - Chin World (၉ ဒီဇင်ဘာ ၂၀၂၀)။ ၂၁ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ ထန်တလန်မြို့က ကြံ့ခိုင်ဖွံ့ဖြိုးရေး အမတ်ဟောင်း နေအိမ်မှာ ဗုံးပေါက်ကွဲ။ RFA Burmese (၁၂ ဩဂုတ် ၂၀၂၁)။ ၂၁ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ စစ်ကောင်စီအဖွဲ့ဝင် ပူဂင့်ကမ်းလျန်နေရာမှာ ဒေါက်တာမှုထန်ကို အစားထိုးခန့်။ BBC Burmese (၁၈ ဖေဖော်ဝါရီ ၂၀၂၃)။ ၂၁ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ ဦးဝဏ္ဏမောင်လွင်အပါအဝင် လူပုဂ္ဂိုလ်လေးဦးနဲ့ ကုမ္ပဏီနှစ်ခုကို အီးယူ ထပ်တိုးပိတ်ဆို့။ RFA Burmese (၁၁ ဒီဇင်ဘာ ၂၀၂၃)။ ၂၁ ဖေဖော်ဝါရီ ၂၀၂၄ တွင် ပြန်စစ်ပြီး။