မြတ်ကို
ဦးမြတ်ကို | |
|---|---|
| တနင်္သာရီတိုင်းဒေသကြီး ဝန်ကြီးချုပ် | |
တာဝန်ထမ်းဆောင်ဆဲ | |
| တာဝန် စတင် ၁ ဩဂုတ် ၂၀၂၁ | |
| သမ္မတ | ဦးမြင့်ဆွေ (ယာယီ) |
| ဝန်ကြီးချုပ် | မင်းအောင်လှိုင် |
| ယခင်လူ | ဦးမြင့်မောင် |
| တနင်္သာရီတိုင်းဒေသကြီး ဝန်ကြီးချုပ် | |
| တာဝန်သက်တမ်း ဇန်နဝါရီ ၂၇၊ ၂၀၁၂ – မတ် ၃၀၊ ၂၀၁၆ | |
| ခန့်အပ်သူ | မြန်မာနိုင်ငံ၏ သမ္မတ |
| သမ္မတ | ဦးသိန်းစိန် |
| ယခင်လူ | ဦးခင်ဇော် |
| ဆက်ခံသူ | ဒေါ်လဲ့လဲ့မော် |
| တနင်္သာရီတိုင်းဒေသကြီး ဘဏ္ဍာရေးဝန်ကြီး | |
| တာဝန်သက်တမ်း ၂၀၁၁ – မတ် ၃၀၊ ၂၀၁၆ | |
| ယခင်လူ | ရာထူးစတင် |
| တနင်္သာရီတိုင်းဒေသကြီး လွှတ်တော် ကိုယ်စားလှယ် | |
| တာဝန်သက်တမ်း ၂၀၁၁ – မတ် ၃၀၊ ၂၀၁၆ | |
| ယခင်လူ | ရာထူးစတင် |
| မဲဆန္ဒနယ် | ထားဝယ်မြို့နယ် မဲဆန္ဒနယ် ၂ |
| ကိုယ်ရေး အချက်အလက်များ | |
| မွေးဖွား | မြန်မာနိုင်ငံ |
| နိုင်ငံရေးပါတီ | ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ |
| အစိုးရအဖွဲ့ | တနင်္သာရီတိုင်းဒေသကြီး အစိုးရအဖွဲ့ |
ဦးမြတ်ကို သည် လက်ရှိ တနင်္သာရီတိုင်းဒေသကြီး၊ဝန်ကြီးချုပ်ဖြစ်သည်။ထိုတာဝန်ကို စစ်ကောင်စီက ၂၀၂၁ သြဂုတ်လ ၁ရက်နေ့တွင် ခန့်အပ်သည်။ [၁] ၎င်းသည်ထိုတာဝန်မတိုင်မီ တနင်္သာရီတိုင်းဒေသကြီးဝန်ကြီးချုပ်အဖြစ် ၂၀၁၂ ခုနှစ်မှ ၂၀၁၆ ခုနှစ်အထိ တာဝန်ထမ်းဆောင်ခဲ့သူလည်း ဖြစ်သည်။
နိုင်ငံဝန်ထမ်းတာဝန်ထမ်းဆောင်ခြင်း[ပြင်ဆင်ရန်]
ဦးမြတ်ကို သည် တပ်မတော်သားဟောင်းတစ်ဦးဖြစ်သည်။ဗိုလ်မှူးအဆင့်ဖြင့် တပ်မတော်မှ ပြည်ထဲရေးဝန်ကြီးဌာန၊ အထွေထွေအုပ်ချုပ်ရေးဦးစီးဌာန သို့ ကူးပြောင်းလာပြီးနောက် တာဝန်များအဆင့်ဆင့်ထမ်းဆောင်ကာ အဆိုပါအထွေထွေအုပ်ချုပ်ရေးဦးစီးဌာနတွင် ညွှန်ကြားရေးမှူးချုပ်အဆင့်အထိ အမြင့်ဆုံးတာဝန်ထမ်းဆောင်ခဲ့သည်။၎င်းသည် ထိုတာဝန်မှ အငြိမ်းစားယူပြီးသည့်နောက် ၂၀၁၀တွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသို့ ဝင်ရောက်သည်။ အထွေထွေရွေးကောက်ပွဲ ၂၀၁၀မှ တဆင့် နိုင်ငံရေးလောကထဲဝင်ရောက်လာခဲ့သူဖြစ်သည်။[၂] [၃] [၄]
