ရတနာသုံးပါး

ဝီကီပီးဒီးယား မှ
ဤနေရာသို့သွားရန် - အ​ညွှန်း​, ရှာဖွေရန်

ဘာသာတရား
ဗုဒ္ဓဘာသာ

Lotus-buddha.svg
သမိုင်း
ဗုဒ္ဓဝင် - သမိုင်း - သင်္ဂါယနာများ
ဘုရားများ
နှစ်ကျိပ်ရှစ်ဆူ- ကကုသန်ဘုရား- ကောဏဂုံဘုရား- ကဿပဘုရား-ဂေါတမဘုရား
ဆရာ (အစရိယ)
သိဒ္ဓတ္ထဂေါတမ - ဘိက္ခု (ရဟန်း) - ဘိက္ခုနီ (သီလရှင်)
လက္ခဏာရေးသုံးပါး
အနိစ္စ - အနတ္တ - ဒုက္ခ
ရတနာသုံးပါး

ရတနာသုံးပါး-ဗုဒ္ဓ - ဓမ္မ - သံဃာ

အယူဝါဒ
သစ္စာလေးပါး - ခန္ဓာငါးပါး - ငါးပါးသီလ - သီတင်းသီလ
တိပိဋကနှင့်ကျမ်းစာများ
တိပိဋက (ဝိနည်းပိဋကတ် - သုတ်ပိဋကတ် - အဘိဓမ္မာပိဋကတ်)
အဆင့်များ
ပုထုဇဉ်ကိုရင်ရဟန်းသောတာပန်သကဒါဂါမ်အနာဂါမ်ရဟန္တာဧတဒဂ်ဘုရားနိဗ္ဗာန်
ကျင့်စဉ်များ
သမထဝိပဿနာသတိပဋ္ဌာန်ဓုတင်ကမ္မဋ္ဌာန်းဒုက္ကရစရိယာနိကာယ် ငါးရပ်
ဂါထာများ
ကျင့်၀တ်သုတ်တော်ဂုဏ်တော်ဂါထာတော်ဘုရားပင့်သြကာသပုတီးစိပ်နည်း
ဂိုဏ်းများ
ထေရဝါဒ - မဟာယာန-တိဘက်ဗုဒ္ဓဘာသာ
နိုင်ငံနှင့်ဒေသများ
ဓမ္မစကြာ

ရတနာသုံးပါး[ပြင်ဆင်ရန်]

ရတနာသုံးပါး၌ ရတနာဟူသည်ကား သတ္တဝါတို့ကို သာယာစုံမက် နှစ်သက်မြတ်နိုးစေတတ်သော အရာဝတ္ထု ဖြစ်သည်။ ထိုရတနာကား (က)လောကီရတနာ၊ (ခ)လောကုတ္တရာ ရတနာဟူ၍ နှစ်မျိုးဖြစ်သည်။ ထိုနှစ်မျိုးတို့တွင် လောကီ ရတနာများတွင်လည်း စကြာမင်း၏ အသုံးအဆောင်ဖြစ်သော ရတနာကား -

  1. စကြာ
  2. ဆင်
  3. မြင်း
  4. ပတ္တမြား
  5. မိဖုရား
  6. သူဌေး
  7. သားကြီးဟူ၍ ခုနစ်ပါး ဖြစ်သည်။

သတ္တဝါတို့ အသုံးအဆောင်ဖြစ်သောရတနာကား -

  1. ရွှေ
  2. ငွေ
  3. ပုလဲ
  4. ပတ္တမြား
  5. ကြောင်မျက်ရွဲ
  6. စိန်
  7. သန္တာဟူ၍ ခုနစ်ပါး ဖြစ်သည်။


(တစ်နည်း) သတ္တဝါတို့ အသုံးအဆောင်ဖြစ်သော ရတနာကား

  1. နီလာ
  2. စိန်
  3. ကြောင်မျက်ရွဲ
  4. ပတ္တမြား
  5. မြ
  6. ဂေါ်မုတ်
  7. ဥဿဖယား
  8. သန္တာ
  9. ပုလဲ ဟူ၍ ကိုးပါးဖြစ်သည်။ ယင်းကိုးပါးကို နဝရတ် ကိုးပါးဟု ခေါ်သည်။


