ခမီ အမျိုးသားဖွံ့ဖြိုးတိုးတက်ရေးပါတီ

ခမီအမျိုးသားဖွံ့ဖြိုးတိုးတက်ရေးပါတီ
ဥက္ကဋ္ဌ	ဦးစိန်လှကျော်
တည်ထောင်ခြင်း	မေ ၅၊ ၂၀၂၃ (၂၀၂၃-၀၅-05)
ဌာနချုပ်	စစ်တွေမြို့၊ ရခိုင်ပြည်နယ်
မှတ်ပုံတင်အမှတ်	၁၃
မြန်မာနိုင်ငံ၏ နိုင်ငံရေး နိုင်ငံရေးပါတီများ

ခမီအမျိုးသားဖွံ့ဖြိုးတိုးတက်ရေးပါတီ (အင်္ဂလိပ်: Kha Mee National Development Party) သည် ၂၀၁၀ ခုနှစ်တွင် စတင်ပေါ်ပေါက်လာသော ရခိုင်ပြည်နယ်အခြေစိုက် နိုင်ငံရေးပါတီတစ်ခု ဖြစ်သည်။ ပါတီဥက္ကဋ္ဌမှာ ဦးစိန်လှကျော် ဖြစ်သည်။

ပါတီမူဝါဒ

ခမီကဲ့သို့ လူနည်းစု တိုင်းရင်သားများ၏ အခွင့်အရေး ပိုမိုရရှိရေး။ ခမီတိုင်းရင်းသားများ၏ လူနေမူဘဝ ပိုမိုမြှင့်တင်တိုးတက်ရေး။

ပါတီမှတ်ပုံတင်ခြင်း

အသစ်ပြဋ္ဌာန်းလိုက်သည့် ဥပဒေအရ ပြန်လည်မှတ်ပုံတင်ကြရန် ရွေးကောက်ပွဲကော်မရှင်က ကြေညာခဲ့ပြီးနောက် ၂၀၂၃ ခုနှစ် နိုင်ငံရေးပါတီများ မှတ်ပုံတင်ခြင်းနည်းဥပဒေအရ ပြည်ထောင်စုရွေးကောက်ပွဲကော်မရှင်သို့ မှတ်ပုံတင်ခဲ့ရာ ၂၀၂၃ ခုနှစ်၊ မေလ ၅ ရက်နေ့တွင် မှတ်ပုံတင်အမှတ် (၁၃) ဖြင့် ခွင့်ပြုခဲ့သည်။

ရခိုင်ပြည်နယ်၊ စစ်တွေမြို့၊ အကွက် (၁)၊ ဆင်ကူးလမ်း၊ အမှတ် (၁၁၄)တွင် ပါတီရုံးချုပ် ဖွင့်လှစ်ထားသည်။

ရွေးကောက်ပွဲဝင်ပြိုင်မှု

၂၀၁၅

ခမီအမျိုးသားဖွံ့ဖြိုးတိုးတက်ရေးပါတီသည် ၂၀၁၅ ခုနှစ်၊ ရွေးကောက်ပွဲတွင် ပြည်သူ့လွှတ်တော် (၂) နေရာနှင့် ရခိုင်ပြည်နယ်လွှတ်တော် (၃) နေရာတွင် ဝင်ပြိုင်ခဲ့သည်။​ နေရာရရှိမှု မရှိခဲ့ပေ။

၂၀၂၀

ခမီအမျိုးသားဖွံ့ဖြိုးတိုးတက်ရေးပါတီသည် ၂၀၂၀ ခုနှစ်၊ ရွေးကောက်ပွဲတွင် ရခိုင်ပြည်နယ် မြောက်ပိုင်း မြို့နယ် သုံးမြို့နယ်၌ အမျိုးသားလွှတ်တော် ၁ နေရာ၊ ပြည်သူ့လွှတ်တော် ၁ နေရာနှင့် ပြည်နယ်လွှတ်တော် (အမှတ် ၁) ၁ နေရာ စုစုပေါင်း သုံးနေရာ ဝင်ရောက်ယှဉ်ပြိုင်ခဲ့သည်။ ယှဉ်ပြိုင်ခဲ့သော ကိုယ်စားလှယ်လောင်းများမှာ မြောက်ဦးမြို့နယ် အမျိုးသားလွှတ်တော်မဲဆန္ဒနယ်အတွက် ဦးဖြူထွန်း၊ ကျောက်တော်မြို့နယ် ပြည်သူ့လွှတ်တော်မဲဆန္ဒနယ်အတွက် ဦးထွန်းလှကျော် နှင့် ဘူးသီးတောင်မြို့နယ် ပြည်နယ်လွှတ်တော်မဲဆန္ဒနယ် အမှတ်(၁)အတွက် ဦးကံစိန် တို့ ဖြစ်ကြပါသည်။ အနိုင်မရခဲ့ပေ။