လူ့ဘောင်သစ်ဒီမိုကရက်တစ်ပါတီ

ဝီကီပီးဒီးယား မှ
Jump to navigation Jump to search
လူ့ဘောင်သစ်ဒီမိုကရက်တစ်ပါတီ
အင်္ဂလိပ် အမည်Democratic Party for a New Society
နာယကဦးအောင်မိုးဇော်[၁]
အထွေထွေ အတွင်းရေးမှူးဦးငွေလင်း[၁]
ဒုဥက္ကဋ္ဌဦးမြင့်နိုင်[၁]
တည်ထောင်ခြင်း၈ ဩဂုတ် ၁၉၈၈ (၁၉၈၈-၀၈-၀၈)
ဌာနချုပ်အမှတ် ၂၅၁၊ တတိယထပ်၊ ဆိပ်ကမ်းသာလမ်း (အပေါ်ဘလောက်)၊ ကျောက်တံတားမြို့နယ်ရန်ကုန်မြို့
နိုင်ငံရေး သဘောတရားဒီမိုကရက်တစ် ဆိုရှယ်လစ်စနစ်
နိုင်ငံတကာ မဟာမိတ်Progressive Alliance[၂]
အရောင်အနီ၊ အဝါ
အမျိုးသားလွှတ်တော် အမတ်နေရာ
၀ / ၂၂၄
ပြည်သူ့လွှတ်တော် အမတ်နေရာ
၀ / ၄၄၀
ပြည်နယ်နှင့် တိုင်းဒေသကြီး လွှတ်တော်များ အမတ်နေရာ
၀ / ၈၆၀
ဝက်ဘ်ဆိုဒ်
dpns.org
dpnsburmese.org
ပါတီအလံ
Flag of the DPNS.png
မြန်မာနိုင်ငံ၏ နိုင်ငံရေး
နိုင်ငံရေးပါတီများ

လူ့ဘောင်သစ် ဒီမိုကရက်တစ်ပါတီ၏ လက်ရှိ ဥက္ကဋ္ဌမှာ ဦးအောင်မိုးဇော်ဖြစ်ပြီး ဒု-ဥက္ကဋ္ဌမှာ ဦးယဉ်ထွေးနှင့် အထွေထွေအတွင်းရေးမှူးမှာ ဦးခင်မောင်တင့် ဖြစ်သည်။ လွတ်မြောက်နယ်မြေတွင် ကျင်းပသည့် လူ့ဘောင်သစ်ဒီမိုကရက်တစ်ပါတီ၏ ဗဟိုကော်မတီ အစည်းအဝေးတွင် ဥက္ကဋ္ဌ ဦးအောင်မိုးဇော်၊ ဒု-ဥက္ကဋ္ဌ ဦးယဉ်ထွေးနှင့် အထွေထွေအတွင်းရေးမှူးအဖြစ် ဦးခင်မောင်တင့် အပါအဝင် (၈) ဦးပါ ဗဟိုဦးဆောင် ကော်မတီကို ပြန်လည်စုစည်းခဲ့ကြသည်။

လူ့ဘောင်သစ်ဒီမိုကရက်တစ်ပါတီ၏ ဗဟိုကော်မတီအထူးအစည်းဝေးကို ၂၀၀၉ ဇူလိုင် လ (၂၀) ရက်မှ (၂၄) ရက်အထိ ကျင်းပခဲ့ပြီး ဗဟိုဦးဆောင်ကော်မတီ ဖွဲ့စည်းခြင်းနှင့် ပါတီဖွဲ့စည်းပုံစည်းမျဉ်းတွင် ပြဋ္ဌာန်းချက်အတိုင်း ဆောင်ရွက်နိုင်ခြင်းမရှိခဲ့သည့် လုပ်ငန်းစဉ်များကို ပြန်လည်ဆောင်ရွက်နိုင်ရန် ပြည်ပတွင်ရှိသည့်ပါတီဝင်များနှင့် ဆက်စပ်ရေးအပြင် ပါတီဝင်မျိုးဆက်သစ် စည်းရုံးသိမ်းသွင်း လေ့ကျင့်တည်ဆောက်ရေးအတွက် အစည်းဝေးတွင် အတည်ပြုဆုံးဖြတ်ခဲ့ကြသည်။လူ့ဘောင်သစ်ဒီမိုကရက်တစ်ပါတီ၏ မဟာမိတ်ပါတီမှာ အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) ဖြစ်သည်။

တည်ထောင်ခြင်း[ပြင်ဆင်ရန်]

လူ့ဘောင်သစ်ဒီမိုကရက်တစ်ပါတီကို ၁၉၈၈ ခုနှစ်၊ အောက်တိုဘာလ (၁၄) ရက်နေ့တွင် ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် အထွေထွေအတွင်းရေးမှူး ရဲဘော် မိုးသီးဇွန်က ဦးဆောင်၍ တော်လှန်သော ပါတီတရပ်အဖြစ် တရားဝင် ကြေညာရပ်တည်ခဲ့သည်။

ပထမဦးဆုံး ဗဟိုအလုပ်အမှုဆောင်အဖွဲ့မှာ[ပြင်ဆင်ရန်]

