အနာဂါမ်
| တစ်စိတ်တစ်ပိုင်း ဖော်ပြချက် |
| ဗုဒ္ဓဘာသာ |
|---|
 |
အနာဂါမ်ဟူသည် တတိယမဂ်ဉာဏ်ရသော ပုဂ္ဂိုလ်ကို ခေါ်ဆိုသည်။ [၁] အနာဂါမ်သည် အနာဂါမိမဂ်ကို ရသောသူ ဖြစ်သည်။ အနာဂါမ်တို့သည် ဗြဟ္မာဖြစ်ချင်သည့် တပ်မက်မှုသာ ရှိပြီး အခြားမည်သည့်တပ်မက်မှုမှ မရှိတော့ပေ။ သေလွန်သည့်အခါ ဗြဟ္မာဖြစ်ရပြီး ဗြဟ္မာအဖြစ်နှင့်ပင် ရဟန္တာဖြစ်ကာ နိဗ္ဗာန် ရောက်သည်။[၂]
အနာဂါမ်၏အင်္ဂါလက္ခဏာ ၆-ပါး
[ပြင်ဆင်ရန်]အနာဂါမ်ပုဂ္ဂိုလ်သည် ဤအင်္ဂါခြောက်ပါးနှင့်ပြည့်စုံ၏ဟု အင်္ဂုတ္တိုရ်ဆက္က၌ဆိုသည်။
- (၁) မဆုတ်နစ်သောသဒ္ဓါရှိခြင်း၊
- (၂) မကောင်းမှုတို့၌လွန်စွာရှက်ခြင်း၊
- (၃) ဒုစရိုက်မှုတို့၌ လွန်စွာကြောက်ခြင်း၊
- (၄) လွန်ကဲသောဝီရိယရှိခြင်း၊
- (၅) သတိတရားလွန်စွာကောင်းခြင်း၊
- (၆) ပညာအဆင်အခြင်လွန်စွာရှိခြင်း။[၃]
အနာဂါမ် (၅) မျိုး
[ပြင်ဆင်ရန်]အနာဂါမ်ပုဂ္ဂိုလ်သည် ဤဘဝ၌ ရဟန္တာဖြစ်၍ ငြိမ်းသောပုဂ္ဂိုလ်၊ ဗြဟ္မာ့ပြည်သို့ သွားရသောပုဂ္ဂိုလ်ဟူ၍ (၂) မျိုး ရှိ၏။ အနာဂါမ်ပုဂ္ဂိုလ်တိုင်း သုဒ္ဓါဝါသဘုံသို့ ရောက်ကြသည် မဟုတ်ကြောင်းလည်း ရှိသေး၏။ [၄]
သုဒ္ဓါဝါသဘုံ၌ - အနာဂါမ်ပုဂ္ဂိုလ် ၅-မျိုးကို ရေတွက်ပြထားသည်။
- (က) အန္တရာပရိနိဗ္ဗာယီ... အဝိဟာဘုံစသည်၌ ဖြစ်၍ အသက်အပိုင်း အခြား အလယ်ကိုမလွန်ဘဲ ရဟန္တာဖြစ်လတ္တံ့သော အနာဂါမ်။
- (ခ) ဥပဟစ္စ ပရိနိဗ္ဗာယီ... အသက်အပိုင်းအခြား အလယ်ကိုလွန်၍ ရဟန္တာ ဖြစ်လတ္တံ့သော အနာဂါမ်။
- (ဂ) အသင်္ခါရပရိနိဗ္ဗာယီ... အားမထုတ်ရမူ၍ ချမ်းသာစွာ ကိလေသ ပရိနိဗ္ဗာန် ပြုလတ္တံ့သော အနာဂါမ်။
- (ဃ) သသင်္ခါရ ပရိနိဗ္ဗာယီ... အားထုတ်လျက် ချမ်းသာစွာ ကိလေသ ပရိနိဗ္ဗာန်ပြုလတ္တံ့သော အနာဂါမ်။
- (င) ဥဒ္ဓံသောတ အကနိဋ္ဌဂါမိ... အဝိဟာဘုံမှ အစဉ်အတိုင်း တက်လာ၍ အကနိဋ္ဌဘုံ၌ ပရိနိဗ္ဗာန်ပြုလတ္တံ့သော အနာဂါမ်။[၅]
အနာဂါမ် ပုဂ္ဂိုလ်ပေါင်း “၄၈” ဦး
