ရွှေမန်း၊ ဦး

ဝီကီပီးဒီးယား မှ
ဤနေရာသို့သွားရန် - အ​ညွှန်း​, ရှာဖွေရန်
သူရ
ရွှေမန်း
Shwe Mann.jpg
ပထမအကြိမ် ပြည်သူ့လွှတ်တော် ဥက္ကဋ္ဌ
တာဝန်သက်တမ်း
၃၁ ဇန်နဝါရီ ၂၀၁၁ – ၂၉ ဇန်နဝါရီ ၂၀၁၆
သမ္မတ ဦးသိန်းစိန်
လက်ထောက် ဦးနန္ဒကျော်စွာ
ယခင်လူ ရာထူးစတင်
ဆက်ခံသူ ဦးဝင်းမြင့်
ပြည်သူ့လွှတ်တော် အမတ်
ဇေယျာသီရိမြို့နယ်
တာဝန်သက်တမ်း
၃၁ ဇန်နဝါရီ ၂၀၁၁ – ၂၉ ဇန်နဝါရီ ၂၀၁၆
ယခင်လူ ရာထူးစတင်
ဆက်ခံသူ လှဌေးဝင်း
ကိုယ်ရေး အချက်အလက်များ
မွေးဖွား (1947-07-11) ၁၁ ဇူလိုင်၊ ၁၉၄၇ (အသက် ၆၉)
ကညွတ်ကွင်းမြို့ဗြိတိသျှဘားမား
နိုင်ငံရေးပါတီ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ
ကြင်ဖော် ဒေါ်ခင်လေးသက်
သားသမီး တိုးနိုင်မန်း
အောင်သက်မန်း
မိခင်ကျောင်း စစ်တက္ကသိုလ်
ကိုးကွယ်သည့်ဘာသာ ထေရဝါဒ ဗုဒ္ဓဘာသာ
စစ်မှုထမ်းခြင်း
သစ္စာခံနိုင်ငံ မြန်မာနိုင်ငံ မြန်မာနိုင်ငံ
တပ်/တပ်ဖွဲ့ခွဲ တပ်မတော်
အမှုထမ်းကာလ ၁၉၆၉–၂၀၁၀
ရာထူး ဗိုလ်ချုပ်ကြီး

သူရရွှေမန်း (၁၁ ဇူလိုင် ၁၉၄၇ မွေးဖွား) သည် ဗိုလ်ချုပ်ကြီးဟောင်းတစ်ဦးဖြစ်ပြီး ပြည်သူ့လွှတ်တော် ဥက္ကဋ္ဌအဖြစ် ၃၁ ဇန်နဝါရီ ၂၀၁၁ မှ ၂၉ ဇန်နဝါရီ ၂၀၁၆ အထိတာဝန်ထမ်းဆာင်ခဲ့သူ ဖြစ်သည်။ ယခင် စစ်အစိုးရလက်ထက်က ဒု-ကာကွယ်ရေးဦးစီးချုပ်၊ ညှိနိုင်းကွပ်ကဲရေးမှူး (ကြည်း၊ ရေ၊ လေ) ဖြစ်သည်။ ၁၉၄၇ ခုနှစ် ဇူလိုင်လ ၁၁ ရက်နေ့တွင် မွေးဖွားခဲ့သည်။ ဒေါ်ခင်လေးသက် [၁] နှင့် အိမ်ထောင်ကျခဲ့ပြီး သားသုံးယောက်(အောင်သက်မန်း[၁][၂][၃]၊ တိုးနိုင်မန်း[၁]၊ ..... ) ထွန်းကားခဲ့သည်။

၂၀၁၀ မတိုင်ခင်[ပြင်​ဆင်​ရန်​]