ဝိနည်း ပိဋကတ်တော်လာ ရဟန်းတို့သိက္ခာပုဒ်နှင့် ဆက်စပ်သော ရတနာကား −

  1. ပုလဲ
  2. မြ
  3. ပတ္တမြားစိမ်း
  4. ကြောင်မျက်ရွဲ
  5. ခရုသင်း
  6. ကျောက်သလင်း
  7. သန္တာ
  8. ရွှေ-ငွေ
  9. ပတ္တမြားနီ
  10. ပတ္တမြားပြောက် ဟူ၍ ဆယ်ပါးဖြစ်သည်။


လောကုတ္တရာ ရတနာကား

  1. ဘုရား
  2. တရား
  3. သံဃာ ဟူ၍ သုံးပါးဖြစ်သည်။ ယင်းသုံးပါးကို သရဏဂုံသုံးပါဟုလည်း ခေါ်သည်။

လောကီလောကုတ္တရာ ရတနာနှစ်မျိုးတို့ကို ရတနာခေါ်ဆိုခြင်း အကြောင်းကား−

  1. အရိုအသေပြုအပ်ခြင်း၊
  2. အဖိုးများစွာ ထိုက်တန်ခြင်း၊
  3. အတုမရှိခြင်း၊
  4. မြင်ရခဲခြင်း၊
  5. မြင့်မြတ်သောသူတို့ အသုံးအဆောင်ဖြစ်ခြင်း၊ ဤအနက်ငါးမျိုးကြောင့် ဖြစ်သည်။

ထိုသို့ အနက်ငါးမျိုးကြောင့် ရတနာဟု ခေါ်ဆိုရသော်လည်း တစ်လောကလုံး၌ ရှိရှိသမျှ လောကီရတနာများကား လောကုတ္တရာ ရတနာများနှင့် အနည်းငယ်မျှ မတူပေ။ သို့အတွက် တစ်လောကလုံး၌ လောကုတ္တရာ ရတနာဖြစ်သော ဘုရား၊ တရား၊ သံဃာတို့သာ အကောင်းဆုံး အမြင့်ဆုံး အမြတ်ဆုံးရတနာများ ဖြစ်လေသည်။

ယင်းလောကုတ္တရာ ရတနာသုံးပါးတို့ အကြောင်းအရာနှင့် စပ်လျဉ်း၍ ဘုရား၊ တရား၊ သံဃာအကြောင်းအရာတို့ကိုလည်း ရှုကြစေလိုသည်။[၁]

ထေရဝါဒဂိုဏ်းသုံးတည့် ရတနာသုံးပါး[ပြင်ဆင်ရန်]

ဗုဒ္ဓံ သရဏံ ဂစ္ဆာမိ
ဓမ္မံ သရဏံ ဂစ္ဆာမိ
သံဃံ သရဏံ ဂစ္ဆာမိ

မဟာယာနဂိုဏ်းသုံးသည့် ရတနာသုံးပါး[ပြင်ဆင်ရန်]

  • 自皈依佛,當願眾生,體解大道,發無上心。
(ဖျင်းယင်း) Zì guī yī fó,dāng yuàn zhòng shēng,tǐ jiě dàdào,fā wú。
I take refuge in the Buddha, wishing for all sentient beings to understand the great Way profoundly and make the greatest resolve.
  • 自皈依法,當願眾生,深入經藏,智慧如海。
(ဖျင်းယင်း) Zì guī yī sēng,dāng yuàn zhòng shēng,tǒng lǐ dàzhòng,yíqiè wú ài。
I take refuge in the Dharma, wishing for all sentient beings to delve deeply into the Sutra Pitaka, causing their wisdom to be as broad as the sea.
  • 自皈依僧,當願眾生,統理大眾,一切無礙。
(ဖျင်းယင်း) Zì guī yī sēng,dāng yuàn zhòng shēng,tǒng lǐ dàzhòng,yíqiè wú ài。
I take refuge in the Sangha, wishing all sentient beings to lead the congregation in harmony, entirely without obstruction.

ရတနာသုံးပါးအကြောင်း အဆိုအမိန့်များ၊ မှတ်သားစရာများ[ပြင်ဆင်ရန်]

သရဏဂုံတည်ခြင်း အကျိုး(၈)မျိုး[ပြင်ဆင်ရန်]

  1. ဖြစ်လေရာဘဝတိုင်း၌ အများအပူဇော်ခံရခြင်း။
  2. ထက်မြက်သော ဉာဏ်ပညာရှိခြင်း။
  3. အများကို မိမိအလိုသို့ လိုက်ပါစေနိုင်ခြင်း။
  4. အများနှင့်မတူသော စည်းစိမ်ချမ်းသာများကို ခံစားရခြင်း။
  5. ဝင်းဝါစိုပြေသော ရုပ်အဆင်းရှိခြင်း။
  6. အများနှစ်သက် ကြည်ညိုမှုကို ခံရခြင်း။
  7. မိတ်ဆွေ၊ အပေါင်းအသင်းများ၏ ချစ်ခင်မှုကို ခံရခြင်း။
  8. ကျော်စောထင်ရှားခြင်း။