[ပြင်ဆင်ရန်]တဖန် ဥဒ္ဓံသောတ အကနိဋ္ဌဂါမိ အနာဂါမ်ပုဂ္ဂိုလ်ကို ၄-မျိုးပြား၍ ပြပြန်၏။
- (က) ဥဒ္ဓံသောတ အကနိဋ္ဌဂါမိ။
- (ခ) ဥဒ္ဓံသောတ န အကနိဋ္ဌဂါမိ... အဝိဟာဘုံမှ အစဉ်အတိုင်းတက်၍ သုဒဿီဘုံ၌ ပရိနိဗ္ဗာန်ပြုသော အနာဂါမ်။
- (ဂ) န ဥဒ္ဓံသောတအကနိဋ္ဌဂါမိ... သုဒဿီဘုံမှ အကနိဋ္ဌဘုံသို့ သွား၍ ပရိနိဗ္ဗာန် ပြုသော အနာဂါမ်။
- (ဃ) နဥဒ္ဓံသောတ နအကနိဋ္ဌဂါမိ... အောက်သုဒ္ဓါဝါသ ၄-ဘုံတွင် ဖြစ်ရာဘုံ၌သာ ပရိနိဗ္ဗာန်ပြုသော အနာဂါမ်။
အန္တရာပရိနိဗ္ဗာယီ အနာဂါမ် ပုဂ္ဂိုလ်ကို သုံးမျိုးပြား၍ ပြပြန်၏။
- (က) အဝိဟာဘုံ၌ဖြစ်၍ ကမ္ဘာ-တရာအထက်၌ ပရိနိဗ္ဗာန်ပြုသော အနာဂါမ်။
- (ခ) ကမ္ဘာ-နှစ်ရာအထက်၌ ပရိနိဗ္ဗာန်ပြုသော အနာဂါမ်။
- (ဂ) ကမ္ဘာ-ငါးရာမရောက်မီအတွင်း၌ ပရိနိဗ္ဗာန်ပြုသော အနာဂါမ်။
အဝိဟာဘုံ၌ ဤအန္တရာပရိနိဗ္ဗာယီ အနာဂါမ် သုံးဦး၊ ဥပဟစ္စ ပရိနိဗ္ဗာယီ အနာဂါမ် တဦး၊ ဥဒ္ဓံသောတ အကနိဋ္ဌဂါမိ အနာဂါမ် တဦး၊ ပေါင်း ၅-ဦး ရှိသကဲ့သို့ အတပ္ပါဘုံ၊ သုဒဿဘုံ၊ သုဒဿီဘုံတို့၌လည်း ၅-ဦးစီရှိကြ၏။ (၅x၄=၂၀)ဦး အကနိဋ္ဌဘုံ၌ကား ဥဒ္ဓံသောတ အနာဂါမ်မရှိနိုင်၍ ၄-ဦးသာ ရှိ၏၊ (၂၀+၄-၂၄) ဦး၊ အနာဂါမ်ပုဂ္ဂိုလ်ပေါင်း ၂၄-ဦးရှိရာတွင် တဖန် အသင်္ခါရ ပရိနိဗ္ဗာယီ၊ သသင်္ခါရ ပရိနိဗ္ဗာယီ ၂-ဦးဖြင့် ပွားပြန်လျှင် အနာဂါမ် ပုဂ္ဂိုလ်ပေါင်း “၄၈” ဦးဖြစ်၏။ [၆][၇]
အရဟတ္တမဂ်သို့ ရောက်ပုံ
[ပြင်ဆင်ရန်]အနာဂါမ်ပုဂ္ဂိုလ်သည် ဝိပဿနာဉာဏ်ဆယ်တန်ကို အားထုတ်ပြန်သည်ရှိသော် အရဟတ္တမဂ်သို့ ရောက်၏။ ကိလေသာဓာတ်စု အကုန်သေ၏၊ ဘဝပဋိသန္ဓေမရှိတော့ပြီ။ ပစ္စဝေက္ခဏာဝီထိမှာ ကြွင်းကိလေသာကို ဆင်ခြင်သော ပဉ္စမဝီထိ မရပြီ။ (၄) ဝီထိသာ ရှိတော့သည်။[၈]
ဈာနအနာဂါမ်ပုဂ္ဂိုလ်
[ပြင်ဆင်ရန်][၉] ရူပဘုံ၌ဖြစ်သော သောတာပန် သကဒါဂါမ်ပုဂ္ဂိုလ်တို့မှာ ကာမဘုံသို့ပြန်မလာတော့ဘဲ ထိုရူပဘုံ၌ပင် ပရိဗ္ဗာန် စံကြသောကြောင့် ထိုပုဂ္ဂိုလ် ၂-ဦးကို ဈာနအနာဂါမ် ပုဂ္ဂိုလ်ဟု ဖွင့်ပြထား၏။ ။ [၁၀]