ယခင်က နိုင်ငံတော် အေးချမ်းသာယာရေး နှင့် ဖွံ့ဖြိုးရေးကောင်စီ (နအဖ) အစိုးရ အဖွဲ့တွင်အာဏာအရ အဆင့် ၃ ရှိသူဖြစ်ပြီး ဒုတိယ ကာကွယ်ရေး ဦးစီးချုပ် ရာထူး ရယူထားသူလည်း ဖြစ်သည်။ ၂၀၀၁ ခုနှစ်နိုဝင်ဘာလတွင် တပ်မတော် ကြည်း၊ ရေ၊ လေ ညှိနှိုင်း ကွပ်ကဲရေးမှူး ရာထူး ရရှိလာသည့် အချိန်မှ စတင်ပြီး နအဖ အစိုးရအဖွဲ့ထဲတွင် အာဏာရှိသူ တစ်ဦးအဖြစ်သို့ ရောက်လာခဲ့သည်။ မြန်မာနိုင်ငံတွင် နကိုကတည်းက ကြည်း၊ ရေ၊ လေတပ် အသီးသီးတွင် ကာကွယ်ရေး ဦးစီးချုပ်တစ်ဦးစီ ရှိပြီးဖြစ်သော်လည်း ဗိုလ်ချုပ်ကြီး သူရရွှေမန်းအတွက် ရာထူး အသစ်ရှာဖွေ ခန့်အပ်ခဲ့ခြင်း ဖြစ်သည်။ အဆိုပါ ရာထူးရရှိပြီးနောက်တွင် အထူးစစ်ဆင်ရေးမှူးများ နှင့် ရန်ကုန်စစ်တိုင်းမှူးတို့က သူ့ထံ တိုက်ရိုက် အစီရင်ခံကြရသည်။

၂၀၁၀ ခုနှဏ် အစိုးရအသစ် ပြောင်းလဲဖွဲ့စည်းပြီးနောက် ၂၀၁၁ ခုနှစ် ဇန်နဝါရီလ ၃၁ ရက်နေ့တွင် ပြည်သူ့လွှတ်တော်၏ ဥက္ကဌ ဖြစ်လာခဲ့သည်။

စစ်အရာရှိဘဝ[ပြင်​ဆင်​ရန်​]

၁၉၆၆ ခုနှစ်တွင် DSA အမှတ်စဉ် (၁၁)၊ ဗိုလ်လောင်းအမှတ် (၆၇၂) ၊ ဗိုလ်လောင်းသင်တန်းတက်ရောက်ခဲ့သည်။ ၁၉၆၉ ခုနှစ်တွင် မေမြို့ စစ်တက္ကသိုလ်မှ ဘွဲ့ရရှိခဲ့သည်။ သူနှင့် အတူတပြိုင်ထဲ ဘွဲ့ရသူများ အနက် ယခင် ထောက်လှမ်းရေး ဌာနကြီးမှူးဟောင်း ဗိုလ်မှူးချုပ် ကျော်သိန်း၊ ယခု ပြန်ကြားရေး ဝန်ကြီးဖြစ်သူ အငြိမ်းစား ဗိုလ်မှူးချုပ် ကျော်ဆန်းနှင့် သမ္မတ ရုံးဝန်ကြီး ဦးစိုးသိန်း တို့ပါဝင်သည်။ အရာရှိဘဝမှ တဖြည်းဖြည်းနှင့် ဗိုလ်ကြီး ရာထူးသို့ မြင့်တက်လာပြီးနောက် ၁၉၈၈ ခုနှစ်တွင် ဗိုလ်မှူး အဆင့်သို့ ရောက်ရှိလာခဲ့သည်။ ၁၉၈၉ ခုနှစ် ကေအန်ယူ တပ်များအား ကရင်ပြည်နယ်တွင် ထိုးစစ်ဆင်ရာတွင် “သူရ”ဘွဲ့ကို ရရှိခဲ့သည်။ ကရင်ပြည်နယ်သို့ တပ်ရင်းမှူး ဘဝဖြင့် ရောက်ရှိခဲ့ပြီးနောက် ၁၉၉၁ ခုနှစ်တွင် ပြည်မြို့ အခြေစိုက် တပ်မ ၆၆ တွင်ဗျူဟာမှူး ဖြစ်လာခဲ့သည်။ ၁၉၉၆ ခုနှစ်မှာ ဗိုလ်မှူးချုပ် ရာထူးသို့ တိုးမြှင့်ပေးခံခဲ့ရကာ ထောက်ကြံ့ရှိ စစ်အစိုးရ အရာရှိကြီးများ၏ လုံခြုံရေးကိုတာဝန်ယူရသည့် ခြေလျင်တပ်ကို တာဝန်ယူခဲ့ရသည်။ အဲဒီနောက် တစ်နှစ် အကြာမှာ ပုသိမ် အခြေစိုက် အနောက်တောင်တိုင်း စစ်ဌာနချုပ် တိုင်းမှူး အဖြစ်ရာထူးတိုးပြီး ပုသိမ်သို့ ပြောင်းရွှေ့ခဲ့သည်။ တပြိုင်တည်း နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီ အဖွဲ့ဝင်လည်း ဖြစ်လာခဲ့သည်။