  1. ရဲဘော် မိုးသီးဇွန် (ဥက္ကဋ္ဌ)
  2. ရဲဘော် သက်ထွန်း (ဒုတိယ ဥက္ကဋ္ဌ)
  3. ရဲဘော် မိုးဟိန်း (အထွေထွေအတွင်းရေးမှူး)
  4. ရဲဘော် ရဲနိုင်အောင် (တွဲဖက်အတွင်းရေးမှူး)
  5. ရဲဘော် ဂျင်မီ (ခ) ကျော်မင်းယု (စည်းရုံးရေးကော်မတီ)
  6. ရဲဘော် ယဉ်ထွေး (စီမံ/စည်းကမ်း ကော်မတီ)
  7. ရဲဘော် ဝင်းမြင့်အောင် (သတင်းနှင့်ပြန်ကြားရေးကော်မတီ)
  8. ရဲဘော် တင်ထွန်းလှိုင် (ဘဏ္ဍာရေးကော်မတီ)

ရည်ရွယ်ချက်များ[ပြင်ဆင်ရန်]

ပါတီကို စတင်ထူထောင်သည့်ကာလတွင် အောက်ပါရည်ရွယ်ချက် (၃) ရပ်ကို ချမှတ် အကောင်အထည်ဖော်ခဲ့သည်။

  • ပြည်သူတို့အာဏာ ပြည်သူတို့ ထာဝစဉ်ပိုင်စိုးရေးအတွက် ပြည်သူကို ဖိနှိပ်သော အာဏာရှင်စနစ်များ မြန်မာပြည်မြေပေါ်မှသာမက ကမ္ဘာ့မြေပေါ်မှပါ အပြီးတိုင် ချုပ်ငြိမ်းပျောက်ကွယ် စေရန်။
  • ပြည်သူလူထု အကျိုးစီးပွားအတွက် စစ်မှန်သော ဒီမိုကရေစီနှင့် လူ့အခွင့်အရေးများ အပြည့်အဝ ရှင်သန်လာစေရန်။
  • ရည်ရွယ်ချက်တူ၊ လုပ်ငန်းတူ အသင်းအဖွဲ့များ၊ ပါတီများ စုစည်း၍ အမျိုးသားထု တစ်ရပ်လုံးကို ကိုယ်စားပြု အသွင်ဆောင်သည့် ကြီးမားကျယ်ပြန့်သော တပ်ပေါင်းစုကြီးတစ်ရပ် ပေါ်ထွန်းလာစေရန်။

လက်ရှိ ပါတီဗဟိုဦးဆောင်အဖွဲ့[ပြင်ဆင်ရန်]

  1. ရဲဘော် အောင်မိုးဇော် ဥက္ကဋ္ဌ
  2. ရဲဘော် ယဉ်ထွေး ဒုတိယ ဥက္ကဋ္ဌ
  3. ရဲဘော် ခင်မောင်တင့် အထွေထွေအတွင်းရေးမှူး
  4. ရဲဘော် ငွေလင်း တွဲဘက်အထွေထွေအတွင်းရေးမှူး
  5. ရဲဘော် မင်းလွင် ဗဟိုဦးဆောင်ကော်မတီဝင်
  6. ရဲဘော် ထွဋ်ဦးလှိုင် ။
  7. ရဲဘော် ဇော်ဇော်ထွန်း ။
  8. ရဲဘော် တိုးတိုးထွန်း ။

လူ့ဘောင်သစ်ကျောင်း[ပြင်ဆင်ရန်]

ထိုင်းနိုင်ငံ၊ မဲဆောက်မြို့သို့ ရောက်ရှိလာကြသော မြန်မာနိုင်ငံသား ရွှေ့ပြောင်းအလုပ်သမား များ၏ သားသမီးငယ်ရွယ်များ မူလတန်းပညာ သင်ကြားတတ်မြောက်စေရန် ရည်ရွယ်၍ ဖွင့်လှစ်ထားသော မူလတန်းကျောင်းကလေးတစ်ကျောင်း ဖြစ်သည်။

၂၀ဝ၂ ခုနှစ်က စတင်ဖွင့်လှစ်ခဲ့ပြီး ကျောင်း၏ စီမံအုပ်ချုပ်မှုကိစ္စအဝဝကို လူ့ဘောင်သစ် ဒီမိုကရက်တစ်ပါတီ၊ အမျိုးသမီးရေးရာလုပ်ငန်းအဖွဲ့က တာဝန်ယူဆောင်ရွက်နေခြင်းဖြစ်သည်။

ကျောင်းသားကျောင်းသူ စုစုပေါင်း (၇၁) ဦးရှိသည်။ သူငယ်တန်းမှ စတုတ္ထတန်းအထိ ပညာသင်ကြားပေးလျက်ရှိသည်။ ဆရာ၊ ဆရာမ စုစုပေါင်း (၄)ယောက်ရှိသည်။ ကျောင်း၏ ကုန်ကျစရိတ်များကို ထိုင်းနိုင်ငံပြင်ပသို့ ရောက်ရှိနေကြသော စေတနာရှင်များ ၏ လှူဒါန်းငွေများကို အဓိကထား၍ လည်ပတ်နေရခြင်းဖြစ်သည်။

ပြင်ပ လင့်ခ်များ[ပြင်ဆင်ရန်]

  • မြန်မာဘာသာဖြင့် [၁]
  • အင်္ဂလိပ်ဘာသာဖြင့် [၂]

ကိုးကား[ပြင်ဆင်ရန်]