အင်းအမျိုးသားအဖွဲ့ချုပ်ပါတီ

အင်းအမျိုးသားအဖွဲ့ချုပ်ပါတီ
အင်္ဂလိပ် အမည်	Inn National League Party
နာယက	ဦးအောင်ကြည်ဝင်း
တည်ထောင်ခြင်း	၁၇ ဒီဇင်ဘာ ၂၀၁၉ (၂၀၁၉-၁၂-၁၇)
ဌာနချုပ်	ညောင်ရွှေမြို့၊ ရှမ်းပြည်နယ်
အမျိုးသားလွှတ်တော် အမတ်နေရာ	၀ / ၂၂၄
ပြည်သူ့လွှတ်တော် အမတ်နေရာ	၀ / ၄၄၀
ပြည်နယ်နှင့် တိုင်းဒေသကြီး လွှတ်တော်များ	၀ / ၈၈၀
မြန်မာနိုင်ငံ၏ နိုင်ငံရေး နိုင်ငံရေးပါတီများ

အင်းအမျိုးသားအဖွဲ့ချုပ်ပါတီ (အင်္ဂလိပ်: Inn National League Party) သည် မြန်မာနိုင်ငံရှိ နိုင်ငံရေးပါတီ တစ်ခုဖြစ်သည်။

အင်းတိုင်းရင်းသားအဖွဲ့ချုပ်ပါတီနှင့် အင်းအမျိုးသား ဖွံ့ဖြိုးတိုးတက်ရေး ပါတီကို တစ်ပါတီတည်းအဖြစ်ပေါင်းစည်းရန်အတွက် အင်းတိုင်းရင်းသားအဖွဲ့ချုပ်ပါတီကို ဖျက်သိမ်းခဲ့ပြီး အင်းအမျိုးသား ဖွံ့ဖြိုးရေးတိုးတက်ရေးပါတီကို ပြန်လည်ဖွဲ့စည်းခဲ့သော်လည်း အလုပ်အမှုဆောင် ရွေးချယ်ရေးတွင် သဘောထားကွဲလွဲခဲ့သည့်အတွက် ဦးအောင်ကြည်ဝင်းက ၂၀၁၉ ခုနှစ် မတ်လတွင် အင်းအမျိုးသား ဖွံ့ဖြိုးရေးတိုးတက်ရေးပါတီမှ ပြန်လည်နုတ်ထွက်ခဲ့ပြီး အင်းအမျိုးသားအဖွဲ့ချုပ်ပါတီကို ထပ်မံထူထောင်ခဲ့သည်။

ပါတီမှတ်ပုံတင်ခြင်း

၂၀၂၃

နိုင်ငံတော်စီမံအုပ်ချုပ်ရေးကောင်စီက အသစ်ဖွဲ့စည်းခဲ့သော ပြည်ထောင်စုရွေးကောက်ပွဲကော်မရှင်က ၂၀၂၃ခုနှစ် ဇန်နဝါရီလ (၃၁)ရက်နေ့တွင် နိုင်ငံရေးပါတီများအနေဖြင့် အသစ်ပြဋ္ဌာန်းလိုက်သည့် ဥပဒေအရ ပြန်လည်မှတ်ပုံတင်ကြရန် ရွေးကောက်ပွဲကော်မရှင်က ကြေညာခဲ့ပြီးနောက် ၂၀၂၃ ခုနှစ် နိုင်ငံရေးပါတီများ မှတ်ပုံတင်ခြင်းနည်းဥပဒေအရ ပြည်ထောင်စုရွေးကောက်ပွဲကော်မရှင်သို့ မှတ်ပုံတင်ခဲ့ရာ ၂၀၂၃ ခုနှစ် မေ ၁၆ ရက်နေ့တွင် မှတ်ပုံတင်အမှတ် (၁၅) ဖြင့် ခွင့်ပြုခဲ့သည်။

ပါတီရုံးချုပ်

ရှမ်းပြည်နယ် (တောင်ပိုင်း)၊ ညောင်ရွှေမြို့၊ ဝင်းရပ် (၃)ကွက်၊ ဖောင်တော်ဆိပ်လမ်း