လူ့ဘောင်သစ်ပါတီ

လူ့ဘောင်သစ်ဒီမိုကရက်တစ်ပါတီ သို့မဟုတ် မြန်မာ့လူ့ဘောင်သစ်ဒီမိုကရက်တစ်ပါတီ  နှင့် မရောထွေးပါနှင့်။

လူ့ဘောင်သစ်ပါတီ
အင်္ဂလိပ် အမည်	New Society Party
အထွေထွေ အတွင်းရေးမှူး	ဦးကျော်လင်း
ဥက္ကဋ္ဌ	ဦးဇေယျ
ဆောင်ပုဒ်	တိုင်းသစ်ပြည်သစ်ထူထောင်မည် ရခိုင်မျိုးချစ်ပါတီ
တည်ထောင်ခြင်း	၃ ဇွန် ၂၀၁၅ (၂၀၁၅-၀၆-၀၃)
ဌာနချုပ်	တာမွေမြို့နယ်၊ ရန်ကုန်တိုင်းဒေသကြီး
အဖွဲ့ဝင်	၂,၀၀၀ ခန့်
အမျိုးသားလွှတ်တော် အမတ်နေရာ	၀ / ၂၂၄
ပြည်သူ့လွှတ်တော် အမတ်နေရာ	၀ / ၄၄၀
ပြည်နယ်နှင့် တိုင်းဒေသကြီး လွှတ်တော်များ	၀ / ၈၈၀
မြန်မာနိုင်ငံ၏ နိုင်ငံရေး နိုင်ငံရေးပါတီများ

လူ့ဘောင်သစ်ပါတီ (အင်္ဂလိပ်: New Society Party) သည် မြန်မာနိုင်ငံရှိ နိုင်ငံရေးပါတီ တစ်ခုဖြစ်သည်။

သမိုင်းကြောင်း

၁၉၈၈ အရေးအခင်းတွင် လူ့အခွင့်အရေးလှုပ်ရှားမှုများ ဆောင်ရွက်ခဲ့သည်။ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်မှ ကျောင်းသားခေါင်းဆောင်များဖြင့် လူ့ဘောင်သစ်ဒီမိုကရက်တစ်ပါတီကို ဖွဲ့စည်းခဲ့သည်။ ၁၉၉၁ တွင် ရွေးကောက်ပွဲကော်မရှင်က ပါတီ၏ တရားဝင်ရပ်တည်မှုကို ပယ်ဖျက်ခဲ့သည်။ ထို့နောက် စစ်ထောက်လှမ်းရေး၏ ဖမ်းဆီးဖိနှိပ်မှုကြောင့် ပါတီဝင်အချို့ ထိုင်း-မြန်မာ နယ်စပ်သို့ တိမ်းရှောင်သွားခဲ့သည်။ ၂၀၁၂ တွင် ထိုင်းနိုင်ငံ မဲဆောက်အခြေစိုက် လူ့ဘောင်သစ်ဒီမိုကရက်တစ်ပါတီသည် အစိုးရနှင့် ငြိမ်းချမ်းရေးညှိနှိုင်းပြီး ၂၀၁၃ တွင် ပြည်တွင်းသို့ ပြန်လည်ဝင်ရောက်လာခဲ့သည်။ ၂၀၁၅ တွင် လူ့ဘောင်သစ်ပါတီကို ပြန်လည်ဖွဲ့စည်းခဲ့သည်။

ပယ်ဖျက်ခြင်း

၂၀၂၃ ခုနှစ် ဇန်နဝါရီ ၂၆ ရက်နေ့တွင် အသစ်ထုတ်ပြန်ခဲ့သည့် နိုင်ငံရေးပါတီများ မှတ်ပုံတင်ခြင်းဥပဒေအရ ပါတီများအား ရက် ၆၀ အတွင်း ပြန်လည်မှတ်ပုံတင်ခိုင်းခဲ့ရာ၊ လူ့ဘောင်သစ်ပါတီ၏ မှတ်ပုံတင်လျှောက်ထားမှုကို စစ်ကောင်စီ၏ ပြည်ထောင်စုရွေးကောက်ပွဲကော်မရှင်က ၂၀၂၄ ဩဂုတ် ၅ ရက်နေ့တွင် ပုဒ်မ ၆ ပါ ပြဋ္ဌာန်းချက်များနှင့် မညီညွတ်ဟုဆိုကာ ပယ်ချခဲ့သည်။