သင်္ဘောသီးသုပ်
သင်္ဘောသီးသုပ်ဆိုသည်မှာ မြန်မာ့စားသောက်ဖွယ်တစ်ခုဖြစ်သည်။ သင်္ဘောသီးကို အမျှင်ကလေးများဖြစ်အောင် ခြစ်ဖြင့်ခြစ်ပြီးနောက် ဆီကျက်၊ ကြက်သွန်ကြော်၊ ပဲမှုန့်၊ ငရုတ်သီးကြော်၊ မန်ကျည်းမှည့်ရည်တို့ဖြင့် သုပ်စားခြင်းဖြစ်သည်။ ယင်းကို မြို့သုပ် ဟုခေါ်သည်။
နောက်တစ်နည်းမှာ တောသုပ်ဟုခေါ်ပြီး သင်္ဘောသီးခြစ်ပြီးသားကို ဆီကျက်မပါဘဲ ငရုတ်သီးစိမ်းနိုင်နိုင်၊ မန်ကျည်းမှည့်ရည်၊ ငပိဖုတ်တို့ဖြင့်သုပ်သည်။ ယိုးဒယားသင်္ဘောသီးထောင်းတွင် သကြားပါဝင်သည်။