နိုင်ငံရေးထဲပါဝင်လာပုံ[ပြင်ဆင်ရန်]
၂၀၁၀ အထွေထွေ ရွေးကောက်ပွဲတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီကိုယ်စားပြု၍ တနင်္သာရီတိုင်းဒေသကြီး လွှတ်တော်ကိုယ်စားလှယ်နေရာအတွက် ထားဝယ်မြို့နယ် မဲဆန္ဒနယ်အမှတ် ၂ မှ ဝင်ရောက်ယှဉ်ပြိုင်ခဲ့ပြီး အနိုင်ရရှိခဲ့သည်။[၅][၆] တိုင်းဒေသကြီး ဘဏ္ဍာရေးဝန်ကြီးအဖြစ် တာဝန်ထမ်းဆောင်နေစဉ် ၂၀၁၂ ခုနှစ် ဇန်နဝါရီ ၂၇ ရက်နေ့တွင် တိုင်းဒေသကြီး ဝန်ကြီးချုပ်အဖြစ် နိုင်ငံတော်သမ္မတ ဦးသိန်းစိန်က ခန့်အပ်ခဲ့သည်။[၇] ကျန်းမာရေးကြောင့် ဝန်ကြီးချုပ်ရာထူးမှ ၂၀၁၂ ခုနှစ် ဇန်နဝါရီလ ၆ ရက်နေ့တွင် နုတ်ထွက်ခဲ့သူ ဦးခင်ဇော်၏ နေရာတွင် အစားထိုးခန့်အပ်ခဲ့ခြင်း ဖြစ်သည်။[၈]တိုင်းဝန်ကြီးချုပ်တာဝန်ကို ၂၀၁၆ မတ်လ ၃၀ရက်အထိ ထမ်းဆောင်သည်။
၎င်းသည် အထွေထွေရွေးကောက်ပွဲ ၂၀၁၅ နှင့် အထွေထွေရွေးကောက်ပွဲ ၂၀၂၀ တို့တွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီကိုယ်စားပြုပြီး ကိုယ်စားလှယ်လောင်းအဖြစ် ဝင်ပြိုင်ခြင်းရှိခဲ့သော်လည်း ရွေးချယ်မခံရပေ။[၉] [၁၀]
ရရှိသည့်ဆုများ[ပြင်ဆင်ရန်]
စီမံထူးချွန်(ပထမအဆင့်) ၊ သီရိပျံချီ အစရှိသည့် ဘွဲ့များချီးမြှင့်ခံရသည်။ [၁၁]
မိသားစုဘဝ[ပြင်ဆင်ရန်]
အိမ်ထောင်သည်တစ်ဦးဖြစ်ပြီး ၎င်း၏ ဇနီးမှာ ဒေါ်ဧကရီခိုင် ဖြစ်ကာ တက္ကသိုလ်ဆရာမတစ်ဦးဖြစ်သည်။[၁၂]၂၀၁၇ခုနှစ် တွင် ဇနီးဖြစ်သူ ကွယ်လွန်သည်။
ကိုးကား[ပြင်ဆင်ရန်]
- ↑ ပြင်ဆင်ဖွဲ့စည်းခဲ့သည့် ဝန်ကြီးဌာနများအတွက် ပြည်ထောင်စုဝန်ကြီးများနှင့် တိုင်းဒေသကြီး/ ပြည်နယ်ဝန်ကြီးချုပ်များ ခန့်အပ်တာဝန်ပေး။ Eleven Media Group (၁ ဩဂုတ် ၂၀၂၁)။ ၂၅ ဇွန် ၂၀၂၃ တွင် ပြန်စစ်ပြီး။
- ↑ ဝန်ကြီးချုပ်ဟောင်းဦးမြတ်ကိုနှင့်တွေ့ဆုံခြင်း။ Dawei Watch (၄ ဩဂုတ် ၂၀၂၀)။ ၂၆ ဇွန် ၂၀၂၃ တွင် ပြန်စစ်ပြီး။