၂၀၀၀ ခုနှစ်တွင် ဗိုလ်ချုပ်ရာထူးသို့ တိုးမြှင့်ခံခဲ့ရပြီး နိုင်ငံတော် အေးချမ်းသာယာရေးနှင့် ဖွံ့ဖြိုးရေးကာင်စီ အမြဲတမ်း အဖွဲ့ဝင်ဖြစ်လာခဲ့သည်။ အနောက်တောင်တိုင်း စစ်တိုင်းမှူး အဖြစ်မှ ရန်ကုန်မြို့ရှိ ကာကွယ်ရေး ဝန်ကြီးရုံးသို့ ပြောင်းရွှေ့ခြင်းခံရသည်။ ရာထူးတိုးမြှင့်ပေးခြင်း ခံရသည်ဟု ယူဆနိုင်ပြီး ဒုတိယ ကာကွယ်ရေး ဦးစီးချုပ်ရာထူး ပေးအပ်ခြင်းခံရသည်။ ထိုရာထူးအရ ကြည်းတပ်၊ ရေတပ်၊ လေတပ် တို့ကိုကြည့်ရှု စစ်ဆေးရသည်။ နောက်တစ်နှစ်တွင် အသစ်တီထွင် ခန့်အပ်လိုက်သည့် ညှိနှိုင်းကွပ်ကွပ်ရေးမှူး ကြည်း၊ ရေ၊ လေ ကိုခန့်အပ်ခြင်းခံရပြီး အထူး စစ်ဆင်ရေးဗျူဟာကိုလည်း ကြည့်ရှုတာဝန်ယူရသူဖြစ်လာသည်။ ၂၀၀၃ ခုနှစ်တွင် ဗိုလ်ချုပ်ကြီး ရာထူးသို့တိုးမြှင့်ပေးခံရသည်။ သူ့လက်အောက်ရှိ ခြေလျင်တပ်များမှ တပ်သားများ၏ လေးစားမှုကို အထိုက်အလျောက်ခံရသည်။ တာဝန်များအရ ရှေ့တန်းနှင့် ဒေသန္တရ စစ်တိုင်းများမှ တပ်ရင်းတွေနှင့် အလှမ်းကွာနေသသည့် သဘောရှိသည်။

စစ်ရာထူး အဆင့်ဆင့်[ပြင်​ဆင်​ရန်​]

