မိုင်းလွန်းနယ်
မိုင်းလွန်းနယ် (အင်္ဂလိပ်: Mang Lon) သည် ရှမ်းပြည်နယ် မြောက်ပိုင်း အရှေ့ဘက်တွင် တည်ရှိသော ထင်ရှားသည့် ရှမ်းပဒေသရာဇ်နယ်တစ်ခု ဖြစ်သည်။ သံလွင်မြစ်သည် ဤနယ်ကို ဖြတ်သန်းစီးဆင်းသွားသဖြင့် မိုင်းလွန်းနယ်ကို အရှေ့မိုင်းလွန်းနှင့် အနောက်မိုင်းလွန်းဟူ၍ နှစ်ပိုင်းကွဲလျက်ရှိသည်။ အရှေ့မိုင်းလွန်းနယ်သည် စော်ဘွားဟော်စိုက်ရာ အဓိကနယ်မ ဖြစ်ပြီး ရှေးမြို့တော်မှာ ပန်ယန်းမြို့ ဖြစ်သည်။[၁]
| မိုင်းလွန်းနယ် Mang Lon | |
|---|---|
| ရှမ်းပဒေသရာဇ်နယ် | |
မိုင်းလွန်းနယ် | |
| နိုင်ငံ | |
| ပြည်နယ် | ရှမ်းပြည်နယ် |
| တိုင်း | ရှမ်းပြည်မြောက်ပိုင်းတိုင်း |
| မြို့တော် | ပန်ယန်းမြို့ (ရှေးဟောင်းမြို့တော်) |
| အစိုးရ | |
| • အုပ်ချုပ်သူ | စော်ဘွား |
| လူဦးရေ (၁၉၅၆) | |
| • စုစုပေါင်း | ၃၈,၃၀၁ (၁၉၅၆ ခုနှစ် ခန့်မှန်းခြေ) |
ပထဝီဝင်အနေအထား
[ပြင်ဆင်ရန်]မိုင်းလွန်းနယ်သည် သံလွင်မြစ်ကမ်းနှစ်ဖက်စလုံးတွင် မိုင် ၁၀၀ မျှ ရှည်လျားကျယ်ပြန့်စွာ တည်ရှိသည်။ အကျယ်အဝန်း ၂,၈၄၂ စတုရန်းမိုင်ရှိပြီး တောင်ကုန်းထူထပ်သည်။ သံလွင်မြစ်၏ လက်တက်ကြီးတစ်ခုဖြစ်သော နမ့်ခမြစ်သည် အရှေ့ဘက်နှင့် အနောက်ဘက် နယ်နိမိတ်အဖြစ် စီးဆင်းသည်။အနောက်မိုင်းလွန်းနယ်သည် အကျယ်အဝန်း ၈၇၈ စတုရန်းမိုင်ရှိပြီး ကျဉ်းမြောင်းသော ကုန်းမြင့်ဒေသနှင့် တောင်ကြားများ ပေါများသည်။
နယ်နိမိတ်အားဖြင့် မြောက်ဘက်တွင် တောင်သိန္နီနယ်နှင့် ဝနယ်များ၊ အရှေ့ဘက်တွင် လွယ်လုံ၊ ဝနယ်နှင့် တရုတ်နိုင်ငံ၊ တောင်ဘက်တွင် ကျိုင်းတုံနယ်၊ အနောက်ဘက်တွင် မိုင်းရှုနယ်၊ မိုင်းနောင်၊ ကျေးသီးမံစံနယ်တို့ဖြင့် ဝန်းရံလျက်ရှိသည်။
လူမျိုးနှင့် စီးပွားရေး
[ပြင်ဆင်ရန်]မိုင်းလွန်းနယ်တွင် ရှမ်းလူမျိုး၊ ဝလူမျိုး၊ လီဆူလူမျိုး၊လားဟူလူမျိုး နှင့် တရုတ်လူမျိုးတို့ နေထိုင်ကြသည်။ အရှေ့မိုင်းလွန်းနယ်၏ တောင်ပေါ်ဒေသတွင် ဝလူမျိုးများ အခြေချကြပြီး မြစ်ဝှမ်းချိုင့်ဝှမ်းများတွင် ရှမ်းလူမျိုးများ နေထိုင်ကြသည်။ အနောက်မိုင်းလွန်းနယ်တွင်မူ ရှမ်းလူမျိုးများ အဓိကနေထိုင်ကြသည်။ ဒေသခံတို့သည် တောင်ယာစိုက်ပျိုးရေးလုပ်ငန်းကို အဓိက လုပ်ကိုင်ကြသည်။
အုပ်ချုပ်ရေးသမိုင်း
[ပြင်ဆင်ရန်]မိုင်းလွန်းနယ်ကို ရှေးအစဉ်အဆက်က စော်ဘွားများ အုပ်ချုပ်ခဲ့ကြသည်။ ၁၉၅၉ ခုနှစ်တွင် စော်ဘွားများ အာဏာစွန့်လွှတ်ခဲ့ပြီးနောက် ရှမ်းပြည်နယ်အုပ်ချုပ်ရေးစနစ်ကို ပြန်လည်စိစစ်ရာတွင် မိုင်းလွန်းနယ်သည် ရှမ်းပြည်မြောက်ပိုင်းတိုင်း၊ ရှမ်းပြည်အရှေ့မြောက်ဘက် အထူးခရိုင်တွင် ပါဝင်သည့် နယ်တစ်နယ် ဖြစ်လာခဲ့သည်။
ကိုးကားချက်များ
[ပြင်ဆင်ရန်]- ↑ မြန်မာ့စွယ်စုံကျမ်း၊ အတွဲ (၉)။