[၂]

“ငါဘုရားအပေါ် ယုံကြည်ရုံမျှ၊ ချစ်မြတ်နိုးရုံမျှဖြင့်၊ နတ်ရွာသုဂတိသို့ လားရောက်နိုင်၏။” [၃]

သိဒ္ဓိပြီးလိုလျှင် ဘုရား၊ တရား၊ သံဃာ ရတနာသုံးပါးကိုသာ အားထားကြ၊ မေတ္တာပွားကြ၊ လိုရာသိဒ္ဓိ ပြီးမြောက်မည်။ သိဒ္ဓိဆိုတာ လိုရာပြီးမြောက်တာကို ခေါ်တာ၊ ပြီးပြည့်စုံအောင်ဆိုတာ လုပ်သင့်လုပ်ထိုက်တာတွေကို လုပ်ရတယ်။ ဒါန၊ သီလ၊ ဘာဝနာ မပါဘဲ အလိုလို မပြီးနိုင်ဘူး။

လိုတရပြည့်စုံနည်း - သာမညတောင်ဆရာတော်ကြီး[ပြင်ဆင်ရန်]

ရတနာသုံးပါးကို သွားတဲ့အခါ၊ စားတဲ့အခါ မမေ့နဲ့။ စီးပွားရှာလည်း မမေ့နဲ့။ အကုန်လုံးပြည့်စုံနိုင်တဲ့ ရတနာသုံးပါး။

ဗုဒ္ဓအလိုကျ တန်ဆာဆင်ပါ - သပြေကန်ဆရာတော်ကြီး[ပြင်ဆင်ရန်]

လက်၏တန်ဆာသည် လက်စွပ်၊ လက်ကောက်မဟုတ်၊ ပေးကမ်းစွန့်ကြဲခြင်းသာ။
နား၏တန်ဆာသည် နားကပ်၊ နားဋောင်းမဟုတ်၊ တရားဓမ္မနာကြားခြင်းသာ။
ကိုယ်၏ အဆင်တန်ဆာသည် ဘယက်ဒွါရမဟုတ်၊ မေတ္တာ ကရုဏာဖြင့် သူတပါးအကျိုး ဆောင်ရွက်ခြင်းသာ။

ရတနသုတ်ပရိတ်တော်အလင်္ကာ - စိန်ရတနာဆရာတော်[ပြင်ဆင်ရန်]

  • လူ့ဘုံ၊ နတ်ဘုံ၊ နဂါးဘုံမှာ ရတနာကား အစားစား၊ များပြားလှပါပေ။
တန်ခိုးတေဇာ ဝေဖြာတောက်ကြွား၊ မြတ်ဘုရားနှင့် မခြားတူမျှ ရတနာက လုံးဝမရှိပါပေ။
သစ္စာဤစကား စွမ်းပကားကြောင့် များပြားလှစွာ သတ္တဝါ ချမ်းသာကိုယ်စိတ် ပြည့်ပါစေ။
ဥပဒ်ရန်ဘေး၊ ကင်းစင်ဝေး၊ ငြိမ်းအေးကြပါစေ။


  • လူ့ဘုံ၊ နတ်ဘုံ၊ နဂါးဘုံမှာ ရတနာကား အစားစား၊ များပြားလှပါပေ။
တန်ခိုးတေဇာ ဝေဖြာတောက်ကြွား၊ မြတ်တရားနှင့် မခြားတူမျှရတနာက လုံးဝမရှိပါပေ။
သစ္စာဤစကား စွမ်းပကားကြောင့် များပြားလှစွာ သတ္တဝါ ချမ်းသာကိုယ်စိတ် ပြည့်ပါစေ။
ဥပဒ်ရန်ဘေး၊ ကင်းစင်ဝေး၊ ငြိမ်းအေးကြပါစေ။