၁၉၈၈- ဗိုလ်မှူး၊တပ်ရင်းမှူ၊ ဒုဗိုလ်မှူးကြီး၊ ဗိုလ်မှူးကြီး
၁၉၉၁-ဗျူဟာမှူး
၁၉၉၆-ဗိုလ်မှူးချုပ်
၁၉၉၇-အနောက်တောင်တိုင်း စစ်တိုင်းမှူး
၂၀၀၀-ဗိုလ်ချုပ် -နအဖ အဖွဲ့ဝင်
၂၀၀၁-ဒုကာကွယ်ရေး ဦးစီးချုပ်၊ ကြည်း၊ ရေ၊ လေ ကြည့်ရှုတာဝန်ယူရသူ
၂၀၀၁-နိုဝင်ဘာ ညှိနှိုင်းကွပ်ကဲရေးမှူး ကြည်း၊ ရေ၊ လေ အထူးစစ်ဆင်ရေး အဖွဲ့မှူး
၂၀၀၃-ဗိုလ်ချုပ်ကြီး

စီးပွားရေး အဆက်အသွယ်နှင့် လာဘ်စားမှု[ပြင်​ဆင်​ရန်​]

ဗိုလ်ချုပ်ကြီး သူရရွှေမန်း၏ သားဖြစ်သူ အောင်သက်မန်း[၄] [၅][၆] ဟာ ဧရာရွှေဝါ ကုမ္ပဏီရဲ့ ဒါရိုက်တာဖြစ်ပြီး အဆိုပါကုမ္ပဏီဟာ ၂၀၀၅ ခုနှစ် ဘင်္ဂလာဒေ့ရှ်နဲ့ စင်္ကာပူနိုင်ငံများသို့ ဆန်တင်ပို့ခွင့် ပထမဆုံးရရှိတဲ့ ကုမ္ပဏီ တစ်ခုဖြစ်သည်။ ဦးတေဇပိုင် ထူးကုမ္ပဏီနှင့် နီးနီးစပ်စပ် တွဲဖက်လုပ်ကိုင်လျက် ရှိသည့် ကုမ္ပဏီ တစ်ခုလည်းဖြစ်သည်။ ဗိုလ်ချုပ်ကြီး သူရရွှေမန်း အနောက်တောင်တိုင်းမှာ စစ်တိုင်းမှူး ဘဝကတည်းက အောင်သက်မန်းဟာ စီးပွားရေး လုပ်ကိုင်နေခဲ့ခြင်း ဖြစ်သည်။ ထိုအချိန်က အောင်သက်မန်းပိုင် ဧရာရွှေဝါ ကုမ္ပဏီအနေဖြင့် ဧရာဝတီတိုင်းမှ လယ်သမားများအား ရောင်းချမည့် ဓါတ်မြေဩဇာ တင်သွင်းခွင့်ရရှိကာ [၇] ငွေကြေးအကျိုးအမြတ်များ ခဲ့သည်။ ၂၀၀၄ ခုနှစ်တွင် ဗိုလ်ချုပ်ကြီး သူရရွှေမန်း၏ သားအငယ် တိုးနိုင်မန်းနှင့် အိမ်ရာ စီမံကိန်းများ ဖေါ်ဆောင်သူ လုပ်ငန်းရှင်ကြီး ဇေကမ္ဘာ ဦးခင်ရွှေသမီးဖြစ်သူနှင့် ခမ်းနားစွာ လက်ထပ်ထိမ်းမြားခဲ့သည်။ ဆီဒိုးနားတွင် ကျင်းပသည့် အဆိုပါ လက်ထပ်ပွဲတွင် လုပ်ငန်းရှင်ကြီးများနှင့် အရာရှိကြီးများက လက်ဖွဲ့ကြရာ ကားအစီး ၅၀ ကျော်ရရှိသည်ဟု သိရသည်။ ၂၀၀၅၊ ၂၀၀၆ ခုနှစ် နေပြည်တော် တည်ဆောက်ရေး စီမံကိန်းများမှာလည်း ဆောက်လုပ်ခွင့် ကန်ထရိုက်များရရှိခဲ့သည်။ ၂၀၀၇ ခုနှစ် အမေရိကန် ပြည်ထောင်စု ဘဏ္ဍာရေး ဝန်ကြီးဌာနမှ ထုတ်ပြန်သည့် အစိုးရအဖွဲ့ဝင် နှင့် သူတို့၏ မိသားစုများအား ဗီဇာပိတ်ပင်ခြင်း စာရင်းထဲတွင် ဗိုလ်ချုပ်ကြီး သူရရွှေမန်း၏ ဇနီး ဒေါ်ခင်လေးသက် ကိုလည်းထည့်သွင်း ခဲ့သည်။ ၂၀၀၈ ခုနှစ် ကုန်နှင့် ၂၀၀၉ ခုနှစ်အစပိုင်းတွင် သားဖြစ်သူ တိုးနိုင်မန်းပိုင်သည့် Red Link ကုမ္ပဏီမှ မြန်မာ့ ဆက်သွယ်ရေး လုပ်ငန်း ဝန်ကြီးဌာနနှင့် မြန်မာတယ်လီပို့မှ ဝန်ဆောင်မှုပေးသည့် Broadband အင်တာနက် ကိုလက်လီ ပြန်လည်ရောင်းချသည့် လုပ်ပိုင်ခွင့် ရရှိခဲ့သည်။ ဝိုင်မက်စ် အင်တာနက် ဝန်ဆောင်မှု အမည်ဖြင့် လူသိများခဲ့သည်။ ၂၀၁၀ ခုနှစ် စက်သုံးဆီ တင်သွင်းဖြန့်ဖြူးခြင်း နှင့် အစိုးရပိုင် စက်သုံးဆီဆိုင်များအား ပုဂ္ဂလိကပိုင် ပြုလုပ်သည့် အစီအစဉ်တွင် တိုးနိုင်မန်းလည်း ပါဝင်လုပ်ကိုင်လျက်ရှိပြီး စက်သုံးဆီဆိုင်များ ဖွင့်လှစ်ခြင်းနှင့် မြန်မာနိုင်ငံ စက်သုံးဆီတင်သွင်းသူများ အသင်းတွင်လည်း တာဝန်ယူထားသူ တစ်ဦးဖြစ်သည်။