သရဒသုတ်-ဈာန်ရသော သောတာပန်ပုဂ္ဂိုလ်တို့ စုတေလျှင် ကာမဘုံ၌ မဖြစ်ဘဲ ဗြဟ္မာဘုံ၌ ဖြစ်သောကြောင့် ဈာန အနာဂါမ်ပုဂ္ဂိုလ်ခေါ်ကြောင်း ဖွင့်ပြထား၏ [၁၁]
ဘူမိသီသ ၃-ဘုံ
[ပြင်ဆင်ရန်]ဝေဟပ္ဖိုလ်ဘုံ၊ အကနိဋ္ဌဘုံ၊ နေဝသညာနာသညာယတနဘုံ၊ ဤသုံးဘုံ၌ဖြစ်ကြသော အနာဂါမ် ပုဂ္ဂိုလ်တို့သည် မည်သည့်ဘုံသို့မျှ မပြောင်းရွှေကြတော့ဘဲ ထိုသုံးဘုံ၌ပင် ပရိနိဗ္ဗာန် စံတော်မူကြ၏။ [၁၃][၇]
ပိဋကတ်တော်လာ အနာဂါမ်များ
[ပြင်ဆင်ရန်]- ပဉ္စဂ္ဂဒါယကပုဏ္ဏား-မလှူရဘဲ မစားတတ်သော ပုဏ္ဏားကြီး၊ ၎င်းပုဏ္ဏားကြီး၏ စားဆဲထမင်း ထက်ဝက်ကို အလှူခံ၍ ဘိက္ခုမည်ပုံ ဖြေကြားရာ၎င်းပုဏ္ဏားကြီး အနာဂါမ် တည်သွားသည်။ [၁၄]
- သုဘာထေရီမ-အတင်းကပ်ချွဲနေသော ဣတ္ထိဓုတ္တတယောက်အား အနာဂါမ် သုဘာထေရီမလေးက မျက်လုံးကို ထုတ်ယူ၍ ပေးလိုက်သူ ဖြစ်သည်။ [၁၅]။
- မာတိကာဒါယိကာမကြီး-၎င်းဥပါသိကာမကြီးက ဦးစွာ အနာဂါမ်ဖြစ်၍ ရဟန်းတော် (၆၀)အား သင့်လျော်သော အာဟာရများကို လှူဒါန်းသောကြောင့် အားလုံးရဟန္တာ ဖြစ်ကြကြောင်း ဟောထားသော အညတရဘိက္ခုဝတ္ထု။ [၁၆]
- မာနဒိန္န ဥပါသကာ-မာနဒိန္နသုတ်၌ မရဏန္တိက ဝေဒနာကို သည်းခံနိုင်ရန် သတိပဋ္ဌာန်လေးပါးကို အားထုတ်ရမည်ဟု ဟောထား၏၊ ၎င်းမာနဒိန္န ဥပါသကာမှာ အနာဂါမ်ဖြစ်၏။ [၁၇]
- မိလက္ခတိဿမထေရ်-မုဆိုးကြီးဘဝမှ ရဟန္တာဖြစ်သောမထေရ်၊ စူဠပိဏ္ဍပါတိကမထေရ်က အဝီစိငရဲမှ ပိုးစုံးကြူးပမာဏမျှရှိသော မီးလျှံ အနည်းငယ်ကိုယူ၍ ရေသဖန်းသားစသော ထင်းစိုပုံကြီးအတွင်းသို့ ပစ်ချလိုက်ရာ တခဏချင်း ပြာဖြစ်သွားပုံကိုမြင်၍ သံဝေဂရပြီး ရဟန်းပြု တရားအားထုတ်လိုက်ရာ အနာဂါမ်ဖြစ်သွားကြောင်း၊ ထိနမိဒ္ဓနှိပ်စက်လာသောအခါ ရေစိုသော ကောက်ရိုး ကရွတ်ခွေကို ခေါင်းပေါ်တင်၍ အားထုတ်ခဲ့ပုံ၊ [၁၈]