  • လူ့ဘုံ၊ နတ်ဘုံ၊ နဂါးဘုံမှာ ရတနာကား အစားစား၊ များပြားလှပါပေ။
တန်ခိုးတေဇာ ဝေဖြာတောက်ကြွား၊ သံဃာများနှင့် မခြားတူမျှရတနာက လုံးဝမရှိပါပေ။
သစ္စာဤစကား စွမ်းပကားကြောင့် များပြားလှစွာ သတ္တဝါ ချမ်းသာကိုယ်စိတ် ပြည့်ပါစေ။
ဥပဒ်ရန်ဘေး၊ ကင်းစင်ဝေး၊ ငြိမ်းအေးကြပါစေ။

ယောဆရာတော်ကြီး[ပြင်ဆင်ရန်]

လောကမှာ မြစ်၊ ချောင်း၊ အင်း၊ အိုင်၊ တွင်း၊ ကန် ထဲမှာရှိတဲ့ ရေချိုရေကောင်း ကိုယ့်အိမ်ရောက်စေချင်တော့ အိုးနဲ့ခပ်ကြတယ်။ ပုံးနဲ့ခပ်ကြတယ်။ ပိုက်လိုင်းတွေနဲ့ သယ်သူကြတယ်။ ယူနိုင်သလောက် ကိုယ့်အိမ်ရောက်တာပဲ။ ဒါမျိုးလိုပေါ့။ စွမ်းအားတော်အနန္တပိုင်ရှင် ဖြစ်တော်မူတဲ့ မြတ်စွာဘုရားထံမှ မိမိရဲ့ခန္ဓာနှလုံးအိမ်အတွင်းသို့ သဒ္ဓါ၊ ပညာ ဆိုတဲ့ ပိုက်လိုင်းတွေ၊ ခွက်တွေ၊ ပုံးတွေနဲ့ ခပ်ယူ၊ သွင်းယူကြရတာ။ ဘုရားထံက ဉာဏ်ဓာတ်တွေ၊ တန်ခိုး ဓာတ်တွေ၊ စွမ်းအားဓာတ်တွေကို ကိုယ့်နှလုံးသား အစဉ်ပြောင်းအောင် သွင်းယူကြရတာ။
သရဏဂုံသုံးပါးကို အမှုမဲ့အမှတ်မဲ့ဆိုတော့ ဘယ်နှစ်ခေါက်ဆိုဆို ထူးတယ်လို့ မထင်ရပါဘူး။ ရိုးနေပြီပဲ။ သဒ္ဓါ၊ ပညာအားလေးကိုသွင်းပြီး အာရုံပြုကြည့်ကြစမ်းပါ။ ဘယ်နှစ်ခေါက်ဆိုဆို ရိုးသွားတယ်၊ ဟောင်းသွားတယ်၊ ၀သွားတယ်၊ အီသွားတယ် မရှိပါဘူး။ သူများရွတ်တာ ဘယ်နှစ်ခေါက်နားထောင်၊ နားထောင် ရိုးသွားတယ်၊ ၀သွားတယ် မရှိပါဘူး။ မရှိရုံတင် မဟုတ်ဘူးလေ။ ပထမအခေါက်ထက် ဒုတိယအခေါက်က တန်ခိုးသတ္တိတိုးလာတယ်။ ဒုတိယအခေါက်ထက် တတိယအခေါက်က စွမ်းအားသတ္တိတွေ တိုးလာတယ်။ ဒါကတည်းက အထဲမှာ အစွမ်းသတ္တိတွေ ခိုအောင်းနေပြီဆိုတာ သေချာသွားပြီ။

ဓမ္မဒူတယဉ်ကျေးလိမ္မာဝတ်ရွတ်စဉ်[ပြင်ဆင်ရန်]