ဒီမိုကရေစနစ် ကူးပြောင်းရေးကာလ[ပြင်​ဆင်​ရန်​]

၂၀၁၀ ရွေးကောက်ပွဲတွင် နေပြည်တော် ဇေယျာသီရိမြို့နယ် မဲဆန္ဒနယ်မှ ပြည်သူ့လွှတ်တော်အတွက် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ဝင်ရောက်ရွေးချယ်ခံခဲ့သည်။ [၈] ပြည်သူ့လွှတ်တော် ကိုယ်စားလှယ်အဖြစ် ရွေးချယ်ခံခဲ့ရပြီး ပြည့်သူ့လွှတ်တော် ဥက္ကဌ အဖြစ်ပါ ရွေးချယ်တင်မြောက်ခြင်း ခံရသည်။ [၉] ပြည်ထောင်စုလွှတ်တော် ဥပဒေအရ ရွေးကောက်ပွဲနှစ်ဝက်တွင် ပြည်ထောင်စုလွှတ်တော် နာယကအဖြစ် တာဝန်ထမ်းဆောင်နေသည်။

ဒေါ်အောင်ဆန်းစုကြည် လွှတ်တော်ထဲ ရောက်လာပြီးနောက်ပိုင်း ဒေါ်အောင်ဆန်းစုကြည်နှင့် ဆက်ဆံရေးကောင်းမွန်ကာ အပြုသဘောဆောင်ခဲ့သည်။ လွှတ်တော်ဥက္ကဌ တာဝန်ထမ်းဆောင်နေစဉ်အတွင်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ တွဲဖက်ဥက္ကဌအဖြစ်မှ ထုတ်ပါယ်ခြင်းခံခဲ့ရသည်။

၂၀၁၆ - ယနေ့အချိန်ထိ[ပြင်​ဆင်​ရန်​]

