ပြည်ထောင်စုကောင်းကျိုးဆောင်ပါတီ
| ပြည်ထောင်စု ကောင်းကျိုးဆောင်ပါတီ | |
|---|---|
| နာယက | သူရဦးရွှေမန်း |
| တည်ထောင်ခြင်း | ၂၅ ဧပြီ ၂၀၁၉ |
| ဖျက်သိမ်းခြင်း | ၂၇အောက်တိုဘာ၂၀၂၂ |
| ဌာနချုပ် | ရာဇသင်္ဂဟလမ်း ပုဗ္ဗသီရိမြို့နယ်၊ နေပြည်တော် |
| အဖွဲ့ဝင် | ၅၀၀၀၀၀ +[၁] |
| အမျိုးသားလွှတ်တော် အမတ်နေရာ | ၀ / ၂၂၄
|
| ပြည်သူ့လွှတ်တော် အမတ်နေရာ | ၀ / ၄၄၀
|
| ဝက်ဘ်ဆိုဒ် | |
| ubp.org.mm | |
| မြန်မာနိုင်ငံ၏ နိုင်ငံရေး နိုင်ငံရေးပါတီများ | |
ပြည်ထောင်စုကောင်းကျိုးဆောင်ပါတီ (အင်္ဂလိပ်: Union Betterment Party) UBP သည် မြန်မာနိုင်ငံရှိ နိုင်ငံရေးပါတီတစ်ခု ဖြစ်သည်။ သူရဦးရွှေမန်း ဦးဆောင်တည်ထောင်သည့် ပါတီဖြစ်သည်။
သမိုင်းကြောင်း
[ပြင်ဆင်ရန်]ပါတီကို ၂၀၁၉ ခုနှစ် ဧပြီလ ၈ ရက်နေ့တွင် စတင် တည်ထောင်ခွင့် လျှောက်ထားခဲ့ရာ[၂] ၂၀၁၉ ခုနှစ် ဧပြီလ ၂၅ ရက်နေ့တွင်တွင် တရားဝင် ဖွဲ့စည်းတည်ထောင်ခွင့်ရသည်။
အထွေထွေရွေးကောက်ပွဲ ၂၀၂၀ တွင် မြို့နယ်ပေါင်း (၂၆၁) မြို့နယ်မှနေ၍ ကိုယ်စားလှယ်ပေါင်း (၉၂၇)ဦးဖြင့် ဝင်ရောက်ယှဉ်ပြိုင်ခဲ့သည်။[၃] ထိုရွေးကောက်ပွဲသို့ ပါတီဥက္ကဋ္ဌ ဖြစ်သူ သူရဦး ရွှေမန်း ဝင်ပြိုင်ခြင်းမပြုခဲ့ဘဲ[၄]၊ဝင်ရောက်ယှဉ်ပြိုင်သူ အကုန်လုံးမှာလည်း ရွေးကောက်ပွဲတွင် နေရာတစ်နေရာမှ ရွေးကောက်တင်မြှောက်မှုကို မခံရပေ။
ပြည်ထောင်စုကောင်းကျိုးဆောင်ပါတီသည် စစ်ကောင်စီလက်ထက်ပြန်လည် ဖွဲ့စည်းခဲ့သော ပြည်ထောင်စုရွေးကောက်ပွဲကော်မရှင် အသစ်၏ စစ်ဆေးမှုကို ခံယူခဲ့သေးသည်။
ပါတီဖျက်သိမ်းခြင်း
[ပြင်ဆင်ရန်]၂၀၂၂ ခုနှစ် အောက်တိုဘာလ ၁၁ ရက်နေ့တွင် ပါတီအား ဗဟိုအလုပ်မှုဆောင်များ၏ ဆုံးဖြတ်ချက်ဖြင့် ဖျက်သိမ်းခဲ့သည်။[၅] အတည်ပြုပေးရန် ပြည်ထောင်စုရွေးကောက်ပွဲကော်မရှင်ထံသို့ လည်း တင်ပြကြသည်။
ပါတီဦးဆောင် လူကြီးများ၏ အသက်အရွယ်၊လှုပ်ရှားသွားလာနိုင်မှု၊ဆက်လုပ်လုပ်ကိုင်လိုခြင်းမရှိတော့သည့် အခြေအနေ ကြောင့် ပါတီဖျက်သိမ်းလိုက်ရသည်ဟု အကြောင်းပြချက်ပေးကြသည်။[၆]
ပြည်ထောင်စုရွေးကောက်ပွဲကော်မရှင် သည် ပြည်ထောင်စုကောင်းကျိုးဆောင်ပါတီအား ၂၀၂၂ခုနှစ် အောက်တိုဘာ ၂၇ရက်ကစပြီး နိုင်ငံရေးပါတီအဖြစ်မှတ်ပုံတင်ခြင်းမှ ပယ်ဖျက်၍ ပါတီအား ဖျက်သိမ်းသည်။ [၇] [၈]
ကိုးကား
[ပြင်ဆင်ရန်]- ↑ Nant Khaing (၄ ဇန်နဝါရီ ၂၀၂၀)။ UBP party claims they will win 50% of all constituencies in 2020 elections။ Mizzima။ 8 April 2020 တွင် မူရင်းအား မော်ကွန်းတင်ပြီး။ ၈ ဧပြီ ၂၀၂၀ တွင် ပြန်စစ်ပြီး။
- ↑ ထူးသန့် (၈ ဧပြီ ၂၀၁၉)။ တိုင်းဒေသကြီးများတွင် အဓိကယှဉ်ပြိုင်သွားမည်ဟု သူရဦးရွှေမန်းဆို။ မြန်မာတိုင်း(မ်)။ 3 March 2020 တွင် မူရင်းအား မော်ကွန်းတင်ပြီး။ ၃ မတ် ၂၀၂၀ တွင် ပြန်စစ်ပြီး။
- ↑ သူရဦးရွှေမန်းပါတီ ရွေးကောက်ပွဲအတွက် ကျပ်သန်းထောင်ချီသုံးစွဲမည်။
- ↑ သူရဦးရွှေမန်း ရွေးကောက်ပွဲဝင်မပြိုင်တော့။
- ↑ သူရဦးရွှေမန်းရဲ့ ပြည်ထောင်စုကောင်းကျိုးဆောင်ပါတီ ဖျက်သိမ်း။
- ↑ UBP ပါတီကို ဖျက်သိမ်းရန် တင်ပြထားကြောင်း သူရဦးရွှေမန်း ပြော။
- ↑ ပြည်ထောင်စု ကောင်းကျိုးဆောင်ပါတီကို ဖျက်သိမ်းခွင့်ပြုပြီဟု ကော်မရှင်ထုတ်ပြန်။
- ↑ သူရဦးရွှေမန်းဦးဆောင်သော ပြည်ထောင်စုကောင်းကျိုးဆောင်ပါတီက ပါတီဖျက်သိမ်းရန်တင်ပြမှုအပေါ် အတည်ပြု၍ ပါတီမှတ်ပုံတင်ခွင့်ပြုထားခြင်းကို ဖျက်သိမ်းကြောင်း UEC ကြေညာ။
ပြင်ပလင့်ခ်များ
[ပြင်ဆင်ရန်]- တရားဝင် ဝက်ဘ်ဆိုဒ်
ဖေ့စ်ဘွတ်ခ် ပေါ်ရှိ ပြည်ထောင်စုကောင်းကျိုးဆောင်ပါတီ
တွစ်တာပေါ်ရှိ ပြည်ထောင်စုကောင်းကျိုးဆောင်ပါတီ
