ဖာလူဒါ
 Falooda with kulfi, rose syrup, and basil seeds (sabja seeds) | |
| အဓိကသုံးဆောင်မှု | Beverage |
|---|---|
| မူရင်းနိုင်ငံ | India |
| သုံးဆောင် အပူချိန် | Cold |
| အဓိက ပါဝင်ပစ္စည်း | Milk, rose syrup, vermicelli, sweet basil |
 Cookbook: Falooda  Media: Falooda | |
ဖာလူဒါ (အာရပ်: فالوده) သည် အိန္ဒိယတိုက်ငယ်ဒေသ၏ အချိုပွဲအေးတမျိုးဖြစ်သည်။ မူလ ပါရှန်းတို့၏ ဖာလူဒါမှာ နှင်းဆီရည်၊ ဖာလူဒါမုန့်ဖတ်၊ ဆေးကုလားမ၊ နို့တို့ဖြင့် လုပ်ပြီး ရေခဲမုန့်ထည့်သည်လည်း များ၏။ ဖာလူဒါမုန့်ဖတ်မှာ ဂျုံ၊ ပြောင်းနှစ်၊ သာကူနှစ်၊ အာတာလွတ်တို့မှ လုပ်သော မုန့်ဖတ်ပျော့တမျိုး ဖြစ်သည်။ အသင့်လုပ်ပြီး ဖာလူဒါမုန့်ဖတ်ကို ဈေးကွက်တွင် ဝယ်နိုင်၏။
နောက်ခံသမိုင်း
[ပြင်ဆင်ရန်]ဖာလူဒါအစ အီရန်ကဟု ဆိုနိုင်သည်။ ဖာလူဒါမုန့်ဖတ်ကို အရည်အဖြစ်စားသော ဖာလူဒါနှင့် အဖတ်အဖြစ်စားသော (မြန်မာတို့က ပူတူးမုန့် ခေါ်သည့်) ဖာလူဒါ နှစ်မျိုးစလုံးမှာ အီရန်၌ လူကြိုက်များသည်။ [၁] ၁၆ ရာစုမှ ၁၈ ရာစုအတွင်း ဗဟိုအာရှမှ ကုန်သည်များ အကူးအသန်းများသည်တွင် အိန္ဒိယသို့ ရောက်၏။ လက်ရှိစားသော ဖာလူဒါမှာ မောင်းဂွတ်အင်ပါယာခေတ်တွင် တည်ထွင်ခဲ့ခြင်းဖြစ်ပြီး ၎င်းအာဏာသက်ရောက်သည့် နယ်မြေများကိုလည်း ဤနည်းအတိုင်း ပျံ့နှံ့သွားသည်။ မောင်းဂွတ်အနွယ် ပါးရှန်းမင်းတို့သည်လည်း ဤနည်းကိုပင် လိုတိုးပိုလျော့လုပ်ကာ ဆက်သုံး၏။ [၂] ယနေ့ခေတ်တွင် ပါကစ္စတန်နှင့် ဘင်္ဂလားဒေ့တို့တွင် အထူးလူကြိုက်များပြီး အိမ်တို့၌ ရုံးပိတ်ရက်များတွင်၎င်း၊ မင်္ဂလာဆောင်များတွင်၎င်း၊ သာရေးကိစ္စများတွင်၎င်း တည်ခင်းတတ်သည်။ သီရိလင်္ကာတွင်လည်း လူကြိုက်များသော သရေစာဖြစ်၏။
နည်းကွဲများ
[ပြင်ဆင်ရန်]မြန်မာ
[ပြင်ဆင်ရန်]
မြန်မာနည်းတွင် ပူတင်း၊ ကျောက်ကျောတို့ ထည့်ကာ ဆေးကုလားမကို ဖြုတ်သည်။ အချို့ဒေသတို့တွင် ဖာလူဒါဖတ်အစား ပင်ပွားကို သုံး၏။ အခေါ်အဝေါ်မှာလည်း အချို့ဒေသများတွင် ဖွါလူဒါ ဟု ခေါ်၏။
ကိုးကား
[ပြင်ဆင်ရန်]- ↑ Sinaiee, Maryam (10 May 2015). "Faloodeh: Persian Rosewater and Lemon Sorbet Archived 12 May 2018 at the Wayback Machine.". The Persian Fusion.
- ↑ "The Royal Falooda". Eating India. Archived from the original on 28 May 2017.