ပြည်ထောင်စုကောင်းကျိုးဆောင်ပါတီ

ပြည်ထောင်စု ကောင်းကျိုးဆောင်ပါတီ
နာယက	သူရဦးရွှေမန်း
တည်ထောင်ခြင်း	၂၅ ဧပြီ ၂၀၁၉ (၂၀၁၉-၀၄-၂၅)
ဖျက်သိမ်းခြင်း	၂၇အောက်တိုဘာ၂၀၂၂
ဌာနချုပ်	ရာဇသင်္ဂဟလမ်း ပုဗ္ဗသီရိမြို့နယ်၊ နေပြည်တော်
အဖွဲ့ဝင်	၅၀၀၀၀၀ +
အမျိုးသားလွှတ်တော် အမတ်နေရာ	၀ / ၂၂၄
ပြည်သူ့လွှတ်တော် အမတ်နေရာ	၀ / ၄၄၀
ဝက်ဘ်ဆိုဒ်
ubp.org.mm
မြန်မာနိုင်ငံ၏ နိုင်ငံရေး နိုင်ငံရေးပါတီများ

ပြည်ထောင်စုကောင်းကျိုးဆောင်ပါတီ (အင်္ဂလိပ်: Union Betterment Party) UBP သည် မြန်မာနိုင်ငံရှိ နိုင်ငံရေးပါတီတစ်ခု ဖြစ်သည်။ သူရဦးရွှေမန်း ဦးဆောင်တည်ထောင်သည့် ပါတီဖြစ်သည်။

သမိုင်းကြောင်း

ပါတီကို ၂၀၁၉ ခုနှစ် ဧပြီလ ၈ ရက်နေ့တွင် စတင် တည်ထောင်ခွင့် ‌ လျှောက်ထားခဲ့ရာ ၂၀၁၉ ခုနှစ် ဧပြီလ ၂၅ ရက်နေ့တွင်တွင် တရားဝင် ဖွဲ့စည်းတည်ထောင်ခွင့်ရသည်။

အထွေထွေရွေးကောက်ပွဲ ၂၀၂၀ တွင် မြို့နယ်ပေါင်း (၂၆၁) မြို့နယ်မှနေ၍ ကိုယ်စားလှယ်ပေါင်း (၉၂၇)ဦးဖြင့် ဝင်ရောက်ယှဉ်ပြိုင်ခဲ့သည်။ ထိုရွေးကောက်ပွဲသို့ ပါတီဥက္ကဋ္ဌ ဖြစ်သူ သူရဦး ရွှေမန်း ဝင်ပြိုင်ခြင်းမပြုခဲ့ဘဲ၊ဝင်ရောက်ယှဉ်ပြိုင်သူ အကုန်လုံးမှာလည်း ရွေးကောက်ပွဲတွင် နေရာတစ်နေရာမှ ရွေးကောက်တင်မြှောက်မှုကို မခံရပေ။

ပြည်ထောင်စုကောင်းကျိုးဆောင်ပါတီသည် စစ်ကောင်စီလက်ထက်ပြန်လည် ဖွဲ့စည်းခဲ့သော ပြည်ထောင်စုရွေးကောက်ပွဲကော်မရှင် အသစ်၏ စစ်ဆေးမှုကို ခံယူခဲ့သေးသည်။

ပါတီဖျက်သိမ်းခြင်း

၂၀၂၂ ခုနှစ် အောက်တိုဘာလ ၁၁ ရက်နေ့တွင်  ပါတီအား ဗဟိုအလုပ်မှုဆောင်များ၏ ဆုံးဖြတ်ချက်ဖြင့် ဖျက်သိမ်းခဲ့သည်။  အတည်ပြုပေးရန် ပြည်ထောင်စုရွေးကောက်ပွဲကော်မရှင်ထံသို့ လည်း တင်ပြကြသည်။

ပါတီဦးဆောင် လူကြီးများ၏ အသက်အရွယ်၊လှုပ်ရှားသွားလာနိုင်မှု၊ဆက်လုပ်လုပ်ကိုင်လိုခြင်းမရှိတော့သည့် အခြေအနေ ကြောင့် ပါတီဖျက်သိမ်းလိုက်ရသည်ဟု အကြောင်းပြချက်ပေးကြသည်။

ပြည်ထောင်စုရွေးကောက်ပွဲကော်မရှင် သည် ပြည်ထောင်စုကောင်းကျိုးဆောင်ပါတီအား ၂၀၂၂ခုနှစ် အောက်တိုဘာ ၂၇ရက်ကစပြီး နိုင်ငံရေးပါတီအဖြစ်မှတ်ပုံတင်ခြင်းမှ ပယ်ဖျက်၍ ပါတီအား ဖျက်သိမ်းသည်။

ပြင်ပလင့်ခ်များ

• တရားဝင် ဝက်ဘ်ဆိုဒ်
• ဖေ့စ်ဘွတ်ခ် ပေါ်ရှိ ပြည်ထောင်စုကောင်းကျိုးဆောင်ပါတီ
• တွစ်တာပေါ်ရှိ ပြည်ထောင်စုကောင်းကျိုးဆောင်ပါတီ