  • သုံးလူ့ထွဋ်ထား မြတ်ဘုရားကို
အားရပါးရ ရှိခိုးမယ်။
လူနတ်ဗြဟ္မာ အကျိုးများဖို့
ငါတို့ဘုရား ပွင့်ပေါ်တယ်။
အားကိုးကြည်ညို မှီခိုတတ်ရင်
အမြတ်ကောင်းကျိုး ဖြိုးဝေတယ်။
ဖူးမြင်ဦးချ ပူဇော်ကြလို့
စိတ်ကဂုဏ်တော် မှန်းဆရွယ်။
ရုပ်ပုံလည်းထင် ဂုဏ်လည်းမြင်
ကြည်လင်စိတ်ဝမ်း ချမ်းမြတယ်။
မှန်းဆရွယ်ဖူးမယ်။
  • ကောင်းကျိုးပေးတတ် တရားမြတ်ကို
မပြတ်နေ့စဉ် ရှိခိုးမယ်။
လူနတ်ဗြဟ္ဗာ ချမ်းသာရေးမို့
ငါတို့ဘုရား ဟောပေးတယ်။
သင်သိ၊ တွေးသိ၊ သေချာသိဖို့
လေ့လာကြည့်ဖို့ ကောင်းလှတယ်။
ကြောင်းကျိုးဆက်စပ် လောကဓါတ်
မပြတ်သံသရာ ခေါ်ပါတယ်။
မကောင်းတာသိ၊ ကောင်းတာရှိ
တရားရှိဖို့ ကျင့်ပါ့မယ်။
ရှိဖွယ်၊ ကျင့်မယ်။
  • ဗုဒ္ဓသားရင်း သံဃာများကို
ကြည်ညိုအားထား ရှိခိုးမယ်
ကောင်းကံမျိုးစေ့ စိုက်ပျိုးကြရင်
အကျိုးဖွံ့ဖြိုး ရစေတယ်။
ဘေးရန်အန္တရာယ် ဉာဏ်မြင်ကြောက်လို့
တောက်လျှောက်မနား ကြိုးစားတယ်။
စိတ်ဓါတ်ကောင်းတွေ အင်အားရှိလို့
အများအသိ ညီညွတ်တယ်။
ကြည်ညိုသက်ဝင် အသိယှဉ်
နေ့စဉ်မပြတ်ဦးချမယ်
ဖူးကြကွယ်၊ ထူးတယ်။

ရွှေပါရမီဆရာတော် အရှင်ဆန္ဒာဓိက[ပြင်ဆင်ရန်]

ဘုရားဂုဏ်တော်ကိုးပါးရဲ့အဓိပ္ပါယ်တွေကိုမြန်မာလို သိထားသင့်ပါတယ်။အလွတ်ရအောင်ကျက်ထားပြီး အနည်းဆုံးတစ်နေ့တစ်ခေါက် ပါဠိလိုရော၊ မြန်မာလိုပါ ပွားများသွားမယ်ဆိုရင် မေ့မှာလည်းမဟုတ်တော့ပါဘူး။ အကျိုးလည်း အင်မတန်ကြီးမားပါတယ်။ မြန်မာလူမျိုးတွေအနေနဲ့ မြန်မာလိုဂုဏ်တော်ပွားတာ အကောင်းဆုံးပါပဲ။ အဓိပ္ပါယ်ရင်ထဲရောက်တဲ့အတွက် ဘုရားကိုလည်း ပိုကြည်ညိုပါတယ်။ ဓာတ်ကောင်း တွေလည်း ပိုကူးစက်ပါတယ်။ တန်ခိုးသတ္တိလည်း ပိုထက်မြက်ပါတယ်။


အကောင်းမှီရင် အမှီကောင်းတယ် ဂုဏ်တော်အမြဲပွားသူရဲ့စိတ်ဟာ ဂုဏ်တော်သတ္တိ၊ ဂုဏ်တော်ဓါတ်တွေ အမြဲအရှိန်ဟပ်နေတဲ့အတွက် ရတနာတုံး၊ ရတနာခဲကြီးနဲ့ တူနေပါတယ်။ “ ရတနာရှိရာ ရတနာလာ ” မြဲထုံးစံအတိုင်း ဂုဏ်တော်အမြဲပွားနေသူရဲ့ထံမှောက်ကို ကောင်းကျိုးမျိုးစုံဆိုက်ရောက်လာမှာ အသေအချာမို့ မြတ်စွာဘုရားရှင်က “ ဂုဏ်တော်ပွားရင် လိုတရနိုင်တယ် ” လို့ စကားကုန် မိန့်ကြားတော်မူခဲ့ပါတယ်။

စရိယာပိဋက[ပြင်ဆင်ရန်]

တေသု စိတ္တပ္ပသာဒေါပိ၊ ဒုက္ခတော ပရိမောစယေ။
ဘဂေဝါ နုကရိယာ တေသံ၊ ဓမ္မတာ အနုဓမ္မတော။
ရတနာသုံးပါးအပေါ်၌ ကြည်ညိုစိတ်ဖြစ်ကာမျှဖြင့် ဒုက္ခအမျိုးမျိုးမှ လွတ်မြောက်နိုင်ပါပေ၏။ သူတော်ကောင်းတို့၏ တရားလမ်းစဉ်အတိုင်း အတုလိုက်၍ ကျင့်နိုင်ပါမူကား ဆိုဖွယ်ရာမရှိတော့ပြီ။

သီလက္ခန္ဓဝဂ် အဋ္ဌကထာ၊၅၆[ပြင်ဆင်ရန်]