- ထေရိကာမင်းသမီး-ဟင်းအိုး မီးလောင်သည်ကိုမြင်၍ အနာဂါမ် တည်သွားသည်၊ [၁၉]
- အညတရာထေရီ-[၂၀] ဆွမ်းသင်္ကန်း ပန်းနံ့သာ စသည်လှူရကျိုး၊ ဟင်းအိုးမီးလောင်သည်ကို မြင်၍ လူဘဝနှင့်ပင် အနာဂါမ် တည်သွား၏။
- ရာဇဂြိုဟ်ပြည်၌ ဘုရားရှင်လက်ထက်တော်က အနာဂါမ်လူခေါင်းဆောင်ပေါင်း ၅၀၀ရှိ၍ တယောက်တယောက်တွင် ၅၀၀-စီ အခြံအရံရှိကြကြောင်း၊[၂၁]
- သဘိယသုတ်-သဘိယပရိဗ္ဗိုဇ်၏ အတိတ်, ပစ္စုပ္ပန်ဝတ္ထု၊ အနာဂါမ် ဗြဟ္မာကသင်ပေးသော ပုစ္ဆာ ၂၀-ကို ဘုရားရှင်အား မေးလျှောက်၍ ဖြေကြားထားတော်မူပုံ၊ သာသနာပ၌ သမဏဗြဟ္မဏ အစစ်တို့ မရှိပုံ သိစေရန် အကျယ်ဟောထား၏၊ [၂၂]
- သိရိဝဍ္ဎသူကြွယ်-သိရိဝဍ္ဎသုတ်၌ မရဏန္တိကဝေဒနာကို သည်းခံနိုင်ရန် သတိပဋ္ဌာန်ကို ပွါးများရမည်ဟု ဟောထား၏။ ။ ၎င်းသိရိဝဍ္ဎမှာ အနာဂါမ် သူကြွယ် ဥပါသကာဖြစ်၏။ [၂၃]
- သီရိမာပြည့်တန်ဆာမ-သီရိမာပြည့်တန်ဆာမ (သောတာပန်)သည် စုတေသောအခါ ယာမာဘုံတွင် သုယာမနတ်မင်းကြီး၏ မိဖုရားဖြစ်ကြောင်း ဖွင့်ပြထားပြန် ၏။ ဝိဇယသုတ်အဆုံးတွင်၎င်းနတ်မိဖုရားကြီးသည် အနာဂါမ်ဖြစ်သွားကြောင်း ဖွင့်ပြထားပြန်၏၊ [၂၄][၇]
- ဥဂ္ဂသူကြွယ်-ဥဂ္ဂသုတ်(ပ)၊ ၎င်း သေဌေး၏အံ့ဘွယ် ၈-ပါးကို ဟောထား၏၊ အနာဂါမ်ဖြစ်သောကြောင့် အားလုံးမယားများကိုလည်း ပေးလှူပစ်ကြောင်း။[၂၅]
- ဥပက အာဇီဝက-[၂၆] ၎င်းဥပကကြီးသည် ဆာဝါဟူ၍ ခေါ်နေကြသော စာပါသတို့သမီး ကလေးနှင့် ပေါင်းသင်းပြီး သုဘဒ္ဒအမည်ရှိသော သားတယောက်ရပြီးနောက် ဘုရားရှင်ထံရောက်ပြီး အနာဂါမ်ဖြစ်သွား၏၊ ယခုအခါ အဝိဟာဘုံရောက်၍ ရဟန္တာ ဖြစ်သွားလေပြီ။ ။ [၂၇]
- ဂေါဃာတကပုတ္တ-[၂၈] နွားလျှာကို လှီးပြီး ချက်စားရာ ထမင်းစားစဉ်ပင် လျှာပြတ်ကျသေ၍ အဝီစိငရဲရောက်ရပုံ၊ ၎င်း၏သား မူကား အနာဂါမ် တည်သွား၏။
- စူဠအနာထပိဏ်သေးဌေး-မှာ အနာဂါမ်ဖြစ်ကြောင်း ဆိုထားပုံ၊ [၂၉]