- ↑ ပြည်ခိုင်ဖြိုးကိုယ်စားပြု အစုလိုက်အပြုံလိုက် ဝင်ပြိုင်ဦးမည့် ဝန်ကြီးဟောင်းများ။ Myanmar Now (၂၅ စက်တင်ဘာ ၂၀၂၀)။ ၂၆ ဇွန် ၂၀၂၃ တွင် ပြန်စစ်ပြီး။
- ↑ ၂၀၁၀ရွေးကောက်ပွဲ တိုင်းဒေသကြီးလွှတ်တော်(သို့)ပြည်နယ်လွှတ်တော်ကိုယ်စားလှယ်အမည်စာရင်းကြေညာခြင်း။ မြန်မာ့အလင်းသတင်းစာ စာမျက်နှာ(၄) (၁၃ နိုဝင်ဘာ ၂၀၁၀)။ ၂၆ ဇွန် ၂၀၂၃ တွင် ပြန်စစ်ပြီး။
- ↑ "Tenasserim Division MPs"၊ Alternative Asean Network on Burma။ 9 July 2015 တွင် ပြန်စစ်ပြီး။ Archived from the original on 1 February 2012။
- ↑ "USDP sweeps speaker posts in local assemblies"၊ Mizzima၊ 1 February 2011။ 9 July 2015 တွင် ပြန်စစ်ပြီး။ Archived from the original on 10 July 2015။
- ↑ "DEMOCRACY CHRONOLOGY - 2012"၊ Alternative Asean Network on Burma။ 17 July 2015 တွင် ပြန်စစ်ပြီး။ Archived from the original on 26 January 2017။
- ↑ "MP U Khin Zaw, former Chief Minister resigns"၊ Mizzima၊ 20 August 2013။ 17 July 2015 တွင် ပြန်စစ်ပြီး။ Archived from the original on 22 July 2015။
- ↑ ပြည်ခိုင်ဖြိုးပါတီ အစိုးရဖွဲ့နိုင်ဖို့ လိုအပ်ကြောင်း ဦးသက်နိုင်ဝင်း ပြောကြား။ RFA Burmese (၂၄ အောက်တိုဘာ ၂၀၁၅)။ ၂၅ ဇွန် ၂၀၂၃ တွင် ပြန်စစ်ပြီး။
- ↑ ကြံ့ခိုင်ရေးပါတီ၏ ကိုယ်စားလှယ်လောင်းစာရင်းတွင် အစိုးရအဖွဲ့ဝင်ဟောင်းအများစု ပြန်ပါ။ Dawei Watch (၄ ဩဂုတ် ၂၀၂၀)။ ၂၅ ဇွန် ၂၀၂၃ တွင် ပြန်စစ်ပြီး။
- ↑ နိုင်ငံတော်သမ္မတရုံး အမိန့်ကြော်ငြာစာအမှတ်၂၄/၂၀၁၆ သီရိပျံချီဘွဲ့အပ်နှင်းခြင်း။ မြန်မာနိုင်ငံတော်ပြန်တမ်း (၁ မတ် ၂၀၁၆)။ ၂၆ ဇွန် ၂၀၂၃ တွင် ပြန်စစ်ပြီး။
- ↑ ဦးမြတ်ကို၏မိခင်နာရေးကြော်ငြာစာ။ မြန်မာ့အလင်းသတင်းစာ (၂၈ရက်စက်တင်ဘာ၂၀၁၂ထုတ်)စာမျက်နှာ-၁၉ (၂၈ စက်တင်ဘာ ၂၀၁၂)။ ၂၆ ဇွန် ၂၀၂၃ တွင် ပြန်စစ်ပြီး။