မြတ်စွာဘုရားရှင်ရဲ့ဂုဏ်တော်တွေကို ဆင်ခြင်စဉ်းစား ရွတ်ဆိုပွားများသူမှာ နှစ်သက်ဝမ်းမြောက်ခြင်း ပီတိတရားတွေ တဖွားဖွားဖြစ်ပေါ်လာပါတယ်။ အဲဒီဂုဏ်တော်ပီတိဟာ ဇမ္ဗူဒိပ်တစ်ကျွန်းလုံးကိုအစိုးရတဲ့ စကြဝတေးမင်းဖြစ်ရခြင်းထက် အဆပေါင်းများစွာ မနှိုင်းယှဉ်သာအောင် မြင့်မြတ်လှပါတယ်။

ဗုဒ္ဓအပဒါန် ပါဠိတော်[ပြင်ဆင်ရန်]

ဧဝံ အစိန္တိယာ ဗုဒ္ဓါ၊ ဗုဒ္ဓဓမ္မာ အစိန္တိယာ။
အစိန္တိယေ ပသန္နာနံ၊ ဝိပါကော ဟောတိ အစိန္တိယာ။
မြတ်စွာဘုရားရှင်ရဲ့ဂုဏ်တော်တွေဟာ ကြံစည်လို့မကုန်နိုင်။ မကြံစည်နိုင်လောက်အောင် ကြီးကျယ်များပြားလှပါတယ်။ ဘုရားရှင်ဟောကြားတော်မူတဲ့ တရားတော်ရဲ့ဂုဏ်တော်တွေဟာလည်း မကြံစည်နိုင်လောက်အောင်ပါပဲ။ မကြံစည်နိုင်လောက်အောင် ကြီးကျယ်မြင့်မြတ်တဲ့အရာကို ကြည်ညိုဆည်းကပ်မြတ်နိုးသူအတွက် ကောင်းကျိုးချမ်းသာတွေဟာလည်း မကြံစည်နိုင်လောက်အောင်ပါပဲ။


  • ဘုရားရှင်တော် ပွင့်ထွန်းပေါ်၍
ဟောဖော်ညွှန်ကြား မြတ်တရားကြောင့်
လူတော်အများ စိတ်ကောင်းထားကာ
ဤကား ကုသိုလ်၊ အကုသိုလ်နှင့်
ထိုထိုဘုံဘဝ သိကြရ။ များလှကျေးဇူးတွေ။


""လောကကျက်သရေ""

နေမင်းသည် နေ့အခါ၌

ထွန်းလင်းတောက်ပစွာ တင့်တယ်ပါပေ၏။
လမင်းသည် ညခင်း၌
အေးမြရွှန်းလဲ့စွာ တင့်တယ်ပါပေ၏။
ရှင်ဘုရင်သည် မင်းဝတ်တန်ဆာပြည့်စုံစွာဆင်ယင်သောအခါ
ဝံ့ဝံ့ကြွားကြွား တင့်တယ်ပါပေ၏။
ရဟန္တာအရှင်မြတ်သည် ဈာန်သမာပတ်ဝင်စားသောအခါ
ကြီးမြင့်ခံထည် တင့်တယ်ပါပေ၏။
ဗုဒ္ဓဘုရားရှင်သာလျှင်
နေ့ရောညပါ အခါခပ်သိမ်း
ပါရမီတော်တန်ခိုးဖြင့် အံ့ချီးလောက်ဖွယ်
လောကအလယ် တင့်တယ်တော်မူပါပေ၏။

ကိုးကား[ပြင်ဆင်ရန်]

  1. မြန်မာ့စွယ်စုံကျမ်း၊ အတွဲ(၁၁)
  2. အပါဒါန်ပါဠိတော်နှင့် အဋ္ဌကထာ
  3. မူလပဏ္ဏာသ၊ အလဂဒ္ဒူပမသုတ်
  • ဆရာတော်အရှင်ဆန္ဒာဓိက(ရွှေပါရမီတောရ)
  • လိုတရနှလုံးသား၊ အနှိုင်းမဲ့ဘာဝနာ၊ နှလုံးသားမိတ္တူ၊ ဓမ္မာစရိယဦးဌေးလှိုင် - ခရီးဖော်
  • မေတ္တာရှင်ရွှေပြည်သာ - သရဏဂုံအစွမ်းအံ့မခန်း
  • ပရိတ်တော်အလင်္ကာများ - စိန်ရတနာဆရာတော်