- ဆတ္တပါဏိဥပါသက-အနာဂါမ်ဖြစ်၏၊ [၃၀] ပညာရှိတို့မှာ အရိုအသေ မပေးတိုင်း အမျက်မထွက်ကြကြောင်း၊ တရားတော်ကို ရိုသေစွာသင်ယူခြင်း မယူခြင်း၌ အဆင်းအနံ့ ရှိ, မရှိသော ပန်းဥပမာဖြင့် ဟောထား၏။
- ဒီဃာဝုဥပါသကာ-ဒီဃာဝုဥပါသကသုတ်၌ [၃၁] ဗုဒ္ဓ၊ ဓမ္မ၊ သံဃ အနုဿတိ သုံးပါးပွားရန် အရိယာကန္တသီလလုံခြုံရန်၊ သဗ္ဗသင်္ခါရ၌ အနိစ္စ စသည်ဖြင့် နှလုံးသွင်းရန် ဟောထား၏၊ ၎င်းဥပါသကာမှာ အနာဂါမ်ဖြစ်၏။
- ဓမ္မဒိန္ဒာ ဥပါသကာ-ဓမ္မဒိန္နသုတ်၌ [၃၂] ရတနာသုံးပါး၌သက်ဝင်ယုံကြည်မှု၊ ၅-ပါးသီလလုံခြုံမှု၊ ဤလေးပါးမှာ သောတာပန်ပုဂ္ဂိုလ်တို့ မြဲကြကြောင်း၊ ဥပါသကာ ၅၀၀-စီ အခြံအရံရှိသူ ခေါင်းဆောင် အနာဂါမ် ဥပသကာ ၇-ယောက်တွင် ဤဓမ္မဒိန္ဒာ ဥပါသကာလည်း တယောက်အပါအဝင် ဖြစ်၏။
- ဗြဟ္မာယုပုဏ္ဏား-ဗြဟ္မာယုသုတ်၌ [၃၃] ဘုရားရှင်ခန္ဓာကိုယ်၌ ၃၂-ပါးသော လက္ခဏာတော်ကြီးများ ပြည့်စုံ-မပြည့်စုံ စုံစမ်းရာ ပြည့်စုံသည်ကို သိရမြင်ရ၍ ဘုရားရှင်အား ကြည်ညိုလာသော ပုဏ္ဏားကြီး တရားနာပြီးနောက် အနာဂါမ်တည်သွား၏၊
- ဗာဝရီရသေ့ကြီး-က ဘုရားရှင်ထံသို့ ပုစ္ဆာ မေးရန် ပုဏ္ဏားလူမျိုး ရသေ့လုင် ၁၆-ယောက်ကို စေလွှတ်ခဏ်း၊ စူဠနိ-ပါ-၁၊ ပါရာယနဝဂ္ဂ၊ ဝတ္ထုဂါထာ။ ။ ဗာဝရီရသေ့ကြီးမှာ အနာဂါမ် တည်သွားကြောင်း၊ [၃၄]
- သဟမ္ပတိဗြဟ္မာမင်း-ဘုရားရှင်ထံ တရားဟောရန် လာ၍ တောင်းပန်သူဖြစ်သည်၊ [၃၅] ဤ၌ ပဌမဈာန်ဘုံသားဖြစ်၏ဟု ဖွင့်ပြထား၏၊ [၃၆] ဤ၌ကား အနာဂါမ်ဖြစ်ပြီးလျှင် သုဒ္ဓဝါသဘုံ၌ ဖြစ်ကြောင်း ဖွင့်ပြထားပြန်၏။ ။
- သုဘာဇီဝကမ္မဝနိကာထေရီ-[၃၇] အနာဂါမ် ထေရီမလေးကို မိန်းမကြူးတယောက်က မျက်လုံးလေးက ချစ်စဘွယ်ဟု အတင်းကပ်ခွဲနေသောကြောင့် မျက်လုံးကို ထုတ်၍ ပေးလိုက်ပုံ၊
- အနောပမာထေရီ-[၃၈] အဆင်းလှ၍ ဝိုင်းအုံ တောင်းကြသော်လည်း မရကြဘဲ လူဘဝကပင် အနာဂါမ်တည်ပြီးနောက် ဘိက္ခုနီဘဝတွင် ရဟန္တာဖြစ်သွား၏။
- အရိဋ္ဌရဟန်း-အရိဋ္ဌသုတ်၌ [၃၉] အာနာပါနဿတိ ပွားများ အားထုတ်ရပုံကို ဟောထား၏၊ ဤအရိဋ္ဌရဟန်းကား အနာဂါမ်ပုဂ္ဂိုလ်တည်း။[၇]