၂၀၁၅ အထွေထွေရွေးကောက်ပွဲတွင် ပြည်ထောင်စုကြံ့ခိုင်ရေးပါတီကို ကိုယ်စားပြု၍ ပြည့်သူ့လွှတ်တော်အတွက် ဖြူးမြိုနယ်တွင် ယှဉ်ပြိုင်ခဲပေမယ့် ပြိုင်ဘက် အမျိုးသားဒီမိုကရေစီအဖွဲ့ချုပ်မှ ဦးသန့်ညွန့် ကို ရှုံးနိမ့်ခဲ့သည်။ ရွေးကောက်ပွဲတွင် အနိုင်မရသော်လည်း အမျိုးသားဒီမိုကရေစီအဖွဲ့ချုပ် ဦးဆောင်သည့် ဒုတိယအကြိမ် ပြည်သူ့လွှတ်တော်တွင်' ပြည်သူ့လွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်'ဥက္ကဌ အဖြစ်ခန့်အပ်ခြင်း ခံခဲ့ရသည်။ [၁၀]

အကိုးအကား[ပြင်​ဆင်​ရန်​]

  1. ၁.၀ ၁.၁ ၁.၂ ရွှေပြည်စိုး။ "လူဆိုး သူခိုး ကြီးစိုးတော့မယ့် ဒို့နိုင်ငံ ( အပိုင်း - ၂ )"၊ Moe Ma Kha၊ နို၀င်ဘာ ၁၈၊ ၂၀၁၀။ ဩဂုတ် ၁၉ ၂၀၁၅ တွင် ပြန်စစ်ပြီး 
  2. "“မြန်မာပြည်ကို ဝါးစား နေသော ခရိုနီ ၁၀၀ ထဲက တစ်ယောက်"၊ MYANMA DAILY၊ မေ ၁၀ ၂၀၁၅။ 
  3. အောင်သက်မန်း(ခ)ရွှေမန်းကိုကို Aung Thet Mann (a) Shwemann Ko Ko ် (မတ် ၆ ၂၀၀၉)။
  4. "ဒါ လုတိုင်း ဝပြည် တို့ ခရိုနီပြည်"၊ Comments - Search Myanmar၊ ဒီဇင်ဘာ ၁၂ ၂၀၁၄။ ဩဂုတ် ၁၉ ၂၀၁၅ တွင် ပြန်စစ်ပြီး 
  5. "နေရွှေသွေးအောင် စိန်ခေါ်လိုက်ပြီ"၊ Myanmar Latest News၊ အောက်တို်ဘာ ၈ ၂၀၁၃။ ဩဂုတ် ၁၉ ၂၀၁၅ တွင် ပြန်စစ်ပြီး 
  6. ဖိုးသောကြာ။ "မန်မာစစ်ဗိုလ်ချုပ် သူခိုးတွေကိုးကွယ်တဲ့ တရုတ်ဝန်ကြီးချုပ် သီလကြောင်- ၀မ်ကြားပေါင်"၊ သူရိယ၊ နိုဝင်ဘာ ၁၀ ၂၀၁၂။ ဩဂုတ် ၁၉ ၂၀၁၅ တွင် ပြန်စစ်ပြီး 
  7. အိမ်ကြီးမောင်။ "ကြောင်သူတော်ကြီး ဦးရွှေမန်း ရိုက်ချက်"၊ သူရိယ၊ မေ ၄ ၂၀၁၅။ ဩဂုတ် ၁၉ ၂၀၁၅ တွင် ပြန်စစ်ပြီး 
  8. သူရဦးရွှေမန်း ဖြူးမြို့နယ်မှ ရွေးကောက်ပွဲဝင်မည်ဟု သတင်းထွက် - (ဇူလိုင် ၆၂၀၁၅)။
  9. သူရဦးရွှေမန်း ဖြူးမဲဆန္ဒနယ်မှ ယှဉ်ပြိုင်မည် (ဇူလိုင် ၂၆၂၀၁၅)။
  10. http://www.bbc.com/burmese/burma/2016/02/160205_ushwemann