ခေတ်သစ်ပြည်သူ့ပါတီ

ခေတ်သစ်ပြည်သူ့ပါတီ
အင်္ဂလိပ် အမည်	Modern People Party
ဥက္ကဋ္ဌ	ဦးထွန်းအောင်ကျော်
ဌာနချုပ်	ကမာရွတ်မြို့နယ်၊ ရန်ကုန်တိုင်းဒေသကြီး
မှတ်ပုံတင်အမှတ်	၄၁
မြန်မာနိုင်ငံ၏ နိုင်ငံရေး နိုင်ငံရေးပါတီများ

ခေတ်သစ်ပြည်သူ့ပါတီ (အင်္ဂလိပ်: Modern People Party)သည် ၂၀၁၀ ခုနှစ်တွင် စတင်ပေါ်ပေါက်လာသော ရန်ကုန်တိုင်းဒေသကြီး အခြေစိုက် နိုင်ငံရေးပါတီတစ်ခု ဖြစ်သည်။ ပါတီဥက္ကဋ္ဌမှာ ဦးထွန်းအောင်ကျော် ဖြစ်သည်။

ပါတီမှတ်ပုံတင်ခြင်း

အသစ်ပြဋ္ဌာန်းလိုက်သည့် ဥပဒေအရ ပြန်လည်မှတ်ပုံတင်ကြရန် ရွေးကောက်ပွဲကော်မရှင်က ကြေညာခဲ့ပြီးနောက် ၂၀၂၃ ခုနှစ် နိုင်ငံရေးပါတီများ မှတ်ပုံတင်ခြင်းနည်းဥပဒေအရ ပြည်ထောင်စုရွေးကောက်ပွဲကော်မရှင်သို့ မှတ်ပုံတင်ခဲ့ရာ ၂၀၂၃ ခုနှစ်၊ နိုဝင်ဘာလ ၂၀ ရက်နေ့တွင် မှတ်ပုံတင်အမှတ် (၄၁) ဖြင့် ခွင့်ပြုခဲ့သည်။

အခန်း(၁၀၁)၊ တိုက်(၁၀၀/၁၀၁)၊ အောင်သုခလမ်း၊ (၅)ရပ်ကွက်၊ ကမာရွတ်မြို့နယ်၊ ရန်ကုန်တိုင်းဒေသကြီးတွင် ပါတီရုံးချုပ် ဖွင့်ထားသည်။

ရွေးကောက်ပွဲဝင်ပြိုင်မှု

၂၀၁၅

ခေတ်သစ်ပြည်သူ့ပါတီသည် ၂၀၁၅ ခုနှစ်၊ အထွထွေ ရွေးကောက်ပွဲတွင် ပြည်သူ့လွှတ်တော် (၂) နေရာ၊ ပဲခူးတိုင်းဒေသကြီးလွှတ်တော်တွင် (၂) နေရာ၊ ရန်ကုန်တိုင်းဒေသကြီးလွှတ်တော်တွင် (၅) နေရာ ဝင်ပြိုင်ခဲ့သော်လည်း တစ်နေရာမှ မရရှိခဲ့ပေ။