အနာဂါမ် ပုဂ္ဂိုလ်တို့ အမူအရာ
[ပြင်ဆင်ရန်][၄၀] အနာဂါမ်ဖြစ်လာသော ဝိသာခသေဌေးသည် သေဌေးကတော် ဓမ္မဒိန္နာက လက်ကမ်းလာသည်ကိုလည်း လှမ်းမဆွဲကိုင်၊ ကြည့်လည်းမကြည့်၊ မယားနှင့်လည်း ထမင်းအတူမစား၊ တယောက်တည်း သီးခြားအိပ်၏၊ မယားနှင့်တကွ ရှိပစ္စည်း ကုဋေ ၈ဝ ကိုလည်း လုံးဝ တွယ်တာမှုမရှိ၊ ဤ အမှတ်အသား များကား ကာမရာဂကို အကြွင်းမဲ့ပယ်သတ်မှုကြောင့်တည်း၊ ဒေါသကိုလည်း အရှင်းပယ်ထားလေပြီ။ ။ ဝိသာခ သေဌေးက သေဌေးကတော် ဓမ္မဒိန္နာအား ပြောပြပုံ၊ [၄၁]
အနာဂါမ် ဥဂ္ဂသေဌေးက ကချေသည်များကို စွန့်ပစ်ပုံ၊ [၄၂] မယားများကိုလည်းစွန့်ပစ်ပုံ၊ [၄၃] ဒု-သုတ်လည်းနည်းတူ။ ။
မာဂဏ္ဍီပုဏ္ဏားကြီးတို့ လင်မယား အနာဂါမ် တည်ပြီးနောက် ခွဲခွါ၍ ရဟန်း ပြုကြပုံ၊ [၄၄]
နန္ဒမာတာ အနာဂါမ် ဥပါသိကာမကြီးအား လင်ဟောင်းနတ်သားကလာ၍ ကိုယ်ထင်ရှားပြသော်လည်း မဖေါက်ပြန်တော့ကြောင်း၊ ကြောက်လန့်မှုလည်း မရှိကြောင်း၊ [၄၅]
အနာဂါမ်ပုဂ္ဂိုလ်တို့မှာ မဂ်ဖြင့် ဗြဟ္မစရိယ ဧကဘတ္တိကကိစ္စတို့ တပါတည်း ပါလာကြောင်း၊ [၄၆]အဗြဟ္မစရိယ သိက္ခာပုဒ်၊ ဝိကာလ ဘောဇန သိက္ခာပုဒ်တို့ကို ထူး၍ မစောင့်ရှောက်ရဘဲ လုံခြုံတော့ပြီ ဟူလို။ [၄၇] အနာဂါမ် လူတို့မှာ ဝိကာလဘောဇန သိက္ခာပုဒ်လည်း မြဲကြ၏ဟု တိကျစွာ ဆိုထားပုံ၊ [၄၈] ရဟန်းတော်တို့မှာ ဝိကာလ ဘောဇန သိက္ခာပုဒ်ကို မပညတ်မီကပင် မဂ်ရသည်နှင့် တပြိုင်နက် နေလွဲ အခါ၌ စားသောက်မှု မပြုကြတော့ကြောင်း၊ [၄၉]
အနာဂါမ် ရဟန္တာတို့မှာ စေတသိကဒုက္ခမရှိတော့ကြောင်း။ ။ [၅၀]
အနာဂါမ်ဖြစ်လျှင် လက်ဝတ် လက်စား စသော တန်းဆာတို့ကို ဆင်မြန်း ဝတ်ဆင်ခြင်း မပြုတော့ကြောင်း၊ [၅၁]
ယောက်ျားဖြစ်လျှင် မိန်းမတို့၏ အတွေ့အထိကို တွေ့ထိခြင်းမရှိ၊ မိန်းမဖြစ်လျှင် ယောက်ျားတို့၏ အတွေ့အထိကို တွေ့ထိခြင်း မရှိတော့ကြောင်း၊ အစားအသောက်၌လည်း လျှပ်ပေါ်ခြင်း မရှိတော့ကြောင်း၊ [၅၂][၇]
