ပေါက်စီ
ပေါက်စီ (包子) သည် ဂျုံဖြင့် ပြုလုပ်သည့် တရုတ်ရိုးရာ အစားအစာ တစ်မျိုးဖြစ်သည်။ အစာသွပ်ထားသည်ကို ပေါက်စီဟု ခေါ်ပြီး အစာမပါသော ဂျုံသက်သက်ကိုမူ မန်ထို (饅頭) ဟုခေါ်သည်။ သွပ်ထားသည့် အစာကိုလိုက်၍ အချို၊ အငန်နှင့် သားသတ်လွတ် ပေါက်စီ အမျိုးမျိုးရှိသည်။ ခုနှစ်လွာ ပေါက်စီ မှာ ယူနန်ပြည်နယ်တွင်သာ တွေ့ရသည့် တမူထူးခြားသည့် ပေါက်စီတစ်မျိုးဖြစ်သည်။ မြန်မာနိုင်ငံတွင် တွေ့ရသော ပေါက်စီများမှာ မူရင်းတရုတ်နိုင်ငံမှ ပေါက်စီထုတ်သည့် နည်းပညာကို ဒေသတွင်းလက်ရာပေါင်းစပ်ထည့်သွင်းပြီး မြန်မာကြိုက်ဖန်တီးထားခြင်း ဖြစ်သည်။ အစာသွတ်ထည့်ရာတွင် ပဲ၊ ကြက်သား၊ ဝက်သား၊ ငုံးဥနှင့် ငါးဖယ်စသည့်ကို ထည့်လေ့ရှိကြသည်။ အရွယ်အစားမှာ ဒေသအလိုက် ကွဲပြားမှုရှိသည်။