ကိုးကား
[ပြင်ဆင်ရန်]- ↑ ဦးကံညွန့်၏ နိဗ္ဗာန်အကြောင်း သိမှတ်ဘွယ်ရာ(၂၀၀၀-ပြည့်နှစ်၊ ဇူလိုင်လ)
- ↑ ဦးနု။ ငရဲဆို ချိုနဲ့လားဗျို့။
- ↑ ♦ပိဋကတ်သုံးပုံ သရုပ်စုံအဘိဓာန်
- ↑ ဒီဃ-၂-ဋ္ဌ-၃၀၀
- ↑ (ဒီ၊၃။၁၉၈။) (ဝိသုဒ္ဓိ၊၂။၃၅၂။) (ဒီ၊မြန်၊၃။၂၂၁။)
- ↑ ဣတိ-ဋ္ဌ-၄၈။ ။ မဟာ-သံ-ပါ-၆၃၊ မဟာ-သံ-ဋ္ဌ-၁၈၁။ ။ ၅-မျိုး၊ ဝိသုဒ္ဓိ-ဒု-အုပ်-၃၅၂။ ။ အနာဂါမ် ၅-မျိုး ဖြစ်ရပုံဟော တတိယသိက္ခာသုတ်၊ အံ-၃-ပါ-၂၃၅၊ အံ-၃-ဋ္ဌ-၂၁၉။ ။ ဝိတ္ထာရသုတ်၊ မဟာ-သံ-ပါ-၁၇၇၊ မဟာ-သံ-ဋ္ဌ-၂၆၀။ ။ ဖလသုတ်၊ မဟာ-သံ-ပါ-၂၄၈၊ မဟာ-သံ-ဋ္ဌ-၂၉၂။ ။ ဒုတိယ သိက္ခာသုတ် အံ-၃-ပါ-၂၃၄-၅၊ အံ-၃-ဋ္ဌ-၂၁၇-၈-၉။ ။ အနိစ္စာနုပဿီသုတ်၊ အံ-၇-ပါ-၄၀၅၊ အံ-၇-ဋ္ဌ-၁၄၉။ ။ နေတ္တိ-ပါ-၁၆၄၊ နေတ္တိ-ဋ္ဌ-၂၇၀၊ ပဋိသံ-ပါ-၁၆၀၊ ပဋိသံ-ဋ္ဌ-ဒု-အုပ်-၆၈။ ။ ၅-မျိုး၏ အကြောင်းရင်းကိုပြခန်း၊ ပေဋက-ပါ-၁၈၉၊ ပေဋက-ဋ္ဌ-၇-မျိုးဟောသော ပုရိသဂတိသုတ် အံ-၇-ပါ-၄၄၉-၄၅၀၊ အံ-၇-ဋ္ဌ-၁၇၂။ ။ ၂-မျိုးသော သသင်္ခါရသုတ် အံ-၄-ပါ-၄၇၃၊ အံ-၄-ဋ္ဌ-၃၄၅။ ။ ဒီဃ-၃-ပါ-၁၉၈၊ ဒီဃ-၃-ဋ္ဌ-၂၁၃။ ။ အနာဂါမိနိဒ္ဒေသ အဘိ-၄-ပါ-၁၁၉၊ အဘိ-၄-ဋ္ဌ-၄၈။ ။
- ↑ ၇.၀ ၇.၁ ၇.၂ ၇.၃ ၇.၄ ၇.၅ ပိဋကတ်လမ်းညွှန် (ဦးသီဟဗလ)
- ↑ ကိုးကား အမှား - Invalid
<ref>tag; no text was provided for refs namedပရမတ္ထသံခိပ် အဖြေကျမ်း - ↑ အဘိ-၂-ဋ္ဌ-၅၀၅၊
- ↑ မဟာ-သံ-ဋ္ဌ-၂၇၈၊ မဟာ-သံ-ပါ-၁၉၂။ ။
- ↑ အံ-၃-ဋ္ဌ-၂၂၂၊ အံ-၃-ပါ-၂၄၄။ ။ အံ-၇-ဋ္ဌ-၁၆၈၊ အံ-၇-ပါ-၄၄၄။ ။
- ↑ အံ-၁၀-ပါ-၅၀၄၊ အံ-၁၀-ဋ္ဌ-၃၄၁။
- ↑ အဘိ-၂-ဋ္ဌ-၅၀၅၊
- ↑ ဓမ္မ-ဋ္ဌ-ဒု-အုပ်-၃၆၇။ ။ သုတ္တ-ပါ-၃၁၀၊ သုတ္တ-ဋ္ဌ-ပ-အုပ်-၂၅၆၊ ပိဋကတ်လမ်းညွှန်
- ↑ ထေရီ-ဋ္ဌ-၂၅၈
- ↑ ဓမ္မပဒ-ဋ္ဌ-ပ-အုပ်-၁၈၃၊
- ↑ မဟာ-သံ-ပါ-၁၅၅၊
- ↑ ခန္ဓ-သံ-ဋ္ဌ-၂၅၁။ ။ အံ-၁-ဋ္ဌ-၂၇။
- ↑ ထေရ-ဋ္ဌ-ဒု-အုပ်-၅၊ ၆
- ↑ ထေရီ-ပါ-၃၇၇၊ ထေရီ-ဋ္ဌ-၁၊
- ↑ ဒီဃ-၃-ဋ္ဌ-၁၇၊ ဒီဃ-၃-ပါ-၃၀။ ။
- ↑ သုတ္တ-ပါ-၃၅၅၊ သုတ္တ-ဋ္ဌ-ဒု-အုပ်-၁၄၄၊
- ↑ မဟာ-သံ-ပါ-၁၅၃၊
- ↑ သုတ္တ-ဋ္ဌ-ပ-အုပ်-၂၃၅၊ ၂၄၄။
- ↑ အံ-၈-ပါ-၄၇၊ အံ-၈-ဋ္ဌ-၂၂၁။ ။ ဒု-သုတ်၊ အံ-၈-ပါ-၅၀၊ အံ-၈-ဋ္ဌ-၂၂၂၊
- ↑ ပဏ်-၁-ပါ-၂၂၇၊ ပဏ်-၁-ဋ္ဌ-ဒု-အုပ်-၉၃၊
- ↑ ပဏ်-၂-ဋ္ဌ-၂၉၄။ ။ ဇာတက-ဋ္ဌ-ပ-အုပ်-၉၄။ ။ ထေရီ-ဋ္ဌ-၂၃၀။ ။ သုတ္တ-ပါ-၃၀၉၊ သုတ္တ-ဋ္ဌ-ပ-အုပ်-၂၄၈။ ။ ဓမ္မ-ဋ္ဌ-ဒု-အုပ်-၃၄၉၊
- ↑ ဓမ္မ-ဋ္ဌ-ဒု-အုပ်-၂၁၃၊
- ↑ ဓမ္မပဒ-ဋ္ဌ-ဒု-အုပ်-၁၃၆။
- ↑ ဓမ္မ-ဋ္ဌ-ပ-အုပ်-၂၄၀၊
- ↑ မဟာ-သံ-ပါ-၂၉၉၊ မဟာ-သံ-ဋ္ဌ-၃၀၈၊
- ↑ မဟာ-သံ-ပါ-၃၅၆၊ မဟာ-သံ-ဋ္ဌ-၃၂၁၊
- ↑ ပဏ်-၂-ပါ-၃၄၅။ ပဏ်-၂-ဋ္ဌ-၂၇၁၊
- ↑ စူဠနိ-ဋ္ဌ-၈၆။ သုတ္တ-ဋ္ဌ-ဒု-အုပ်-၃၂၂။ ။
- ↑ ပဏ်-၁-ပါ-၂၂၄၊ ပဏ်-၁-ဋ္ဌ-ဒု-အုပ်-၈၂၊
- ↑ သုတ္တ-ပါ-၃၈၀ သုတ္တ-ဋ္ဌ-ဒု-အုပ်-၁၉၆၊
- ↑ ထေရီ-ပါ-၄၂၀၊ ထေရီ-ဋ္ဌ-၂၅၃၊
- ↑ ထေရီ-ပါ-၃၉၆၊ ထေရီ-ဋ္ဌ-၁၄၂၊
- ↑ မဟာ-သံ-ပါ-၂၇၄၊ မဟာ-သံ-ဋ္ဌ-၂၉၅၊
- ↑ ပဏ်-၁-ပါ-၃၇၃၊ ပဏ်-၁-ဋ္ဌ-ဒု-အုပ်-၂၅၅။ ။
- ↑ အံ-၁-ဋ္ဌ-၂၇၈။ (အဟံ ပန အဇ္ဇ ပဋ္ဌာယ သန္ထဝဝသေန တုမှာကံ သန္တိကေ နိသီဒိ တုံဝါ ဌာတုံဝါ အာဟာရာပေတွာ ခါဒိတုံဝါ ဘုဉ္ဇိတုံဝါ အဘဗ္ဗော။)
- ↑ အံ-၁-ဋ္ဌ-၃၀၄၊
- ↑ အံ-၈-ပါ-၄၈၊ အံ-၈-ဋ္ဌ-၂၂၂။ ။
- ↑ အံ-၁-ဋ္ဌ-၃၃၆။
- ↑ အံ-၇-ပါ-၄၄၆၊ အံ-၇-ဋ္ဌ-၁၇၀-၁၇၁။
- ↑ ဓမ္မ-ပ-အုပ်-၂၄၀၊
- ↑ (အနာဂါမိ အရိယသာဝကာနံ ဟိ သမာဒါန ဝသေန ဥပေါသထကမ္မံ နာမ နတ္ထိ၊ မဂ္ဂနေဝ တေသံ ဗြဟ္မစရိယဉ္စ ဧကဘတ္တိကဉ္စ အာဂတံ။)
- ↑ သုတ္တ-ဋ္ဌ-ဒု-အုပ်-၁၀၁-၁၀၂၊
- ↑ သုတ္တ-ပါ-၃၃၆၊ သုတ္တ-ဋ္ဌ-ဒု-အုပ်-၁၀၄။
- ↑ စူဠနိ-ဋ္ဌ-၈၁။ ။ ပဋိသံ-ဋ္ဌ-ပ-အုပ်-၁၀၆။ ။ အနာဂါမိ မဂ္ဂေနေဝ သောကဿ သမုဂ္ဃါတိတတ္တာ၊ ဥဒါန-ဋ္ဌ-၂၄၅၊ ဥဒါန-ပါ-၁၃၂။ ။ အနာဂါမိနော ဟိ သမာဓိသ္မိံ ပရိပူရကာရိနော၊ ဥဒါန-ဋ္ဌ-၂၄၄။
- ↑ ထေရီ-ဋ္ဌ-၆။
- ↑ ထေရီ-ဋ္ဌ-၁၇။